សន្តិសុខសង្គម

បុរសជាជនពិការម្នាក់ ធ្លាក់ទឹកប្រឡាយលង់ស្លាប់

បានផុស

២ years មុន

នៅ

ថ្ងៃសៅរ៍ ១២ កុម្ភៈ ២០២២

ដោយ

បុរសជាជនពិការម្នាក់ (គ) បានលង់ទឹកប្រឡាយទឹកស្អុយបណ្តាលឲ្យស្លាប់យ៉ាងអាណោចអាធ័ម បង្កឲ្យមានការភ្ញាក់ផ្អើលកាលពីវេលាម៉ោង១០និង១០យប់ ថ្ងៃទី១១ ខែកុម្ភៈ ឆ្នាំ២០២២ នៅចំណុចប្រឡាយទឹកស្អុយស្ពានបឹងស្រឡាង តាមបណ្ដោយផ្លូវ៣៣៦ ស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។

សពជនរងគ្រោះមានឈ្មោះ ស៊ុយ សុជាតិ ភេទប្រុស អាយុ២១ឆ្នាំ ជាមនុស្សពិការ (គ) មុខរបរនៅផ្ទះ ស្នាក់នៅក្បែរកន្លែងកើតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពពីអ្នកលក់ចាប់ហួយនៅកន្លែងកើតហេតុបានប្រាប់ឲ្យដឹងថា មុនកើតហេតុ ជនរងគ្រោះដើរចេញពីផ្ទះមករកទិញអីហូប ហើយក៏ឆ្លៀតអង្គុយនៅលើធុងទឹកកក នៅកន្លែងលក់ដូររបស់គាត់ ស្រាប់តែមួយសន្ទុះក្រោយមក ក៏មានភ្ញៀវចូលមកទិញភេសជ្ជៈហើយរូបគាត់ជាអ្នកលក់ដូរ បានប្រាប់ជនរងគ្រោះឲ្យក្រោកឡើងទៅឈរ នៅអៀបកន្លែងលក់របស់គាត់ផ្នែកខាងកើត ខណៈនោះជនរងគ្រោះបានក្រោកឡើងមកឈរផ្អែកបង្គោលប៉ាន់ណូជាប់នឹងបង្កាន់ដៃស្ពានផ្នែកខាងលិច លុះដល់ម៉ោងកើតហេតុខាងលើ មិនដឹងជាយ៉ាងមិចស្រាប់រអិលធ្លាក់ចូលឡាយទឹកស្អុយ លិចបាត់រកមិនឃើញ បង្កឲ្យមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចមូលដ្ឋានក៏ដូចជាសាច់ញាតិជនរងគ្រោះចុះមកជួយអន្តរាគមន៍រាវរករយៈពេលជិតមួយម៉ោង ទើបប្រទះឃើញសាកសពជនរងគ្រោះរួចនាំគ្នាស្រង់ឡើងយកមកលើគោកវិញ ដោយសាច់ញាតិជនរងគ្រោះជាច្រើននាក់នាំគ្នាជួយសង្គ្រោះបឋមមិនអស់ចិត្ត ក៏បានហៅរថយន្តសង្គ្រោះដឹកជនរងគ្រោះទៅសង្គ្រោះនៅឯមន្ទីរពេទ្យ តែអកុសលជនរងគ្រោះបានស្លាប់បាត់បង់ជីវិតហើយ ។