ព័ត៌មានអន្ដរជាតិ
អ៊ីតាលីរារាំងការដឹកជញ្ជូនវ៉ាក់សាំង AstraZeneca ទៅអូស្ត្រាលី
រដ្ឋាភិបាលអ៊ីតាលីបានរារាំងការនាំចេញវ៉ាក់សាំង Oxford-AstraZeneca ទៅកាន់ប្រទេសអូស្ត្រាលី ។
ការសម្រេចចិត្តនេះប៉ះពាល់ដល់វ៉ាក់សាំងចំនួន ២៥០,០០០ ដូសដែលផលិតនៅឯក្រុមហ៊ុន AstraZeneca ក្នុងប្រទេសអ៊ីតាលី ។
ប្រទេសអ៊ីតាលីគឺជាប្រទេសដំបូងបង្អស់នៅអឺរ៉ុបដែលប្រើប្រាស់បទប្បញ្ញត្តិថ្មីរបស់ប្លុកនេះដែលអនុញ្ញាតឲ្យបញ្ឈប់ការនាំចេញ ប្រសិនបើក្រុមហ៊ុនផ្តល់វ៉ាក់សាំងមិនបានបំពេញតាមកាតព្វកិច្ចរបស់ខ្លួនចំពោះសហភាពអឺរ៉ុប ។
ចំណែកប្រទេសអូស្រ្តាលីបាននិយាយថា ការបាត់បង់ការដឹកជញ្ជូនមួយលើកនឹងមិនមានផលប៉ះពាល់អាក្រក់ដល់ការចាក់វ៉ាក់សាំងរបស់ខ្លួននោះទេ ។
សេចក្តីរាយការណ៍និយាយថា ការរារាំងនេះត្រូវបានគាំទ្រដោយគណៈកម្មការអឺរ៉ុប ។
ក្រុមហ៊ុន AstraZeneca កំពុងស្ថិតនៅលើផ្លូវផ្គត់ផ្គង់វ៉ាក់សាំងតែ ៤០ ភាគរយប៉ុណ្ណោះដែលបានព្រមព្រៀងទៅរដ្ឋជាសមាជិកក្នុងរយៈពេលបីខែដំបូងនៃឆ្នាំនេះ ។ វាបានលើកឡើងពីបញ្ហាផលិតកម្មសម្រាប់កង្វះខាតនេះ ។
សហភាពអ៊ឺរ៉ុបត្រូវបានគេរិះគន់យ៉ាងខ្លាំងចំពោះល្បឿនយឺតនៃយុទ្ធនាការចាក់វ៉ាក់សាំងរបស់ខ្លួន ។ ក្រោមគម្រោងវ៉ាក់សាំងសហភាពអឺរ៉ុបដែលត្រូវបានបង្កើតឡើងកាលពីខែមិថុនាឆ្នាំមុន ប្លុកនេះបានចរចាទិញវ៉ាក់សាំងក្នុងនាមរដ្ឋជាសមាជិក ។
មិនទាន់មានការអត្ថាធិប្បាយជាផ្លូវការណាមួយស្តីពីការរារាំងរបស់អ៊ីតាលីដោយសហភាពអ៊ឺរ៉ុប ឬក្រុមហ៊ុន AstraZeneca នោះទេ ។
គួរបញ្ជាក់ថា ប្រទេសអូស្ត្រាលីបានចាប់ផ្តើមយុទ្ធនាការចាក់វ៉ាក់សាំងរបស់ខ្លួនកាលពីសប្តាហ៍មុនដោយប្រើវ៉ាក់សាំង Pfizer/BioNTech ខណៈដែលប្រទេសនេះនឹងត្រូវចាប់ផ្តើមចាក់វ៉ាក់សាំង AstraZeneca នៅថ្ងៃសុក្រនេះ ៕
ប្រែសម្រួលដោយ ៖ ជីវ័ន្ត
ប្រភព ៖ BBC
ចុចអាន ៖ ដំណឹងល្អ! វ៉ាក់សាំងកូវីដរបស់អង់គ្លេសចាក់តែមួយដូសមានប្រសិទ្ធភាពមិនធម្មតាការពារមនុស្សចាស់
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង