លោក Zhang Yuntao អនុប្រធាននិងជាប្រធានអ្នកវិទ្យាសាស្ត្រនៃក្រុមហ៊ុន China National Biotec Group (CNBG) ដែលជាបុត្រសម្ព័ន្ធរបស់ Sinopharm បាននិយាយថា​ ថ្នាំនេះ មានប្រសិទ្ធភាពជាចម្បងលើអ្នកជំងឺដែលមានរោគសញ្ញាស្រាលឬមធ្យម។ វាផ្អែកលើទិន្នន័យពីការប្រើប្រាស់គ្រាអាសន្នរបស់ថ្នាំនេះ និងការសាកល្បងនាពេលបច្ចុប្បន្ន។

ថ្នាំទាំងពីរ ដែលត្រូវបានបង្កើតឡើងដោយផ្អែកលើប្រភេទប្រូតេអ៊ីននៅក្នុងកោសិកានៃប្រព័ន្ធភាពស៊ាំរបស់មនុស្សនិងការក្លូនអង់ទីគ័រ ត្រូវបានប្រើដើម្បីបន្សាបមេរោគ និងកាត់បន្ថយការផ្ទុកវីរុសនៅក្នុងខ្លួនមនុស្ស។ នេះបើតាមការលើកឡើងរបស់លោក Zhang ប្រាប់ទូរទស្សន៍ CCTV កាលពីថ្ងៃសៅរ៍ទី១១ ខែកញ្ញា។

កាលពីដើមខែនេះ ក្រុមហ៊ុន Sinopharm បានឲ្យដឹងនៅក្នុងពិព័រណ៍ពាណិជ្ជកម្មអន្តរជាតិចិនឆ្នាំ២០២១ថា ថ្នាំព្យាបាលកូវីដដំបូងគេបង្អស់របស់ពិភពលោក ដែលផ្អែកលើប្រភេទប្រូតេអ៊ីននៅក្នុងកោសិកានៃប្រព័ន្ធភាពស៊ាំរបស់មនុស្ស បង្កើតឡើងពីប្លាស្មាពីអ្នកជំងឺកូវីដ១៩ ដែលបានជាសះស្បើយ នឹងត្រូវធ្វើតេស្តព្យាបាល ហើយពួកគេកំពុងធ្វើការយ៉ាងជិតស្និទ្ធជាមួយដៃគូអន្តរជាតិ។

នេះបង្ហាញថា ក្រុមអ្នកស្រាវជ្រាវនិងផលិតថ្នាំចិន គឺស្ថិតក្នុងចំណោមក្រុមហ៊ុនឈានមុខគេក្នុងការស្រាវជ្រាវនិងផលិតថ្នាំព្យាបាលជំងឺកូវីដ-១៩៕

ប្រែសម្រួល៖ Vann Vann

ប្រភព៖ Global Times

ចុចអាន៖ វៀតណាម គ្រោងប្រើប្រាស់ថ្នាំចាក់មួយប្រភេទ សម្រាប់ព្យាបាល កូវីដ

The post ក្រុមហ៊ុន Sinopharm ធ្វើតេស្តជោគជ័យលើថ្នាំគ្រាប់ព្យាបាលកូវីដ ពេលនេះរៀបចំផលិតហើយ appeared first on Kampuchea Thmey Daily.

ការអភិវឌ្ឍរបស់ក្រុមហ៊ុនឱសថដែលគ្រប់គ្រងដោយរដ្ឋនេះ បានកើតឡើងចំពេលដែលមានក្តីកង្វល់កាន់តែខ្លាំងអំពីប្រសិទ្ធភាពរបស់វ៉ាក់សាំងប្រភេទអសកម្ម។

ការសិក្សាមួយចំនួនបានបង្ហាញថា វ៉ាក់សាំងប្រភេទនេះ បង្កើតអង្គបដិប្រាណតិចជាង បើប្រៀបធៀបជាមួយវ៉ាក់សាំងប្រភេទ mRNA។ វ៉ាក់សាំងអសកម្មដូចដែលមានស្រាប់របស់ក្រុមហ៊ុន Sinopharm គឺប្រើភាគល្អិតមេរោគដែលងាប់ ដើម្បីបង្កើតការឆ្លើយតបនៃប្រព័ន្ធភាពស៊ាំ ខណៈវ៉ាក់សាំងប្រភេទ mRNA មានផ្ទុកការណែនាំហ្សែន ដែលប្រាប់កោសិកាឲ្យបង្កើតប្រូតេអ៊ីនមេរោគ នាំឲ្យប្រព័ន្ធការពាររាងកាយរឹងមាំ។

Sinopharm មិនមែនជាក្រុមហ៊ុនចិនតែមួយគត់ដែលកំពុងអភិវឌ្ឍន៍វ៉ាក់សាំងប្រភេទ mRNA ផ្ទាល់ខ្លួននោះទេ។ ក្រុមហ៊ុនតូចៗដូចជា Walvax Biotechnology ក៏បានធ្វើការសាកល្បងរួចហើយផងដែរ។

ប៉ុន្តែការដាក់បញ្ចូលក្រុមហ៊ុនធំៗដូចជា Sinopharm ទៅក្នុងទីផ្សារ mRNA អាចផ្តល់ឲ្យប្រទេសចិន នូវបច្ចេកវិទ្យាជំរុញដ៏សំខាន់។

ក្រុមហ៊ុនផលិតថ្នាំអាល្លឺម៉ង់ BioNTech ដែលកំពុងសហការជាមួយដៃគូចែកចាយ Pfizer និង Fosun Pharma របស់ចិនដើម្បីផ្តល់វ៉ាក់សាំង mRNA របស់ខ្លួន គឺកំពុងផ្តោតលើទីផ្សារប្រទេសចិនហើយកំពុងរង់ចាំការយល់ព្រមជាផ្លូវការពីទីក្រុងប៉េកាំង៕

ប្រែសម្រួល៖ Vann Vann

ប្រភព៖ FT

ចុចអាន៖ ទីបំផុត ក្រុមហ៊ុន Sinopharm បញ្ចេញរបាយការណ៍អំពីប្រសិទ្ធភាពវ៉ាក់សាំង ដល់ពិភពលោក

The post Sinopharm ក្លាយជាក្រុមហ៊ុនចិន ធំដំបូងគេ កំពុងអភិវឌ្ឍន៍វ៉ាក់សាំង mRNA ប្រយុទ្ធជាមួយ Delta និង Beta  appeared first on Kampuchea Thmey Daily.

មុនឡើងឈរលើតំណែងជា CEO បច្ចុប្បន្ន លោកធ្លាប់ឆ្លងកាត់បទពិសោន៍ការងារក្នុងផ្នែកសុខាភិបាលជាង ២៨ ឆ្នាំ ហើយធ្លាប់ធ្វើជាអ្នកគ្រប់គ្រងនៅក្នុងឧស្សាហកម្មផលិតឱសថនិងថែទាំសុខភាពជាង ២៥ ឆ្នាំ។

ការអប់រំ

លោក Liu Yong បញ្ចប់ការសិក្សាបរិញ្ញាបត្រផ្នែកវិទ្យាសាស្ត្រជំនាញគ្រប់គ្រងអាជីវកម្មឱសថសហគ្រាសពីសាកលវិទ្យាល័យឱសថចិន (CPU) កាលពីខែកក្កដា ឆ្នាំ ១៩៩២ និងថ្នាក់អនុបណ្ឌិតផ្នែករដ្ឋបាលអាជីវកម្មពីសាកលវិទ្យាល័យ Fudan ក្នុងខែមករា ឆ្នាំ ២០០០ ហើយបានបញ្ចប់សញ្ញាប័ត្របណ្ឌិតផ្នែកឱសថសាស្រ្តសង្គមនិងរដ្ឋបាលពី CPU ក្នុងខែមិថុនា ឆ្នាំ ២០១៦។

បទពិសោធន៍ការងារ

វេជ្ជបណ្ឌិត Liu Yong ជាប្រធានឱសថការី និងជាអ្នកជំនាញខាងឱសថសាស្ត្រអស់ពេលជាយូរមកហើយ។ បុរសវេជ្ជសាស្ត្ររូបនេះ ធ្លាប់ធ្វើការនៅស្ថានីយ៍ឱសថទីក្រុងសៀងហៃ ចាប់ពីខែកក្កដា ឆ្នាំ ១៩៩២ ដល់ខែកក្កដា ឆ្នាំ ១៩៩៩ ព្រមទាំងធ្លាប់បម្រើការជាអគ្គនាយករងនៅនាយកដ្ឋានទីផ្សាររបស់ក្រុមហ៊ុនឱសថជាតិ ចិន សៀងហៃ ខូអិលធីឌី ផងដែរ។ លោកក៏ជាអតីតអគ្គនាយករងនៃក្រុមហ៊ុន Shanghai Guoda Drug Chain Store Co., Ltd អំឡុងខែកក្កដា ១៩៩៩ ដល់ខែមេសា ឆ្នាំ ២០០៣ ។

ចាប់ពីខែមករា ឆ្នាំ ២០០៩ ដល់ខែវិច្ឆិកា ឆ្នាំ ២០១៧ វេជ្ជបណ្ឌិតរូបនេះបានក្លាយជាអគ្គនាយករងនៃក្រុមហ៊ុន Sinopharm Co។ លុះមកដល់ខែមករា ឆ្នាំ ២០១៨ បានឡើងជាអនុលេខាធិការគណៈកម្មាធិការ។

ក្នុងអំឡុងពេលនេះ លោកនៅមានតួនាទីផ្សេងទៀត ដែលសុទ្ធសឹងជាការងារក្នុងនាមជាអ្នកគ្រប់គ្រងថ្នាក់ខ្ពស់។  Liu Yong បានបម្រើជាអ្នកប្រឹក្សាផ្នែកច្បាប់ទូទៅរបស់ក្រុមហ៊ុននៅចន្លោះខែមករា ឆ្នាំ ២០១៤ ដល់ខែមីនា ឆ្នាំ ២០១៨ ហើយក៏ជាលេខាធិការក្រុមប្រឹក្សាភិបាលចាប់ពីខែតុលា ឆ្នាំ ២០១៦ ដល់ខែវិច្ឆិកា ឆ្នាំ ២០១៧ រួមនិងជាតំណាងស្របច្បាប់របស់ក្រុមហ៊ុនចាប់ពីខែតុលា ឆ្នាំ ២០១៦ រហូតដល់ ខែសីហាឆ្នាំ ២០១៨។

សេដ្ឋីវេជ្ជសាស្ត្ររបស់ចិនរូបនេះ ឡើងជានាយកក្រុមហ៊ុនឧស្សាហកម្មឱសថ Sinopharm អ៊ិនវេសមេន ខូអិលធីឌី នៅពាក់កណ្ដាលឆ្នាំ ២០១៨ ហើយក្នុងពេលដំណាលគ្នានេះ លោកក៏ជាប្រធានក្រុមប្រឹក្សា China National Medicines Co., Ltd និងក្រុមហ៊ុន National Accord Medicines Co., Ltd ព្រមទាំងជាថ្នាក់គ្រប់គ្រងជាន់ខ្ពស់នៅក្រុមហ៊ុនបុត្រសម្ព័ន្ធមួយចំនួនទៀត។

អំពីប្រាក់ខែ

ពុំមានសារព័ត៌មានណាមួយធ្លាប់បញ្ចេញចំនួនប្រាក់ខែជាក់លាក់របស់ CEO រូបនេះ ឬទ្រព្យសម្បត្តិសរុបរបស់លោកឡើយ។

ទោះយ៉ាងណា គេដឹងថា ក្នុងនាមជាប្រធាននិងជានាយកប្រតិបត្តិក្រុមហ៊ុន Sinopharm Co., Ltd វេជ្ជបណ្ឌិតវ័យ ៥១ ឆ្នាំរូបនេះ ទទួលបានប្រាក់សំណងពីក្រុមហ៊ុនរួមមាន ប្រាក់ខែគោល ប្រាក់លើកទឹកចិត្ត កម្រៃជើងសារ ​និងអត្ថប្រយោជន៍ផ្សេងសរុបចំនួន ៧,៥៤៧,០០០ ដុល្លារអាមេរិកក្នុងមួយខែ។ ​នេះបើយោងតាមការចុះផ្សាយពីវេបសាយ wallmine នៅខែឧសភា ឆ្នាំ ២០២១៕

ប្រែសម្រួល៖ សន្យា

ចុចអាន៖ មិនធម្មតា! វ៉ាក់សាំង Sinopharm មានប្រសិទ្ធភាព យកឈ្នះវីរុសបំប្លែងខ្លួនជាង១០ប្រភេទ

ចុចអាន៖ អ្នកណាខ្លះបានចាក់វ៉ាក់សាំង Sinopharm? នេះជាអ្វីគួរដឹងពីវ៉ាក់សាំងដែល WHO ទើបទទួលស្គាល់នេះ

The post មកដឹងបទពិសោធន៍ការងារនិងប្រាក់ចំណូលរបស់មេធំក្រុមហ៊ុនផលិតវ៉ាក់សាំង Sinopharm appeared first on Kampuchea Thmey Daily.

