កៀកថ្ងៃទៅប្រកួត! បា្រសាទ ដាវីន Miss Universe 2024 សុំការលើកទឹកពីអ្នកគាំទ្រនៅកម្ពុជា

ខណ:កៀកថ្ងៃចេញទៅប្រកួតសម្រស់ ម្ចាស់មកុដនៃកម្មវិធី Miss Universe Cambodia 2024 អ្នកនាង បា្រសាទ ដាវីន បច្ចុប្បន្នបាននឹងកំពុងហ្វឹកហាត់ដុះខាត់សមត្ថភាពបន្ថែម ដើម្បីតំណាងឲ្យប្រទេសកម្ពុជាក្នុងការប្រកួតសម្រស់ដ៏អស្ចារ្យនៅលើឆាកអន្តរជាតិនាពេលឆាប់ៗខាងមុខនេះ។

ស្របពេលដែល ប្រាសាទ ដាវីន បាននឹងកំពុងត្រៀមខ្លួនចេញទៅប្រកួតនៅលើឆាកអន្ដរជាតិនេះដែរ ខ្លួនបានបេ្តជ្ញាអភិវឌ្ឍខ្លួនដើម្បីនាំយកកម្ពុជាចូលទៅក្នុងចក្រវាឡលើឆាកអន្តរជាតិផងដែរ។ មិនតែប៉ុណ្ណោះ ដាវីន បានស្នើរសុំការលើកទឹកពីអ្នកគាំទ្រនៅកម្ពុជា អំឡុងពេលចេញដែលខ្លួន ត្រៀមនឹងបង្ហាញវត្តមាននៅលើឆាកអន្តរជាតិ ទឹកដីនៃប្រទេស Mexico។

បើតាមការបញ្ជាក់ឲ្យដឹងពីបវរកញ្ញាកម្ពុជា ប្រាសាទ ដាវីន បានលើកឡើងថា នាងបានត្រៀមខ្លួនរួចរាល់ហើយក្នុងការចេញទៅដណ្តើមយកមកុដពីការប្រកួតនៅលើឆាកអន្តរជាតិមួយនេះ។នាងថាជម្រាបសួរប្រជាជនកម្ពុជានាងខ្ញុំបានត្រៀមខ្លួនរួចរាល់ហើយ ចុះអ្នកទាំងអស់គ្នា?ជួបគ្នាថ្ងៃទី ២៧ ខែតុលា ឆ្នាំ២០២៤ វេលាម៉ោង ៤រសៀល នៅព្រលានយន្តហោះអន្តរជាតិភ្នំពេញ។

អ្នកនាង ប្រាសាទ ដាវីន ធ្លាប់អះអាងថានាងត្រៀមខ្លួនរួចរាល់ដើម្បីនាំយកកម្ពុជាចូលទៅក្នុងចក្រវាឡដែ លជាបំណងប្រាថ្នារបស់ខ្លួននឹងអ្នករទាំងអស់គ្នានូវក្នុ ងឱកាសមួយនេះឲ្យអស់ពីកម្លាំងកាយចិត្តនិងបេះ ដូ ងរបស់នាង។ ដាវីន និយាយថាការគាំទ្ររបស់អ្នកទាំ ងអស់គ្នាជាកម្លាំងដ៏អស្ចារ្យសម្រាប់នាងផ្ទាល់ ដូច្នេះសូមបងប្អូនបណ្តាលអ្នកគាំទ្រទាំងអស់គ្នារួមដំណើរជាមួយខ្ញុំនាំយកប្រទេសកម្ពុជាចូលទៅក្នុងចក្រវាឡជាមួយគ្នា។

គួររម្លឹកដែរថាកន្លងមកបវរកញ្ញា ប្រាសាទ ដាវីន ក៏ទទួលបានតំណែងជាស្ត្រីឯកចក្រវាលកម្ពុជា Universal Woman Cambodia 2023 ដែលជាកម្មវិធីសម្រាប់កម្ពុជាដែលផ្តល់ឱកាសសម្រាប់ស្ត្រីកម្ពុជាដែលរៀបការរួច ដើម្បីចូលរួមប្រកួតនៅទីក្រុងឌូបៃប្រទេសអារ៉ាប់រួម ដែលកាលនោះ អ្នកនាងទទួលបានជ័យលាភីលំដាប់រងទី៤៕ អត្ថបទ៖ ចាន់រ៉ា