សាកលវិទ្យាល័យ Oxford បានបង្កើតវ៉ាក់សាំងការពារជំងឺកូវីដ ១៩ រួមជាមួយក្រុមហ៊ុនឱសថអង់គ្លេស-ស៊ុយអែត AstraZeneca ។

សាកលវិទ្យាល័យកំពូលរបស់ចក្រភពអង់គ្លេសមួយនេះបានសិក្សាពីផលប៉ះពាល់នៃអង់ទីគ័រដែលបង្កើតដោយធម្មជាតិ និងបង្កើតដោយវ៉ាក់សាំងលើភាពខុសគ្នានៃវីរុសបំប្លែងខ្លួនប្រភេទថ្មី ដោយប្រៀបធៀបសំណាកឈាមពីមនុស្សមានអង់ទីគ័រធម្មជាតិដែលបានជាសះស្បើយពីជំងឺប្រឆាំងនឹងអ្នកដែលមានអង់ទីគ័រពីវ៉ាក់សាំង Oxford និង Pfizer ។

វីរុសកូវីដ ១៩ បំប្លែងខ្លួនប្រភេទថ្មីនេះត្រូវបានគេទទួលស្គាល់ជាទូទៅថាអាចមានភាពស៊ាំនឹងវ៉ាក់សាំងជាងប្រភេទដើម ។

ការស្រាវជ្រាវមិនត្រូវបានពិនិត្យឡើងវិញពីការសិក្សារបស់សាកលវិទ្យាល័យ Oxford នោះទេ ប៉ុន្តែបានបង្ហាញថា វីរុសប្រេស៊ីលដែលគេស្គាល់ថា P1 មានភាពធន់តិចទៅនឹងអង់ទីគ័រដែលបង្កើតដោយវ៉ាក់សាំងច្រើនជាងអង់គីទ័រធម្មជាតិ ។

នៅក្នុងសេចក្តីថ្លែងការណ៍មួយសាកលវិទ្យាល័យ Oxford បាននិយាយថា “ទិន្នន័យទាំងនេះបានបង្ហាញថា អង់ទីគ័រដែលបង្កើតដោយធម្មជាតិ និងបង្កើតដោយវ៉ាក់សាំងនៅតែអាចប្រឆាំងវ៉ារ្យង់ទាំងនេះបាន ប៉ុន្តែនៅកម្រិតទាប” ។

ការស្រាវជ្រាវបានរកឃើញថាមានការថយចុះជិត ៣ ដងនៃកម្រិតអង់ទីគ័រដែលបង្កើតដោយវ៉ាក់សាំងប្រឆាំងនឹងវីរុសប្រេស៊ីលដែលជាកម្រិតកាត់បន្ថយប្រហាក់ប្រហែលនឹងវីរុសអង់គ្លេស ។

ចំណែកវីរុសអាហ្វ្រិកខាងត្បូងមានភាពធន់ខ្លាំងចំពោះវ៉ាក់សាំងការពារជំងឺកូវីដ ១៩ ជាមួយនឹងការកាត់បន្ថយវ៉ាក់សាំង Oxford / AstraZeneca ចំនួន ៩ ដង និងការកាត់បន្ថយ ៧.៦ ដងចំពោះវ៉ាក់សាំង Pfizer / BioNTech ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ EU រកឃើញថា វ៉ាក់សាំង AstraZeneca មិនមានហានិភ័យខ្ពស់នៃការកកឈាមនោះទេ

ចុចអាន ៖ ដំណឹងល្អ! វ៉ាក់សាំងចាក់តែមួយដូស Johnson & Johnson មានសុវត្ថិភាពលើមនុស្សអាយុលើស ១៨ ឆ្នាំ

The post វ៉ាក់សាំងសាកលវិទ្យាល័យ Oxford មានប្រសិទ្ធភាពប្រឆាំងវីរុសប្រេស៊ីល លើសការរំពឹងទុក appeared first on Kampuchea Thmey Daily.

