កញ្ញា ឆន ស្រីណេត អតីតបវរកញ្ញាលំដាប់រងទី១ នៃកម្មវិធី Miss Universe Cambodia 2021 បានលើកឡើងទស្សនៈផ្ទាល់ខ្លួនពាក់ព័ន្ធនឹងការប្រើប្រាស់ «ភាសាខ្មែរ» ក្នុងបរិបទសង្គមសម័យថ្មី ដែលកំពុងមានការប្រែប្រួលគួរឱ្យកត់សម្គាល់ រហូតធ្វើឱ្យកើតជាក្តីកង្វល់ចំពោះការបាត់បង់បន្តិចម្តង នៃអក្សរសាស្ត្រជាតិ ព្រោះតែទម្លាប់នៃការប្រើភាសារបរទេសជំនួសភាសារកំណើត។

ដ្បិតតែការសិក្សា និងប្រើប្រាស់ភាសាបរទេស មានសារៈសំខាន់ក្នុងសម័យសកលភាវូបនីយកម្ម ប៉ុន្តែកញ្ញាយល់ថា ការរក្សា និងប្រើប្រាស់ភាសាខ្មែរឱ្យបានត្រឹមត្រូវ ក៏ជារឿងគួរឱ្យអាទិភាពដូចគ្នា។

ជាក់ស្តែង ទម្លាប់នៃការប្រើភាសាដើមកំណើតជាតិបច្ចុប្បន្ន កាន់តែបង្ហាញឱ្យឃើញថា ខ្មែរជំនាន់ក្រោយភាគច្រើន ងាកមកនិយាយឡាយលំភាសាបរទេសច្រើន ក្រោមហេតុផលពិបាកពន្យល់ន័យជាភាសាខ្មែរ។ ត្រង់ចំណុចនេះ កញ្ញា ឆន ស្រីណេត បានលើកជាសំណួរយ៉ាងសាមញ្ញថា “កូនខ្មែររស់នៅលើដីខ្មែរ តែនិយាយថាភាសាខ្មែរពិបាកនិយាយ?”

សំណួរនេះ គ្រាន់ជាការឆ្លុះបញ្ចាំងពីការព្រួយបារម្ភ និងការចង់ឃើញយុវជនខ្មែរយកចិត្តទុកដាក់លើភាសាជាតិរបស់ខ្លួនបន្ថែមទៀត។ ជាមួយគ្នា កញ្ញាក៏បានបង្ហាញបំណងចង់ឃើញយុវជនខ្មែរទាំងអស់ មានភាពមោទនភាពលើអត្តសញ្ញាណរបស់ខ្លួន និងចូលរួមថែរក្សាមរតកវប្បធម៌ជាតិ ជាពិសេសភាសាខ្មែរ ដែលជាខ្សែស្រឡាយភ្ជាប់អត្តសញ្ញាណ និងប្រវត្តិសាស្ត្ររបស់ជាតិ។

ទស្សនៈរបស់កញ្ញា ត្រូវបានមហាជនមួយចំនួនយល់ថា ជាការលើកទឹកចិត្តក្នុងទិសវិជ្ជមាន ដែលមិនមានបំណងរិះគន់នរណាម្នាក់ទេ ប៉ុន្តែផ្តោតលើការជំរុញឱ្យមានការយល់ដឹង និងតុល្យភាពរវាងការប្រើភាសាជាតិ និងភាសាបរទេសក្នុងជីវិតប្រចាំថ្ងៃ។

គួររំលឹកថា ឆន ស្រីណេត តែងតែមានសកម្មភាពក្នុងការចែករំលែកទស្សនៈសង្គម និងលើកទឹកចិត្តឱ្យមានភាពរួបរួមក្នុងសង្គមខ្មែរ ដោយផ្តោតលើតម្លៃវប្បធម៌ អត្តសញ្ញាណ និងការគោរពគ្នាទៅវិញទៅមក៕ អត្ថបទ៖ ចាន់រ៉ា | rewrite: Sotheavy

The post ១សំណួរ រសើបសង្គម! ឆន ស្រីណេត សួរដោយខ្លីថា “ភាសាខ្មែរពិបាកនិយាយមែនឬ?” appeared first on Kampuchea Thmey Daily.

ការលើកឡើងរបស់អនកទិត សាន សុជា នេះបានក្លាយជារឿងមួយយ៉ាងក្តៅគគុកសម្រាប់ប្រជាជនខ្មែរដែលកំពុងតែនាំគ្នាពហិការមិនប្រើប្រាស់ផលិតផលរបស់ថៃ ក្រោយឈ្លានពានអធិបតេយ្យកម្ពុជា។ ទង្វើរបស់លោក សាន សុជា នាពេលនេះត្រូវបានគេចាត់ទុកថាកំពុងផ្គើន ឬប្រាស់ចាកនឹងឆន្ទ:របស់ពលរដ្ឋខ្មែរនៅទូទាំងប្រទេស។

ជាមួយគ្នានៃការហួសចិត្តកញ្ញា ឆន ស្រីណេត ដែលជាអតីតបវរកញ្ញាមកពីកម្ពុជាក្រោមលំរងទី១ នៃកម្មវិធី Miss Universe Cambodia 2021 បានលើកឡើងថា “កោតសរសើអ្នកមានចិត្តចង់គាំទ្រ PTT ចុះដែលអាណិតទាហានដែលបានលះបង់ជីវិតដើម្បីការពាទឹកដីឲ្យពួកយើងនៅស្រណុកសុខស្រួលទេ?”។ កញ្ញាដាស់តឿនទៅអន្ទិត សាន សុជា ទៀតថា ចិត្តធម៌បាន តែកុំពិការទាំងភ្នែកនៅភ្លឺ ដោយចាត់ទុកថាសម្តីលោកគឺកំពុងមើលងាយខ្មែរដ៏លើសលប់ដែលកំពុងពហិការ។

ទោះបីយ៉ាងណា វីដេអូដែលលោក សាន សុជា បាននិយាយនូវគំនិតផ្ទាល់ខ្លួននេះកំពុងត្រូវបានចែករំលែកនិងផ្ទុះការរិះគន់ដូចបាយពុះ ដោយខ្លះចោទថាទ្រពងចោរសៀម ខណ:លោក ហ៊ុន ជា បានរិះគន់យ៉ាងចាស់ដៃផងដែរ៕ ចាន់រ៉ា

The post ឆន ស្រីណេត ហួសចិត្តខ្លាំងចំពោះសម្តីអន្ទិតមួយរូប ដែលហ៊ានតិះដៀលការពហិការបស់ពលរដ្ឋខ្មែរ ចំពោះ PTT appeared first on Kampuchea Thmey Daily.

បវរកញ្ញា ឆន ស្រីណេត បានរៀបរាប់ថា ការចេញវីដេអូនេះ គឺខ្លួនចង់ផ្តាំផ្ញើទៅដល់កូនខ្មែរមួយចំនួន ដែលជាខ្មែរលើ និងខ្មែរក្រោម ខណ:ខ្មែរក្រោមច្រើនជាង ៩០% ហើយដែលកាន់ជើងពូជពង្សខ្មែរខ្លួនឯង។ ប៉ុន្តែមានមួយចំនួនតូចប៉ុណ្ណោះ ចេញមករិះគន់វាយប្រហារខ្មែរគ្នាឯង។

កញ្ញា ឆន ស្រីណេត សង្កត់ធ្ងន់ថា កញ្ញា ឆន ស្រីណេត បញ្ជាក់ថា ខ្មែរដែលគេស្រលាញ់ខ្មែរគ្នាឯង គេមិនដែលភ្លេចជាតិសាសន៍នោះទេ។

ឆន ស្រីណេត និយាយទៀតថា យើងមិនមែនកើតនៅក្រោមហើយបំភ្លេចខ្លួនឯងនោះទេ ព្រោះយើងនិយា យភាសារនិងមានវប្បធម៌ប្រពៃណីជាជនជាតិខ្មែរនិងមានឈ្មោះនៅក្នុងក្រដាស់ស្នាមជាកូនខ្មែរ។ ហេតុអ្វី បានជាបងប្អូនមួយចំនួនតូចបែរជាមកភ្លេចកំណើតនិងដើរអូសទាញគេឲ្យភ្លេចកំណើតតាមខ្លួនឯងអ៊ីចឹងវិញ?។

បវរកញ្ញារូបនេះបន្ថែមថា “បងប្អូនម្នាក់ៗគេស្រលាញ់ខ្មែរគេជួយខ្មែរជួយសង្គមជាតិ ហេតុអ្វីអ្នកឯងមិនជួយក្រេកអរបែរជាមកវាយប្រហារទៅវិញ។ បើយកល្អត្រូវនៅស្ងៀមតែមួយកន្លែងទៅចាំបាច់ចេញមកចរិតភ្លាវៗដូច្នេះ”។

គួររម្លឹកថា កាលពីថ្មីៗកន្លងទៅ បវរកញ្ញាឆន ស្រីណេត មានការអន់ចិត្តជាខ្លាំង នៅពេលដែលឃើញខ្មែរលើបែកបាក់គ្នា ដូច្នេះក្នុងនាមនាងជាកូនខ្មែរម្នាក់ ដ្បិតរស់នៅក្រោមការគ្រប់គ្រងរបស់វៀតណាម តែបំណងពិតចង់ឃើញខ្មែរក្រោម ខ្មែរកណ្តាល និងខ្មែរលើ បន្តស្រលាញ់គ្នា។ នាងថា “ព្រោះយើងជាជនជាតិខ្មែររួមភាសារខ្មែរ ហើយឈាមរត់ក្នុងខ្លួននេះគឺជាខ្មែរ”៕ ចាន់រ៉ា

The post ឆន ស្រីណេត ពន្លះបុគ្គលភ្លេចកំណើតដូនតាមួយចំនួនតូច ដែលបំភ្លេចថាខ្លួនជាខ្មែរ appeared first on Kampuchea Thmey Daily.

កញ្ញា ឆន ស្រីណេត បញ្ជាក់ថា អ្វីដែលខ្លួនលើកឡើង គ្រាន់តែមានយោបល់ខ្លះដើម្បីផ្តាំផ្ញើទៅខ្មែរលើ ក្នុងនាមជាកូនខ្មែរក្រោមម្នាក់ ដោយសង្ឃឹមថា នឹងបានជ្រួតជ្រាបដល់ជនរួមជាតិដែលជាខ្មែរលើ។ ម៉្យាង ខ្លួនជាកូនខ្មែរម្នាក់ដែលរស់នៅលើទឹកដីកម្ពុជាក្រោម ដែលគ្រប់គ្រងដោយវៀតណាមដែរ ដែលនេះក៏មិនខុសពីជនជាតិខ្មែរនៅខាងថៃដែរ ដែលរស់ក្រោមការគ្រប់គ្រងរបស់ថៃ។

ដោយហេតុនេះ ឆន ស្រីណេត សុ្នើចិត្តជនរួមជាតិខ្មែរតែមួយទោះរស់នៅទីណាក្តី កុំភ្លេចថាខ្លួនមានដូនតាជាខ្មែរ ហើយកំពុងប្រើភាសារខ្មែរ ពិសេសកេរ្តិ៍ដំណែលវប្បធម៌ជាតិក៏នៅគង់វង្សនៅឡើយ។

ទន្ទឹមនេះ កញ្ញាក៏បានលើកឡើងទាក់ទងនឹងអ្នកមួយចំនួន ដែលប្រើពាក្យពុំគួរគប្បីលើជាតិក្នុងកាលៈទេសៈនេះដូច្នេះថា ហេតុអ្វី “ពេលមានរឿង មិនគាំទ្រខ្មែរគ្នាឯង បែរជាទៅជេប្រមាថខ្មែរគ្នាឯងទៅវិញ?”។ មិនតែប៉ុណ្ណោះ ថែមទាំងមានអ្នកជំនាន់ក្រោយខ្លះ ប្រមាថលោកតា ស៊ុច ដោយពាក្យអសុរោះថែមទៀត។

ក្នុងន័យនេះ កញ្ញា ឆន ស្រីណេត អះអាងថា ខ្លួនមិនចង់ឃើញជនរួមជាតិខ្មែរស្អប់គ្នាឡើយ ដោយចង់ឃើញខ្មែរចេះស្រលាញ់គ្នា យល់គ្នានិងចេះសាមគ្គីគ្នា។ កញ្ញាថា “លោកតា ស៊ុច គាត់មិនខុសទេគឺគាត់និយាយត្រូវព្រោះគាត់ជាខ្មែរហើយគាត់ក៏មិនបានក្បត់ឧត្តមគតិខ្លួនឯងទេ ព្រោះគាត់ដឹងថាជីដូនជីតានិងខ្លួនគាត់ជាខ្មែរ អ៊ីចឹងគាត់និយាយត្រូវហើយដោយការពារអ្វីជាខ្មែរនិងអ្វីដែលជាភាពត្រឹមត្រូវ”។

បវរកញ្ញា ឆន ស្រីណេត បានបន្ថែមថា ខ្លួនមានការខកចិត្តជាខ្លាំង នៅពេលដែលឃើញខ្មែរខាងលើបែកបាក់គ្នា ដូច្នេះក្នុងនាមកញ្ញាជាកូនខ្មែរម្នាក់ ពិតចង់ឃើញទាំងខ្មែរក្រោម ខ្មែរកណ្តាល និងខ្មែរលើ ចេះស្រលាញ់គ្នា ព្រោះទោះបីជ្ជារកកោនទីណា ក៏ជាជនជាតិខ្មែរ រួមភាសារ ហើយមានឈាមជ័រជាខ្មែរ ពុំអាចកាឡៃបានឡើយ៕ ចាន់រ៉ា

The post ឆន ស្រីណេត ៖ ខ្មែរក្រោម ខ្មែរកណ្តាល មិនដែលភ្លេចខ្មែរលើទេ ព្រោះជាគ្រួសារខ្មែរតែមួយ appeared first on Kampuchea Thmey Daily.

បវរកញ្ញា ឆន ស្រីណេត បានរៀបរាប់ថា “ខ្ញុំឆ្ងល់មនុស្សខ្មែរមួយចំនួននៅក្រៅប្រទេសស្រែកក្លែងៗថាស្រលាញ់ប្រទេសជាតិខ្លាំង តែពេលប្រទេសមានរឿងអី្វបន្តិច គឺពួកគាត់ជាអ្នកសប្បាយអរជាងអ្នកឈ្លានពានយើងទៀត”។ ទន្ទឹមនឹងចម្ងល់នេះ កញ្ញាក៏ស្នើថា “រួបរួមសាមគ្គីគ្នាទៅល្អជាង”។

ជាមួយនឹងការលើកឡើងនេះ សាធារណជនមួយចំនួន គឺបង្ហញការយល់ឃើញរបស់ខ្លួនដែរថា ក្នុងកាលៈទេសៈនេះ ខ្មែរគួរភ្ញាក់រលឹក និងចេះរួបរួមសាមគ្គីគ្នា ជាជាងយកពេលវែកញែករិះគន់ជាន់ពន្លិច ដោយចាត់ទុកថា ទង្វើនេះ មិនត្រឹមមិនបានជួយអ្វីដល់ប្រទេសជាតិ ថែមទាំងនាំឱ្យការរើសអើងគ្នាថែមទៀត។

ថ្មីៗនេះ អតីតបវរកញ្ញាមកពីកម្ពុជាក្រោម Miss Universe Cambodia កញ្ញា ឆន ស្រីណេត បានប្រកាសនូវឆន្ទ:យ៉ាងមោះមុតរបស់ខ្លួនក្នុងកាស័្មគ្រចិត្ត ដើម្បីចូលរួមបម្រើជាតិបើសិនជាតិត្រូវការកងទ័ព សម្រាប់ការពារទឹកដីពីការឈ្លានពានរបស់ប្រទេសជិតខាង៕ ចាន់រ៉ា

The post ឆន ស្រីណេត ផ្តាំអ្នកវែកញែកមិនឃើញតម្លៃការខិតខំថ្នាក់ដឹកនាំថា “គួររួបរួមសាមគ្គីគ្នាទៅល្អជាង” appeared first on Kampuchea Thmey Daily.

ប្រាកដណាស់ នេះអាចចាត់ទុកថាស្រីស្អាត ឆន ស្រីណេត គឺជាតារាខ្មែរដំបូងគេដែលមានឆន្ទ:ហ៊ានលះបង់ជីវិត ដើម្បីជាតិមាតុភូមិ ដើម្បីប្រឆាំងការឈ្លានពានពីសំណាក់ទាហ៊ានថៃ ដោយនាងហ៊ានស្ម័គ្រចិត្តចង់ចូលរួមបម្រើជាតិ។

បវរកញ្ញាខ្មែរកម្ពុជាក្រោម កញ្ញា ឆន ស្រីណេត បានបង្ហោះបានសំណេរខ្លីនៅលើបណ្តាញសង្គមហ្វេសប៊ុកផ្ទាល់ខ្លួននៅព្រឹកថ្ងៃទី២៩ ខែឧសភា ឆ្នាំ២០២៥នេះថា “បើប្រទេសជាតិត្រូវការកងទ័ព  ខ្ញុំនឹងស្ម័គ្រចូលរួមបម្រើជាតិ”។ ឆន្ទ:នេះកំពុងត្រូវបានការលើកសរសើរ និងគាំទ្រយ៉ាងខ្លាំងពីសំណាក់មហាជន ព្រមទាំងអ្នកលេងបណ្តាញសង្គមជាច្រើន។

ចំពោះការចេញមុខប្រកាសពីឆន្ទ:របស់ខ្លួនដោយភាពអង់អាចក្លាហាររបស់តារាសម្តែង និងជាបវរកញ្ញាមកពីកម្ពុជាក្រោម ឆន ស្រីណេត ស្របពេលមានការប៉ះទង្គិចគ្នារវាងកងទ័ពកម្ពុជា-ថៃបណ្តាលឱ្យទាហានខ្មែរម្នាក់ស្លាប់នៅព្រំដែនប្រាសាទព្រះហារកាលពីថ្ងៃទី២៨ ខែឧសភា ឆ្នាំ២០២៥៕ អត្ថបទ៖ ចាន់រ៉ា

The post បវរកញ្ញាខ្មែរកម្ពុជាក្រោម ឆន ស្រីណេត ថា ខ្លួនស្ម័គ្រចិត្តបម្រើជាតិ បើត្រូវការកងទ័ព appeared first on Kampuchea Thmey Daily.

ជាមួយគ្នានៃការអំពាវនាវនេះកញ្ញា ឆន ស្រីណេត បានបង្ហាញក្តីបារម្ភភាសាជាតិផងដែរព្រោះខ្លាចធ្លាក់ចុះនូវតម្លៃភាសាជាតិខណ:សង្កេតឃើញយុវជនខ្មែររួម ទាំងអ្នកលេងបណ្តាញសង្គមមួយចំនួនប្រើន័យឬការសរសេរខុសវេយ្យាករណ៍។

ក្នុងនោះបវរកញ្ញា ឆន ស្រីណេត បាននិយាយថា “បច្ចុប្បន្ននាងឃើញគេប្រើពាក្យ “ដែរ” និង “ដែល” ខុសច្រើនណាស់ខ្ញុំមិនបានរៀនខ្មែរច្រើនទេបងប្អូន តែអ្វីដែលខ្ញុំឃើញនៅលើ Social Media គឺខុសច្រើនខ្លាំងដូច្នេះហើយសូមស្នើដល់កូនខ្មែរជួយឱ្យតម្លៃភាសាជាតិយើងផងបងប្អូនជនរួមជាតិ”។

ឆន ស្រីណេត បាននិយាយបន្តថាកន្លងមកនាងធ្លាប់ចេញវីដេអូលើកឡើងបញ្ហាការប្រើប្រាស់ភាសារជាតិនេះម្តងរួចមកហើយឥឡូវដោយសង្កេយឃើញនៅតែ មានបងប្អូនមួយចំនួនប្រើពាក្យខ្លះខុសន័យនោះនឹងដោយការព្រួយបារម្ភផងទើបនាងចេញមកអំពាវនាវជាថ្មីដើម្បើសុំយុវជនខ្មែររួមគ្នាថែរក្សានឹងឲ្យតម្លៃភា សាជាតិ។

ស្រីណេត បន្តថា នាងពិតជាមានការភ័យបារម្ភខ្លាច យុវជនខ្មែរយើងនាអនាគត់ថ្ងៃក្រោយលែងស្គាល់ពា ក្យ “យាយតា បងប្អូន អ៊ុំ មីងពូ”ដោយសារតែសព្វថ្ងៃយុវជនយើងមួយចំនួនប្តូរពីការប្រើពាក្យខាងលើនេះមកនិយាយ”អ៊ី កុង ម៉ាឬចែជាដើម។នាងថាហេតុនេះហើយទើបនាងចេញតែបារម្ភខ្លាចថ្ងៃខាងមុខទៅពួក គាត់លែងស្គាល់និងប្រើពាក្យ”យាយតា បងប្អូន អ៊ុំ មី ងពូ”។

ឆន ស្រីណេត និយាយបន្ថែមថារឿងនេះពិតជាសំខាន់ ដូច្នេះនាងក៏អំពាវនាវដល់កូនខ្មែរទាំងអស់កុំមើលស្រាលឱ្យសោះព្រោះចំណុចនេះសំខាន់ណាស់ព្រោះឥឡូវយើងគិតថាវាមិនទាន់អីទេ ប៉ុន្តែខ្លាចថ្ងៃអនាគត់ក្រោយយើងត្រូវបាត់បង់។ ម្យ៉ាងទៀតអ្វីក៏ដោយយើងគួរឲ្យតម្លៃទៅលើភាសារនិងអក្សរជាតិហើយចូលរួករក្សានូវពាក្យខ្មែរយើងដែលជីដូនជីតាបានបន្សល់ទុកនឹងរួមគ្នាថែរក្សាឲ្យបានកាន់តែល្អថែមទៀត៕ អត្ថបទ៖ ចាន់រ៉ា

The post ឆន ស្រីណេត ស្នើយុវជនខ្មែររួមគ្នាថែរក្សានិងឱ្យតម្លៃភាសាជាតិ ខណៈអ្នកខ្លះប្រើខុសន័យខុសវេយ្យាករណ៍ appeared first on Kampuchea Thmey Daily.

