ថ្លែងប្រាប់ កម្ពុជាថ្មី លោក សុខឃឿន បានឱ្យដឹងថា រយៈពេលចុងក្រោយនេះ ការផលិតសាប៊ូរបស់លោកហាក់ពិបាករកទីផ្សារបន្ដិច ចំណែកឯការចំណេញក៏ពុំសូវបានច្រើន ដ្បិតអីការផលិតសាប៊ូត្រូវចំណាយដើមខ្ពស់ដោយសារទិញវត្ថុធាតុដើមពីប្រទេសចិន និងវៀតណាម។

លោក នួន សុខឃឿន អះអាងថា សព្វថ្ងៃនេះ នៅពេលលោកផលិតសាប៊ូបាន លោកត្រូវចំណាយពេលជិះដើរលក់តាមដងផ្លូវនានាក្នុងរាជធានីភ្នំពេញ និងពេលខ្លះក៏មានម៉ូយប្រចាំដែលមានតម្រូវការសាប៊ូលាងចានតាមតូបចាប់ហួយមួយចំនួនផងដែរ។ សម្រាប់តម្លៃវិញ លោក នួន សុខឃឿន បានបញ្ជាក់ថា សាប៊ូលាងចានដែលលោកបានផលិតលក់ដោយខ្លួនឯងនេះ អាចលក់ចេញបានក្នុងចំណុះ ៣០លីត្រ តម្លៃ ៣ម៉ឺនរៀល មិនថាលក់នៅផ្ទះ ឬក៏តាមផ្លូវសាធារណៈ ​​នោះឡើយ។

ចំពោះការផលិតសាប៊ូលាងចានរបស់លោកសុខឃឿន ពុំទាន់មានស្ដង់ដាត្រឹមត្រូវដូចទៅនឹងក្រុមហ៊ុន រោងចក្រ ឬសហគ្រាសក៏ពិតមែន ប៉ុន្ដែគុណភាព និងតម្លៃវិញ លោកថា អតិថិជនគឺអាចទទួលយកបានដ្បិតតម្លៃក៏សមរម្យផងដែរ។

យ៉ាងណាមិញ លោក សុខឃឿន ក៏សុំស្នើចិត្តប្រជាជនខ្មែរជួយគាំទ្រផលិតផលដែលជាស្នាដៃរបស់ឱ្យបានច្រើនជាងមុន ដើម្បីធ្វើយ៉ាងណាអាចឱ្យគាត់អាចមានលទ្ធភាពបន្ដអាជីវកម្មលក្ខណៈគ្រួសារមួយនេះតទៅមុខផងដែរ៕

អត្ថបទ ៖ សួស សិត

The post ជនពិការម្នាក់ស្នើប្រជាជនខ្មែរគាំទ្រ សាប៊ូលាង​​ចានរបស់ខ្លួន ខណៈការលក់មិនសូវចំណេញ appeared first on Kampuchea Thmey Daily.

មន្ត្រី៣នាក់ មកពីនាយកដ្ឋានប៉ូលិស Huntington Park ត្រូវបានគេថតជាប់ ឃើញបាញ់យ៉ាងតិច៨គ្រាប់ទៅលើលោក Anthony Lowe Jr. ដែលមានអាយុ៣៦ឆ្នាំ។

គ្រួសាររបស់គាត់និយាយថា គាត់ត្រូវពិការជើងទាំងសងខាង កាលពីពេលថ្មីៗនេះ បន្ទាប់ពីមានជម្លោះជាមួយប៉ូលិសនៅរដ្ឋតិចសាស់។

ទោះបីជាយ៉ាងណាក៏ដោយ យោង​តាម​នាយកដ្ឋាន​ប៉ូលិស​, លោក Lowe Jr. ទើបតែ​បាន​ចាក់​មនុស្ស​ម្នាក់ ហើយ​​ព្យាយាម​គេចពី​មន្ត្រី​ពីរ​នាក់។

ដំបូង ប៉ូលិសបានព្យាយាមដេញគាត់ នៅតាមចិញ្ចើមផ្លូវ តែក្រោយមកគាត់បានលោតចុះពីរទេះ ហើយងាកមករកប៉ូលិស ដោយដៃមានកាន់កាំបិតដ៏ធំ។

ឡានប៉ូលិសទីពីរបានមកដល់ ហើយប៉ូលិសទីបីចេញមក។ ក្នុងរយៈពេល១៥វិនាទីក្រោយមន្រ្តីទី៣មកដល់ ពួកគេក៏បានបាញ់ជាច្រើនគ្រាប់ ចំដើមទ្រូងលោក Lowe តែម្តង។ ពេល​គាត់​ដួល​លើ​ដី ប៉ូលិសក៏បាន​ដាក់​ខ្នោះ​គាត់ទៀត។

យ៉ាងណាក្តី ការិយាល័យតម្រួតតំបន់ LA និយាយថា “ជនសង្ស័យ បានព្យាយាមគប់កាំបិតទៅលើមន្រ្តី ដែលនៅពេលនោះ ការបាញ់ប្រហារបានកើតឡើង”។

លោក Lowe Jr. បានស្លាប់នៅកន្លែងកើតហេតុ ខណៈ​ក្រុម​គ្រួសារ​របស់​គាត់​ កំពុង​ទាមទារ​ចម្លើយ​ពី​នាយកដ្ឋាន​ប៉ូលិស។ មន្ត្រី​ពាក់ព័ន្ធ​ មិន​ទាន់​បញ្ចេញ​ឈ្មោះ​នៅឡើយ​ទេ ។

បច្ចុប្បន្ន ការិយាល័យតម្រួតតំបន់ LA កំពុងស៊ើបអង្កេតឧបទ្ទវហេតុនេះ ដែលកើតឡើងបីសប្តាហ៍បន្ទាប់ពីលោក Tire Nichols អាយុ២៩ឆ្នាំ ត្រូវបានវាយដល់ស្លាប់ ដោយប៉ូលិសក្រុមផ្សេងនៅក្នុងទីក្រុង Memphis នៃរដ្ឋ Tennessee៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អាជ្ញាធរទីក្រុងមួយរបស់ អាមេរិក ចោទប្រកាន់ប៉ូលិស ៥ នាក់ពីបទឃាតកម្ម​លើបុរសជនជាតិស្បែកខ្មៅ

The post វីដេអូស្តែងៗ ប៉ូលិសអាមេរិក បាញ់សម្លាប់បុរសពិការជើងទាំងសងខាង នៅតាមចិញ្ចើមផ្លូវ appeared first on Kampuchea Thmey Daily.

លោក សៅ សុផាត់ អាយុ ៤០ ឆ្នាំជាជនពិការស្វិតដៃជើងមួយចំហៀង (ប៉ូរីយោ) តាំងពីក្មេងមក រស់នៅភូមិដាំស្ពៃ សង្កាត់ស្លាកែត ក្រុងបាត់ដំបងបានឲ្យដឹងថា ក្រោយពីលោកទទួលបានវគ្គបណ្ដុះបណ្ដាលលើជំនាញដូចជា ចាក់រូប គូររូប ពីសាលាហ្វាពន្លឺសិល្បៈ លោកក៏បានយកជំនាញពីការសិក្សាចេះនោះមកចាក់រូបសត្វដាក់តាំងលម្អរក្នុងផ្ទះនិង​យក​មក​លក់ជាវត្ថុអនុស្សាវរីយ៌នៅតាមសួនច្បារសម្តេចក្រឡាហោម ស ខេង ជាងមួយឆ្នាំមក​ហើយ​គ្រាន់បានដោះស្រាយ ជីវភាពប្រចាំថ្ងៃ។

លោកបានបន្តថា ការធ្វើវត្ថុអនុស្សាវរីយទាំងនេះមិនពិបាកហើយក៏មិនស្រួលដែរ។ រយៈពេលធ្វើទៅតាមទម្រង់ប្រភេទរូបនីមួយៗដូចជា ចាក់រូបសត្វក្ងោកក្រដាស និងទាក្រដាសដោយរូបមួយចំណាយពេលមួយថ្ងៃ។ ចំណែក​ឯ​បណ្ដោង​សោរ​​និង​ចិញ្ជៀនចំណាយពេលប្រហែល ១០ នាទីប៉ុណ្ណោះ។

លោកក៏​បាន​ត្អូញត្អែរ​ពី​មុខ​របរ​នេះថា៖ “ឥឡូវលក់មិនសូវដាច់នោះទេ គេមិនសូវចាប់អារម្មណ៌ទិញ ចប់ហើយមិនដឹងបានអីទេ”។

យុវជនរូប​នេះ​បន្ត​ថា ត្រូវចំណាយដើមទិញវត្ថុធាតុដើមដូចជា អង្កាំ០១គីឡូក្រាម ៥មុឺន ផងបែរជាលក់មិនដាច់ទៀត។ បើទោះបីលក់មិនដាច់ដូចមុន យុវជនរូប​នេះ​ប្រាប់​ថា​នឹង​មិនទៅលើកដៃសុំទានគេដែរនៅតែពុះពាររាល់ឧបសគ្គទោះខ្លួន​ពិការ​ក៏ដោយ។

​យុវជនពិការ​រូបប្រាប់​ថា នឹង​បន្ថែម​លក់ទឹកបរិសុទ្ធក្រៅពីលក់វត្ថុអនុស្សាវរីយ ដើម្បីឲ្យអតិថិជន​មានការអារម្មណ៌ជាងនេះ។

យុវជនរូ​បនេះក៏​សំណួមពរដល់មហាជនទាំងអស់ជួយគាំទ្រ តាមរយៈការទិញវត្ថុអនុស្សាវរីយ៍ដែលជាស្នាដៃនិង​ការតស៊ូរបស់លោកដែលជាជនពិកាផង។

