Connect with us

ព័ត៌មានអន្ដរជាតិ

អាមេរិក រកឃើញអ្នកឆ្លងកូវីដបំប្លែងខ្លួនថ្មីជាង ១ ម៉ឺនករណី និងព្រមានពីជំងឺថ្មីផ្សេងទៀត

បានផុស

នៅ

បច្ចុប្បន្ននេះសហរដ្ឋអាមេរិកបានកត់ត្រាករណីឆ្លងជំងឺកូវីដ ១៩ បំប្លែងខ្លួនប្រភេទថ្មីជាង ១០,០០០ ករណី ខណៈអ្នកជំនាញបានព្រមានអំពីការកើនឡើងនៃជំងឺកូវីដ ១៩ ថ្មីៗផ្សេងទៀតផងដែរ ។

ក្នុងចំណោមករណីឆ្លងសរុបនៃវ៉ារ្យង់ថ្មីចំនួន ១០,៩៨៥ ករណីដែលរាយការណ៍ដោយមជ្ឈមណ្ឌលត្រួតពិនិត្យ និងបង្ការជំងឺសហរដ្ឋអាមេរិក (CDC) គិតត្រឹមថ្ងៃអាទិត្យ ក្នុងនោះមាន ១០,៥៧៩ ករណីត្រូវបានបង្កឡើងដោយវ៉ារ្យ៉ង់ B.1.1.7 ដែលត្រូវបានរកឃើញដំបូងនៅក្នុងប្រទេសអង់គ្លេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែក ២៨៨ ករណីគឺជាវ៉ារ្យង់ B.1.351 របស់អាហ្វ្រិកខាងត្បូង និង ១១៨ ករណីជាវ៉ារ្យង់ P.1 ត្រូវបានរកឃើញដំបូងនៅក្នុងប្រទេសប្រេស៊ីល ។

លើសពីនេះទៅទៀតវ៉ារ្យង់ប្រភេទ B.1.427 និង B.1.429 ដែលជាជំងឺកូវីដ ១៩ បំប្លែងខ្លួនថ្មីចំនួន ២ ដែលត្រូវបានរកឃើញដំបូងនៅរដ្ឋកាលីហ្វ័រញ៉ាក៏កំពុងត្រូវបានត្រួតពិនិត្យយ៉ាងដិតដល់ពី CDC ផងដែរ ។

បច្ចុប្បន្នជំងឺកូវីដ ១៩ បំប្លែងខ្លួនថ្មីចំនួន ៥ ប្រភេទនេះត្រូវបានចាត់ថ្នាក់ដោយ CDC ថាជា “វ៉ារ្យង់នៃការព្រួយបារម្ភ” ហើយវាជាភស្តុតាងបង្ហាញពីការកើនឡើងនៃការឆ្លង ការកើនឡើងនៃអ្នកជំងឺចូលសម្រាកនៅមន្ទីរពេទ្យ ឬការស្លាប់ ហើយវាក៏បង្ហាញពីការយកឈ្នះលើអង់ទីគ័រដែលបង្កើតឡើងក្នុងអំឡុងពេលឆ្លង ឬចាក់វ៉ាក់សាំងជាដើម ។

ទន្ទឹមនោះក្រុមអ្នកជំនាញបានសម្តែងការព្រួយបារម្ភម្តងហើយម្តងទៀតថា ប្រទេសនេះនឹងប្រឈមនឹងការកើនឡើងនៃករណីឆ្លងជំងឺកូវីដ ១៩ ប្រសិនបើជនជាតិអាមេរិកមិនបានរក្សានូវវិធានការការពារដូចជា ការពាក់ម៉ាស ឬរបាំងមុខ ចៀសវាងការធ្វើដំណើរ និងការបន្តគម្លាតសង្គមរហូតដល់ប្រជាជនទទួលការចាក់វ៉ាក់សាំងកាន់តែច្រើន ។

បន្ថែមពីនេះមន្ត្រីសុខាភិបាលសាធារណៈក៏បានជំរុញកាន់តែខ្លាំងឡើងឲ្យប្រជាជនអាមេរិកអនុវត្តវិធានការការពារដូចជា ការប្រើប្រាស់ម៉ាស គម្លាតសុវត្ថិភាព ការធ្វើអនាម័យលាងសម្អាតដៃ និងការចាក់វ៉ាក់សាំងភ្លាមៗដោយវាអាចជួយការពារប្រឆាំងនឹងការឆ្លងជំងឺកូវីដ ១៩ និងជំងឺបំប្លែងខ្លួនថ្មីដែលកំពុងកើតមានជាដើម ។

គួរបញ្ជាក់ថា គិតត្រឹមពេលនេះសហរដ្ឋអាមេរិកមានករណីឆ្លងជំងឺកូវីដ ១៩ ចំនួន ៣១,០៣៣,៨០១ ករណី និងមានអ្នកស្លាប់ចំនួន ៥៦៣,២០៦ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ក្តីសង្ឃឹមដ៏ធំរបស់ពិភពលោក! អាមេរិកកំពុងធ្វើតេស្តថ្នាំលេប ដែលអាចព្យាបាលទាំងជំងឺកូវីដ-១៩ធម្មតា និងបំប្លែងខ្លួន

ចុចអាន ៖ ក្រោយជោគជ័យជាមួយវ៉ាក់សាំង ក្រុមហ៊ុន Pfizer ចាប់ផ្តើមសាកល្បងប្រើថ្នាំគ្រាប់ព្យាបាលកូវីដ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ២ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ២ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ២ ម៉ោង មុន

ក្រុមហ៊ុន​ អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ  

ជីវិតកម្សាន្ដ២ ម៉ោង មុន

ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម