លោក Bancel បាននិយាយនៅក្នុងបទសម្ភាសន៍ជាមួយកាសែត Financial Times ដែលបានចេញផ្សាយនៅថ្ងៃអង្គារនេះថា “ខ្ញុំគិតថា វ៉ាក់សាំងនឹងធ្លាក់ចុះប្រសិទ្ធភាពរបស់វា ។ ខ្ញុំមិនដឹងថាប៉ុន្មានភាគរយនោះទេ ព្រោះយើងត្រូវរង់ចាំទិន្នន័យសិន ។ ប៉ុន្តែអ្នកវិទ្យាសាស្ត្រទាំងអស់ដែលខ្ញុំបាននិយាយជាមួយគឺគិតដូច្នេះ” ។

យោងតាមប្រធានក្រុមហ៊ុន Moderna រូបនេះបានឲ្យដឹងថា ចំនួនដ៏ច្រើននៃការវិវត្តប្រូតេអ៊ីនរបស់វីរុស រួមជាមួយនឹងការរីករាលដាលយ៉ាងឆាប់រហ័សនៃវីរុសបំប្លែងខ្លួននៅអាហ្រ្វិកខាងត្បូង អាចធានាការកែប្រែសម្រាប់យុទ្ធនាការចាក់វ៉ាក់សាំងបច្ចុប្បន្ននៅឆ្នាំក្រោយ ។

លោក Bancel បានបន្ថែមថា អ្នកជំនាញភាគច្រើនមិនរំពឹងថានឹងមានការប្រែប្រួលខ្លាំងបែបនេះសម្រាប់រយៈពេល ១ ឆ្នាំ ឬ ២ ឆ្នាំនោះទេ ហើយអ្នកវិទ្យាសាស្ត្រមានការព្រួយបារម្ភអំពីការវិវត្តរហូតដល់ ៣២ ដងរបស់វីរុស Omicron ។

គួរបញ្ជាក់ថា កាលពីសប្តាហ៍មុន អង្គការសុខភាពពិភពលោក (WHO) បានកំណត់អត្តសញ្ញាណវីរុសបំប្លែងខ្លួនថ្មី Omicron ថាជា ការព្រួយបារម្ភមួយ ដោយសារចំនួននៃការបំប្លែងដ៏ខ្ពស់របស់វាអាចធ្វើឲ្យវីរុសនេះចម្លងកាន់តែរហ័ស និងកាន់តែគ្រោះថ្នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ដឹងអត់ វីរុសកូវីដបំប្លែងខ្លួនថ្មី Omicron ស្ថិតនៅលេខរៀងទីប៉ុន្មាន ក្នុងតួអក្សរក្រិក?

The post វីរុសបំប្លែងខ្លួន Omicron កំពុងធ្វើឲ្យប្រសិទ្ធភាពវ៉ាក់សាំងកូវីដធ្លាក់ចុះ appeared first on Kampuchea Thmey Daily.

​លោកបានប្រាប់កាសែតស្វីស Neue Zuercher Zeitung ក្នុងបទសម្ភាសន៍មួយថា “ប្រសិនបើអ្នកក្រឡេកមើលការពង្រីកសមត្ថភាពផលិតកម្មនៅទូទាំងឧស្សាហកម្ម ក្នុងរយៈពេលប្រាំមួយខែកន្លងមកនេះ វ៉ាក់សាំងគួរតែមានគ្រប់គ្រាន់នៅត្រឹមពាក់កណ្តាលឆ្នាំក្រោយ ដូច្នេះអ្នករាល់គ្នានៅលើផែនដី អាចចាក់វ៉ាក់សាំងបាន។ ហើយដូសជំរុញ អាចចាក់ទៅបានតាមវិសាលភាព ដែលតម្រូវ”។

លោកនិយាយថា ក្នុងពេលឆាប់ៗនេះ ថ្នាំបង្ការកូវីដក៏នឹងមានសម្រាប់ទារកផងដែរ។

អ្នកដែលមិនទទួលបានថ្នាំបង្ការ នឹងមានប្រព័ន្ធភាពស៊ាំដោយខ្លួនឯងតាមបែបធម្មជាតិ ដោយសារតែវីរុសកូវីដបំប្លែងខ្លួន Delta មានភាពឆ្លងខ្លាំង។ តាមវិធីនេះ យើងនឹងបញ្ចប់កូវីដក្នុងស្ថានភាពស្រដៀងទៅនឹងជំងឺគ្រុនផ្តាសាយ។

នៅពេលសួរថា តើនោះមានន័យថាជាការវិលត្រឡប់មករកភាពប្រក្រតីវិញនៅត្រឹមឆមាសទីពីរនៃឆ្នាំក្រោយមែនឬក៏យ៉ាងណា លោកបានឆ្លើយតបថា “គិតត្រឹមថ្ងៃនេះ ខ្ញុំគិតថា ក្នុងមួយឆ្នាំទៀត”។

លោក Bancel ក៏រំពឹងផងដែរថា រដ្ឋាភិបាលនានានឹងអនុម័តលើការចាក់វ៉ាក់សាំងដូសជំរុញ ដល់អ្នកដែលបានចាក់វ៉ាក់សាំងរួច៕

ប្រែសម្រួល៖ Vann Vann

ប្រភព៖ Reuters

ចុចអាន៖ វ៉ាក់សាំង២ប្រភេទ អាចការពារប្រឆាំងជំងឺកូវីដ-១៩ បានពេញមួយជីវិត

The post CEO ក្រុមហ៊ុនវ៉ាក់សាំងល្បីឈ្មោះអាមេរិក ថា កូវីដនឹងបញ្ចប់នៅឆ្នាំក្រោយ appeared first on Kampuchea Thmey Daily.

ដោយសារគ្មានប្រភពបង្ហើបពីតួលេខនៃប្រាក់ខែគោលឱ្យបានជាក់លាក់ ដូចនេះប្រាក់ចំណូលដែលនឹងលើកមកនិយាយនេះ ជាប្រាក់ចំណូលដែលហៅថា “ប្រាក់សំណង” ។ ប្រាក់នេះរួមបញ្ចូលទាំងប្រាក់ខែគោល ប្រាក់លើកទឹកចិត្ត ធានារ៉ាប់រង និងអត្ថប្រយោជន៍ផ្សេងទៀតដែលក្រុមហ៊ុននីមួយៗបានកំណត់។

មួយវិញទៀត ដោយមូលហេតុឆ្នាំថ្មី ២០២១ នៅមិនទាន់មានរបាយការណ៍ណាចេញផ្សាយពីប្រាក់សំណងរបស់នាយកប្រតិបត្តិក្រុមហ៊ុនផលិតវ៉ាក់សាំងទាំង ៥ ដែលនឹងទទួលបាននៅឡើយ ដូច្នេះក្នុងអត្ថបទនេះ យើងនឹងមកដឹងអំពីចំណូលប្រចាំឆ្នាំ ២០២០ របស់ពួកគេ។

១. លោក Albert Bourla នាយកប្រតិបត្តិក្រុមហ៊ុន Pfizer

លោក Albert Bourla ប្រធាននាយកប្រតិបត្តិរបស់ក្រុមហ៊ុន Pfizer ទទួលបានប្រាក់សំណងចំនួន ២១ លានដុល្លារក្នុងឆ្នាំ ២០២០ ក្រោយក្រុមហ៊ុនរបស់លោកសហការជាមួយក្រុមហ៊ុន BioNTech របស់ប្រទេសអាល្លឺម៉ង់។

យោងតាមការវិភាគរបស់ Bloomberg អំពីកញ្ចប់សំណងរបស់ Bourla សម្រាប់ឆ្នាំ ២០២០ គឺមានការកើនឡើង ១៧% លើសកញ្ចប់ឆ្នាំចាស់  ដែលឆ្នាំ ២០១៩ លោកមានប្រាក់ចំណូល ១៧.៩ លានដុល្លារអាមេរិក។

២. លោក Ugur Sahin នាយកប្រតិបត្តិក្រុមហ៊ុន BioNTech

លោក Sahin នាយកប្រតិបត្តិក្រុមហ៊ុន BioNTech ទទួលបានប្រាក់ចំនួន ៧,០៦៤,០០០ ដុល្លារអាមេរិកក្នុងឆ្នាំ ២០១៩ ដែលនេះជាថវិកាសំណងសរុប។ យោងតាមវិទ្យាស្ថានស្រាវជ្រាវសេដ្ឋកិច្ចបានផ្សាយថា បុរសរូបនេះ មានប្រាក់ខែ ៣១១,០០០ ដុល្លារប៉ុណ្ណោះ។

ដោយឡែក ទីភ្នាក់ងារព័ត៌មាន Bloomberg បានរាយការណ៍ថា លោក Sahin គឺជាម្ចាស់ភាគហ៊ុនតែមួយគត់របស់ក្រុមហ៊ុនអាល្លឺម៉ង់ដែលគ្រប់គ្រងភាគហ៊ុនច្រើនជាងគេចំនួន ១៨ ភាគរយ។ ។ បន្ទាប់ពីទទួលបានកិច្ចព្រមព្រៀងអភិវឌ្ឍន៍ជាមួយក្រុមហ៊ុន Pfizer និងកិច្ចព្រមព្រៀងចែកចាយវ៉ាក់សាំង ទ្រព្យសម្បត្តិសុទ្ធរបស់លោក Sahin បានកើនឡើងដល់ ៥.១ ប៊ីលានដុល្លារ ដែលធ្វើឱ្យលោកក្លាយជាអ្នកមានបំផុតទី ៤៩៣ នៅលើលោក។

៣. លោក Stéphane Bancel នាយកប្រតិបត្តិក្រុមហ៊ុន Moderna

យោងតាមប្រភពពី SEC បានឱ្យដឹងថា នាយកប្រតិបត្តិ Moderna លោក Stéphane Bancel បានចំណូលចំនួន ១២.៨៥ លានដុល្លារអាមេរិកក្នុងឆ្នាំ ២០២០។ ក្នុងនោះប្រាក់ខែគោលរបស់លោក Bancel គឺ ៩៥០,០០០ ដុល្លារអាមេរិក។

៤. លោក Alex Gorsky នាយកប្រតិបត្តិក្រុមហ៊ុន Johnson & Johnson

លោក Alex Gorsky ប្រធាននិងជានាយកប្រតិបត្តិក្រុមហ៊ុនជីវវិទ្យាសាស្ត្រ Johnson & Johnson បានទទួលសំណងជាផ្ទះដែលគិតជាលុយមានចំនួន ២៥,៣៦៥,៨០០ ដុល្លារអាមេរិក។ ចំណែកប្រាក់សំណងប្រចាំខែរបស់លោកបានកើនឡើង ៤.២ លានដុល្លារ នៅឆ្នាំ ២០២០ ។

៥. លោក Pascal Soriot នាយកប្រតិបត្តិក្រុនហ៊ុន AstraZeneca

នៅឆ្នាំ ២០២០ លោក Pascal Soriot បានយកសំណងផ្ទះចំនួន ២១.៤ លានដុល្លារជាថ្លៃសំណងប្រចាំឆ្នាំ។ ដោយឡែក ប្រាក់ខែគោលរបស់លោកគឺ ១.៧៩ លានដុល្លារ។ ក្រៅពីនេះ លោកបានទទួលប្រាក់រង្វាន់ប្រចាំឆ្នាំចំនួន ៣.១៩ លានដុល្លារអាមេរិក ក៏ដូចជាប្រាក់លើកទឹកចិត្តរយៈពេលវែងចំនួន ១៥.៤ លានដុល្លារអាមេរិកពីក្រុមហ៊ុន៕