លោក មាស ដារ៉ា ប្រធានមន្ទីរការងារខេត្តបាត់ដំបងប្រាប់ឲ្យកម្ពុជាថ្មីដឹងថា បើសិនជនពិការណាមានជំនាញ​អាច​ធ្វើការ​បាន​ ហើយកន្លែងក្រុមហ៊ុនរើសអើងមិនព្រមទទួល អាចទំនាក់ទំនង​​មក​មន្ទីរហើយ​លោកនឹងជួយសម្របសម្រួលជាមួយក្រុមហ៊ុនឬកន្លែងការងារនោះជូនទៅតាមអ្វីដែលអាចធ្វើបាន។

បើតាម​មន្រ្តី​រូប​នេះ​មិនទាន់មានទិន្នន័យ​មានជនពិការប៉ុន្មានភាគរយបានបំរើការងារនោះនៅឡើយទេ៕

អត្ថបទ៖ សៅ សារិទ្ធ

The post ពិការមួយចំហៀងខ្លួន រៀន​ចេះជំនាញ​វិជ្ជាជីវៈ ​អង្គុយ​លក់​រូបចាក់​ដើម្បី​ជីវភាព appeared first on Kampuchea Thmey Daily.

លោកស្រី ផេង ប៉ារ៉ូហ្ស៊ីន ប្រធានគម្រោងកម្មវិធីលើកកម្ពស់បរិយាប័ន្ននៃអង្គការ Water Aid កម្ពុជា មានប្រសាសន៍ថា ការសិក្សាពីការផ្សារភ្ជាប់គោលការណ៍ណែនាំថ្នាក់ជាតិស្តីពីកម្មវិធីផ្គត់ផ្គង់ទឹកស្អាត និងការលើកកម្ពស់អនាម័យ​សម្រាប់ជនមានពិការភាពជាមួយនឹងការអនុវត្តបទពិសោធន៍កម្ពុជា បានធ្វើឡើងក្នុងគោលបំណងជួយ​កែលម្អការរួម​បញ្ចូល​ពិការភាព ការបង្កើតគោលនយោបាយទឹកស្អាត និងអនាម័យដែលផ្សារភ្ជាប់នឹងសមភាពយេនឌ័រ​នៅប្រទេស​ដែល​មានចំណូលទាប និងមធ្យម។ ទន្ទឹមគ្នានេះ រដ្ឋាភិបាលអាចបញ្ជៀបគោលការណ៍ណែនាំស្តីពីទឹកស្អាត និងអនាម័យប្រកបដោយបរិយាប័ន្ននៅក្នុងទ្រង់ទ្រាយធំ។

បន្ថែមលើនេះ លោកស្រី ផេង ប៉ារ៉ូហ្ស៊ីន បានបញ្ជាក់ថា របកគំហើញនៃការសិក្សាបានបង្ហាញថា លទ្ធភាពប្រើប្រាស់​ហេដ្ឋា​រចនាសម្ព័ន្ធ ព្រមទាំងសេវាកម្មទឹកស្អាតនិងអនាម័យសម្រាប់ជនមាន​ពិការភាពនៅមានកម្រិតទាប ហើយមានតែ​ព័ត៌មាន​តិចតួចប៉ុណ្ណោះដែលអ្នកថែទាំជនមានពិការភាពទទួលបានជំនួយ។

ប្រធានគម្រោងកម្មវិធីលើកកម្ពស់បរិយាប័ន្ននៃអង្គការ Water Aid កម្ពុជា បានឱ្យដឹងទៀតថា ការសិក្សាស្រាវជ្រាវខាង​លើគឺជាការសិក្សាបែបគុណភាព ដោយជ្រើសរើសជនមានពិការភាពផ្សេងៗគ្នាមានចំនួន១៦ រូប អ្នកថែទាំជនមានពិការ​ភាព០៤ រូប នៅខេត្តស្វាយរៀង និងខេត្តកំពង់ឆ្នាំង ព្រមទាំងជ្រើសរើសមន្ត្រីជំនាញថ្នាក់ជាតិនិងថ្នាក់ក្រោមជាតិ០៧ រូប និងតំណាងអង្គការដៃគូចំនួន១០ ដែលកំពុងធ្វើកិច្ចការលើកកម្ពស់បញ្ហាទឹកស្អាត អនាម័យ និងការងារពិការភាព​នៅកម្ពុជា។ ការសិក្សាមានរយៈពេលពីរឆ្នាំ បានចាប់ផ្តើមពីឆ្នាំ២០២១ ដល់ឆ្នាំ២០២២។

ចំណែកកញ្ញា ងួន សុភកណិកា ទីប្រឹក្សាបច្ចេកទេសឯករាជ្យរបស់គម្រោងសិក្សា បាននិយាយថា លទ្ធផលសិក្សាបាន​រកឃើញថា ជនមានពិការភាពនៅតែជួបការលំបាកក្នុងការទទួលសេវាទឹកស្អាតនិងអនាម័យនៅក្នុងគ្រួសារ។ ស្ត្រីមានពិការភាពនៅជួបបញ្ហាកង្វះហេដ្ឋារចនាសម្ព័ន្ធទឹកស្អាត និងអនាម័យ ដែលចាត់ទុកជាជនងាយរង​គ្រោះពិបាកប្រើប្រាស់​ហេដ្ឋារចនាសម្ព័ន្ធទឹកស្អាតនិងអនាម័យ។

លើសពីនេះ ជនមានពិការភាពជាច្រើនមិនបានលាងសម្អាតរាងកាយឱ្យបានញឹកញាប់តាមពួកគេចង់បាននោះទេ ជាពិសេសពឹងផ្អែកលើអ្នកថែទាំ ដូចជា សកម្មភាពងូតទឹក ការប្រើប្រាស់បន្ទប់ទឹក និងការបោកគក់​សម្លៀក​បំពាក់ជាដើម។

កញ្ញា ងួន សុភកណិកា បានលើកឡើងដូច្នេះថា “ក្រុមគោលដៅដែលបានផ្តល់សម្ភាសន៍បានលើកឡើងថា ពួកគេចង់បានបង្គន់ធំជាងនេះ ដើម្បីឱ្យរទេះរុញអាចចូលទៅក្នុងបន្ទប់ទឹក ហើយបន្ទប់ទឹកដែលប្រើប្រាស់​កន្លងទៅពុំទាន់មានជម្រាលបង្កភាពងាយស្រួល។ មួយវិញទៀតពាក់ព័ន្ធនឹងបញ្ហាកង្វះខាត​ថវិកាដើម្បីកសាង​ហេដ្ឋារចនាសម្ព័ន្ធ។”

ទន្ទឹមនឹងការបង្ហាញលទ្ធផលស្រាវជ្រាវខាងលើនេះដែរ លោកវេជ្ជបណ្ឌិត លន់ សាយតេង ប្រធាននាយកដ្ឋានថែ​ទាំសុខភាពជនបទ នៃក្រសួងភិវឌ្ឍន៍ជនបទ មានប្រសាសន៍ថា ការគាំទ្រដល់ជនមានពិការភាពក្នុងវិស័យទឹកស្អាត និងអនាម័យ ពិតជាសំខាន់នឹងឆ្លើយតបទៅនឹងគោលនយោបាយលើកកម្ពស់ទឹកស្អាតនិងអនាម័យរបស់រាជរដ្ឋាភិបាល។

លោកវេជ្ជបណ្ឌិត លន់ សាយតេង បានបញ្ជាក់ថា “បច្ចុប្បន្នក្រសួងអភិវឌ្ឍន៍ជនបទកំពុងយកចិត្តទុកដាក់យ៉ាង​ខ្លាំងលើបញ្ហាការដាក់បញ្ចូលទឹកស្អាតនិងអនាម័យប្រកបដោយបរិយាប័ន្នសម្រាប់ជនមានពិការផាព ដោយសារជន​មានពិការភាពជាក្រុមមនុស្សងាយរងគ្រោះ ហើយអាទិភាពសំខាន់ក្នុងការដោះស្រាយបញ្ហាទឹកស្អាតនិងអនាម័យ គឺគ្រប់គ្នាត្រូវចូលរួមលើកគាំទ្រដល់ទ្ធភាពទទួលបានទឹកស្អាតនិងអនាម័យប្រកដោយសមធម៌ យេនឌ័រ និងបរិយាប័ន្ន។”

ក្រសួងអភិវឌ្ឍន៍ជនបទ បានអនុម័តគោលការណ៍ណែនាំជាតិស្ដីពីការលើកកម្ពស់ការផ្គត់ផ្គង់ទឹកស្អាតនិងអនាម័យ សម្រាប់ជនពិការភាពនិងមនុស្សចាស់នៅឆ្នាំ២០១៧ ដោយបានផ្សព្វផ្សាយ និងផ្ដល់ការកសាងសមត្ថភាពដល់អ្នក​អនុវត្តក្នុងវិស័យទឹកស្អាតនិងអនាម័យ ដូចជា មន្ទីរអភិវឌ្ឍន៍ជនបទខេត្ត និងអង្គការដែលកំពុងធ្វើការពាក់​ព័ន្ធជាមួយវិស័យទឹកស្អាតនិងអនាម័យជាដើម៕

The post ទឹកស្អាតនិងអនាម័យប្រកបដោយបរិយាប័ន្នជាដំណោះស្រាយមានប្រសិទ្ធិភាពសម្រាប់ជនមានពិការភាព appeared first on Kampuchea Thmey Daily.

ក្នុងឱកាសនោះដែរ លោកឧត្តមសេនីយ៍ទោ សោម ស៊ុន ពាំនាំប្រសាសន៍ផ្តាំផ្ញើរសាកសួរសុខទុក្ខពីសំណាក់សាក់ឯកឧត្តម ហ៊ុន ម៉ាណែត និងលោកជំទាវ ដែលបានយកចិត្តទុកដាក់ចំពោះជីវភាពរបស់អតីតយុទ្ធជន។ ចំពោះវីរៈភាពដ៏ថ្លៃថ្លា ដែលបានលះបង់សាច់ស្រស់ ឈាមស្រស់ រហូតធ្លាក់ខ្លួនពិការ ហើយមួយចំនួនទៀតបានពលីជីវិតដើម្បីចូលរួមចំណែកទប់ស្កាត់ការវឹលត្រឡប់មកវិញ នៃរបបប្រល័យពូជសាសន៍ប៉ុលពត ដែលនេះជាប្រតិបត្តិករចូលរួមអនុវត្តនូវនយោបាយ ឈ្នះ ឈ្នះ របស់សម្តេចតេជោ ហ៊ុន សែន ក្នុងការបញ្ចប់សង្គ្រាម និងបង្រួបបង្រួមជាតិ ធ្វើឲ្យប្រទេសជាតិ យើងមានសុខសន្តិភាពពេញលេញ និងមានការអភិវឌ្ឍរីកចម្រើនដូចសព្វថ្ងៃនេះ ។

លោកឧត្តមសេនីយ៍ទោបន្តថា អំណោយដ៏ថ្លៃថ្លារបស់សម្តេចតេជោ ហ៊ុន សែន តាមរយៈឯកឧត្តមទេសរដ្ឋមន្រ្តី នាយ ឧត្ដមសេនីយ៍ គន់ គីម បានផ្តល់ជូនអតីតយុទ្ធជនក្នុងមួយគ្រួសារទទួលបានដីសម្បទានសង្គមកិច្ចមួយហិតាកន្លះ និងផ្ទះមួយខ្នង។ ទាំងអស់នេះ គឺជាការគិតគូរពីរាជរដ្ឋាភិបាល ចំពោះការលះបង់របស់អតីតយុទ្ធជនជូនជាតិមាតុភូមិ។

លោកឧត្តមសេនីយ៍ទោ បញ្ជាក់ថា អំណោយដែលបានឧបត្ថម្ភជូននៅពេលនេះ គឺក្នុងមួយគ្រួសារទទួលបាននូវអង្ករចំនួន២៥គីឡូក្រាម មីជាតិចំនួន១កេស ត្រីខចំនួន១យួរ និងថវិកាមួយចំនួនផងដែរ៕

អត្ថបទ៖ ឈាង មករា

The post តំបន់ប្រតិបត្តិការសឹករងកំពង់ធំ នាំយកអំណោយ​​ឯកឧត្តម ហ៊ុន ម៉ាណែត ជូនគ្រួសារអតីតយុទ្ធជន appeared first on Kampuchea Thmey Daily.

គ្មាននរណាអាចទាយទុកជាមុនបានទេថានឹងមានអ្វីកើតឡើងចំពោះយើងនាពេលអនាគត។ ដូច្នោះការសំខាន់ដែលត្រូវធ្វើសម្រាប់ខ្លួន គឺហ៊ានទទួលយកការពិត និងប្រឹងយកឈ្នះលើការលំបាកទាំងឡាយ ដើម្បីត្រួសត្រាយផ្លូវជីវិតឱ្យប្រសើរឡើង។ ជាក់ស្ដែង Omar Hegazy គឺជាឧទាហរណ៍ស្រាប់។ ក្នុងវ័យ ២៥ឆ្នាំ គាត់បានឈ្នះកំណត់ត្រាពិភពលោកហ្គីណេស ជាបុរសហែលទឹកឆ្នើម ដល់ទៅ ២ដង ទោះបីគាត់ពិការជើងម្ខាងក៏ដោយ។

មុនជួបឧបទ្ទវហេតុបាត់បង់ជើងម្ខាង គាត់ជាបុគ្គលិកធនាគារមួយរូប។ ជាអកុសលក្រោយជួបគ្រោះថ្នាក់ គាត់ត្រូវបង្ខំចិត្តកាត់ជើងម្ខាងចេញ ដោយសារតែស្ថានភាពមិនអំណោយផល។ ពេលដំបូងៗ គាត់មិនអាចទទួលយកបាននោះទេ​ ហើយគាត់តែងតែសម្ងំនៅម្នាក់ឯង រហូតធ្លាក់ខ្លួនក្លាយជាអ្នកជំងឺបាក់ទឹកចិត្តទៀតផង។

ទោះជាយ៉ាងណា ភាពលំបាក ភាពអស់សង្ឃឹម បែរជាធ្វើឱ្យគាត់ចង់ឈ្នះ រហូតងើបឡើងតស៊ូជាមួយជំងឺ និងភាពពិការរបស់ខ្លួន ដើម្បីសម្រេចក្តីសុបិនជាកីឡាករឆ្នើម។ ​គាត់តែងតែជំរុញខ្លួនឯងដោយអានរឿងរ៉ាវអំពីមនុស្សដែលមានស្ថានភាពស្រដៀងគ្នា ដើម្បីផ្ដល់កម្លាំងចិត្តឱ្យខ្លួនឯង។ ហើយចុងក្រោយ Omar Hegazy បាន​ចូលរួមប្រកួតកីឡាហែលទឹក ​រហូតដល់អាចបំបែកឯតទគ្គកម្ម​ពិភពលោក ជាជនពិការដកដង្ហើមបាន​វែង​បំផុត​ ដែលលើក​ទី​១​ គាត់ហែល​បាន ​៥៦,៣៩​ម៉ែត្រ និង​លើក​ទី​២ ​ហែល​បាន ​៧៦,៥​ម៉ែត្រ​ ដោយ​ប្រើ​ម៉ាស៊ីន​រុញ ក្នុងរយៈពេលតែមួយដង្ហើមប៉ុណ្ណោះ​។

យ៉ាងណាមិញ អ្វីដែលធ្វើឱ្យមហាជនកាន់តែចាប់អារម្មណ៍លើបុរសពិការរូបនេះទ្វេដង ដោយសារកាលពីពេលថ្មីៗនេះ Omar បានឈានជើងចូលការប្រកួតប្រជែងផ្សេងមួយទៀត។ ក្នុងវ័យ ៣១ឆ្នាំ នៅឆ្នាំ២០២២នេះ គាត់បានចូលប្រកួតររត់ចម្ងាយ ២០គីឡូម៉ែត្រពី al-Aqaba នៃប្រទេសហ្ស៊កដានី ទៅកាន់ Taba នៃប្រទេសអេហ្ស៊ីប។ ប៉ុន្តែការប្រកួតនេះ គាត់មិនទទួលជោគជ័យនោះទ។ ទោះជាយ៉ាងនេះក្ដី គាត់បានបញ្ចេញសមត្ថភាពរបស់ខ្លួន និងបង្ហាញដល់ពិភពលោកថា មនុស្សគ្រប់រូបតែងតែអាចជ្រើសរើសធ្វើអ្វីឱ្យធំ និងអស្ចារ្យជាងអ្វីដែលយើងធ្លាប់គិតថាមិនអាចទៅរួច៕

ប្រែសម្រួល៖ សន្យា

ចុចអាន៖ បវរកញ្ញាពិការ ៣រូប ប្រឹងជម្នះឧបសគ្គ ក្លាយជាបុគ្គលជំរុញទឹកចិត្តខ្លាំងបំផុតលើពិភពលោក

The post ប្រវត្តិតស៊ូរបស់បុរសពិការជើង ធ្លាប់បំបែកកំណត់ត្រាពិភពលោកដល់ទៅ ២ដង appeared first on Kampuchea Thmey Daily.

តាមសេចក្តីរាយការណ៍របស់លោក បាន វុត្ថា ប្រធានសាខាមូលនិធិជនពិការរាជធានីភ្នំពេញ បានឲ្យដឹងថា ជនពិការនេះមានឈ្មោះ ហេង គន្ធា ភេទប្រុស អាយុ ៣៧ មានពិការភាពពិការភ្នែកទាំងសងខាង ដោយសារគ្រោះថ្នាក់ចរាចរណ៍អំឡុងឆ្នាំ ១៩៩៤ មានប្រពន្ធឈ្មោះ សាយ គ្រឹស្នា អាយុ២៤ឆ្នាំ។

បច្ចុប្បន្នគាត់មានមុខរបរ ជាអ្នកចំរៀងរបស់សមាគមន៍តន្ត្រីសំនៀងជនពិការ ដែលកន្លងមកគាត់ដើរសុំគេច្រៀងតាមរោងការ បានប្រាក់បន្តិចបន្ទួចសម្រាប់ចិញ្ចឹមជីវិត តែដោយសារបញ្ហារីករាលដាលនៃជំងឺកូវីដ-១៩ ក្នុងរយៈកាលកន្លងមកនេះ ធ្វើឲ្យគាត់បាត់បង់ចំណូលស្ទើរតែទាំងស្រុង។ បច្ចុប្បន្នជនពិការរូបនេះ ទទួលបានការស្នាក់នៅបណ្តោះអាសន្ន ក្នុងសមាគមន៍តន្ត្រីសំនៀងជនពិការ ដែលនៅទីនោះ គាត់ទទួលបានការផ្គត់ផ្គង់ជាការស្នាក់នៅ និងអាហារ។