ភ្លើងខៀវដើម្បីចាប់ផ្តើមធ្វើតេស្តកើតឡើង បន្ទាប់ពីវ៉ាក់សាំងការពារកូវីដចំនួន ២ ពីក្រុមហ៊ុន Sinopharm ត្រូវបានអនុម័ត និងប្រើប្រាស់យ៉ាងទូលំទូលាយទាំងក្នុងប្រទេសចិន និងក្នុងប្រទេសកំពុងអភិវឌ្ឍន៍ដទៃទៀត ។

បើយោងតាមការបង្ហោះនៅលើគណនី WeChat ផ្លូវការរបស់ក្រុមហ៊ុននៅថ្ងៃសៅរ៍នេះបានឲ្យដឹងថា វ៉ាក់សាំងចុងក្រោយបង្អស់នេះគឺជាវ៉ាក់សាំងផ្សំគ្នាដែលរួមមានទាំងផ្នែកខ្លះនៃការបង្កើនប្រូតេអ៊ីនដើម្បីជំរុញការឆ្លើយតបរបស់ប្រព័ន្ធភាពស៊ាំ ៕

ប្រែសម្រួលដោយ ៖ ជីវ័ន្ត

ប្រភព ៖ Bloomberg

ចុចអាន ៖ ដំណឹងល្អ! វ៉ាក់សាំងរបស់ចិនទាំង ២ ដែលកម្ពុជាកំពុងបើកយុទ្ធនាការចាក់ ទីបំផុតត្រូវ WHO ទទួលស្គាល់ប្រសិទ្ធភាព

ចុចអាន ៖ ចិន បញ្ចេញទិន្នន័យប្រសិទ្ធភាពវ៉ាក់សាំងកូវីដធំៗពីររបស់ខ្លួន ជម្រះមន្ទិលសង្ស័យ

The post ដំណឹងល្អ! ចិនអនុម័តវ៉ាក់សាំងកូវីដទី ៣ របស់ក្រុមហ៊ុន Sinopharm សម្រាប់ការសាកល្បងព្យាបាល appeared first on Kampuchea Thmey Daily.

លោក Alejandro Cravioto បានប្រាប់សន្និសីទសារព័ត៌មានមួយនៅទីក្រុងហ្សឺណែវថា ក្រុមអ្នកជំនាញ SAGE នៃ WHO សង្ឃឹមថានឹងចេញអនុសាសន៍ស្តីពីការប្រើប្រាស់វ៉ាក់សាំងទាំងនោះនៅចុងខែមេសានេះ ។

លោក Cravioto បាននិយាយថា វាមានប្រសិទ្ធភាពប្រហែល ៥០ ភាគរយ ឬលើស ៧០ ភាគរយ ហើយជាការពិតពួកគេមានទិន្នន័យសុវត្ថិភាពទាំងអស់ដើម្បីបង្ហាញថា វ៉ាក់សាំងនេះនឹងមិនបង្កគ្រោះថ្នាក់ដល់មនុស្សនៅពេលប្រើនោះទេ ។

ទន្ទឹមនោះអ្នកនាំពាក្យអង្គការសុខភាពពិភពលោកលោកស្រី Margaret Harris បាននិយាយកាលពីដើមខែនេះថា វ៉ាក់សាំង Sinopharm និង Sinovac អាចទទួលបានការចុះបញ្ជីបន្ទាន់របស់អង្គការសុខភាពពិភពលោកឆាប់ៗនេះ” ។

មិនមានទិន្នន័យប្រសិទ្ធភាពលម្អិតនៃវ៉ាក់សាំងការពារជំងឺកូវីដ ១៩ របស់ក្រុមហ៊ុន Sinopharm ត្រូវបានចេញផ្សាយជាសាធារណៈទេ ប៉ុន្តែក្រុមហ៊ុនបុត្រសម្ព័ន្ធជីវសាស្ត្រជាតិចិន (CNBG) បាននិយាយថា វ៉ាក់សាំងនេះមានប្រសិទ្ធភាព ៧៩.៣៤ ភាគរយក្នុងការការពារមនុស្សពីការវិវត្តនៃជំងឺនេះផ្អែកលើទិន្នន័យបណ្តោះអាសន្ន ។ វាត្រូវបានអនុម័តប្រើប្រាស់នៅក្នុងប្រទេសជាច្រើនរួមមានប្រទេសចិន ប៉ាគីស្ថាន និងអារ៉ាប់រួម ។