ប្រែសម្រួល៖ សន្យា

ប្រភព៖ BioSpace

ចុចអាន៖ ចំណូល CEO ក្រុមហ៊ុនវ៉ាក់សាំង Sinovac មួយខែរកបានមិនក្រោម១០ម៉ឺនដុល្លារ

ចុចអាន៖ មកដឹងបទពិសោធន៍ការងារនិងប្រាក់ចំណូលរបស់មេធំក្រុមហ៊ុនផលិតវ៉ាក់សាំង Sinopharm

The post ទម្លាយប្រាក់ចំណូលកប់ក្ដោងរបស់មេធំក្រុមហ៊ុនផលិតវ៉ាក់សាំងធំៗទាំង ៥ appeared first on Kampuchea Thmey Daily.

មន្ត្រីសេវាសុខភាពជាតិ (NHS) បានចាប់ផ្តើមប្រើប្រាស់វ៉ាក់សាំង Moderna នៅប្រទេសវែលស៍កាលពីសប្តាហ៍មុន ហើយបាននិយាយថាវានឹងត្រូវបានដាក់ពង្រាយនៅទូទាំងចក្រភពអង់គ្លេសនៅប៉ុន្មានថ្ងៃខាងមុខនេះ ។

ទន្ទឹមនោះសេវាសុខភាពជាតិបាននិយាយនៅក្នុងសេចក្តីថ្លែងការណ៍មួយថា “ទីតាំងជាង ២០ កន្លែងរួមមានទាំងកីឡដ្ឋាន Madejski ក្នុងទីក្រុង Reading និងកីឡដ្ឋាន Sheffield Arena នឹងចាប់ផ្តើមប្រើប្រាស់វ៉ាក់សាំងថ្មីបំផុតនេះ នៅពេល NHS បន្តពង្រីកយុទ្ធនាការចាក់វ៉ាក់សាំង” ។

គួររំឭកថា វ៉ាក់សាំងពីរផ្សេងទៀតដែលអង់គ្លេសកំពុងបើកយុទ្ធនាការចាក់រួមមានវ៉ាក់សាំងរបស់ក្រុមហ៊ុន Pfizer-BioNTech ត្រូវបានអនុម័តប្រើប្រាស់កាលពីដើមខែធ្នូ និងវ៉ាក់សាំងមួយទៀតរបស់ក្រុមហ៊ុន AstraZeneca ដែលផលិតក្នុងប្រទេសរបស់ខ្លួនរួមជាមួយសាកលវិទ្យាល័យ Oxford ត្រូវបានអនុម័តប្រើប្រាស់កាលពីចុងខែធ្នូ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ ក្ដីសង្ឃឹមសម្រាប់ប្រជាជនអាមេរិក! វ៉ាក់សាំង Moderna ផ្តល់ការការពារឆ្លងកូវីដរយៈពេលកន្លះឆ្នាំ

ចុចអាន ៖ ដំណឹងល្អ! វ៉ាក់សាំង Pfizer និង Moderna កាត់បន្ថយហានិភ័យឆ្លងកូវីដដល់ទៅ ៩០ ភាគរយ ក្រោយចាក់ពេញ ២ ដូស

The post Breaking News! អង់គ្លេសចាប់ផ្តើមប្រើប្រាស់វ៉ាក់សាំងទីបី Moderna appeared first on Kampuchea Thmey Daily.

បើយោងតាមក្រុមដឹកនាំដោយលោកស្រី Nicole Doria-Rose នៃវិទ្យាស្ថានជាតិអាឡ័កស៊ី និងជំងឺឆ្លងសហរដ្ឋអាមេរិក (NIAID) បានឲ្យដឹងថា “ការស្រាវជ្រាវថ្មីនេះបានតាមដានអ្នកចូលរួមចំនួន ៣៣ នាក់ដែលមានអាយុចាប់ពី ១៨ ឆ្នាំដល់ចាស់ជាង ៧១ ឆ្នាំនៅក្នុងការសាកល្បងមុននាំឲ្យមានការអនុម័តវ៉ាក់សាំងនេះ” ។

លោកស្រី Nicole Doria-Rose បាននិយាយថា “បន្ទាប់ពីចាក់វ៉ាក់សាំងដូសទី ២ សកម្មភាពអង់ទីគ័រនឹងដុះឡើងចំពោះមនុស្សគ្រប់វ័យ ហើយការពារឆ្លងជំងឺកូវីដ ១៩ បានរយៈពេល ៦ ខែ” ។

ចំណែកក្រុមដឹកនាំដោយ NIAID បាននិយាយថា អ្នកចូលរួមទាំងអស់មានសកម្មភាពដុះអង់ទីគ័រការពារកូវីដរយៈពេល ៦ ខែ ហើយវាត្រូវបានរកឃើញលើការធ្វើតេស្តឈាម ៣ ប្រភេទផ្សេងគ្នា ។

ទន្ទឹមនោះលោកវេជ្ជបណ្ឌិត Amesh Adalja ជាអ្នកជំនាញខាងផ្នែកមេរោគភាគល្អិត និងអ្នកសិក្សាជាន់ខ្ពស់នៅមជ្ឈមណ្ឌលសាកលវិទ្យាល័យ Johns Hopkins សម្រាប់សន្តិសុខសុខភាពនៅទីក្រុង Baltimore បាននិយាយថា ប្រព័ន្ធភាពស៊ាំអាចមានរយៈពេលយូរជាង ៦ ខែទៅទៀត បើយោងទៅរបាយការណ៍របស់អ្នកស្រាវជ្រាវនាពេលនេះ ។

គួរបញ្ជាក់ថា លទ្ធផលស្រាវជ្រាវនេះគឺស្រដៀងគ្នាទៅនឹងវ៉ាក់សាំងចាក់ ២ ដូសដ៏សំខាន់ផ្សេងទៀតដែលកំពុងប្រើប្រាស់នៅសហរដ្ឋអាមេរិករួមមានវ៉ាក់សាំង Pfizer-BioNTech ជាដើម ខណៈក្រុមហ៊ុនវ៉ាក់សាំងមួយនេះបានប្រកាសប្រសិទ្ធភាពជាង ៩១ ភាគរយកាលពីដើមខែនេះ និងការពារឆ្លងជំងឺកូវីដ ១៩ បានរយៈពេល ៦ ខែ បន្ទាប់ពីប្រជាជនបានទទួលការចាក់ពេញ ២ ដូស ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ ដំណឹងល្អ! វ៉ាក់សាំង Pfizer និង Moderna កាត់បន្ថយហានិភ័យឆ្លងកូវីដដល់ទៅ ៩០ ភាគរយ ក្រោយចាក់ពេញ ២ ដូស

ចុចអាន ៖ ក្រុមហ៊ុន Moderna ចាប់ផ្តើមធ្វើតេស្តវ៉ាក់សាំងកូវីដលើទារក និងកុមារ

The post ក្ដីសង្ឃឹមសម្រាប់ប្រជាជនអាមេរិក! វ៉ាក់សាំង Moderna ផ្តល់ការការពារឆ្លងកូវីដរយៈពេលកន្លះឆ្នាំ appeared first on Kampuchea Thmey Daily.

យោងតាមទិន្នន័យបានបង្ហាញថា ក្នុងចំណោមបុគ្គលិកថែទាំសុខភាព ក្រុមហានិភ័យជួរមុខ និងបុគ្គលិកសំខាន់ដទៃទៀតដែលបានទទួលការចាក់វ៉ាក់សាំងទាំងពីរនេះដែលត្រូវបានបង្កើតឡើងដោយប្រើបច្ចេកវិទ្យាស្រដៀងគ្នានេះ ហានិភ័យនៃការឆ្លងជំងឺកូវីដ ១៩ ត្រូវបានកាត់បន្ថយ ៩០ ភាគរយ ក្រោយចាក់វ៉ាក់សាំងពេញលេញចំនួន ២ ដូស បានរយៈពេល ២ សប្ដាហ៍ ឬច្រើនសប្ដាហ៍ជាងនេះ ។

លោកស្រីវេជ្ជបណ្ឌិត Rochelle P. Walensky នាយក CDC បាននិយាយក្នុងសន្និសីទសារព័ត៌មានមួយថា “វ៉ាក់សាំងទាំងពីរនេះបានផ្តល់ការការពារយ៉ាងពិតប្រាកដប្រឆាំងនឹងការឆ្លងជំងឺកូវីដ ១៩ ដល់បុគ្គលិកសុខាភិបាល ក្រុមហានិភ័យជួរមុខ និងបុគ្គលិកសំខាន់ដទៃទៀតរបស់យើង” ។

ការវិភាគនេះបានវាយតម្លៃពីប្រសិទ្ធភាពនៃវ៉ាក់សាំង Pfizer-BioNTech និង Moderna ក្នុងការការពារការឆ្លងក្នុងចំណោមបុគ្គលិកព្យាបាល ប៉ូលិស បុគ្គលិកអគ្គិភ័យ និងបុគ្គលិកសេវាកម្មប្រៃសណីយ៍អន្តរជាតិ (EMS) ចំនួន ៣,៩៥០ នាក់ និងបុគ្គលិកជួរមុខផ្សេងទៀតនៅក្នុងរដ្ឋចំនួន ៦ ក្នុងរយៈពេល ១៣ សប្តាហ៍ចាប់ពីថ្ងៃទី ១៤ ខែធ្នូ ឆ្នាំ ២០២០ ដល់ថ្ងៃទី១៣ ខែមីនា ឆ្នាំ ២០២១ ។

បើយោងតាម ​​CDC បានឲ្យដឹងថា ក្នុងចំនោមអ្នកចូលរួមការសិក្សាមាន ៦៣ ភាគរយបានទទួលការចាក់វ៉ាក់សាំងពីរដូសនៃវ៉ាក់សាំងទាំងពីរ ខណៈ ១២ ភាគរយផ្សេងទៀតទទួលបានតែមួយដូសប៉ុណ្ណោះ ។

CDC បាននិយាយថា ដោយសារវាត្រូវចំណាយពេលប្រហែល ២ សប្តាហ៍ បន្ទាប់ពីការចាក់វ៉ាក់សាំងនីមួយៗសម្រាប់រាងកាយដើម្បីផលិតអង្គបដិបក្ខ ឬអង់ទីគ័រដែលការពារប្រឆាំងនឹងការឆ្លង មនុស្សត្រូវបន្តអនុវត្តវិធានការការពារខ្លួនរយៈពេល ២ សប្ដាហ៍ បន្ទាប់ពីចាក់ដូសដំបូង និងពេញ ២ សប្ដាហ៍ទៀតក្រោយចាក់ដូសទី ២ ។

ទន្ទឹមនោះលទ្ធផលបង្ហាញទៀតថា អ្នកចូលរួមចាក់វ៉ាក់សាំងពេញ ២ ដូសចំនួន ៣ នាក់ក្នុងចំណោមអ្នកចូលរួមចំនួន ២,៤៧៩ នាក់ និងអ្នកចូលរួមចាក់វ៉ាក់សាំងដូសដំបូងចំនួន ៨ នាក់ក្នុងចំណោម ៤៧៧ នាក់បានធ្វើតេស្តវិជ្ជមានជំងឺកូវីដ ១៩ បន្ទាប់ពីការចាក់ថ្នាំបង្ការរោគ ហើយវាជាចំនួនឆ្លងតិចបំផុត ខណៈអ្នកចូលរួម ១៦១ នាក់ក្នុងចំណោម ៩៨៩ នាក់ដែលមិនបានទទួលការចាក់វ៉ាក់សាំងបានឆ្លងមេរោគ ។

បន្ថែមពីនេះការស្រាវជ្រាវបានបង្ហាញថា វ៉ាក់សាំងទាំងពីរនេះកាត់បន្ថយហានិភ័យនៃការឆ្លងទាំងករណីមិនចេញរោគសញ្ញាផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ អាមេរិក រកឃើញអ្នកឆ្លងកូវីដបំប្លែងខ្លួនថ្មីជាង ១ ម៉ឺនករណី និងព្រមានពីជំងឺថ្មីផ្សេងទៀត

ចុចអាន ៖ តីសង្ឃឹមដ៏ធំរបស់ពិភពលោក! អាមេរិកកំពុងធ្វើតេស្តថ្នាំលេប ដែលអាចព្យាបាលទាំងជំងឺកូវីដ-១៩ធម្មតា និងបំប្លែងខ្លួន

The post ដំណឹងល្អ! វ៉ាក់សាំង Pfizer និង Moderna កាត់បន្ថយហានិភ័យឆ្លងកូវីដដល់ទៅ ៩០ ភាគរយ ក្រោយចាក់ពេញ ២ ដូស appeared first on Kampuchea Thmey Daily.

Moderna គឺជាក្រុមហ៊ុនផលិតដំបូងគេរបស់សហរដ្ឋអាមេរិក ដែលសាកល្បងវ៉ាក់សាំងរបស់ខ្លួនលើទារក។

ក្រុមហ៊ុននេះគ្រោងនឹងចុះឈ្មោះកុមារចំនួន៦,៧៥០នាក់នៅ សហរដ្ឋអាមេរិកនិងកាណាដាសម្រាប់ការសាកល្បងនេះ។

ការចាក់ថ្នាំបង្ការរោគដល់កុមារនិងមនុស្សវ័យក្មេង ត្រូវបានគេមើលឃើញថាមានសារៈសំខាន់ខ្លាំងណាស់ ក្នុងការសម្រេចឲ្យបាននូវកម្រិតនៃប្រព័ន្ធភាពស៊ាំដែលចាំបាច់ដើម្បីបញ្ឈប់ជំងឺរាតត្បាត។

ថ្វីបើហានិភ័យដែលថាកុមារធ្លាក់ខ្លួនឈឺធ្ងន់ដោយសារវីរុសនេះ មានតិចជាងមនុស្សពេញវ័យក៏ដោយ ប៉ុន្តែវានៅតែមានហានិភ័យនៃការឆ្លង ជាពិសេសក្នុងចំណោមក្មេងជំទង់។

នាយកប្រតិបត្តិក្រុមហ៊ុន Moderna លោក Stéphane Bancel បាននិយាយថា “ការសិក្សាលើកុមារនឹងជួយយើង ឲ្យវាយតម្លៃអំពីសុវត្ថិភាពនិងភាពស៊ាំនៃវ៉ាក់សាំងកូវីដរបស់យើងចំពោះមនុស្សវ័យក្មេង”។

គួរបញ្ជាក់ថា ទាំងក្រុមហ៊ុន Moderna និង Pfizer បានចាប់ផ្តើមសាកល្បងវ៉ាក់សាំងកូវីដរបស់ពួកគេលើកុមារដែលមានអាយុចាប់ពី១២ឆ្នាំឡើងទៅ កាលពីឆ្នាំមុន។ ទោះបីជាយ៉ាងណាក៏ដោយ លទ្ធផលលើការសាកល្បងទាំងនេះមិនទាន់បញ្ចេញទេ។