ការលើកឡើងពីសំណាក់កញ្ញា ឆន ស្រីណេត ខាងលើ គឺបន្ទាប់ពីមានការបញ្ចេញមតិរិះគន់ហាក់មិនឱ្យតម្លៃពីបុគ្គលមួយចំនួនតូចទៅលើបងប្អូនប្រជាពលរដ្ឋខ្មែរកម្ពុជា ក្រោយជាពិសេសគឺលោក ខេមរា ដែលជាកូនខ្មែរកម្ពុជាក្រោម កំពុងចូលរួមប្រកួតកម្មវិធីសម្រស់ឯកផ្នែកបុរសនៅក្នុងកម្មវិធីមួយ។

តាមរយ:វីដេអូមានរយ:ពេលជាង ៣នាទី ស្រីណេត បានរៀនរាប់ទាំងទឹកភ្នែករលីងរលោងថា បងប្អូនអើយ ខ្មែរក្រោមជាខ្មែរយើងទេ។ កញ្ញាសង្កត់ធ្ងន់ថា “ខ្មែរក្រោមជាខ្មែរសុទ្ធ” ខ្មែរក្រោម ជាឈាមជ័រខ្មែរ ខ្មែរក្រោមមិនដែលភ្លេចកំណើតមិនដែលភ្លេចអត្តសញ្ញាណជាតិរបស់ខ្មែរទេ” ។

កញ្ញា ឆន ស្រីណេតបាននិយាយថា នាងពិតជាអន់ចិត្តខ្លាំងណាស់ដែលមានមនុស្សខ្លះយល់ខុសចោទថា ខ្មែរក្រោមជាយួន(មកនេះគេចោទថាយួន ទៅណោះគេចោទថាខ្មែរ) ប្រៀបដូចជាកូនកំព្រាអញ្ចឹងព្រោះទៅកន្លែងណាគេអត់ទទួលស្គាល់។នាងថានាងពិតជាមា នការអន់ចិត្តណាស់ក្រោយឃើញគេខមមិនរិះគន់ឲ្យ ខេមរា ថាជាយួននិយាយខ្មែរមិនច្បាស់ហេតុអ្វីយកម កប្រកួតកម្មវិធីបុរសឯក។

ស្រីណេត បញ្ជាក់ថា ចង់ប្រាប់ទៅបងប្អូនថាពួកខ្ញុំជា ខ្មែរកម្ពុជាក្រោមនិយាយអញ្ចឹងឯង មានតុងខ្លះនិយា យមិនសូវច្បាស់មិនចំពាក្យខ្លះដែរហើយដូចខ្ញុំសំណា ងហើយដែលបានមករស់នៅខ្មែរ៥-៦ឆ្នាំទើបអាចប្រើ ពាក្យខ្មែរបានច្រើន ចំណែកបងប្អូនខ្មែរកម្ពុជាក្រោយស្ទើរតែ៩០ភាគរយដែលប្រើពាក្យលាយវៀមណាមខ្លះៗ៣ ឬ៤ពាក្យនៅក្នុងនោះពោលគឺមិនខុសខ្មែរសុរិន្ទនោះទេដែលមាននិយាយលាយពាក្យសៀមខ្លះៗដែរ។

ឆន ស្រីណេត បន្ថែមថា សម្រាប់ខ្មែរក្រោម គឺមិនដែ លភ្លេចកំណើតខ្លួនឯងជាខ្មែរនោះទេហើយទោះបីបែ បណានាងក៏នៅតែមិនភ្លេចថាខ្លួនឯងជាខ្មែរនោះដែរព្រោះអីឈាមដែលរត់នៅក្នុងខ្លួនគឺជាខ្មែរមានម៉ែ-ឪតាយាយខ្មែរទាំងអស់។ម្យ៉ាងទៀតនាងក៏អន់ចិត្តដែរដោយសារតែគេហៅមួយម៉ាត់ថាយួនប៉ុន្តែនៅខាងគេហៅថាខ្មែរ៕ អត្ថបទ៖ ចាន់រ៉ា

The post ឆន ស្រីណេត អួនដើមក ក្រោយឃើញមតិរិះគន់បេក្ខភាព​បុរស​ឯកកម្ពុជាក្រោម ខេមរា appeared first on Kampuchea Thmey Daily.