តាមពិត គ្រាប់បែកបំពង់ដែលរកឃើញនៅជិតវិមានកាពីតូលត្រូវបានដាក់នៅយប់មុនពេលកុបកម្ម
Connect with us
Helistar Cambodia - Helicopter Charter Services

ព័ត៌មានអន្ដរជាតិ

តាមពិត គ្រាប់បែកបំពង់ដែលរកឃើញនៅជិតវិមានកាពីតូលត្រូវបានដាក់នៅយប់មុនពេលកុបកម្ម

បានផុស

នៅ

FBI បាននិយាយកាលពីថ្ងៃសុក្រថា គ្រាប់បែកបំពង់ពីរគ្រាប់ដែលត្រូវបានគេរកឃើញនៅទីស្នាក់ការកណ្តាលរបស់គណបក្សសាធារណរដ្ឋ និងគណបក្សប្រជាធិបតេយ្យគឺបានដាក់នៅយប់មុនពេលដែលវិមានកាពីតូលអាមេរិកត្រូវបានវាយប្រហារដោយអ្នកគាំទ្រលោក ត្រាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រាប់បែកទាំងនោះត្រូវបានគេដាក់នៅគណៈកម្មាធិការជាតិប្រជាធិបតេយ្យ និងគណៈកម្មាធិការជាតិសាធារណរដ្ឋកាលពីល្ងាចថ្ងៃទី ៥ ខែមករា ចន្លោះម៉ោង ៧ និង ៣០ និង ៨ និង ៣០ យប់ដោយជនមិនស្គាល់មុខម្នាក់ដែលត្រូវគេថតបានដោយកាមេរ៉ាសុវត្ថិភាព ពាក់អាវយឺត និងបិទមុខជិត ។

ការិយាល័យ និងនាយកដ្ឋានគ្រឿងស្រវឹង ថ្នាំជក់ និងអាវុធ ឥឡូវនេះបានផ្តល់ប្រាក់រង្វាន់រហូតដល់ ១០ ម៉ឺនដុល្លារសម្រាប់ព័ត៌មានដែលនាំទៅដល់ការចាប់ខ្លួនបុគ្គលនោះ ។

គ្រាប់បែកនោះត្រូវបានគេរកឃើញកាលពីថ្ងៃទី ៦ ខែមករា ខណៈអ្នកគាំទ្រអតីតប្រធានាធិបតីអាមេរិកលោក ដូណាល់ ត្រាំ កំពុងវាយលុកវិមានសភា ។ មន្រ្តីប៉ូលិសម្នាក់បានបាត់បង់ជីវិតដោយសារការរងរបួស បន្ទាប់ពីទប់ស្កាត់ក្រុមកុបកម្ម ខណៈដែលមនុស្សរាប់សិបនាក់ផ្សេងទៀតបានរងរបួស ។

ការវាយលុកនេះបានជំរុញឲ្យមានការចោទប្រកាន់ជាលើកទី ២ របស់លោក ត្រាំ បន្ទាប់ពីបានអំពាវនាវដល់អ្នកគាំទ្ររបស់លោកឲ្យបញ្ឈប់សកម្មភាពនេះ ខណៈសមាជិកសភាកំពុងត្រៀមអនុវត្តកាតព្វកិច្ចរដ្ឋធម្មនុញ្ញរបស់ពួកគេដើម្បីរាប់សន្លឹកឆ្នោតនៃអង្គអ្នកបោះឆ្នោតតំណាងដែលជាជំហានសំខាន់មួយមុនការឡើងកាន់តំណែងរបស់ប្រធានាធិបតីអាមេរិក ចូ បៃដិន ។

លោក ត្រាំ បានអះអាងដោយគ្មានភស្តុតាងថា ការបោះឆ្នោតថ្ងៃទី ៣ ខែវិច្ឆិកាត្រូវបានលួចបន្លំពីគាត់ ប៉ុន្តែការចោទប្រកាន់នេះត្រូវបានច្រានចោលម្តងហើយម្តងទៀតនៅក្នុងតុលាការ ហើយក្រសួងយុត្តិធម៌មិនបានរកឃើញភ័ស្តុតាងណាមួយដែលអាចបញ្ជាក់ពីលួចបន្លំនេះនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ មេប៉ូលិសវិមានកាពីតូលចេញមុខសុំទោសចំពោះការបរាជ័យទប់ស្កាត់កុបកម្មថ្ងៃ ៦ មករា

ចុចអាន ៖ កងឆ្មាំជាតិវិលត្រឡប់ទៅវិមានកាពីតូលវិញ ក្រោយបណ្ដេញចេញឲ្យដេកនៅចំណតរថយន្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services