ការសម្រេចចិត្តនេះប៉ះពាល់ដល់វ៉ាក់សាំងចំនួន ២៥០,០០០ ដូសដែលផលិតនៅឯក្រុមហ៊ុន AstraZeneca ក្នុងប្រទេសអ៊ីតាលី ។

ប្រទេសអ៊ីតាលីគឺជាប្រទេសដំបូងបង្អស់នៅអឺរ៉ុបដែលប្រើប្រាស់បទប្បញ្ញត្តិថ្មីរបស់ប្លុកនេះដែលអនុញ្ញាតឲ្យបញ្ឈប់ការនាំចេញ ប្រសិនបើក្រុមហ៊ុនផ្តល់វ៉ាក់សាំងមិនបានបំពេញតាមកាតព្វកិច្ចរបស់ខ្លួនចំពោះសហភាពអឺរ៉ុប ។

ចំណែកប្រទេសអូស្រ្តាលីបាននិយាយថា ការបាត់បង់ការដឹកជញ្ជូនមួយលើកនឹងមិនមានផលប៉ះពាល់អាក្រក់ដល់ការចាក់វ៉ាក់សាំងរបស់ខ្លួននោះទេ ។

សេចក្តីរាយការណ៍និយាយថា ការរារាំងនេះត្រូវបានគាំទ្រដោយគណៈកម្មការអឺរ៉ុប ។

ក្រុមហ៊ុន AstraZeneca កំពុងស្ថិតនៅលើផ្លូវផ្គត់ផ្គង់វ៉ាក់សាំងតែ ៤០ ភាគរយប៉ុណ្ណោះដែលបានព្រមព្រៀងទៅរដ្ឋជាសមាជិកក្នុងរយៈពេលបីខែដំបូងនៃឆ្នាំនេះ ។ វាបានលើកឡើងពីបញ្ហាផលិតកម្មសម្រាប់កង្វះខាតនេះ ។

សហភាពអ៊ឺរ៉ុបត្រូវបានគេរិះគន់យ៉ាងខ្លាំងចំពោះល្បឿនយឺតនៃយុទ្ធនាការចាក់វ៉ាក់សាំងរបស់ខ្លួន ។ ក្រោមគម្រោងវ៉ាក់សាំងសហភាពអឺរ៉ុបដែលត្រូវបានបង្កើតឡើងកាលពីខែមិថុនាឆ្នាំមុន ប្លុកនេះបានចរចាទិញវ៉ាក់សាំងក្នុងនាមរដ្ឋជាសមាជិក ។

មិនទាន់មានការអត្ថាធិប្បាយជាផ្លូវការណាមួយស្តីពីការរារាំងរបស់អ៊ីតាលីដោយសហភាពអ៊ឺរ៉ុប ឬក្រុមហ៊ុន AstraZeneca នោះទេ ។

គួរបញ្ជាក់ថា ប្រទេសអូស្ត្រាលីបានចាប់ផ្តើមយុទ្ធនាការចាក់វ៉ាក់សាំងរបស់ខ្លួនកាលពីសប្តាហ៍មុនដោយប្រើវ៉ាក់សាំង Pfizer/BioNTech ខណៈដែលប្រទេសនេះនឹងត្រូវចាប់ផ្តើមចាក់វ៉ាក់សាំង AstraZeneca នៅថ្ងៃសុក្រនេះ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ ដំណឹងល្អ! វ៉ាក់សាំងកូវីដរបស់អង់គ្លេសចាក់តែមួយដូសមានប្រសិទ្ធភាពមិនធម្មតាការពារមនុស្សចាស់

ចុចអាន ៖ វ៉ាក់សាំង Oxford និង Pfizer កាត់បន្ថយហានិភ័យនៃជំងឺកូវីដធ្ងន់ធ្ងរ ៨០ភាគរយសម្រាប់មនុស្សអាយុលើស៨០ឆ្នាំ

The post អ៊ីតាលីរារាំងការដឹកជញ្ជូនវ៉ាក់សាំង AstraZeneca ទៅអូស្ត្រាលី appeared first on Kampuchea Thmey Daily.

គណៈកម្មាធិការចម្រុះស្តីពីការចាក់ថ្នាំវ៉ាក់សាំង (JCVI) បានជម្រុញឲ្យប្លុកនេះចាប់ផ្ដើមចាក់វ៉ាក់សាំងដល់មនុស្សចាស់ បន្ទាប់ពីការសិក្សារបស់សាកលវិទ្យាល័យ Bristol បានបង្ហាញថា ការចាក់តែមួយដូសនៃវ៉ាក់សាំង Oxford ឬវ៉ាក់សាំង Pfizer គឺមានប្រសិទ្ធភាពខ្ពស់ក្នុងការការពារមនុស្សចាស់ ។

លោកសាស្ត្រាចារ្យ Adam Finn មកពីសាកលវិទ្យាល័យ Bristol បាននិយាយថា “ក្នុងរយៈពេលខ្លីការងារត្រូវបានធ្វើនៅចក្រភពអង់គ្លេស ។ ប៉ុន្តែមានដូសជាច្រើននៃវ៉ាក់សាំង AstraZeneca ដែលអាចដំណើរការបាននៅក្នុងបណ្តាប្រទេសអ៊ឺរ៉ុប ហើយពួកគេមិនត្រូវបានផ្តល់ឲ្យមនុស្សដែលមានអាយុលើសពី ៦៥ ឆ្នាំនោះទេក្នុងករណីខ្លះ ហើយនៅក្នុងប្រទេសផ្សេងទៀតបានផ្ដល់ឲ្យមនុស្សអាយុលើសពី ៥៥ ឆ្នាំដោយសារតែខ្វះទិន្នន័យ ។

 លោក Finn បានបន្ថែមថា “នេះគឺជាទិន្នន័យ ។ មានទិន្នន័យពីសុខភាពសាធារណៈអង់គ្លេស និងស្កុតលែន ហើយឥឡូវនេះយើងបង្ហាញថា អ្នកអាចជួយសង្គ្រោះជីវិតមនុស្សចាស់ដោយផ្តល់វ៉ាក់សាំង AstraZeneca មួយដូសដល់ពួកគេ ។ ហើយប្រទេសទាំងនោះចាំបាច់ត្រូវចាប់ផ្តើមធ្វើឲ្យបានលឿនបំផុតតាមដែលអាចធ្វើទៅបាន ។

ទីភ្នាក់ងារថ្នាំអឺរ៉ុបបានអនុម័តវ៉ាក់សាំង Oxford សម្រាប់ក្រុមអាយុទាំងអស់នៅក្នុងខែមករា ។ ប៉ុន្តែការដាក់ឲ្យដំណើរការត្រូវបានបញ្ឈប់ភ្លាមៗ បន្ទាប់ពីរដ្ឋមួយចំនួនដូចជា អាល្លឺម៉ង់ បារាំង និងអ៊ីតាលីបានផ្តល់អនុសាសន៍ប្រឆាំងនឹងការប្រើប្រាស់របស់ខ្លួនសម្រាប់មនុស្សចាស់ដោយសារតែកង្វះទិន្នន័យ ។

ការរកឃើញនៅថ្ងៃពុធធ្វើឡើង បន្ទាប់ពីការចេញផ្សាយការសិក្សាដាច់ដោយឡែកមួយកាលពីថ្ងៃចន្ទដោយទីភ្នាក់ងាររដ្ឋាភិបាលសាធារណៈសាធារណៈអង់គ្លេសដែលបង្ហាញថា វ៉ាក់សាំង Oxford និង Pfizer ផ្តល់ការការពារយ៉ាងខ្លាំងដល់អ្នកដែលមានអាយុលើសពី ៦៥ ឆ្នាំ និងកាត់បន្ថយហានិភ័យនៃជំងឺធ្ងន់ធ្ងរដែលបង្កឡើងដោយវីរុស ៨០ ភាគរយ ។

កាលពីថ្ងៃពុធមនុស្សចំនួន ៦,៣៨៥ នាក់បានធ្វើតេស្តវិជ្ជមានជំងឺកូវីដ ១៩ ដែលនាំឲ្យករណីឆ្លងសរុបក្នុងសប្តាហ៍នេះកើនដល់ ៥០,២០៨ នាក់ ។ នេះតំណាងឲ្យការថយចុះ ៣១.៦ ភាគរយ បើប្រៀបធៀបទៅនឹងរយៈពេល ៧ ថ្ងៃចុងក្រោយ ។

មានអ្នកស្លាប់ ៣១៥ នាក់ត្រូវបានរាយការណ៍ថាក្នុងរយៈពេល ២៨ ថ្ងៃនៃការធ្វើតេស្តវិជ្ជមានចំពោះវីរុសនេះកាលពីថ្ងៃពុធ ។ នៅចន្លោះថ្ងៃទី ២៥ ខែកុម្ភៈដល់ថ្ងៃទី ៣ ខែមីនាមានការស្លាប់ចំនួន ១,៨៦៤ នាក់ក្នុងរយៈពេល ២៨ ថ្ងៃនៃការធ្វើតេស្ត ។ នេះបង្ហាញពីការថយចុះ ៣៣.៨ ភាគរយ បើប្រៀបធៀបនឹងសប្តាហ៍មុន ។

មនុស្សសរុបចំនួន ២០.៧០៣.៦១៥ នាក់ត្រូវបានចាក់វ៉ាក់សាំងដូសដំបូងរបស់ពួកគេនៅថ្ងៃទី ២ ខែមីនា និងមាន ៨៩៥,៤១២ នាក់ទទួលការចាក់ដូសទី ២ ខណៈវ៉ាក់សាំងបច្ចុប្បន្នត្រូវចាក់ពីរដូសក្នុងចន្លោះ ២១ ថ្ងៃ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ អង់គ្លេសបញ្ចេញទិន្នន័យប្រជាជនទទួលការចាក់វ៉ាក់សាំងកូវីដដូសទី ១ និងទី ២

ចុចអាន ៖ សិង្ហបុរីដាក់ពន្ធនាគារជនជាតិអង់គ្លេសពីបទរំលោភច្បាប់ធ្វើចត្តាឡីស័ក

The post ដំណឹងល្អ! វ៉ាក់សាំងកូវីដរបស់អង់គ្លេសចាក់តែមួយដូសមានប្រសិទ្ធភាពមិនធម្មតាការពារមនុស្សចាស់ appeared first on Kampuchea Thmey Daily.

ទិន្នន័យសុខភាពសាធារណៈអង់គ្លេសបានបង្ហាញពី ប្រសិទ្ធភាពដែលត្រូវបានគេពិនិត្យក្នុងរយៈពេលបីទៅបួនសប្តាហ៍បន្ទាប់ពីការចាក់វ៉ាក់សាំង។

លទ្ធផលនេះ ផ្អែកទៅលើមនុស្សអាយុលើស៨០ឆ្នាំ ដែលជាក្រុមទទួលបានវ៉ាក់សាំងដំបូងគេ។

អ្នកវិទ្យាសាស្ត្ររបស់រដ្ឋាភិបាលបានសាទរចំពោះលទ្ធផលនេះ ប៉ុន្តែបានសង្កត់ធ្ងន់ថា ការចាក់វ៉ាក់សាំង២ដូសគឺត្រូវការជាចាំបាច់ សម្រាប់ការការពារល្អបំផុត។

វាកើតឡើងបន្ទាប់ពីការរកឃើញស្រដៀងគ្នានេះ ត្រូវបានចេញផ្សាយដោយអាជ្ញាធរសុខាភិបាលស្កុតឡែនកាលពីសប្តាហ៍មុន។

រដ្ឋមន្រ្តីក្រសួងសុខាភិបាលអង់គ្លេសលោក Matt Hancock បានប្រាប់សន្និសីទសារព័ត៌មានក្នុងវិមាន Downing Street កាលពីថ្ងៃចន្ទថា លទ្ធផលវ៉ាក់សាំងចុងក្រោយនេះគឺខ្លាំងណាស់។

លោកបានបន្ថែមទៀតថា “ពួកគេក៏អាចជួយពន្យល់ផងដែរ ពីមូលហេតុដែលចំនួនមនុស្សអាយុលើស៨០ឆ្នាំដែលចូលសង្គ្រោះក្នុងបន្ទប់សង្គ្រោះបន្ទាន់មានការធ្លាក់ចុះ ក្នុងរយៈពេលប៉ុន្មានសប្តាហ៍ចុងក្រោយនេះ”។

ទិន្នន័យនេះក៏បានបង្ហាញផងដែរថា ការចាក់វ៉ាក់សាំងបានកាត់បន្ថយហានិភ័យរបស់មនុស្សដែលមានអាយុលើស៧០ឆ្នាំ ពីការវិវត្តរោគសញ្ញាកូវីដប្រមាណ៦០ភាគរយ ៣សប្តាហ៍បន្ទាប់ពីការចាក់លើកដំបូង៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ រកឃើញអ្នកឆ្លងថ្មី ២៤ នាក់ គិតត្រឹមព្រឹកនេះ

ចុចអាន៖ ឡាវ តម្រូវឲ្យជនបរទេសទិញធានារ៉ាប់រងជំងឺកូវីដ១៩ មុនចូលប្រទេស

The post វ៉ាក់សាំង Oxford និង Pfizer កាត់បន្ថយហានិភ័យនៃជំងឺកូវីដធ្ងន់ធ្ងរ ៨០ភាគរយសម្រាប់មនុស្សអាយុលើស៨០ឆ្នាំ appeared first on Kampuchea Thmey Daily.

ទិន្នន័យពិតដំបូងបង្អស់ត្រូវបានបញ្ចេញ ដែលនេះនឹងក្លាយជាផ្នែកដ៏សំខាន់ក្នុងការបន្ធូរបន្ថយ វិធានការរឹតត្បិត។

តួលេខបង្ហាញថា វ៉ាក់សាំង Oxford-AstraZeneca ឬ Pfizer មួយដូស មានប្រសិទ្ធភាពលើក្រុមអាយុទាំងអស់ ហើយរហូតមកដល់ពេលនេះ មនុស្សជាង១៦លាននាក់ បានចាក់វ៉ាក់សាំងរួចទៅហើយនៅក្នុងចក្រភពអង់គ្លេស។

AstraZeneca គឺជាវ៉ាក់សាំងការពារជំងឺកូវីដដែលប្រទេសកម្ពុជានឹងទទួលបាននៅខែក្រោយនេះ តាមរយៈមជ្ឈមណ្ឌល COVAX របស់អង្គការសុខភាពពិភពលោក។

ទិន្នន័យភាគច្រើនគឺផ្តោតលើប្រសិទ្ធភាពនៃវ៉ាក់សាំងរបស់ Pfizer/BioNTech បន្ទាប់ពីថ្នាំត្រូវបានចាក់លើកដំបូងកាលពីខែធ្នូ។

ប៉ុន្តែលទ្ធផលស្រដៀងគ្នានេះក៏ត្រូវបានគេរកឃើញជាមួយនឹងវ៉ាក់សាំងរបស់ Oxford / AstraZeneca ផងដែរ។

លោកនាយករដ្ឋមន្រ្តី Boris Johnson គ្រោងនឹងប្រកាសពីកាលបរិច្ឆេទសំខាន់ៗ សម្រាប់ការបន្ធូរបន្ថយការរឹតត្បិតនៅថ្ងៃទី២២ខែកុម្ភៈ។

សេចក្តីរាយការណ៍របស់ Telegraph បានឲ្យដឹងថា ការបន្ធូរបន្ថយការរឹតត្បិតនឹងត្រូវបានកំណត់ ដោយការរកឃើញទាក់ទងនឹងប្រសិទ្ធភាពនៃវ៉ាក់សាំងលើការចម្លង ការព្យបាលក្នុងមន្ទីរពេទ្យនិងការស្លាប់។

យុទ្ធសាស្ត្រចាក់វ៉ាក់សាំងរបស់ចក្រភពអង់គ្លេស បានដាក់ចំនួនប្រជាជនទៅក្នុងក្រុមអាទិភាពផ្សេងៗគ្នា។

អ្នកដែលមានអាយុលើសពី៨០ឆ្នាំ គឺជាក្រុមអទិភាពដំបូងបំផុតដែលទទួលបានវ៉ាក់សាំង ហើយករណីក្នុងចំណោមក្រុមនេះបានធ្លាក់ចុះ ៣៨ភាគរយក្នុងរយៈពេល៧ថ្ងៃ៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ ដំណឹងល្អ! អាស៊ានបើកខ្ទង់ចំណាយជាង១០លានដុល្លារ ទិញវ៉ាក់សាំងកូវីដឲ្យប្រទេសជាសមាជិក

ចុចអាន៖ ឥណ្ឌា​ ផ្តល់​វ៉ាក់សាំង​បង្ការ​ជំងឺ​កូ​វីដ​-១៩ ចំនួន ១​សែន​ដូ​ស​ដល់​កម្ពុជា

The post ប្រសើរណាស់! វ៉ាក់សាំងកូវីដដែលកម្ពុជានឹងទទួលបានខែក្រោយ ជួយឲ្យអត្រាឆ្លងនៅអង់គ្លេសថយចុះ ២ភាគ៣ appeared first on Kampuchea Thmey Daily.

រដ្ឋមន្រ្តីក្រសួងសុខាភិបាលលោក Zweli Mkhize បាននិយាយក្នុងសន្និសីទសារព័ត៌មានតាមអ៊ីនធឺណិតកាលពីថ្ងៃអាទិត្យថា “វ៉ាក់សាំងក្រុមហ៊ុន AstraZeneca ហាក់ដូចជាមានប្រសិទ្ធភាពប្រឆាំងនឹងវីរុសប្រភេទដើម ប៉ុន្តែមិនប្រឆាំងនឹងវីរុសប្រភេទថ្មី B.1.351 របស់អាហ្វ្រិកខាងត្បូងនោះទេ ។ យើងបានសម្រេចចិត្តបញ្ឈប់ការចាក់វ៉ាក់សាំងនេះជាបណ្តោះអាសន្ន” ។

បើយោងតាមសារព័ត៌មាន Financial Times បានឲ្យដឹងថា ការផ្អាកនេះកើតឡើង បន្ទាប់ពីការសិក្សាស្រាវជ្រាវពីសាកលវិទ្យាល័យ Witwatersrand របស់អាហ្វ្រិកខាងត្បូង និងសាកលវិទ្យាល័យ Oxford ហើយវាមិនទាន់ត្រូវបានពិនិត្យឡើងវិញនៅឡើយទេ ប៉ុន្តែបានបង្ហាញពីប្រសិទ្ធភាពតិចជាងមុនគួរឲ្យកត់សម្គាល់នៃការចាក់វ៉ាក់សាំង AstraZeneca ប្រឆាំងនឹងវីរុសអាហ្វ្រិកខាងត្បូង ។

ខណៈពេលដែលមិនមានអ្នកចូលរួមក្នុងការសាកល្បងប្រមាណ ២,០០០ នាក់ត្រូវបានបញ្ជូនទៅកាន់មន្ទីរពេទ្យជាមួយរោគសញ្ញាធ្ងន់ធ្ងរ ឬស្លាប់ ប៉ុន្តែមនុស្ស ៣៩ បានឆ្លងវីរុសនេះដោយក្នុងនោះមាន ១៩ នាក់មកពីការវ៉ាក់សាំង និង ២០ នាក់ទៀតមកពីក្រុមប្រើថ្នាំ Placebo ។ ចំនួនទាំងនេះអាចធ្វើឲ្យប្រសិទ្ធភាពវ៉ាក់សាំងការពារករណីស្រាលស្ទើរតែមិនគួរឲ្យកត់សម្គាល់ ទោះបីជាអ្នកជំនាញខ្លះអះអាងថា ការសិក្សាខ្លួនវានៅមានកម្រិតក៏ដោយ ។

ក្រុមហ៊ុនផលិតឱសថចម្រុះជាតិស៊ុយអ៊ែត-អង់គ្លេសបានទទួលស្គាល់លទ្ធផលនៃការស្រាវជ្រាវដែលគួរឲ្យខកចិត្តនេះ ប៉ុន្តែបាននិយាយថា វាលឿនពេកហើយក្នុងការទាញសេចក្តីសន្និដ្ឋានចុងក្រោយនេះ ។

អ្នកនាំពាក្យក្រុមហ៊ុន AstraZeneca បានបញ្ជាក់កាលពីថ្ងៃសៅរ៍ថា ក្នុងការសាកល្បងដំណាក់កាលទី ១ និងទី ២ ទិន្នន័យដំបូងបានបង្ហាញពីប្រសិទ្ធភាពមានកម្រិតលើការប្រឆាំងនឹងករណីឆ្លងស្រាលនៃវីរុសអាហ្វ្រិកខាងត្បូង B.1.351 ។

ស្របពេលជាមួយគ្នានេះក្រុមហ៊ុន AstraZeneca ក៏បាននិយាយផងដែរថា ខណៈពេលដែលខ្លួនបានចាប់ផ្តើមអនុវត្តវ៉ាក់សាំងរបស់ខ្លួនប្រឆាំងនឹងវីរុសប្រភេទថ្មីនៅអាហ្វ្រិកខាងត្បូង ខ្លួនសង្ឃឹមថាការសិក្សាបន្ថែមទៀតនឹងបង្ហាញថា វ៉ាក់សាំងរបស់ពួកគេមានប្រសិទ្ធភាពក្នុងការការពារករណីធ្ងន់ធ្ងរដែលបណ្តាលមកពីវីរុសនេះ និងវីរុសកូរ៉ូណាបម្លែងខ្លួនប្រភេទថ្មីផ្សេងទៀត ។

