បវរកញ្ញាខ្មែរកម្ពុជាក្រោម ឆន ស្រីណេត ថា ខ្លួនស្ម័គ្រចិត្តបម្រើជាតិ បើត្រូវការកងទ័ព

អតីតបវរកញ្ញាមកពីកម្ពុជាក្រោម Miss Universe Cambodia កញ្ញា ឆន ស្រីណេត បានប្រកាសនូវឆន្ទ:យ៉ាងមោះមុតរបស់ខ្លួនក្នុងការស្ម័គ្រចិត្ត ដើម្បីចូលរួមបម្រើជាតិបើសិនជាតិត្រូវការកងទ័ព សម្រាប់ការពារទឹកដី ពីការឈ្លានពានរបស់ប្រទេសជិតខាង។

ប្រាកដណាស់ នេះអាចចាត់ទុកថាស្រីស្អាត ឆន ស្រីណេត គឺជាតារាខ្មែរដំបូងគេដែលមានឆន្ទ:ហ៊ានលះបង់ជីវិត ដើម្បីជាតិមាតុភូមិ ដើម្បីប្រឆាំងការឈ្លានពានពីសំណាក់ទាហ៊ានថៃ ដោយនាងហ៊ានស្ម័គ្រចិត្តចង់ចូលរួមបម្រើជាតិ។

បវរកញ្ញាខ្មែរកម្ពុជាក្រោម កញ្ញា ឆន ស្រីណេត បានបង្ហោះបានសំណេរខ្លីនៅលើបណ្តាញសង្គមហ្វេសប៊ុកផ្ទាល់ខ្លួននៅព្រឹកថ្ងៃទី២៩ ខែឧសភា ឆ្នាំ២០២៥នេះថា “បើប្រទេសជាតិត្រូវការកងទ័ព  ខ្ញុំនឹងស្ម័គ្រចូលរួមបម្រើជាតិ”។ ឆន្ទ:នេះកំពុងត្រូវបានការលើកសរសើរ និងគាំទ្រយ៉ាងខ្លាំងពីសំណាក់មហាជន ព្រមទាំងអ្នកលេងបណ្តាញសង្គមជាច្រើន។

ចំពោះការចេញមុខប្រកាសពីឆន្ទ:របស់ខ្លួនដោយភាពអង់អាចក្លាហាររបស់តារាសម្តែង និងជាបវរកញ្ញាមកពីកម្ពុជាក្រោម ឆន ស្រីណេត ស្របពេលមានការប៉ះទង្គិចគ្នារវាងកងទ័ពកម្ពុជា-ថៃបណ្តាលឱ្យទាហានខ្មែរម្នាក់ស្លាប់នៅព្រំដែនប្រាសាទព្រះហារកាលពីថ្ងៃទី២៨ ខែឧសភា ឆ្នាំ២០២៥៕ អត្ថបទ៖ ចាន់រ៉ា