ព័ត៌មានអន្ដរជាតិ
បុរសអាយុ ៨២ ឆ្នាំក្លាយជាមនុស្សដំបូងគេដែលទទួលបានវ៉ាក់សាំងរបស់ក្រុមហ៊ុន AstraZeneca/Oxford
នៅថ្ងៃចន្ទនេះប្រទេសអង់គ្លេសបានចាប់ផ្តើមចាក់វ៉ាក់សាំងប្រឆាំងជំងឺកូវីដ ១៩ របស់ក្រុមហ៊ុន AstraZeneca/Oxford ដល់លោកតា Brian Pinker អាយុ ៨២ ឆ្នាំនៅមន្ទីរពេទ្យមួយចម្ងាយពីរបីរយម៉ែត្រពីកន្លែងដែលវ៉ាក់សាំងនេះត្រូវបានផលិត ។
លោកតាម Pinker បានថ្លែងអំណរគុណដល់អ្នកវិទ្យាសាស្ត្រដែលបានអភិវឌ្ឍការចាក់វ៉ាក់សាំងនេះដោយនិយាយថា លោកទន្ទឹងរង់ចាំការប្រារព្ធពិធីខួបអាពាហ៍ពិពាហ៍របស់លោកនៅចុងឆ្នាំនេះ ។
លោកបាននិយាយនៅក្នុងសេចក្តីថ្លែងការណ៍មួយដែលចេញដោយសេវាកម្មសុខភាពថា “ខ្ញុំមានសេចក្តីរីករាយណាស់ដែលបានចាក់វ៉ាក់សាំងការពារជំងឺកូវីដ ១៩ នៅថ្ងៃនេះ ហើយខ្ញុំពិតជាមានមោទនភាពណាស់ដែលវាត្រូវបានបង្កើតនៅទីក្រុង Oxford” ។
លោកបាននិយាយថា “គិលានុបដ្ឋាយិកា វេជ្ជបណ្ឌិត និងបុគ្គលិកពេទ្យនៅថ្ងៃនេះសុទ្ធតែពូកែ ហើយខ្ញុំពិតជាទន្ទឹងរងចាំការប្រារព្ធខួបអាពាហ៍ពិពាហ៍លើកទី ៤៨ របស់ខ្ញុំជាមួយភរិយាខ្ញុំឈ្មោះ Shirley នៅចុងឆ្នាំនេះ” ។
ទន្ទឹមនោះសេវាសុខភាពជាតិ (NHS) បាននិយាយថា លោក Andrew Pollard ជាប្រធានក្រុមហ៊ុនវ៉ាក់សាំង Oxford និងជាប្រធានក្រុមអ្នកស៊ើបអង្កេតក្នុងការសាកល្បងនៃការចាក់ថ្នាំបង្ការរោគនេះក៏បានទទួលវ៉ាក់សាំងនេះផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៦ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