អាហ្រ្វិកខាងត្បូងទទួលបានការដឹកជញ្ជូនដំបូងនៃវ៉ាក់សាំងរបស់ក្រុមហ៊ុនយក្សស៊ុយអែត-អង់គ្លេសចំនួន ១ លានដូសដែលផលិតដោយវិទ្យាស្ថាន Serum ឥណ្ឌា (SII) កាលពីសប្តាហ៍មុន ហើយគ្រោងនឹងចាប់ផ្តើមចាក់វ៉ាក់សាំងដល់បុគ្គលិកសុខាភិបាលនៅពាក់កណ្តាលខែកុម្ភៈ ។ លោករដ្ឋមន្រ្តីបានសម្តែងក្តីសង្ឃឹមថា កម្មវិធីចាក់វ៉ាក់សាំងនឹងចាប់ផ្តើមឆាប់ៗនៅសប្តាហ៍ខាងមុខនេះ ខណៈដែលក៏មានវ៉ាក់សាំងផ្សេងទៀតនឹងមកដល់ផងដែរ ។

អាហ្រ្វិកខាងត្បូងមានករណីឆ្លង និងស្លាប់ដោយសារជំងឺកូវីដ ១៩ ច្រើនបំផុតនៅទ្វីបអាហ្វ្រិកដោយមានអ្នកឆ្លងជាង ១.៤៥ លាននាក់ និងមនុស្សជាង ៤៦,០០០ នាក់បានស្លាប់ដោយសារជំងឺនេះ ។ ទន្ទឹមនោះប្រទេសនេះក៏បានប្រឈមនឹងការឆ្លងវីរុសកូរ៉ូណាបម្លែងខ្លួនប្រភេទថ្មីដែលត្រូវបានរកឃើញនៅចុងឆ្នាំ ២០២០ ផងដែរ ។ ទោះបីជាមានការឆ្លងកាន់តែច្រើនក៏ដោយក៏វីរុសនេះមិនត្រូវបានគេជឿថាបង្កឲ្យមានរោគសញ្ញាជំងឺកូវីដ ១៩ ធ្ងន់ធ្ងរជាងវីរុសប្រភេទមុនៗឡើយ ។ វីរុសប្រភេទថ្មីនៅអាហ្វ្រិកខាងត្បូងបានរីករាលដាលនៅទូទាំងពិភពលោករួចទៅហើយដោយមានករណីជាច្រើនត្រូវបានគេរាយការណ៍នៅអាមេរិក អឺរ៉ុប និងអាស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ បុរសអាយុ ៨២ ឆ្នាំក្លាយជាមនុស្សដំបូងគេដែលទទួលបានវ៉ាក់សាំងរបស់ក្រុមហ៊ុន AstraZeneca/Oxford

ចុចអាន ៖ ឥណ្ឌាអនុញ្ញាតឲ្យប្រើប្រាស់បន្ទាន់នូវវ៉ាក់សាំងកូវីដចំនួនពីរ

The post អាហ្រ្វិកខាងត្បូងផ្អាកប្រើវ៉ាក់សាំង AstraZeneca ក្រោយការសិក្សាបង្ហាញថា ប្រសិទ្ធភាពរបស់វានៅមានកម្រិតប្រឆាំងវីរុសប្រភេទថ្មី appeared first on Kampuchea Thmey Daily.

លោកតាម Pinker បានថ្លែងអំណរគុណដល់អ្នកវិទ្យាសាស្ត្រដែលបានអភិវឌ្ឍការចាក់វ៉ាក់សាំងនេះដោយនិយាយថា លោកទន្ទឹងរង់ចាំការប្រារព្ធពិធីខួបអាពាហ៍ពិពាហ៍របស់លោកនៅចុងឆ្នាំនេះ ។

លោកបាននិយាយនៅក្នុងសេចក្តីថ្លែងការណ៍មួយដែលចេញដោយសេវាកម្មសុខភាពថា “ខ្ញុំមានសេចក្តីរីករាយណាស់ដែលបានចាក់វ៉ាក់សាំងការពារជំងឺកូវីដ ១៩ នៅថ្ងៃនេះ ហើយខ្ញុំពិតជាមានមោទនភាពណាស់ដែលវាត្រូវបានបង្កើតនៅទីក្រុង Oxford” ។

លោកបាននិយាយថា “គិលានុបដ្ឋាយិកា វេជ្ជបណ្ឌិត និងបុគ្គលិកពេទ្យនៅថ្ងៃនេះសុទ្ធតែពូកែ ហើយខ្ញុំពិតជាទន្ទឹងរងចាំការប្រារព្ធខួបអាពាហ៍ពិពាហ៍លើកទី ៤៨ របស់ខ្ញុំជាមួយភរិយាខ្ញុំឈ្មោះ Shirley នៅចុងឆ្នាំនេះ” ។

ទន្ទឹមនោះសេវាសុខភាពជាតិ (NHS) បាននិយាយថា លោក Andrew Pollard ជាប្រធានក្រុមហ៊ុនវ៉ាក់សាំង Oxford និងជាប្រធានក្រុមអ្នកស៊ើបអង្កេតក្នុងការសាកល្បងនៃការចាក់ថ្នាំបង្ការរោគនេះក៏បានទទួលវ៉ាក់សាំងនេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

The post បុរសអាយុ ៨២ ឆ្នាំក្លាយជាមនុស្សដំបូងគេដែលទទួលបានវ៉ាក់សាំងរបស់ក្រុមហ៊ុន AstraZeneca/Oxford appeared first on Kampuchea Thmey Daily.

យោងតាមសេចក្តីថ្លែងការណ៍ជាផ្លូវការបានឲ្យដឹងថា គណៈកម្មាធិការជំនាញប្រធានបទ (SEC) នៃអង្គភាពត្រួតពិនិត្យស្តង់ដារឱសថកណ្តាល (CDSCO) ដែលជាស្ថាប័និយតករឱសថរបស់ប្រទេសបានជួបប្រជុំគ្នាកាលពីថ្ងៃសុក្រ និងថ្ងៃសៅរ៍ដើម្បីពិភាក្សាលើសំណើរសុំការអនុម័តពីក្រុមហ៊ុនផលិតឱសថទាំងពីរ ក៏ដូចជាការសាកល្បងព្យាបាលដំណាក់កាលទី ៣ នៃវ៉ាក់សាំងដែលផលិតដោយក្រុមហ៊ុន Cadila Healthcare ។

ទន្ទឹមនោះវិទ្យាស្ថាន Serum នៃប្រទេសឥណ្ឌា (SII) កំពុងផលិតវ៉ាក់សាំង Covishield ដែលបង្កើតដោយសាកលវិទ្យាល័យ Oxford និងក្រុមហ៊ុន AstraZeneca ។

ចំណែកវ៉ាក់សាំង Covaxin ដែលត្រូវបានបង្កើតឡើងដោយក្រុមហ៊ុន Bharat Biotech ក៏បានសហការជាមួយក្រុមប្រឹក្សាស្រាវជ្រាវវេជ្ជសាស្ត្រឥណ្ឌា (ICMR) ក្នុងការផលិតនេះ ។

បន្ថែមពីនេះគណៈកម្មាធិក៏បានផ្តល់ការអនុញ្ញាតសម្រាប់ការសាកល្បងព្យាបាលដំណាក់កាលទី ៣ ដល់ក្រុមហ៊ុន Cadila Healthcare ដែលមានមូលដ្ឋាននៅទីក្រុង Ahmedabad ដែលកំពុងបង្កើតវ៉ាក់សាំងនេះផងដែរ ។

ស្របពេលជាមួយគ្នានេះក្រុមមន្រ្តីនិយាយថា ការអនុម័តចុងក្រោយគឺអាស្រ័យលើអាជ្ញាធរត្រួតពិនិត្យឱសថរបស់ប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ វ៉ាក់សាំងកូវីដ Oxford/AstraZeneca ទៅដល់មន្ទីរពេទ្យចក្រភពអង់គ្លេស ត្រៀមចាក់ថ្ងៃស្អែក

ចុចអាន ៖ ចិនអះអាងពីទិន្នន័យប្រសិទ្ធភាពផ្សេងគ្នាសម្រាប់វ៉ាក់សាំងកូវីដរបស់ក្រុមហ៊ុន Sinopharm

The post ឥណ្ឌាអនុញ្ញាតឲ្យប្រើប្រាស់បន្ទាន់នូវវ៉ាក់សាំងកូវីដចំនួនពីរ appeared first on Kampuchea Thmey Daily.