ចំណែកក្រុមហ៊ុន AstraZeneca បានប្រកាសការសាកល្បងលើកដំបូងរបស់ខ្លួនលើកុមារកាលពីខែមុន។ រីឯក្រុមហ៊ុន Johnson & Johnson បាននិយាយថា ខ្លួននឹងធ្វើតេស្តវ៉ាក់សាំងរបស់ខ្លួនលើទារកនិងកុមារ ប៉ុន្តែមិនទាន់បានកំណត់ពេលវេលាទេ៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ ខូចទូទឹកកកផ្ទុកវ៉ាក់សាំងកូវីដក្នុងមន្ទីរពេទ្យមួយនៅអាមេរិក ស្ទះមនុស្សរាប់រយនាក់ចាំចាក់

ចុចអាន៖ វ៉ាក់សាំងរបស់ក្រុមហ៊ុន Moderna មានប្រសិទ្ធភាពប្រឆាំងវីរុសបម្លែងខ្លួនប្រភេទថ្មី

The post ក្រុមហ៊ុន Moderna ចាប់ផ្តើមធ្វើតេស្តវ៉ាក់សាំងកូវីដលើទារកនិងកុមារ appeared first on Kampuchea Thmey Daily.

យោងតាមគេហទំព័រ King-TV បានឲ្យដឹងថា ទូទឹកកកដែលផ្ទុកវ៉ាក់សាំងកូវីដរបស់ក្រុមហ៊ុន Moderna ចំនួន ១,៦៥០ ដូសនៅឯមន្ទីរពេទ្យ Kaiser Permanente ក្នុងទីក្រុង Seattle បានខូចកាលពីល្ងាចថ្ងៃព្រហស្បតិ៍ ។

សាកលវិទ្យាល័យ Seattle University និងសាកលវិទ្យាល័យ University of Washington បានបែងចែកដូសដើម្បីជួយដល់មន្ទីរពេទ្យ Kaiser Permanente ដែលជាអ្នកផ្តល់សេវាថែទាំសុខភាពដ៏សំខាន់ និងបានបង្ហោះសារបន្ទាន់នៅលើបណ្តាញសង្គមជាមួយនឹងព័ត៌មាននេះ ។

តំណាងរបស់មន្ទីរពេទ្យ Kaiser Permanente Washington បាននិយាយថា “ក្រុមការងារបានធ្វើការយ៉ាងយកចិត្តទុកដាក់ និងភាពជាដៃគូជិតដិតទាំងយប់ និងពេលព្រឹកដើម្បីធានាថាដូសទាំងអស់ត្រូវបានប្រើប្រាស់ ហើយមិនមានការបាត់បង់វ៉ាក់សាំងឡើយ” ។

យោងតាមរបាយការណ៍បានឲ្យដឹងថា វ៉ាក់សាំងទាំងនេះត្រូវបានគ្រប់គ្រង ។ កាលពីថ្ងៃសុក្រប្រធានមន្ទីរពេទ្យ Kaiser Permanente Washington បាននិយាយថា ទូទឹកកកទាំងអស់ត្រូវបានសាកល្បង និងកំពុងធ្វើការ ។

យោងតាមសាកលវិទ្យាល័យ Johns Hopkins បានឲ្យដឹងថា សហរដ្ឋអាមេរិកមានករណីឆ្លងជំងឺកូវីដ ១៩ ជាង ២៥ លានករណី និងមានអ្នកស្លាប់ជាង ៤៣៤,០០០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ផ្ទុះកំហឹងចំពោះរដ្ឋបាលលោក Biden ដោយសារចាក់វ៉ាក់សាំងកូវីដឲ្យភេរវករមុនប្រជាជនអាមេរិក

ចុចអាន ៖ តាមពិត គ្រាប់បែកបំពង់ដែលរកឃើញនៅជិតវិមានកាពីតូលត្រូវបានដាក់នៅយប់មុនពេលកុបកម្ម

The post ខូចទូទឹកកកផ្ទុកវ៉ាក់សាំងកូវីដក្នុងមន្ទីរពេទ្យមួយនៅអាមេរិក ស្ទះមនុស្សរាប់រយនាក់ចាំចាក់ appeared first on Kampuchea Thmey Daily.