ឆន ស្រីណេត ហួសចិត្តខ្លាំងចំពោះសម្តីអន្ទិតមួយរូប ដែលហ៊ានតិះដៀលការពហិការបស់ពលរដ្ឋខ្មែរ ចំពោះ PTT

ខណ:ដែលមហាជន និងប្រជាពលរដ្ឋទូទាំងប្រទេសកំពុងផ្ទុះប្រតិកម្មខឹងសម្បារទៅលើអន្ទិត សាន សុជា ដែលបាននិយាយបង្ហាញគំនិតបន្តគាំទ្រផលិតសៀម ពិសេសគឺសាំង PTT នោះ មិនខុសពីគ្នាទេបវរកញ្ញាខ្មែរ-កម្ពុជាក្រោម ឆន ស្រីណេត បានបង្ហាញការខកចិត្តចំពោះសម្តីនេះផងដែរ។

ការលើកឡើងរបស់អនកទិត សាន សុជា នេះបានក្លាយជារឿងមួយយ៉ាងក្តៅគគុកសម្រាប់ប្រជាជនខ្មែរដែលកំពុងតែនាំគ្នាពហិការមិនប្រើប្រាស់ផលិតផលរបស់ថៃ ក្រោយឈ្លានពានអធិបតេយ្យកម្ពុជា។ ទង្វើរបស់លោក សាន សុជា នាពេលនេះត្រូវបានគេចាត់ទុកថាកំពុងផ្គើន ឬប្រាស់ចាកនឹងឆន្ទ:របស់ពលរដ្ឋខ្មែរនៅទូទាំងប្រទេស។

ជាមួយគ្នានៃការហួសចិត្តកញ្ញា ឆន ស្រីណេត ដែលជាអតីតបវរកញ្ញាមកពីកម្ពុជាក្រោមលំរងទី១ នៃកម្មវិធី Miss Universe Cambodia 2021 បានលើកឡើងថា “កោតសរសើអ្នកមានចិត្តចង់គាំទ្រ PTT ចុះដែលអាណិតទាហានដែលបានលះបង់ជីវិតដើម្បីការពាទឹកដីឲ្យពួកយើងនៅស្រណុកសុខស្រួលទេ?”។ កញ្ញាដាស់តឿនទៅអន្ទិត សាន សុជា ទៀតថា ចិត្តធម៌បាន តែកុំពិការទាំងភ្នែកនៅភ្លឺ ដោយចាត់ទុកថាសម្តីលោកគឺកំពុងមើលងាយខ្មែរដ៏លើសលប់ដែលកំពុងពហិការ។

ទោះបីយ៉ាងណា វីដេអូដែលលោក សាន សុជា បាននិយាយនូវគំនិតផ្ទាល់ខ្លួននេះកំពុងត្រូវបានចែករំលែកនិងផ្ទុះការរិះគន់ដូចបាយពុះ ដោយខ្លះចោទថាទ្រពងចោរសៀម ខណ:លោក ហ៊ុន ជា បានរិះគន់យ៉ាងចាស់ដៃផងដែរ៕ ចាន់រ៉ា