គាត់និងភរិយាមានដី ១កន្លែងនៅភូមិព្រែកអញ្ចាញ ៤ សង្កាត់ត្រពាំងក្រសាំង ខណ្ឌពោធិសែនជ័យ រាជធានីភ្នំពេញ តែមិនមានលទ្ធភាពក្នុងការសាងសង់ផ្ទះទេ ដោយគោលដៅជីវិតរបស់គាត់ ក្រៅពីរបរច្រៀងតាមរោងការ គឺគាត់ចង់មានផ្ទះ ១ខ្នង និងរកស៊ីលក់ដូរបន្តិចបន្ទួចនៅទីនោះ ដើម្បីបង្កើនចំណូល និងមានទីជម្រកផ្ទាល់ខ្លួនដូចគេឯង។ ដោយពិនិត្យឃើញ នូវទុកលំបាករបស់ជនពិការរូបនេះ សាខាមូលនិធិជនពិការរាជធានីភ្នំពេញ បានសហការជាមួយអាជ្ញាធរដែនដី ធ្វើការកសាងឯកសារមកមូលនិធិជនពិការ ដើម្បីស្នើសុំផ្ទះ ១ខ្នងជូនគាត់។

លោកស្រី ប្រាក់ ថាវៈភារី សមាជិកក្រុមប្រឹក្សាភិបាល នៃមូលនិធិជនពិការបានថ្លែងថា ជំនួសមុខឲ្យលោកប្រធានក្រុមប្រឹក្សាភិបាលនៃម.ជ.ព. «ខ្ញុំពិតជាសប្បាយរីករាយណាស់ ដែលកម្មវិធីសាងសង់ផ្ទះជូនជនពិការក្រីក្រ តាមសហគមន៍នេះ ពិតជាបានជួយរំលែកទុកលំបាក ក្នុងការរស់នៅ និងបានលើកកម្ពស់គុណភាពជីវិត របស់គ្រួសារជនពិការខាងលើ ឲ្យកាន់តែប្រសើរប្រាកដមែន»។

ជាមួយគ្នានេះ លោកស្រីក៏បានថ្លែងអំណរគុណ ដល់សាខាម.ជ.ព.រាជធានី និងអាជ្ញាធរមូលដ្ឋាន ដែលបានយកចិត្តទុកដាក់ សហការស្វែករកជនពិការក្រីក្រ និងការកសាងឯកសារពាក់ព័ន្ធ ជូនម.ជ.ព. ក៏ដូចជាចូលរួមចាក់ដីបំពេញ សម្រាប់ដំណើរការសាងសង់ផងដែរ។ លោកស្រីបានផ្តាំផ្ញើរដល់គ្រួសារជនពិការ សូមថែរក្សាសុខភាពដើម្បីជៀសផុតពីជំងឺនានា និងព្យាយាមកែច្នៃបង្កើនមុខរបរបន្ថែមដើម្បីផ្គត់ផ្គង់ជីវភាព ឲ្យកាន់តែប្រសើរឡើង។ ផ្ទះដែលម.ជ.ព.សាងសង់ជូននេះ គឺជាការចូលរួមបរិច្ចាគរបស់ប្រជាពលរដ្ឋកម្ពុជាទូទាំងប្រទេស សំដៅដល់ការចូលរួមជួយដល់ជនពិការដែលជួបទុកលំបាក ដូច្នេះសមិទ្ធផលដែលមានក្នុងថ្ងៃនេះ សូមលោក ហេង គន្ធា មេត្តាជួយថែទាំផ្ទះ១ខ្នងនេះឲ្យបាននៅគង់វង្សយូរអង្វែងតទៅ។

ជនពិការម្ចាស់ផ្ទះ បានថ្លែងអំណរគុណដល់រាជរដ្ឋាភិបាល តាមរយៈមូលនិធិជនពិការ ដែលបានផ្តល់ផ្ទះ ១ខ្នងនេះដល់គាត់ ដែលកន្លងមកនេះគាត់ឃើញថា ប្រមុខរាជរដ្ឋាភិបាលតែងតែយកចិត្តទុក្ខដាក់ ដល់បងប្អូនជនពិការ តាមរយៈការឧបត្ថម្ភជាសាច់ប្រាក់ ការគាំទ្រជាស្បៀងអាហារ ការគាំទ្រជាសម្ភារៈតន្រ្តី ហើយពេលនេះមានការគាំទ្រផ្តល់ជាផ្ទះ ១ខ្នងផងដែរ ដែលនេះពិតជាមិនអាចកាត់ថ្លៃបានទេ។

