ឆន ស្រីណេត ផ្តាំអ្នកវែកញែកមិនឃើញតម្លៃការខិតខំថ្នាក់ដឹកនាំថា “គួររួបរួមសាមគ្គីគ្នាទៅល្អជាង”

ស្របពេលដែលប្រទេសជាតិ កំពុងមានការប្រឈមជាមួយប្រទេសថៃ ក៏មានបុគ្គលជ្រុលនិយមមួយចំនួនរស់នៅក្រៅស្រុក បានបញ្ចេញទស្សន:វែកញែកហាក់មិនសូវមើលឃើញពីការខិតខំរបស់កងទ័ពនិងរាជរដ្ឋាភិបាល។ ទង្វើនេះត្រូវបាន ឆន ស្រីណេត បានលើកជាសំនួរថា “ឆ្ងល់អ្នកក្រៅស្រុកមួយចំនួនពេលប្រទេសជាតិមានបញ្ហា ហេតុអ្វីសប្បាយជាងអ្នកឈ្លានពាន”។

បវរកញ្ញា ឆន ស្រីណេត បានរៀបរាប់ថា “ខ្ញុំឆ្ងល់មនុស្សខ្មែរមួយចំនួននៅក្រៅប្រទេសស្រែកក្លែងៗថាស្រលាញ់ប្រទេសជាតិខ្លាំង តែពេលប្រទេសមានរឿងអី្វបន្តិច គឺពួកគាត់ជាអ្នកសប្បាយអរជាងអ្នកឈ្លានពានយើងទៀត”។ ទន្ទឹមនឹងចម្ងល់នេះ កញ្ញាក៏ស្នើថា “រួបរួមសាមគ្គីគ្នាទៅល្អជាង”។

ជាមួយនឹងការលើកឡើងនេះ សាធារណជនមួយចំនួន គឺបង្ហញការយល់ឃើញរបស់ខ្លួនដែរថា ក្នុងកាលៈទេសៈនេះ ខ្មែរគួរភ្ញាក់រលឹក និងចេះរួបរួមសាមគ្គីគ្នា ជាជាងយកពេលវែកញែករិះគន់ជាន់ពន្លិច ដោយចាត់ទុកថា ទង្វើនេះ មិនត្រឹមមិនបានជួយអ្វីដល់ប្រទេសជាតិ ថែមទាំងនាំឱ្យការរើសអើងគ្នាថែមទៀត។

ថ្មីៗនេះ អតីតបវរកញ្ញាមកពីកម្ពុជាក្រោម Miss Universe Cambodia កញ្ញា ឆន ស្រីណេត បានប្រកាសនូវឆន្ទ:យ៉ាងមោះមុតរបស់ខ្លួនក្នុងកាស័្មគ្រចិត្ត ដើម្បីចូលរួមបម្រើជាតិបើសិនជាតិត្រូវការកងទ័ព សម្រាប់ការពារទឹកដីពីការឈ្លានពានរបស់ប្រទេសជិតខាង៕ ចាន់រ៉ា