ព័ត៌មានអន្ដរជាតិ
កូរ៉េខាងជើងមិនអើពើការផ្តល់វ៉ាក់សាំងកូវីដពីចិន និងរុស្ស៊ី
យោងតាមទីភ្នាក់ងារស៊ើបការណ៍សម្ងាត់របស់ទីក្រុងសេអ៊ូលបានឲ្យដឹងថា ប្រទេសកូរ៉េខាងជើងមិនអើពើចំពោះការផ្តល់វ៉ាក់សាំងការពារជំងឺកូវីដ ១៩ ដែលត្រូវបានបង្កើតឡើងនៅក្នុងប្រទេសចិន និងរុស្ស៊ី នោះទេ ។
សារព័ត៌មាន Yonhap និងសារព័ត៌មាន Herald Business បានរាយការណ៍កាលពីថ្ងៃពុធនៅក្នុងរបាយការណ៍មួយទៅគណៈកម្មាធិការស៊ើបការណ៍សម្ងាត់រដ្ឋសភារបស់កូរ៉េខាងត្បូង ហើយសេវាស៊ើបការណ៍ជាតិ (NIS) របស់ទីក្រុងសេអ៊ូលបាននិយាយថាមានភស្តុតាងចំពោះទីក្រុងប៉េកាំង និងទីក្រុងមូស្គូដែលជាដៃគូជិតស្និទ្ធបំផុតរបស់ទីក្រុងព្យុងយ៉ាងបានខិតជិតការផ្តល់វ៉ាក់សាំងដល់កូរ៉េខាងជើង ។
តាមរបាយការណ៍នេះ កូរ៉េខាងជើងមិនបានឆ្លើយតបនឹងសំណើខាងលើនោះទេ ហើយវាជាសញ្ញាមួយដែលរបបនេះអាចមានការងឿងឆ្ងល់អំពីវ៉ាក់សាំងចិន និងរុស្ស៊ី ។
វ៉ាក់សាំងរបស់ក្រុមហ៊ុនចិន Sinovac ត្រូវបានបង្ហាញឲ្យដឹងកាលពីខែមករាថាមានអត្រាប្រសិទ្ធភាពប្រហែល ៥០ ភាគរយក្នុងការសាកល្បង ។ នៅក្នុងខែធ្នូក្រុមហ៊ុនរុស្ស៊ីបានអះអាងថា វ៉ាក់សាំង Sputnik V របស់ពួកគេមានអត្រាប្រសិទ្ធភាព ៩១.៤ ភាគរយ ។
ប្រទេសអភិវឌ្ឍន៍ភាគច្រើនកំពុងជ្រើសរើសវ៉ាក់សាំងពីក្រុមហ៊ុនអាមេរិកដូចជា Pfizer និងក្រុមហ៊ុនអង់គ្លេស-ស៊ុយអែត AstraZeneca ជាដើម ។
កាលពីថ្ងៃពុធរបាយការណ៍របស់កូរ៉េខាងត្បូងស្តីពីកូរ៉េខាងជើងមិនបានបញ្ជាក់ថាតើចិន និងរុស្ស៊ីផ្តល់វ៉ាក់សាំងក្នុងស្រុកដោយឥតគិតថ្លៃដល់ទីក្រុងព្យុងយ៉ាងឬយ៉ាងណានោះទេ ។ សមាជិកសភាបក្សកាន់អំណាចកូរ៉េខាងត្បូងបានប្រាប់សារព័ត៌មាន Herald Business ថា “សុវត្ថិភាពនៃវ៉ាក់សាំងដែលផលិតនៅក្នុងប្រទេសចិន និងរុស្ស៊ីមិនត្រូវបានធានានោះទេ ហើយកូរ៉េខាងជើងប្រហែលជាមានអាកប្បកិរិយាប្រុងប្រយ័ត្នចំពោះផលិតផលនេះ ។
ចំណែកលោក Ha Tae-kyung សមាជិកសភាគណបក្សប្រឆាំងបានប្រាប់ Yonhap ថា សេវា NIS របស់ទីក្រុងសេអ៊ូលក៏បាននិយាយផងដែរថា លោក គីម ជុងអ៊ុន និងក្រុមគ្រួសារទំនងជាមិនបានទទួលការចាក់វ៉ាក់សាំងបង្ការប្រឆាំងនឹងជំងឺកូវីដ ១៩ នោះទេ ។ ប្រភពពី NIS បាននិយាយថា ពួកគេមិនអាចបញ្ជាក់សេចក្តីថ្លែងការណ៍របស់លោក Ha Tae-kyung បានឡើយ ៕
ប្រែសម្រួលដោយ ៖ ជីវ័ន្ត
ប្រភព ៖ UPI
ចុចអាន ៖ ចារកម្មកូរ៉េខាងត្បូង ៖ Hacker កូរ៉េខាងជើងលួចទិន្នន័យវ៉ាក់សាំងពីក្រុមហ៊ុន Pfizer
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត