KPT+

អ្នកមានហានិភ័យទាបនិងខ្ពស់នៃករណីឆ្លងកូវីដ គួរធ្វើយ៉ាងម៉េច ក្រោយប៉ះពាល់ជាមួយអ្នកជំងឺ

បានផុស

៥ years មុន

នៅ

ថ្ងៃចន្ទ ២៦ កក្កដា ២០២១

ដោយ

តើយើងមានភាពជិតស្និទ្ធប៉ុណ្ណា ចំពោះអ្នកដែលឆ្លងកូវីដ និងត្រូវបានគេហៅថាហានិភ័យខ្ពស់នឹងវីរុសនេះ? ធ្វើការនៅក្នុងអាគារឬក្នុងក្រុមហ៊ុនតែមួយ? តើវាអាចត្រូវបានគេហៅថា ហានិភ័យខ្ពស់យ៉ាងដូចម្ដេច?

យោងតាមនាយកដ្ឋានត្រួតពិនិត្យជំងឺរបស់ក្រសួងសុខាភិបាលថៃ បានបង្ហាញថា អ្នកដែលមានហានិភ័យខ្ពស់ គួរតែធ្វើតេស្តរកមើលកូវីដជាបន្ទាន់។ ជំងឺនេះមិនមែនជាសេណារីយ៉ូ ដែលត្រូវលេងសើចថាឆ្លងឬមិនឆ្លងឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មូលហេតុដែលការឆ្លងចាត់ទុកថាមានហានិភ័យខ្ពស់៖

១ ការឆ្លងដោយផ្ទាល់នៅក្នុងតំបន់បិទជិត ដែលបានផ្ទុកលើសពី ១៥ នាទី ។

២ ជួបនិងនិយាយគ្នា ធ្វើអន្តរកម្មជាមួយអ្នកដែលឆ្លងក្នុងចំងាយ ១ ម៉ែត្រ រយៈពេលជាង ៥ នាទី។

៣ បរិភោគឬផឹកទឹកពីកែវតែមួយ។ ឧបករណ៍បរិភោគដូចគ្នា។

៤ ស្នាក់នៅក្នុងផ្ទះតែមួយជាមួយអ្នកផ្ទុកមេរោគ។ នៅកន្លែងដែលរកឃើញអ្នកផ្ទុកមេរោគជាច្រើន។

ក្រោយដឹងថា ខ្លួនឯងបានប្រឈមនឹងហានិភ័យខ្ពស់នៃកូវីដហើយ ចូរប្រញាប់ទៅធ្វើតេស្តភ្លាមៗ។ ជាពិសេស ត្រូវដាក់ខ្លួនដាច់ដោយឡែក និងកុំប្រើរបស់ឡូកឡំជាមួយអ្នកដទៃ។

ចំពោះអ្នកមានហានិភ័យទាប មិនត្រូវបានរកឃើញការឆ្លងភ្លាមៗទេ ប៉ុន្តែវាជាការសំខាន់ ដើម្បីសង្កេតមើលខ្លួនឯងក្នុងរយៈពេល ១៤ ថ្ងៃ ដូចខាងក្រោម៖

១ ចាប់ផ្ដើមដាក់ខ្លួនដាច់ដោយឡែក និងសង្កេតមើលខ្លួនអ្នកក្នុងរយៈពេល ១៤ ថ្ងៃ ប្រសិនបើ ក្ដៅខ្លួន ឈឺបំពង់ក ក្អកស្ងួត ហៀរសំបោរ ។ ចាប់ផ្ដើមមិនស្គាល់ក្លិន ឬរសជាតិ អ្នកគួរតែស្វែងរកការយកចិត្តទុកដាក់ខាងវេជ្ជសាស្ត្រ។

២ ត្រូវពាក់ម៉ាសមុខជានិច្ច ពេលអ្នកត្រូវចេញពីផ្ទះឬជួបមនុស្សនៅខាងក្រៅ។

៣ រក្សាចម្ងាយរបស់អ្នកពីអ្នកដទៃ ពេលកំពុងឈរដើរអង្គុយនៅទីសាធារណៈ។

៤ បរិភោគម្ហូបដាច់ដោយឡែកពីគ្នា។ កុំចែកបាយនិងចានជាមួយអ្នកដទៃ សូម្បីតែមនុស្សនៅក្នុងផ្ទះ។

៥ លាងដៃជាមួយទឹកសាប៊ូឬប្រើជែលនិងអាកុល នៅពេលណាដែលមានទំនាក់ទំនងជាមួយរបស់របរសាធារណៈ ឬរបស់របរពីអ្នកដទៃ៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖មូលហេតុដែលយុវវ័យ មានសន្ទុះនៃការឆ្លងកូវីដលឿន ជាងមនុស្សចាស់

ចុចអាន៖សូមប្រយ័ត្ន! ចំណុចគ្រោះថ្នាក់ទាំងនេះ ជាកន្លែងកកកុញវីរុសកូវីដច្រើនបំផុត

Related Topics:ការថែទាំខ្លួន