តួលេខដ៏ច្រើនលើសលប់នេះ បានលុបតម្លៃ ១៨៥ ប៊ីលាន​ដុល្លារ ដែលស្នើឡើងដោយប្រធានកម្មវិធីនេះរបស់មន្ទីរបញ្ចកោណ ​ដោយ​​ក្លាយជាតួលេខដ៏តិច​តូចមួយប៉ុណ្ណោះ​​។

យោងតាមទីភ្នាក់ងារសារព័ត៌មាន Reuters​ ស្ថាប័ន CBO បានប៉ាន់ប្រមាណថា គ្រាន់តែថ្លៃដើមនៃការទិញយកប្រព័ន្ធនេះ នឹងមានចំនួនសរុបជាង ១ ​ទ្រីលានដុល្លារទៅហើយ ដោយក្នុងនោះ ស្រទាប់មីស៊ីលស្ទាក់ចាប់នៅលើលំហអាកាស ដែលជាបណ្តាញផ្កាយរណបចំនួន ៧ ៨០០ គ្រឿង នឹងក្តោបក្តាប់រហូតដល់ប្រហែល ៧០ ភាគរយ នៃថ្លៃដើមទិញយកសរុប។

ប្រព័ន្ធការពារនេះ នឹងគ្របដណ្តប់លើទឹកដីអាមេរិកទាំងមូល រួមទាំងរដ្ឋអាឡាស្កា និងកោះហាវ៉ៃ ផងដែរ ហើយនឹងមានសមត្ថភាពពេញលេញក្នុងការទប់ទល់នឹងការវាយប្រហារពីគូប្រជែងក្នុងតំបន់ ដូចជាប្រទេសកូរ៉េខាងជើង។ ទោះជាយ៉ាងណាក៏ដោយ CBO បានព្រមានថា ប្រព័ន្ធនេះអាចនឹងមិនអាចទប់ទល់រួចឡើយ ប្រសិនបើមានការវាយប្រហារទ្រង់ទ្រាយធំពីសំណាក់ប្រទេសរុស្ស៊ី ឬ ចិន។

ដោយឡែក លោក Jeff Merkley សមាជិកព្រឹទ្ធសភាអាមេរិកមកពីគណបក្សប្រជាធិបតេយ្យ (រដ្ឋ Oregon) និងជាសមាជិកជាន់ខ្ពស់នៃគណៈកម្មាធិការថវិកាព្រឹទ្ធសភា បានរិះគន់ថា៖ «ប្រព័ន្ធ​ការ​ពារដែន​អាកាស​ដែលប្រធានាធិបតីហៅថា «Golden Dome» នេះ គឺគ្មានអ្វីក្រៅពីការយកលុយពន្ធរបស់ប្រជាជនអាមេរិក ដែលខំធ្វើការងារយ៉ាងលំបាក ទៅប្រគល់ឲ្យក្រុមហ៊ុនម៉ៅការ​ផលិត​ឧបករណ៍​ការពារជាតិធំៗនោះឡើយ»។

ជុំវិញករណីនេះ ការិយាល័យគ្រប់គ្រងគម្រោង «Golden Dome» របស់មន្ទីរបញ្ចកោណ មិនបានឆ្លើយតបនឹងសំណើសុំការអត្ថាធិប្បាយរបស់​រ៉យទ័រ​នោះទេ​។

សូមបញ្ជាក់ថា បទបញ្ជាប្រតិបត្តិដើម្បីបង្កើតខែលការពារមីស៊ីល «Golden Dome» នេះ ត្រូវបានចុះហត្ថលេខា កាលពីថ្ងៃទី ២៧ ខែមករា ឆ្នាំ ២០២៥ ដោយបានកំណត់កាលវិភាគយ៉ាងតឹងរ៉ឹង ក្នុងការដាក់ពង្រាយប្រព័ន្ធការពារមីស៊ីលការពារ​ជាតិ​អាមេរិក​​ដ៏ទូលំទូលាយមួយនេះ ឲ្យបានត្រឹមឆ្នាំ ២០២៨។