ចំណែកវ៉ាក់សាំងរបស់ក្រុមហ៊ុន Sinovac បានបង្ហាញពីប្រសិទ្ធភាពចន្លោះ ៥០.៦៥ ភាគរយ និង ៨៣.៥ ភាគរយដោយផ្អែកលើការសាកល្បងពីប្រេស៊ីល ទួរគី និងឥណ្ឌូនេស៊ី ខណៈវ៉ាក់សាំងផលិតនៅប្រទេសចិនទាំងពីរនេះមានតម្រូវការខ្ពស់មែនទែនពីប្រទេសកំពុងអភិវឌ្ឍន៍ជាច្រើន ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ WHO ថា ជំងឺកូវីដបំប្លែងខ្លួនថ្មីកាន់តែសាហាវ និងកើតមានច្រើនឡើងៗ ហើយកំពុងបន្តរាលដាលពេញពិភពលោក

ចុចអាន ៖ WHO ថា ប្រភពដើមជំងឺកូវីដទំនងកើតក្នុងកសិដ្ឋានចិញ្ចឹមសត្វនៅអាស៊ីអាគ្នេយ៍ មិនមែននៅចិនឡើយ

The post ដំណឹងល្អ! វ៉ាក់សាំងរបស់ចិនទាំង ២ ដែលកម្ពុជាកំពុងបើកយុទ្ធនាការចាក់ ទីបំផុតត្រូវ WHO ទទួលស្គាល់ប្រសិទ្ធភាព appeared first on Kampuchea Thmey Daily.

សេចក្តីប្រកាសរបស់វិទ្យាស្ថានផលិតផលជីវសាស្ត្រទីក្រុងអ៊ូហាន (WIBP) បានធ្វើឡើង បន្ទាប់ពីការសាកល្បងព្យាបាលដំណាក់កាលទី ៣ ជាច្រើនខែនៅក្នុងប្រទេសមួយចំនួនជុំវិញពិភពលោក ។ នេះជាលើកទីមួយហើយដែលក្រុមហ៊ុនបានផ្សព្វផ្សាយទិន្នន័យបែបនេះ ។

ចំណែកក្រុមហ៊ុនចិន CanSino កាលពីថ្ងៃពុធបាននិយាយដែរថា ការវិភាគបណ្តោះអាសន្ននៃលទ្ធផលនៃការសាកល្បងវ៉ាក់សាំងដំណាក់កាលចុងក្រោយរបស់ខ្លួនបានបង្ហាញថា វាមានអត្រាប្រសិទ្ធភាពជាង ៦៥ ភាគរយ ។

បច្ចុប្បន្នក្រុមហ៊ុនទាំងពីរសង្ឃឹមថាវ៉ាក់សាំងរបស់ពួកគេនឹងទទួលបានការអនុម័តសម្រាប់ការប្រើប្រាស់ទូទៅនៅក្នុងប្រទេសចិន បន្ទាប់ពីបានដាក់ពាក្យសុំទៅរដ្ឋបាលផលិតផលវេជ្ជសាស្ត្រជាតិនៅសប្តាហ៍នេះ ។

វ៉ាក់សាំងដែលផលិតដោយក្រុមហ៊ុន Sinopharm និងក្រុមហ៊ុន Sinovac Biotech ត្រូវបានផ្តល់ភ្លើងខៀវរួចហើយសម្រាប់ការប្រើប្រាស់ទូទៅនៅក្នុងប្រទេសចិន ខណៈវ៉ាក់សាំង CanSino ដែលមានមូលដ្ឋាននៅទីក្រុង Tianjin ត្រូវបានអនុញ្ញាតឲ្យប្រើប្រាស់ជាបន្ទាន់នៅក្នុងប្រទេសមួយចំនួនទៀតរួមទាំង ម៉ិកស៊ិក និងប៉ាគីស្ថាន ។

វ៉ាក់សាំងក្រុមហ៊ុន Sinovac ត្រូវបានអនុម័តឲ្យប្រើប្រាស់ក្នុងប្រទេសចិនក្នុងខែនេះ ខណៈដែលវាត្រូវបានប្រកាសថាមានប្រសិទ្ធភាព ៥០.៦ ភាគរយក្នុងការការពារជំងឺកូវីដ ១៩ នៅក្នុងការសាកល្បងដែលពាក់ព័ន្ធនឹងបុគ្គលិកសុខាភិបាលនៅក្នុងប្រទេសប្រេស៊ីល ប៉ុន្តែមានប្រសិទ្ធិភាព ៩១ ភាគរយនៅក្នុងការសាកល្បងដំណាក់កាលដំបូងដែលបានធ្វើឡើងនៅក្នុងប្រទេសទួរគី ។

ស្របពេលជាមួយគ្នានេះក្រុមហ៊ុន Sinopharm ដែលគ្រប់គ្រងដោយរដ្ឋកំពុងសម្លឹងរកមើលការក្លាយជាក្រុមហ៊ុនដំបូងគេដែលបានទទួលការអនុម័តវ៉ាក់សាំងកូវីដ ១៩ ចំនួនពីរ បន្ទាប់ពីវាត្រូវបានផ្តល់ភ្លើងខៀវកាលពីខែធ្នូ ។

រីឯក្រុមហ៊ុន CanSino ដែលបានបង្កើតវ៉ាក់សាំងរួមគ្នាសម្រាប់ជំងឺអេបូឡាបាននិយាយកាលពីថ្ងៃពុធថាក៏ដូចជាអត្រាប្រសិទ្ធភាព ៦៥ ភាគរយក្នុងការការពារមនុស្សមិនឲ្យឆ្លងជំងឺកូវីដ វ៉ាក់សាំងថ្មីរបស់ខ្លួនមានប្រសិទ្ធភាព ៩០ ភាគរយក្នុងការការពារប្រឆាំងនឹងរោគសញ្ញាធ្ងន់ធ្ងរនៃជំងឺនេះ ។

គួរបញ្ជាក់ថា មកដល់ពេលនេះប្រទេសចិនមិនទាន់អនុម័តលើវ៉ាក់សាំងណាមួយដែលផលិតដោយក្រុមហ៊ុនមិនមែនចិនសម្រាប់ប្រើប្រាស់នៅតាមព្រំដែនរបស់ខ្លួននោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ SCMP

ចុចអាន ៖ កូរ៉េខាងជើងមិនអើពើការផ្តល់វ៉ាក់សាំងកូវីដពីចិន និងរុស្ស៊ី

ចុចអាន ៖ ទោះកូវីដ តែចិនក្លាយជាដៃគូពាណិជ្ជកម្មធំបំផុតរបស់សហភាពអឺរ៉ុបក្នុងឆ្នាំ ២០២០

The post ចិន បញ្ចេញទិន្នន័យប្រសិទ្ធភាពវ៉ាក់សាំងកូវីដធំៗពីររបស់ខ្លួន ជម្រះមន្ទិលសង្ស័យ appeared first on Kampuchea Thmey Daily.

យន្តហោះនោះមានឈ្មោះថា Xi’an Y-20 គឺជាយន្តហោះដឹកជញ្ជូនយោធាធុនធ្ងន់ដំបូងបង្អស់របស់ចិន ។ យន្តហោះនេះមានសមត្ថភាពហោះហើររយៈចម្ងាយក្នុងលក្ខខណ្ឌអាកាសធាតុចម្រុះជាមួយនឹងទម្ងន់ហោះអតិបរមា ។ វាជាយន្ដហោះយុទ្ធសាស្ត្រធំបំផុតក្នុងស្រុកសម្រាប់កងទ័ពអាកាសកងទ័ពរំដោះប្រជាជនចិន (PLAAF) ។

កម្ពុជាថ្មី សូមលម្អិតលក្ខណៈពិសេសនៃយន្តហោះខ្នាតយក្សមួយនេះ ៖

• ផលិតដោយក្រុមហ៊ុនឧស្សាហកម្មយន្តហោះ  Xi’an (XAIC)
• ផលិតឆ្នាំ ២០១៣ (ហោះហើរលើកដំបូងថ្ងៃទី ២៦ ខែមករា ឆ្នាំ២០១៣)
• តម្លៃ ១៦០ លានដុល្លារអាមេរិក (ឆ្នាំ ២០១៣)
• ល្បឿនហោះហើរលឿនបំផុត ៦៣០ គីឡូម៉ែត្រក្នុងមួយម៉ោង
• រយៈចម្ងាយហោះហើរ ៤,៤៤៥ គីឡូម៉ែត្រ
• ចម្ងាយហោះឡើង ៧៧០ ម៉ែត្រ
• ចម្ងាយចុះចត ១,០០០ ម៉ែត្រ
• ទម្ងន់ហោះហើរ ២២០,០០០ គីឡូក្រាម
• ទម្ងន់ផ្ទុក ៦៦,០០០ គីឡូក្រាម
• ប្រវែង ៤៧ ម៉ែត្រ
• កម្ពស់កន្ទុយ ១៥ ម៉ែត្រ

គួររម្លឹកថា យន្តហោះធន់ Xi’an Y-20 របស់សាធារណរដ្ឋប្រជាមានិតចិនបានដឹកវ៉ាក់សាំង SARS-CoV-2 របស់ក្រុមហ៊ុនឱសថចិន Sinopharm ចំនួន ៦០ ម៉ឺនដូសមកកាន់ទឹកដីនៃព្រះរាជាណាចក្រកម្ពុជាកាលពីថ្ងៃទី ៧ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ Aircraftcompare

ចុចអាន ៖ សម្តេចតេជោ៖ វ៉ាក់សាំងជាគន្លឹះយកឈ្នះជំងឺកូវីដ-១៩

ចុចអាន ៖ អ្នកកាសែតក៏ជាអ្នកអាទិភាពក្នុងការទទួលវ៉ាក់សាំងមុនគេ

The post លម្អិតលក្ខណៈពិសេសយន្តហោះខ្នាតយក្សដឹកវ៉ាក់សាំងកូវីដ ១៩ របស់យោធាចិនមកកម្ពុជា ម្សិលមិញ appeared first on Kampuchea Thmey Daily.

លោក Tedros បាននិយាយនៅក្នុងសន្និសីទសារព័ត៌មាននាពេលថ្មីៗនេះថា “ខ្ញុំរីករាយដែលក្រុមអង្គការសុខភាពពិភពលោកនៅប្រទេសចិននាពេលបច្ចុប្បន្ននេះកំពុងធ្វើការជាមួយក្រុមហ៊ុនផលិតវ៉ាក់សាំង Sinovac និង Sinopharm ដើម្បីវាយតម្លៃការអនុលោមតាមការអនុវត្តផលិតកម្មគុណភាពអន្តរជាតិមុនពេលការចុះបញ្ជីប្រើប្រាស់ជាបន្ទាន់ដោយ WHO” ។

ទន្ទឹមនោះលោកក៏បានកត់សម្គាល់ដែរថា អង្គការសុខភាពពិភពលោកបន្តស្នើសុំឲ្យក្រុមហ៊ុនផលិតវ៉ាក់សាំងនានានៅជុំវិញពិភពលោកព្យាយាមផ្តល់នូវទិន្នន័យចាំបាច់ឲ្យបានឆាប់រហ័សដែលនឹងអនុញ្ញាតឲ្យអង្គការពិចារណាលើវ៉ាក់សាំងសម្រាប់ការចុះបញ្ជីប្រើប្រាស់បន្ទាន់ ។

លោក Tedros បាននិយាយថា “នៅពេលដែលយើងសង្ឃឹមអំពីវ៉ាក់សាំងដែលមានសុវត្ថិភាព និងប្រសិទ្ធភាពដែលកំពុងត្រូវបានដាក់ចេញឲ្យប្រើប្រាស់ យើងចង់ឃើញការបង្កើនការចាក់វ៉ាក់សាំង ខណៈវ៉ាក់សាំងត្រូវបានបម្រុងទុកសម្រាប់ប៉ុន្មានសប្តាហ៍ខាងមុខនេះហើយផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ទីបំផុត រកឃើញវ៉ាក់សាំងកូវីដដែល WHO ទទួលស្គាល់ឲ្យប្រើប្រាស់ជាបន្ទាន់

ចុចអាន ៖ WHO ៖ ខែកុម្ភៈ ការចាក់វ៉ាក់សាំងកូវីដនឹងមានគ្រប់ប្រទេសទាំងអស់

The post ក្រុម WHO កំពុងធ្វើការជាមួយក្រុមហ៊ុនផលិតវ៉ាក់សាំងចិន ដើម្បីវាយតម្លៃការប្រើប្រាស់បន្ទាន់ appeared first on Kampuchea Thmey Daily.