ជែលលាងដៃ Archives - Kampuchea Thmey Daily

បកស្រាយ! អាល់កុលឬជែល ទុកក្នុងឡាន ចតក្រោមពន្លឺថ្ងៃ អាចឆាបឆេះបានទេ?

សាង ស្រីល័ក្ខ — Wed, 02 Mar 2022 01:40:00 +0000

អាល់កុលបានក្លាយជាវត្ថុចាំបាច់ ដែលមនុស្សជាច្រើនយកតាមខ្លួន ក្នុងអំឡុងពេលមានជំងឺកូវីដ ជាពិសេសអ្នកដែលបើកបរជាប្រចាំ ត្រូវតែមានដបបាញ់អាល់កុល ទុកក្នុងឡានផងដែរ។

ជាក់ស្ដែងរហូតមកទល់ពេលនេះ នៅតែមានសំណួរជាច្រើនបានសួរថា តើគួរទុកអាល់កុលក្នុងឡានចោល នៅក្រោមពន្លឺថ្ងៃឬអត់? តើវានឹងបង្កគ្រោះថ្នាក់ទេ?

ទោះបីជាជែល ឬអាល់កុលក៏ដោយ វាជាសារធាតុងាយឆេះ ដែលមានហានិភ័យនៃការឆេះយ៉ាងឆាប់រហ័ស។ ប៉ុន្តែវាមិនអាចឆេះដោយខ្លួនឯងបានទេ។ លុះត្រាតែវាត្រូវភ្លើងឆេះ។ អាល់កុលត្រូវតែត្រូវបានកំដៅដល់ ៣៧០ អង្សាសេដើម្បីបញ្ឆេះ។ សីតុណ្ហភាពនៅខាងក្នុងរថយន្ត ដែលចតក្រោមពន្លឺថ្ងៃ គឺមិនខ្ពស់រហូតធ្វើឲ្យឆាបឆេះនោះទេ។

លើសពីនេះ ដបបាញ់អាល់កុលភាគច្រើន មិនត្រូវបានដាក់សម្ពាធដូចម៉ាស៊ីនបន្សុទ្ធខ្យល់ធម្មតានោះទេ។ ដូច្នេះ កម្ដៅមិនប៉ះពាល់ដល់សម្ពាធនៅក្នុងដបដែលបណ្ដាលឲ្យផ្ទុះឡើយ។ ដូច្នេះហើយ អាល់កុលអាចរក្សាទុកក្នុងរថយន្តដោយសុវត្ថិភាព។

ទោះជាយ៉ាងណាក៏ដោយ អាល់កុលដែលបានប៉ះពាល់នឹងកម្ដៅខ្ពស់ ក្នុងរយៈពេលយូរ អាចធ្វើឲ្យប្រសិទ្ធភាពនៃការសម្លាប់មេរោគថយចុះ។ ដូច្នេះគួរទុកនៅកន្លែងដែលមានសីតុណ្ហភាពថេរ។ ចៀសវាងការប៉ះពន្លឺព្រះអាទិត្យដោយផ្ទាល់ ឬកម្ដៅខ្លាំង រួមទាំងគម្របត្រូវតែបិទជិត ដើម្បីការពារការលេចធ្លាយ នឹងមិនធ្វើឲ្យខូចផ្នែកខាងក្នុងឡើយ។

ម៉្យាងទៀត ជាតិអាល់កុលដែលមិនត្រូវបានធ្វើឲ្យសកម្ម នឹងមានអាយុកាលជាមធ្យម ២-៣ ឆ្នាំ ប៉ុន្តែប្រសិនបើបានធ្វើឲ្យសកម្ម វាគួរតែត្រូវបានប្រើក្នុងរយៈពេល ៣០ថ្ងៃ ដើម្បីទទួលបានប្រសិទ្ធភាពសម្លាប់មេរោគអតិបរមា៕

ប្រែសម្រួល៖ សាង ស្រីល័ក្ខ

ចុចអាន៖កំហុសឆ្គងមួយចំនួននៃការប្រើជែលលាងសំអាតដៃខុស ជាពិសេសក្នុងអំឡុងកូវីដ

ចុចអាន៖ប្រុងប្រយ័ត្ន ជែលឬអាល់កុលអាចគ្មានប្រសិទ្ធភាពឬហួត ខណៈប្រើក្នុងរយៈពេល ២៨ ថ្ងៃ ក្រោយបើករួច

The post បកស្រាយ! អាល់កុលឬជែល ទុកក្នុងឡាន ចតក្រោមពន្លឺថ្ងៃ អាចឆាបឆេះបានទេ? appeared first on Kampuchea Thmey Daily.

អាល់កុល និងជែល មួយណាជាជម្រើសល្អ គួរប្រើជម្រះមេរោគ?

Sonya — Thu, 16 Dec 2021 04:15:59 +0000

ស្ថិតក្នុងវិបត្តិនៃរោគរាតត្បាត គ្រប់គ្នាចាប់ផ្ដើមគិតគូរពីអនាម័យផ្ទាល់ខ្លួន ក៏ដូចជាអនាម័យសាធារណខ្លាំងជាងពេលមុនៗ ខណៈអាល់កុល និងជែល ជាជម្រើសដ៏ពេញនិយមសម្រាប់មនុស្សសម័យនេះ ដើម្បីប្រើសម្អាតដៃជាប្រចាំ។

យ៉ាងណាមិញ ប្រសិនបើយើងប្រើអាល់កុលច្រើនខ្លាំងពេក វាមិនត្រឹមតែមិនអាចជួយសម្លាប់មេរោគនោះទេ ថែមទាំងអាចបង្កគ្រោះថ្នាក់ ឬខូចស្បែកទៀតផង។ ជាពិសេសការប្រើអាល់កុលដឺក្រេខ្ពស់ពេក នាំឲ្យប៉ះពាល់ចំពោះសុខភាពស្បែកដូចជា រលាកស្បែក ស្ងួតស្បែក ក្រហមស្បែក។ល។

ដោយឡែក ជែល ជាឧបករណ៍សំខាន់មួយទៀត អាចប្រើសម្លាប់មេរោគគ្រប់ទីកន្លែង ក៏ដូចជាប្រើសម្រាប់លាងដៃបានយ៉ាងងាយស្រួល ព្រមទាំងអាចម្លាប់មេរោគនៅលើដៃ មិនចាញ់ការលាងដៃនឹងសាប៊ូនោះឡើយ។ ជាពិសេស ជែល មានគុណសម្បត្តិជាច្រើន គួរពិចារណាទិញមកប្រើប្រាស់ ខណៈការលាងដៃនឹងសាប៊ូ អាចនឹងពិបាក រាល់ពេលយើងចេញក្រៅផ្ទះ។

តួយ៉ាង ជែលម៉ាក Purell ជាជែលលាងដៃសម្លាប់មេរោគបានភ្លាមៗ ផលិតតាមស្ដង់ដារ អនាម័យ នាំមកពីសហរដ្ឋអាមេរិក មានកំហាប់អេទីលអាល់កុល ៧០% និងគ្មានក្លិនឈួល ឬរំខានឡើយ។

មិនតែប៉ុណ្ណោះ ជែល Purell ងាយស្រួលដាក់តាមខ្លួន និងអាចប្រើបានទាំងលើកុមារថែមទៀតផង៕

អត្ថបទ៖ សន្យា

ចុចអាន៖ ប្រើអាល់កុលដឺក្រេខ្ពស់ មិនអាចសម្លាប់មេរោគបាន ហើយគ្រោះថ្នាក់ស្បែកទៀត!

The post អាល់កុល និងជែល មួយណាជាជម្រើសល្អ គួរប្រើជម្រះមេរោគ? appeared first on Kampuchea Thmey Daily.

ប្រុងប្រយ័ត្ន ជែលឬអាល់កុលអាចគ្មានប្រសិទ្ធភាពឬហួត ខណៈប្រើក្នុងរយៈពេល ២៨ ថ្ងៃ ក្រោយបើករួច

សាង ស្រីល័ក្ខ — Fri, 03 Sep 2021 08:22:07 +0000

ទឹកលាងដៃគឺជារបស់ដែលមិនអាចខ្វះបានក្នុងកំឡុងពេលមានជំងឺកូវីដ ១៩ ព្រោះយើងត្រូវការយកវាទៅដាក់ក្នុងកាបូបជាប់ជានិច្ច។

ប៉ុន្តែតើអ្នកដឹងទេថាជែលឬអាកុលនៅក្នុងដបដែលយើងបើកគម្របប្រើលើកដំបូងរួច ក៏មានកាលបរិច្ឆេទផុតកំណត់ផងដែរ។

ជែលនិងអាល់កុលជាមួយនឹងការវេចខ្ចប់បិទគម្រប នៅពេលដែលបើកប្រើរួច គឺមានរយៈពេលត្រឹម ២៨ ថ្ងៃប៉ុណ្ណោះ។ ព្រោះកំហាប់នឹងចុះទាប ដូច្នេះបើសិនហួសកំណត់រយៈពេលនោះ វាមិនមានប្រសិទ្ធភាព អាចសម្លាប់មេរោគបានទៀតទេ។

ប្រុងប្រយ័ត្ននិងរបៀបប្រើជែលលាងដៃកុំឲ្យខាតប្រាក់កាស

១ មិនថាជែលឬអាកុល ប្រសិនបើលើសពី ២៨ ថ្ងៃអ្នកគួរតែប្តូរទៅថ្មី។

២ ត្រូវជ្រើសរើសយកជែលដាក់ក្នុងបំពង់ឬកញ្ចប់តូចជំនួសដបធំ ឬទិញជែលក្នុងដបធំដាច់ដោយឡែកពីគ្នាក្នុងដបតូច ដើម្បីយកវាដាក់តាមខ្លួន ដូច្នេះជែលនឹងអស់ក្នុងរយៈពេល ២៨ ថ្ងៃ។

៣ ប្រសិនបើអ្នកគិតថាមិនអាចប្រើជែលបានទាំងស្រុងក្នុងរយៈពេល ២៨ ថ្ងៃ វាជាការប្រសើរក្នុងការជ្រើសរើសកញ្ចប់ដែលបានសង្កត់លើគម្របស្នប់ ឬប្តូរទៅជាថ្នាំបាញ់អាល់កុល ដែលមិនមានគម្របបើកដើម្បីឲ្យជាតិអាល់កុលហួត ឬប៉ះជាមួយខ្យល់ខាងក្រៅ។

៤ កុំទុកជែលអាល់កុលនៅកន្លែងដែលមានពន្លឺព្រះអាទិត្យ ឬកម្ដៅខ្ពស់ នេះអាចធ្វើឲ្យជាតិអាល់កុលកាន់តែយ៉ាប់យ៉ឺនរហូតដល់មិនអាចសម្លាប់មេរោគបាន។

៥ នៅពេលបញ្ចប់ការលាបជែលឬអាល់កុលនៅលើដៃរបស់អ្នក គួររង់ចាំឲ្យជែលស្ងួតសិន។ វីរុសនឹងស្លាប់ទាំងស្រុង ប្រសិនបើវាស្ងួត។

៦ ប្រើជែលឬអាល់កុលដែលមានកំហាប់ ៧០ភាគរយ ឬច្រើនជាងនេះ។ កត់សំគាល់ផ្នែកម្ខាងនៃកញ្ចប់។

៧ គ្រឿងផ្សំនៅក្នុងជែលអាល់កុលត្រូវតែជា“ អាល់កុលអេទីល” តែប៉ុណ្ណោះ សូមប្រយ័ត្នជែលក្លែងក្លាយដែលនាំមក “ អាល់កុលមេទីល” ត្រូវបានគេប្រើជាគ្រឿងផ្សំ។ ព្រោះវាជាសារធាតុដែលមានជាតិពុលយ៉ាងធ្ងន់ធ្ងរដល់រាងកាយ។ វាត្រូវបានហាមឃាត់យ៉ាងតឹងរ៉ឹងក្នុងការប្រើ៕

ប្រែសម្រួល ៖ សាងស្រីល័ក្ខ

ចុចអាន៖រដ្ឋបាលចំណីអាហារនិងឱសថរបស់ ថៃ ប្រាប់តិចនិកទិញអាកុលឬជែលមានគុណភាពខ្ពស់ មិនប៉ះក្លែងក្លាយ

The post ប្រុងប្រយ័ត្ន ជែលឬអាល់កុលអាចគ្មានប្រសិទ្ធភាពឬហួត ខណៈប្រើក្នុងរយៈពេល ២៨ ថ្ងៃ ក្រោយបើករួច appeared first on Kampuchea Thmey Daily.

រដ្ឋបាលចំណីអាហារនិងឱសថរបស់ ថៃ ប្រាប់តិចនិកទិញអាកុលឬជែលមានគុណភាពខ្ពស់ មិនប៉ះក្លែងក្លាយ

សាង ស្រីល័ក្ខ — Mon, 26 Jul 2021 10:16:30 +0000

ដោយសារតែជំងឺរាតត្បាតកូវីដកំពុងវាយលុក ឱសថការី Supattra Boonserm នៃអគ្គលេខាធិការរង របស់រដ្ឋបាលចំណីអាហារនិងឱសថ (FDA) បានផ្ដល់អនុសាសន៍ពីរបៀបទិញ ជែលនិងអាល់កុល ដើម្បីទទួលបានផលិតផលដែលមានគុណភាពខ្ពស់។

១ ពិនិត្យស្លាកសញ្ញាសំគាល់ ឈ្មោះនៃសារធាតុទាំងអស់ ដែលត្រូវបានប្រើជាគ្រឿងផ្សំ។ បរិមាណសុទ្ធ ពេលវេលាផលិត ខែផលិត និងថ្ងៃ ខែ ផុតកំណត់ ការព្រមានលេខក្នុងបង្កាន់ដៃ ។

២ អាកុលឬជែលសុទ្ធ ត្រូវបានដាក់ក្នុងធុងបិទជិត ដើម្បីការពារការហួត។ នៅពេលបើកគម្រប ក្លិននៃជាតិអាល់កុលប្រាដកជាធំក្លិន ហើយត្រជាក់ពេលដាក់លើបាតដៃ។

៣ អាកុលល្អត្រូវបានចុះបញ្ជីតាមការណែនាំរបស់ក្រសួងពាណិជ្ជកម្មបានត្រឹមត្រូវ និងមានច្បាប់អនុញ្ញាតឲ្យប្រើប្រាស់សាធារណៈ។

លើសពីនេះទៀត វាជាការសំខាន់ដែលត្រូវដឹងថា កុំដាក់អាកុលឬជែលនៅជិតកម្ដៅឬអណ្ដាតភ្លើង ព្រោះអាល់កុលងាយឆេះ។ ដើម្បីការប្រើប្រាស់មានប្រសិទ្ធភាព សូមត្រដុសដៃនិងម្រាមដៃរយៈពេល ២០ ទៅ ៣០ វិនាទី រហូតទាល់តែអាល់កុលស្ងួត។ ប្រសិនបើអ្នកមានអារម្មណ៍ថាស្បែកស្ងួត ត្រូវប្រើក្រែមមានជាតិសំណើម ៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖អ្នកមានហានិភ័យទាបនិងខ្ពស់នៃករណីឆ្លងកូវីដ គួរធ្វើយ៉ាងម៉េច ក្រោយប៉ះពាល់ជាមួយអ្នកជំងឺ

ចុចអាន៖ធ្វើតេស្តរហ័សរកកូវីដដោយខ្លួនឯង ចុះក្នុងករណីវិជ្ជមានគួរធ្វើយ៉ាងម៉េច?

The post រដ្ឋបាលចំណីអាហារនិងឱសថរបស់ ថៃ ប្រាប់តិចនិកទិញអាកុលឬជែលមានគុណភាពខ្ពស់ មិនប៉ះក្លែងក្លាយ appeared first on Kampuchea Thmey Daily.

កំហុសឆ្គងមួយចំនួននៃការប្រើជែលលាងសំអាតដៃខុស ជាពិសេសក្នុងអំឡុងកូវីដ

សាង ស្រីល័ក្ខ — Fri, 21 May 2021 04:51:37 +0000

មនុស្សមួយចំនួនច្រើនតែខ្ជិលលាងដៃ ហើយប្រើជែលជំនួសដោយគិតថា ជែលក៏អាចសម្លាប់មេរោគបានទាំងស្រុងដែរ។ សូមចាំថា អនាម័យដៃអាចធ្វើបានច្រើន ដូចជាលាងដៃជាមួយសាប៊ូ ប្រើអាកុលឬជែល។ ទោះមានជម្រើសយ៉ាងណា ក៏មានអ្នកខ្លះបានប្រើជែលខុស ហើយអាចនាំមេរោគចូលក្នុងខ្លួនបានថែមទៀត។

១ មិនព្រមលាងដៃពេលប៉ះអ្វីមួយឬចេញពីបន្ទប់ទឹក

វេជ្ជបណ្ឌិតStephen Loyd (MD Loyd) ប្រធានផ្នែកវេជ្ជសាស្ត្រនៅក្រុមហ៊ុន JourneyPure មានប្រសាសន៍ថា“ ដៃដែលមានអនាម័យគឺជាដៃដែលត្រូវបានលាងសំអាតជាមួយទឹកសាប៊ូ” ។ ហើយការលាងដៃរយៈពេល ២០ វិនាទីគឺដូចប្រឆាំងនឹងមេរោគ។ ដូចគ្នានេះបើអ្នកមិនលាងដៃ ហើយប្រើជែលសុទ្ធ ក៏មិនអាចជួយសម្លាប់មេរោគបានស្អាតដែរ។

២ ប្រើជែលខុសទិសដៅ

កំហុសមួយទៀតគឺថាមនុស្សប្រើជែលឲ្យតែបានៗប៉ុណ្ណោះ ដោយគ្រាន់តែលាបឲ្យសើមដៃរួចស្រេច។ ការប្រើជែលបានត្រឹមត្រូវចាំបាច់ណាស់ក្នុងពេលនេះ គឺត្រូវដាក់វានៅចន្លោះម្រាមដៃក៏ដូចជានៅក្រចកដៃ ដើម្បីឲ្យអនាម័យបានចែកចាយទៅដៃស្មើៗគ្នា។

៣ ប្រើញឹកញាប់ពេក

វេជ្ជបណ្ឌិត Rhonda Kalasho និយាយថា“ ជែលមិនត្រឹមសម្លាប់បាក់តេរីអាក្រក់ប៉ុណ្ណោះទេ ប៉ុន្តែថែមទាំងបាក់តេរីល្អៗ ដែលអាចធ្វើឲ្យស្បែកឆាប់ស្ងួត។ ការប្រើជែលញឹកក៏ជាកំហុសឆ្គងមួយសម្រាប់ដៃរបស់អ្នកដែរ។

៤ ប្រើជែលមានជាតិអាកុលតិចពេក

លោក Husain មានប្រសាសន៍ថា“ ជែលគួរតែមានជាតិអាល់កុលយ៉ាងហោចណាស់ ៦០ ភាគរយ។ ការប្រមូលផ្ដុំជាតិអាល់កុលកាន់តែខ្ពស់ វាកាន់តែមានប្រសិទ្ធភាពទ្វេគុណ” ។

៥ មិនទុកឲ្យជែលស្ងួតតាមធម្មជាតិ

កំហុសទូទៅដែលមនុស្សធ្វើគឺនៅពេលប្រើជែល ពួកគេមិនបានជូតឬទុកឲ្យវាស្ងួតសិន សឹមចាប់កាន់របស់ប្រើប្រាស់ ។

៦ ប្រើសន្សំសំចៃខ្លាចជែលអស់

នេះក៏ជាបញ្ហាមួយដែរចំពោះអ្នកខ្លះ គឺមានទម្លាប់ប្រើជែលសន្សំសំចៃឬប្រើបរិមាណតិចជាងធម្មតា ដើម្បីឲ្យវានៅរក្សាបានយូរ។ ការប្រើរបៀបនេះមិនអាចសម្លាប់មេរោគបានដូចការរំពឹងទុកទេ៕

ប្រែសម្រួល៖ សាង ស្រីល័ក្ខ

ប្រភព៖.eatthis

ចុចអាន៖អ្នកជំនាញព្រមានគ្រោះថ្នាក់ដោយសារប្រើជែលលាងដៃញឹកញាប់ពេក

ចុចអាន៖អាល់កុល ឬជែល លាងសម្អាតដៃបាន តែហ៊ានបាញ់លើរាងកាយប្រយ័ត្នគ្រោះថ្នាក់ធំ

The post កំហុសឆ្គងមួយចំនួននៃការប្រើជែលលាងសំអាតដៃខុស ជាពិសេសក្នុងអំឡុងកូវីដ appeared first on Kampuchea Thmey Daily.

អ្នកជំនាញព្រមានគ្រោះថ្នាក់ដោយសារប្រើជែលលាងដៃញឹកញាប់ពេក

Sonya — Mon, 17 May 2021 09:37:19 +0000

ការលាងដៃជាមួយសាប៊ូនិងទឹក ជែលឬអាល់កុល ជាវិធីការពារខ្លួនពីការចម្លងរបស់កូវីដ-១៩ បន្ថែមពីលើការរក្សាគម្លាតសុវត្ថិភាពនិងការពាក់ម៉ាស។

ប៉ុន្តែ បើតាមការប្រកាសរបស់អ្នកវិទ្យាសាស្ត្រអង់គ្លេសបាននិយាយថា មធ្យោបាយសម្អាតដៃដោយប្រើជែលឬអាល់កុលច្រើននិងញឹកញាប់ពេក អាចផ្ដល់ផលអាក្រក់ ព្រោះវានឹងធ្វើឱ្យមេរោគឬបាក់តេរីមានភាពស៊ាំ ព្រមទាំងបង្កបញ្ហាដល់សុខភាពទៅវិញទេ។

ត្បិតតែជែលឬអាល់កុលងាយស្រួលប្រើ ប៉ុន្តែវាមិនមែនជាផលិតផលដែលគ្មានផលរំខានឡើយ។ វេជ្ជបណ្ឌិត Andrew Keim ប្រធានក្រុមប្រឹក្សាវិទ្យាសាស្ត្រនៃវិទ្យាស្ថានវិទ្យាសាស្ត្រសម្អាតអនាម័យអង់គ្លេស បានសម្តែងការព្រួយបារម្ភអំពីហានិភ័យនៃការប្រើប្រាស់ជែលឬអាល់កុលលាងដៃជាប្រចាំ ថា អាចនឹងបង្កឱ្យមានការលេចឡើងនូវភាពស៊ាំរបស់បាក់តេរី។

លោកមានប្រសាសន៍ថា “ជែលដែលមានផ្ទុកជាតិអាល់កុល មិនត្រឹមតែមានសមត្ថភាពបង្កើនចំនួនបាក់តេរីនៅលើស្បែកទេ តែថែមទាំងអាចធ្វើឱ្យមានការប្រែប្រួលប្រភេទបាក់តេរីនៅលើស្បែកទៀតផង”។

វេជ្ជបណ្ឌិតរូបនេះបន្តថា អាល់កុលដែលមានក្នុងជែលលាងដៃ នឹងទៅសម្លាប់មេរោគស្ទើរទាំងស្រុង នៅសល់តែមេរោគណាដែលមានសមត្ថភាពខ្លាំងពីកំណើតអាចធន់នឹងសារធាតុអាល់កុលបាន។ ហើយការប្រើជែលឬអាល់កុលលាងដៃ ជារឿយៗ មេរោគឬបាក់តេរីខ្លាំងនោះនឹងបង្កើនខ្លួន ពង្រីកសមាជិកបានយ៉ាងងាយនៅលើស្បែក ដោយសារបាក់តេរីខ្សោយផ្សេងៗបានងាប់អស់។

តាមពិតទៅ ជែលឬអាល់កុលលាងដៃ គ្មានប្រសិទ្ធភាពសម្លាប់មេរោគ១០០ភាគរយទេ។ វាជាផលិតផលសម្លាប់មេរោគ មិនមែនជាផលិតផលសម្រាប់លាងសម្អាតដៃឱ្យជ្រះពីភាពកខ្វក់ឡើយ។ ដូច្នេះជែលអាចសម្លាប់មេរោគ តែមិនបានបណ្តេញមេរោគនោះចេញពីស្បែកនោះទេ។

រំឭកជាថ្មី! ការប្រើប្រាស់ជែលជាទម្លាប់ប្រចាំថ្ងៃ អាចនឹងបង្កផលវិបាកច្រើនជាងផលល្អ។ ដូច្នេះការប្រើជែល គួរធ្វើតែក្នុងករណីទ័ល និងម្តងកាលបានហើយ។ មួយវិញទៀត រហូតមកទល់នឹងពេលនេះ អ្នកវិទ្យាសាស្ត្រក៏ពុំទាន់មានភស្តុតាងអ្វីអះអាងថាជែលធ្វើពីអាល់កុលអាចសម្លាប់វីរុសកូវីដ-១៩បានទេ។ យកល្អ! លាងដៃនឹងសាប៊ូជាជម្រើសដ៏ប្រសើរជាងគេ៕

ប្រែសម្រួល៖ សន្យា

ប្រភព៖ Daily Express

ចុចអាន៖ អ្នកជំនាញថា ទារក និងក្មេងៗក្រោមអាយុ៥ឆ្នាំ មិនគួរឲ្យប្រើអាល់កុល ឬជែលលាងដៃទេ

ចុចអាន៖ អាល់កុល ឬជែល លាងសម្អាតដៃបាន តែហ៊ានបាញ់លើរាងកាយប្រយ័ត្នគ្រោះថ្នាក់ធំ

The post អ្នកជំនាញព្រមានគ្រោះថ្នាក់ដោយសារប្រើជែលលាងដៃញឹកញាប់ពេក appeared first on Kampuchea Thmey Daily.

ជែលលាងដៃ Archives - Kampuchea Thmey Daily

បកស្រាយ! អាល់កុលឬជែល ទុកក្នុងឡាន ចតក្រោមពន្លឺថ្ងៃ អាចឆាបឆេះបានទេ?

អាល់កុល និងជែល មួយណាជាជម្រើសល្អ គួរប្រើជម្រះមេរោគ?

ប្រុងប្រយ័ត្ន ជែលឬអាល់កុលអាចគ្មានប្រសិទ្ធភាពឬហួត ខណៈប្រើក្នុងរយៈពេល ២៨ ថ្ងៃ ក្រោយបើករួច

រដ្ឋបាលចំណីអាហារនិងឱសថរបស់ ថៃ ប្រាប់តិចនិកទិញអាកុលឬជែលមានគុណភាពខ្ពស់ មិនប៉ះក្លែងក្លាយ

​កំហុស​ឆ្គង​មួយ​ចំនួន​នៃ​ការ​ប្រើ​ជែល​លាង​សំអាត​ដៃ​ខុស ​ជា​ពិសេស​ក្នុង​អំឡុង​កូវីដ

អ្នកជំនាញព្រមានគ្រោះថ្នាក់ដោយសារប្រើជែលលាងដៃញឹកញាប់ពេក

កំហុសឆ្គងមួយចំនួននៃការប្រើជែលលាងសំអាតដៃខុស ជាពិសេសក្នុងអំឡុងកូវីដ