គម្រោងនេះ គឺផ្ដោតលើការពង្រីកប្រព័ន្ធការពារនៅលើដី ដូចជាមីស៊ីលស្ទាក់ចាប់ ឧបករណ៍ចាប់សញ្ញា និងប្រព័ន្ធបញ្ជា និងគ្រប់គ្រង ព្រមទាំងបន្ថែមសមាសធាតុនៅលើលំហអាកាស ដើម្បីស្វែងរក តាមដាន និងអាចបាញ់ទម្លាក់ការគំរាមកំហែងដែលចូលមកពីគន្លងតារាវិថី។ សមាសធាតុទាំងនេះ នឹងរួមបញ្ចូលទាំងបណ្តាញផ្កាយរណបកម្រិតខ្ពស់ និងអាវុធនៅលើគន្លងតារាវិថីផងដែរ៕

អត្ថបទ៖ សាង ស្រីល័ក្ខ

គ្រោះរញ្ជួយដីកម្រិត ៤.៦ រ៉ិចទ័រ វាយប្រហារនៅក្បែរ​រដ្ឋធានី ប្រទេស​អ៊ីរ៉ង់​​

The post គម្រោង​ការ​ពារដែន​អាកាស​អាមេរិក​ «Golden Dome» នឹង​ចាយដល់ ១.២ ទី្រលានដុល្លារ គ្រប​ដណ្តប់​​លើ​ទឹកដី​អាមេរិចទាំងអស់ appeared first on Kampuchea Thmey Daily.

ក្នុងសារបង្ហោះលើបណ្តាញសង្គម X កាលពីថ្ងៃពុធទី១ខែមេសាឆ្នាំ២០២៦ រដ្ឋមន្ត្រីក្រសួងការពារជាតិប៉ូឡូញ Wladyslaw Kosiniak-Kamysz​ បានបញ្ជាក់ថា៖ «ប៉ូឡូញ នឹងមិនចល័តប្រព័ន្ធមីស៊ីលការពារអាកាស Patriot ដែលផលិតដោយអាមេរិក ទៅកាន់មជ្ឈិមបូព៌ាដើម្បីជួយអាមេរិកក្នុងការស្ទាក់ចាប់ការវាយប្រហារពីប្រទេសអ៊ីរ៉ង់ឡើយ»។

តាមសម្តីលោក Kosiniak-Kamysz, គ្រឿងបំពាក់និងគ្រាប់នៃប្រព័ន្ធការពារអាកាស Patriot របស់ប៉ូឡូញ ត្រូវបានប្រើប្រាស់ដើម្បីការពារដែនអាកាសរបស់ខ្លួន និងតំបន់ប៉ែកខាងកើតនៃអង្គការណាតូ។ សន្តិសុខជាតិប៉ូឡូញ គឺជាអទិភាពចម្បង។

ការអះអាងរបស់រដ្ឋមន្ត្រីរូបនេះ គឺជាការឆ្លើយតបទៅសារព័ត៌មាន Rzeczpospolita របស់ប៉ូឡូញ ដែលរាយការណ៍ថា សហរដ្ឋអាមេរិក បានសុំខ្ចីប្រព័ន្ធការពារអាកាស Patriot យ៉ាងតិចពីរគ្រឿង រួមជាមួយនឹងគ្រាប់មីស៊ីលប្រភេទ PAC-3 MSE មួយចំនួន ដែលធ្លាប់បានលក់ឲ្យប៉ូឡូញ ដើម្បីយកទៅប្រើប្រាស់ក្នុងសង្គ្រាមជាមួយប្រទេសអ៊ីរ៉ង់។

យ៉ាងណា ជុំវិញរឿងនេះ មិនទាន់មានប្រតិកម្មពីសំណាក់ទីក្រុងវ៉ាស៊ីនតោនទេ។

ប្រព័ន្ធការពារដែនអាកាស Patriot ដែលប៉ូឡូញកំពុងពង្រឹងសមត្ថភាពនេះ គឺជាខែលមានឥទ្ធិពលបំផុតមួយនៅក្នុងតំបន់អឺរ៉ុប។ គម្រោងដែលប៉ូឡូញហៅថា Wisła នេះ មិនមែនគ្រាន់តែជាការទិញអាវុធធម្មតានោះទេ ប៉ុន្តែវាគឺជាការផ្លាស់ប្តូរមុខមាត់ថ្មីនៃប្រព័ន្ធការពារជាតិរបស់ពួកគេផងដែរ។

ប៉ូឡូញបានបញ្ជាទិញប្រព័ន្ធ Patriot ជំនាន់ចុងក្រោយបំផុត ដែលប្រើប្រាស់មីស៊ីលប្រភេទ PAC-3 MSE ជាមួយសមត្ថភាពស្ទាក់ចាប់មីស៊ីល ល្បឿនលឿនជាងសំឡេង និងការពារដែនអាកាសពីការឈ្លានពានគ្រប់រូបភាពក្នុងចម្ងាយឆ្ងាយ។

អ្វីដែលធ្វើឲ្យខែលរបស់ប៉ូឡូញពិសេសជាងគេ គឺការបំពាក់រ៉ាដាជំនាន់ថ្មី LTAMDS ដែលអាចមើលឃើញជុំវិញខ្លួន ៣៦០ ដឺក្រេ។ ខុសពីប្រព័ន្ធចាស់ៗដែលមើលបានតែមួយទិស រ៉ាដានេះអាចតាមដានគោលដៅគ្រោះថ្នាក់ពីគ្រប់ទិសទីក្នុងពេលតែមួយ៕

អត្ថបទ៖ សុខ សុវណ្ណ

The post ប៉ូឡូញប្រកាស មិនឲ្យអាមេរិកខ្ចី Patriot យកទៅប្រើក្នុងសង្គ្រាមអ៊ីរ៉ង់ ដាច់ខាត appeared first on Kampuchea Thmey Daily.

ថ្លែងក្នុងសន្និសីទសារព័ត៌មានកាលពីថ្ងៃពុធទី២១ខែឧសភាឆ្នាំ២០២៥ អ្នកនាំពាក្យក្រសួងការបរទេសចិន លោកស្រី Mao Ning និយាយថា ប្រព័ន្ធការពារដែនអាកាសនេះ នឹងបង្កហានិភ័យនាំឲ្យលំហអាកាសប្រែក្លាយទៅជាសមរភូមិ រួចបង្កើតឲ្យមានការប្រកួតប្រជែងសព្វាវុធនិងធ្វើឲ្យរង្គោះរង្គើដល់ប្រព័ន្ធសន្តិសុខអន្តរជាតិនិងការគ្រប់គ្រងអាវុធកាន់តែខ្លាំងឡើង។ សហរដ្ឋអាមេរិក គិតតែពីខ្លួនឯង ដោយឈ្លក់វង្វេងនឹងការស្វែងរកសន្តិសុខផ្តាច់មុខ រំលោភលើគោលការណ៍សន្តិសុខសម្រាប់ទាំងអស់ ព្រមទាំងធ្វើឲ្យខូចដល់តុល្យភាពយុទ្ធសាស្រ្តនិងស្ថិរភាពពិភពលោក។

លោក​ស្រី​បន្ត​ថា៖ «ចិន​ពិតជា​ព្រួយ​បារម្ភ​ខ្លាំងណាស់​ចំពោះ​បញ្ហា​នេះ។ ដូច្នេះ យើងសូមជំរុញឲ្យសហរដ្ឋអាមេរិក បោះបង់ការអភិវឌ្ឍនិងការដាក់ពង្រាយប្រព័ន្ធប្រឆាំងមីស៊ីលជាសកលនេះចោល ហើយងាកមកចាត់វិធានការជាក់ស្តែង ដើម្បីបង្កើនការជឿទុកចិត្តគ្នាទៅវិញទៅមកជាយុទ្ធសាស្ត្ររវាងប្រទេសនានានិងការពារស្ថិរភាពជាយុទ្ធសាស្ត្រសកលវិញ»។

ពាក់ព័ន្ធ Golden Dome, លោកត្រាំ បានប្រកាសពីគម្រោងផលិត ខែលការពារមីស៊ីលនេះ កាលពីថ្ងៃអង្គារ ខណៈហេតុផលនៃពីក្រោយការផលិត ត្រូវគេដឹងថា គឺដោយសារតែប្រព័ន្ធដែលមានស្រាប់នាពេលបច្ចុប្បន្ន មិនអាចទប់ទល់នឹងសព្វាវុធរបស់សត្រូវដែលអភិវឌ្ឍន៍កាន់តែទំនើបពីមួយថ្ងៃទៅមួយថ្ងៃបាននោះទេ។

ប្រព័ន្ធនេះនឹងបំពាក់ជាមួយបច្ចេកវិទ្យាជំនាន់ថ្មីនៅទូទាំងដីគោក សមុទ្រនិងលំហអាកាស រួមទាំងឧបករណ៍ចាប់សញ្ញា និងប្រព័ន្ធស្ទាក់ចាប់តាមលំហផងដែរ។ មិនត្រឹមប៉ុណ្ណឹង Golden Dome មានសមត្ថភាព ស្ទាក់ចាប់មីស៊ីលដែលបាញ់ចេញពីគ្រប់កន្លែងនៅលើពិភពលោក ឬសូម្បីតែបាញ់ចេញពីលំហអាកាសក៏ដោយ។ ប្រព័ន្ធនេះ មានទំហំធំជាង Iron Dome របស់អ៊ីស្រាអែល ប៉ុន្តែអាចបម្លាស់ទីបានលឿនជាង ហើយអាចបាញ់ទម្លាក់សូម្បីមីស៊ីលល្បឿនលឿនជាងសំឡេងក្នុងអត្រាសឹងតែ១០០%។

ចំពោះគម្រោងនេះ នាយឧត្តមសេនីយ៍កងកម្លាំងអវកាសអាមេរិក Michael Guetlein គឺជាអ្នកមើលការខុសត្រូវ ហើយវាប្រហែលជាដាក់ឲ្យដំណើរការនៅចុងអាណត្តិរបស់លោក ត្រាំ៕

អត្ថបទ៖ សុខ សុវណ្ណ

ចុចអាន៖ ត្រាំ ប្រកាសគម្រោងផលិត ខែលការពារមីស៊ីល «Golden Dome» អស្ចារ្យបំផុតលើលោក

The post ចិន ក្តៅស្លឹកត្រចៀកចំពោះគម្រោង «Golden Dome» របស់ ត្រាំ  appeared first on Kampuchea Thmey Daily.

តាមការចុះផ្សាយរបស់ BBC នៅថ្ងៃពុធទី២១ខែឧសភាឆ្នាំ២០២៥, ថ្លៃនៃការផលិតដំបូងនឹងចាយអស់២៥ពាន់លានដុល្លារអាមេរិក ប៉ុន្តែគេរំពឹងថា ការចំណាយនឹងកើនឡើងជាបន្តទៀតមុនពេលធ្វើរួចរាល់ ហើយ Golden Dome ប្រហែលជាដាក់ឲ្យដំណើរការនៅចុងអាណត្តិរបស់លោក ត្រាំ។

ហេតុផលនៃពីក្រោយការផលិតខែលថ្មីដ៏អស្ចារ្យនេះ ត្រូវគេដឹងថា គឺដោយសារតែប្រព័ន្ធដែលមានស្រាប់នាពេលបច្ចុប្បន្ន មិនអាចទប់ទល់នឹងសព្វាវុធរបស់សត្រូវដែលអភិវឌ្ឍន៍កាន់តែទំនើបពីមួយថ្ងៃទៅមួយថ្ងៃបាននោះទេ។

ថ្លែងក្នុងការិយាល័យរាងពងក្រពើកាលពីថ្ងៃអង្គារ លោក ត្រាំ​ និយាយថា ប្រព័ន្ធនេះនឹងបំពាក់ជាមួយបច្ចេកវិទ្យាជំនាន់ថ្មីនៅទូទាំងដីគោក សមុទ្រនិងលំហអាកាស រួមទាំងឧបករណ៍ចាប់សញ្ញា និងប្រព័ន្ធស្ទាក់ចាប់តាមលំហផងដែរ។

មិនត្រឹមប៉ុណ្ណឹង Golden Dome មានសមត្ថភាព ស្ទាក់ចាប់មីស៊ីលដែលបាញ់ចេញពីគ្រប់កន្លែងនៅលើពិភពលោក ឬសូម្បីតែបាញ់ចេញពីលំហអាកាសក៏ដោយ។ ប្រព័ន្ធនេះ មានទំហំធំជាង Iron Dome ប៉ុន្តែអាចបម្លាស់ទីបានលឿនជាង ហើយអាចបាញ់ទម្លាក់សូម្បីមីស៊ីលល្បឿនលឿនជាងសំឡេងក្នុងអត្រាសឹងតែ១០០%។

ទោះបីជាយ៉ាងណាក៏ដោយ លោកត្រាំ មិនបានបញ្ជាក់ព័ត៌មានលម្អិតច្រើនជាងនេះ អំពី Golden Dome ឡើយ ដោយគ្រាន់តែអួតអាងថា វាជាប្រព័ន្ធមួយដែលអស្ចារ្យបំផុតលើពិភពលោក។

សូមជម្រាបថា ចំពោះគម្រោងនេះត្រូវបានលោកត្រាំ ប្រកាសឲ្យនាយឧត្តមសេនីយ៍កងកម្លាំងអវកាស Michael Guetlein ជាអ្នកមើលការខុសត្រូវ៕

អត្ថបទ៖ សុខ សុវណ្ណ

ចុចអាន៖ អង់គ្លេស ត្រូវការ Iron Dome របស់អ៊ីស្រាអែល

The post ត្រាំ ប្រកាសគម្រោងផលិត ខែលការពារមីស៊ីល «Golden Dome» អស្ចារ្យបំផុតលើលោក appeared first on Kampuchea Thmey Daily.

ក្នុងកម្មវិធី Tonight របស់ទូរទស្សន៍ LBC, ឧត្តមនាវីឯក Tony Radakin និយាយថា “យើងកំពុងពិភាក្សាគ្នា អំពីការបង្កើនខែលការពាររបស់ចក្រភពអង់គ្លេស”។

ត្បិតលោកទទួលស្គាល់ថា ស្ថានភាពអ៊ីស្រាអែល ខុសពីអង់គ្លេសក៏ដោយ ប៉ុន្តែនៅពេលសួរថាតើពិតជាត្រូវការ “Iron Dome” មែនឬអត់ លោក Tony បញ្ជាក់ថា “ច្បាស់ជាត្រូវការនាពេលអនាគត។ វាមានសមត្ថភាពខ្លាំង អាចជួយការពារចក្រភពអង់គ្លេស និងកងកម្លាំងរបស់យើង ដែលឈរជើងនៅបរទេស”។

និយាយរួមទៅ មិនមែនតែមេទ័ពរូបនេះទេ ដែលនិយាយសរសើរនិងចង់បានប្រព័ន្ធការពារមីស៊ីល “Iron Dome” ខ្លាំង។ ជាក់ស្តែងមុននេះ អតីតរដ្ឋមន្ត្រីការពារជាតិអង់គ្លេសលោក Mark Francois ក៏អំពាវនាវឲ្យចក្រភពអង់គ្លេស ត្រូវមានប្រព័ន្ធ Iron Dome របស់អ៊ីស្រាអែលដែរ។

ចំណែកមន្ត្រីមួយរូបទៀតគឺអតីតរដ្ឋមន្ត្រីកងកម្លាំងប្រដាប់អាវុធអង់គ្លេសលោក James Heappey ក៏គាំទ្រការអំពាវនាវនេះដូចគ្នា ថ្វីបើក្រុមអ្នករិះគន់និយាយថា ទំហំផ្ទៃដីដ៏ធំរបស់ចក្រភពអង់គ្លេស នឹងធ្វើឲ្យប្រព័ន្ធ Iron Dome កាន់តែពិបាកបោះទីតាំង និងមានតម្លៃថ្លៃជាងរបស់អ៊ីស្រាអែលក៏ដោយ។

មន្ត្រីការពារជាតិជាន់ខ្ពស់រូបនេះបង្ហាញក្តីបារម្ភថា កម្លាំងអរិភាពដូចជារុស្ស៊ី នៅថ្ងៃណាមួយប្រាកដជាបើកការវាយលុកពីលើអាកាសប្រឆាំងចក្រភពអង់គ្លេស ដោយការបាញ់ស្រោចមីស៊ីល និងយន្តហោះដ្រូន kamikaze នៅលើមូលដ្ឋានយោធាសំខាន់ៗ និងទីក្រុងនានារបស់ចក្រភពអង់គ្លេស ជាក់ជាមិនខានឡើយ។

សូមបញ្ជាក់ជាថ្មី ក្នុងការវាយប្រហាររបស់អ៊ីរ៉ង់លើអ៊ីស្រាអែល កាលពីសប្តាហ៍មុន, គេបានឃើញទីក្រុងតេហេរ៉ង់ បញ្ជូនដ្រូននិងមីស៊ីលជាង៣០០គ្រាប់ បាញ់សំដៅរដ្ឋជ្វីហ្វ ប៉ុន្តែប្រព័ន្ធការពារ Iron Dome អាចស្ទាក់ចាប់បានរហូតដល់ទៅ៩៩%ឯណោះ។

ហេតុដូច្នេះហើយ ទើបមន្ត្រីអង់គ្លេសត្រូវការ Iron Dome ព្រោះថា បច្ចុប្បន្ន ប្រទេសនេះនឹងមិនអាចការពារពលរដ្ឋរបស់ខ្លួនបានឡើយ បើមានការវាយប្រហារក្នុងទម្រង់បែបនេះមែន៕

អត្ថបទ៖ សុខ សុវណ្ណ

ចុចអាន៖ បែកធ្លាយព័ត៌មានសម្ងាត់! អ៊ុយក្រែន​នឹង​អស់ ខែលការពារមីស៊ីល​ត្រឹម​ខែក្រោយ 

The post អង់គ្លេស ត្រូវការ Iron Dome របស់អ៊ីស្រាអែល appeared first on Kampuchea Thmey Daily.

កាសែតខាងលើរាយការណ៍ថា យោងតាមបទបង្ហាញរបស់មន្ទីរបញ្ចកោណចុះថ្ងៃទី២៨ខែកុម្ភៈ, អ៊ុយក្រែនកំពុងចំណាយមីស៊ីលប្រឆាំងដែនអាកាស Buk ៦៩គ្រាប់និងមីស៊ីល S-300 ចំនួន២០០គ្រាប់ក្នុងមួយខែ។ ក្នុងអត្រាបាញ់បែបនេះ កងកម្លាំងទីក្រុងកៀវ នឹងអស់មីស៊ីល Buk នៅត្រឹមចុងសប្តាហ៍នេះ ហើយនឹងអស់ S-300 ពីឃ្លាំងនៅត្រឹមថ្ងៃទី០៣ខែឧសភា។

ទោះបីជាអ៊ុយក្រែនបានទទួលប្រព័ន្ធប្រឆាំងដែនអាកាសរបស់អាល្លឺម៉ង់ Iris-T ចំនួន៣និងប្រព័ន្ធប្រឆាំងដែនអាកាស NASAMS របស់អាមេរិកចំនួន៨ក៏ដោយ ប៉ុន្តែ ប្រព័ន្ធទាំងនេះ គឺប្រើប្រាស់មីស៊ីលប្រហែល៦៤គ្រាប់ក្នុងមួយខែ ហើយសមត្ថភាពរបស់វា មិនអាចគ្របដណ្តប់ទឹកដីបានធំដូច S-300 របស់អ៊ុយក្រែននោះទេ។

ដើម្បីបំពេញការខ្វះខាតនេះ អ្នករៀបចំផែនការយោធាអាមេរិកប៉ាន់ប្រមាណថា អ៊ុយក្រែនត្រូវការប្រព័ន្ធ Iris-T ឬ NASAMS ចំនួន១៦និងប្រព័ន្ធ Patriot ឬ SAMP-T ចំនួន១២។

ប្រធានាធិបតីសហរដ្ឋអាមេរិកលោក ចូ បៃដិន បានអនុញ្ញាតឲ្យដាក់ពង្រាយប្រព័ន្ធ Patriot ខណៈអាល្លឺម៉ង់ក៏បានសន្យាជួយដែរ ខណៈបារាំង និងអ៊ីតាលីបានធានាផ្តល់ប្រព័ន្ធ SAMP-T។ យ៉ាងណា អ្នកនាំពាក្យយោធាអ៊ុយក្រែនបានប្រាប់កាសែត Wall Street Journal ថា ក្នុងចំណោមការសន្យានេះ មិនទាន់មានប្រព័ន្ធណាបានទៅដល់អ៊ុយក្រែននៅឡើយទេ។

គួរបញ្ជាក់ថា ចំពោះឯកសារបែកធ្លាយនេះ មន្ទីរបញ្ចកោណមិនទាន់បញ្ជាក់ច្បាស់ៗនៅឡើយទេ។ ឯកសារសម្ងាត់នេះ ត្រូវបានគេបង្ហោះនៅលើប្រព័ន្ធផ្សព្វផ្សាយសង្គមកាលពីសប្តាហ៍មុន។

ឯកសារផ្សេងទៀតនៅក្នុងការលេចធ្លាយនេះ គឺបានលាតត្រដាងយ៉ាងលម្អិតអំពីផែនការសង្រ្គាមរបស់អាមេរិកនៅអ៊ុយក្រែន ការឃ្លាំមើលសម្ព័ន្ធមិត្តរបស់ខ្លួន និងរឿងរសើបផ្សេងទៀតដែលទាក់ទងនឹងអ៊ុយក្រែន ចិន មជ្ឈិមបូព៌ា និងអំពើភេរវកម្ម៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី បង្កើតទ័ពពិសេសដើម្បីកម្ទេចរថក្រោះរបស់លោកខាងលិចនៅ អ៊ុយក្រែន

The post បែកធ្លាយព័ត៌មានសម្ងាត់! អ៊ុយក្រែន​នឹង​អស់ ខែលការពារមីស៊ីល​ត្រឹម​ខែក្រោយ  appeared first on Kampuchea Thmey Daily.

រដ្ឋមន្ត្រីការពារជាតិរុស្ស៊ីលោក Sergei Shoigu បាននិយាយកាលពីថ្ងៃពុធទី២២ខែមីនាថា វិធានការនេះ គឺជាផ្នែកមួយដើម្បីពង្រឹងការការពាររបស់រុស្ស៊ី ឲ្យកាន់តែទូលំទូលាយនៅក្នុងតំបន់ចុងភាគខាងកើតរបស់ខ្លួន និងជាផ្នែកមួយដើម្បីឆ្លើយតបទៅនឹងកិច្ចខិតខំប្រឹងប្រែងរបស់សហរដ្ឋអាមេរិកក្នុងការតទល់ជាមួយ រុស្ស៊ី និងចិន។

ចំណាត់ការ​របស់​ទីក្រុង​មូស្គូ ​ក៏​កើត​ឡើងផងដែរ ​បន្ទាប់​ពី​ដំណើរ​ទស្សនកិច្ចកម្រិត​ខ្ពស់​របស់​មេដឹកនាំ​អាស៊ី ​ទៅកាន់​ភាគី​ទាំង​សងខាង​នៃ​សង្រ្គាម​អ៊ុយក្រែន។

នាយករដ្ឋមន្ត្រីជប៉ុន Fumio Kishida ដែលជាសម្ព័ន្ធមិត្តជិតស្និទ្ធរបស់សហរដ្ឋអាមេរិក និងជាគូប្រជែងដ៏សំខាន់របស់ចិននៅអាស៊ីបូព៌ា បានធ្វើដំណើរដ៏គួរឲ្យភ្ញាក់ផ្អើលទៅកាន់ប្រទេសអ៊ុយក្រែនក្នុងសប្តាហ៍នេះ ខណៈប្រធានាធិបតីចិនលោក Xi Jinping ធ្វើដំណើរទៅកាន់ប្រទេសរុស្ស៊ី។

ងាកមកលោក Shoigu ឯណេះវិញ លោកបាននិយាយនៅក្នុងសេចក្តីថ្លែងការណ៍មួយថា “ដើម្បីតទល់ជាមួយរុស្ស៊ីនិងចិន, សហរដ្ឋអាមេរិកកំពុងបង្កើនវត្តមានយោធារបស់ខ្លួនយ៉ាងខ្លាំងនៅក្នុងតំបន់អាស៊ីប៉ាស៊ីហ្វិក ដោយពង្រឹងទំនាក់ទំនងនយោបាយ និងយោធាជាមួយសម្ព័ន្ធមិត្តរបស់ខ្លួន ជាមួយការបន្តបង្កើតស្ថាបត្យកម្មសន្តិសុខអាមេរិកថ្មីនៅក្នុងតំបន់នេះ”។ លោក Shoigu លើកឡើងថា ប្រព័ន្ធ Bastion នឹងពង្រឹងសន្តិសុខរបស់រុស្ស៊ីនៅជុំវិញខ្សែសង្វាក់កោះ Kuril។

គួរបញ្ជាក់ថា ជប៉ុន បានទាមទារយកកោះចំនួន៤នៃប្រជុំកោះ Kuril ភាគខាងត្បូង ដែលត្រូវបានរឹបអូសដោយកងកម្លាំងសូវៀត នៅចុងបញ្ចប់នៃសង្គ្រាមលោកលើកទីពីរ ។ យ៉ាងណា ជប៉ុន​មិន​ទាមទារ​យក​កោះ Paramushir នៅភាគខាងជើងទេ ខណៈបញ្ហានេះបានរារាំងទីក្រុងមូស្គូ និងតូក្យូ ពីការចុះហត្ថលេខាលើសន្ធិសញ្ញាសន្តិភាពជាផ្លូវការដើម្បីបញ្ចប់អរិភាព៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ រុស្ស៊ី ថា លោកខាងលិច ច្បាស់ជាចង់ឃើញអ៊ុយក្រែនខ្ទេចហើយ ទើបបញ្ជូនគ្រាប់អ៊ុយរ៉ានីញ៉ូមទៅ

The post រុស្ស៊ី​ ដាក់ពង្រាយខែល​ការពារមីស៊ីល ​ជិត​ជប៉ុន​ ចំពេល​មាន​ជម្លោះ​នៅ ​អាស៊ីប៉ាស៊ីហ្វិក appeared first on Kampuchea Thmey Daily.