KPT+
បវរកញ្ញាពិការ ៣រូប ប្រឹងជម្នះឧបសគ្គ ក្លាយជាបុគ្គលជំរុញទឹកចិត្តខ្លាំងបំផុតលើពិភពលោក
ទោះបីមិនមានរូបរាងកាយពេញលេញ ដូចមនុស្សធម្មតាក៏ដោយ ប៉ុន្តែបវរកញ្ញា ៣ រូបខាងក្រោម នៅតែបង្ហាញពីទេពកោសល្យ និងភាពទាក់ទាញពិសេសរបស់នាង នៅលើឆាកប្រកួតប្រជែងកម្មវិធីសម្រស់របស់ពិភពលោក។ ក្រោយការបង្ហាញខ្លួនរបស់នាង មនុស្សជាច្រើនទទួលបានការជំរុញទឹកចិត្តកាន់តែខ្លាំង ក្នុងការតស៊ូនឹងជីវិត ជាពិសេសហ៊ានពុះពារឧបសគ្គដើម្បីរស់នៅឱ្យល្អបំផុត។
៣. បវរកញ្ញាអង្គុយលើរទេះរុញ-អាមេរិក
Madeline Delp កើតក្នុងឆ្នាំ ១៩៩៤ ធ្លាប់ជាបេក្ខនារីដែលទទួលបានការចាប់អារម្មណ៍យ៉ាងខ្លាំងក្នុងកម្មវិធីប្រកួត Miss Earth USA 2022 និងបានឈានដល់វគ្គផ្តាច់ព្រ័ត្រកំពូលទាំង ១២ ។ មុនកម្មវិធីប្រកួត Miss Earth USA 2022 នាងធ្លាប់ចូលរួមក្នុងការប្រឡងសម្រស់ជាច្រើន និងទទួលបានសមិទ្ធិផលគួរឱ្យកត់សម្គាល់ដូចជា មកុដបវរកញ្ញា Miss Wheelchair North Carolina ក្នុងឆ្នាំ ២០១៦ និងឆ្នាំក្នុង ២០១៧ ធ្លាប់ជាជើងឯករងបវរកញ្ញា Miss Virginia USA ។
ក្រៅពីសម្រស់ដ៏ស្រស់ស្អាតដែលទទួលបានការកោតសរសើរក្នុងការថតរូប អ្វីដែលសាធារណជនសរសើរបំផុតចំពោះ Madeline Delp គឺថាមពលផ្លូវចិត្តរបស់នាង។ បវរកញ្ញារូបនេះសំណាងអាក្រក់ដែលពិការអវយវៈខាងក្រោម តាំងពីអាយុ១០ឆ្នាំ និងត្រូវឈប់រៀននៅសាលា ប្ដូរទៅរៀននៅផ្ទះវិញ ប៉ុន្តែនាងព្យាយាមជម្នះឧបសគ្គជានិច្ច។
ថ្វីត្បិតមានរាងកាយមិនប្រក្រតីក៏ដោយ តែ Madeline Delp ជាមនុស្សស្រឡាញ់កីឡាខ្លាំង ដោយមិនខ្លាចក្នុងការប្រជែងជាមួយមុខវិជ្ជាលំបាកៗជាច្រើនដូចជា ជិះសេះ ឡើងភ្នំ លោតឆ័ត្រយោង។ល។ លើសពីនេះនាងក៏មានចំណូលចិត្តលើការប្រកួតនានាផងដែរ បន្ទាប់ពីចាប់ផ្តើមចូលរួមកម្មវិធីសម្រស់។ ក្រោយមានកេរ្តិ៍ល្បីល្បាញគួរសម នាងបានបង្កើតអង្គការស្ម័គ្រចិត្តមួយ ដោយធ្វើដំណើរជុំវិញសហរដ្ឋអាមេរិក ដើម្បីជួយមនុស្សដែលមានស្ថានភាពរាងកាយស្រដៀងនឹងនាងដែរ។
២. បវរកញ្ញាពិកាដៃទាំងពីរ និងជើងម្ខាង-អេក្វាឌ័រ
បវរកញ្ញា Victoria Salcedo មកពីទីក្រុង Guayaquil ប្រទេសអេក្វាឌ័រ។ នាងមានអាយុ ២៤ឆ្នាំ នៅឆ្នាំ២០២២នេះ ជាបវរកញ្ញាធ្លាប់ទទួលបានការចាប់អារម្មណ៍ជាពិសេស នៅពេលចូលរួមក្នុងការប្រឡងប្រជែងបវរកញ្ញា Ecuador 2021 ។ នៅលើសង្វៀនប្រកួត នាងបានចូលដល់វគ្គផ្តាច់ព្រ័ត្រកំពូលទាំង ២០។ ជាលទ្ធផល ទោះបីជានាងមិនបានឈ្នះពានរង្វាន់ណាមួយក៏ដោយ ក៏ Victoria Salcedo នៅតែត្រូវបានទស្សនិកជនសជាច្រើនរំជួលចិត្តចំពោះរឿងរ៉ាវរបស់នាង។
ដោយសារតែគ្មានដៃទាំងពីរ និងមានជើងតែមួយ នាងបានធ្វើឱ្យមនុស្សជាច្រើនកោតសរសើរនូវថាមពល និងបំណងប្រាថ្នារបស់នាងក្នុងការជម្នះភាពមិនអនុគ្រោះដើម្បីបង្ហាញខ្លួនទៅកាន់ពិភពលោក។ គេដឹងថា ពិការភាពរបស់ Victoria Salcedo កើតចេញពីបញ្ហាអគ្គិសនី ពេលនាងមានអាយុត្រឹមតែ ៥ឆ្នាំប៉ុណ្ណោះ។ ប៉ុន្តែទោះជួបរឿងហេតុអកុសលយ៉ាងនេះក្ដី បវរកញ្ញារូបនេះនៅតែព្យាយាមរស់នៅយ៉ាងរឹងមាំ និងហ៊ានតាំងចិត្តតស៊ូក្នុងជីវិត មិនព្រមចុះញមឡើយ។
បច្ចុប្បន្ន Victoria Salcedo កំពុងសិក្សាផ្នែកសារព័ត៌មាន។ ត្បិតតែគ្មានអវៈយវៈគ្រប់គ្រាន់ដូចគេ នាងបានរៀនធ្វើជាម្ចាស់នៃការប្រើប្រាស់ជើងសិប្បនិម្មិត និងគ្រប់គ្រងរឿងគ្រប់យ៉ាងដោយជើងស្តាំរបស់នាង។ លើសពីនេះ នាងក៏អាចហែលទឹក និងឡើងភ្នំបានផងដែរ។
៣. បវរកញ្ញាពិកាជើងម្ខាង-អ៊ីតាលី
ជាមនុស្សស្រីបាត់ជើងមួយចំហៀង ស្រីស្អាត Chiara Bordi នៅតែចុះឈ្មោះចូលរួមប្រកួត និងឈ្នះតំណែងជើងឯករងទី២ Miss Italy 2018។ អតីតបវរកញ្ញារងរូបនេះបានប្រាប់អ្នកសារព័ត៌មានថា នាងបាត់ជើងម្ខាង ហើយត្រូវពាក់ជើងសិប្បនិម្មិត ក្រោយជួបឧបទ្ទវហេតុចរាចរណ៍កាលអាយុ ១៣ឆ្នាំ។
ថ្វីត្បិតតែមានចំណុចខ្វះខាតខុសពីគេ Chiara Bordi នៅតែលើកទឹកចិត្តខ្លួនឯង ហើយមិនធ្លាប់គិតទេថា ខ្លួននាងអន់ជាងអ្នកដទៃឡើយ។ នាងតែងចាត់ទុកការពិការបស់នាងជាកម្លាំងចិត្តក្នុងការក្រោកឈរតតាំងជាមួយព្រហ្មលិខិត។ បវរកញ្ញារូបនេះមានទម្រង់មុខស្រស់ស្អាត និងរូបរាងដ៏ស្រឡូន។ មិនតែប៉ុណ្ណោះ បច្ចុប្បន្ននេះនាងជំនាញខាងសម្ដែង និងជាតារាម៉ូដែលល្បីល្បាញនៅអ៊ីតាលីទៀតផង៕
ប្រែសម្រួល៖ សន្យា
ចុចអាន៖ ហេតុអ្វីតារាកូរ៉េល្បីៗ រៀបការបែបឯកជនខ្លាំង និងតែងតែលាក់រូបថតអាពាហ៍ពិពាហ៍?
ចុចអាន៖ រឿងរ៉ាវហួសចិត្តមួយចំនួនធំ និងមិនអាចបំភ្លេចបាន ក្នុងប្រវត្តិសាស្ត្រពានរង្វាន់ Oscars
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)