ក្នុងពិធីនេះដែរ មូលនិធិជនពិការ ក៏បានផ្តល់ជូននូវអំណោយសប្បុរសធម៌ របស់មូលនិធិជនពិការ សម្រាប់ផ្តល់ជូនដល់គ្រួសារជនពិការ ដែលទទួលបានផ្ទះថ្មី នូវថវិកាចំនួន ១០ម៉ឺនរៀល អង្ករ ២៥គីឡូក្រោម ត្រីខ ២យួរ ទឹកស៊ីវអ៊ីវ ១យួរ ទឹកត្រី ១យួរ អំបិល ២កញ្ចប់ និងមី ១កេស ជាមួយគ្នានេះ លោកស្រី ប្រាក់ ថាវៈភារី ក៏បានឧបត្ថម្ភបន្ថែម នូវថវិកាមួយចំនួនទៀត ជូនដល់គ្រួសារជនពិការខាងលើ ដើម្បីទិញសម្ភារៈប្រើប្រាស់មួយចំនួន ផងដែរ៕

អត្ថបទ៖ វិមាន

The post ប្រគល់ផ្ទះ ១ខ្នង ជូនជនពិការភ្នែកទាំង ២ ដែលជួបការលំបាកខ្លាំង ដោយសារកូវីដ-១៩ appeared first on Kampuchea Thmey Daily.

សព​ជនរងគ្រោះមានឈ្មោះ ស៊ុយ សុជាតិ ភេទ​ប្រុស អាយុ២១​ឆ្នាំ ជា​មនុស្ស​ពិការ (គ) មុខរបរ​នៅ​ផ្ទះ ស្នាក់នៅ​ក្បែរ​កន្លែងកើតហេតុ។​

បើតាម​ប្រភពពី​អ្នកលក់​ចាប់ហួយ​នៅ​កន្លែងកើតហេតុ​​បាន​ប្រាប់​ឲ្យ​ដឹងថា មុន​កើតហេតុ ជនរង​គ្រោះ​ដើរ​ចេញពីផ្ទះ​មករក​ទិញ​អី​ហូប ហើ​យ​ក៏​ឆ្លៀត​អង្គុយ​នៅលើ​ធុង​ទឹកកក នៅ​កន្លែង​លក់ដូរ​របស់គាត់ ស្រាប់តែ​មួយសន្ទុះ​ក្រោយមក ក៏មាន​ភ្ញៀវ​ចូលមក​ទិញ​ភេសជ្ជៈហើយ​រូបគាត់​ជា​អ្នក​លក់​ដូរ បាន​ប្រាប់​ជនរងគ្រោះ​ឲ្យ​ក្រោកឡើង​ទៅ​ឈរ នៅ​អៀ​ប​កន្លែង​លក់​របស់គាត់​ផ្នែក​ខាងកើត ខណៈ​នោះ​ជនរងគ្រោះ​បាន​ក្រោកឡើង​មកឈរ​ផ្អែក​បង្គោល​ប៉ាន់​ណូ​ជាប់​នឹង​បង្កាន់ដៃស្ពាន​ផ្នែក​ខាងលិច លុះដល់​ម៉ោង​កើតហេតុ​ខាងលើ មិនដឹង​ជា​យ៉ាង​មិច​ស្រាប់​រអិល​ធ្លាក់ចូល​ឡាយ​ទឹកស្អុយ លិច​បាត់​រក​មិនឃើញ បង្ក​ឲ្យ​មានការ​ភ្ញាក់ផ្អើល​ដល់​ប្រជាពលរដ្ឋ​និង​សមត្ថកិច្ច​មូលដ្ឋាន​ក៏ដូចជា​សាច់ញាតិ​ជនរងគ្រោះ​ចុះមក​ជួយ​អន្តរាគមន៍​រាវរក​រយៈពេល​ជិត​មួយ​ម៉ោង ទើប​ប្រទះឃើញ​សាកសព​ជនរង​គ្រោះ​រួច​នាំគ្នា​ស្រង់​ឡើង​យកមក​លើគោក​វិញ ដោយ​សាច់ញាតិ​ជនរងគ្រោះ​ជាច្រើន​នាក់​នាំគ្នា​ជួយសង្គ្រោះ​បឋម​មិន​អស់ចិត្ត ក៏បាន​ហៅ​រថយន្ត​សង្គ្រោះ​ដឹក​ជនរងគ្រោះ​ទៅ​សង្គ្រោះ​នៅឯ​មន្ទីរ​ពេទ្យ តែ​អកុសល​ជនរងគ្រោះ​បាន​ស្លាប់បាត់​បង់ជីវិត​ហើយ ។​

ក្រោយ​កើតហេតុ សមត្ថកិច្ច​ជំនាញ​បានធ្វើ​កំណត់ហេតុ​រួច​ប្រគល់​សព​ទៅ​ឲ្យ​សាច់ញាតិ​ជនរងគ្រោះ​យកទៅ​ធ្វើបុណ្យ​តាម​ប្រពៃណី​៕​

អត្ថបទ៖ សុខា​

The post បុរសជាជនពិការម្នាក់ ធ្លាក់ទឹកប្រឡាយលង់ស្លាប់​ appeared first on Kampuchea Thmey Daily.