យោង​តាម FDA អាមេរិក បាន​ឲ្យ​ដឹង​ថា ថ្នាំ Molnupiravir មិន​ត្រូវ​បាន​ណែនាំ​ឲ្យ​ប្រើ​អំឡុង​ពេល​មាន​ផ្ទៃពោះ​នោះ​ទេ។ ផ្អែក​លើ​ការ​រក​ឃើញ​ពី​ការ​សិក្សា​បន្ត​ពូជ​នៅ​លើ​សត្វ ថ្នាំ Molnupiravir អាច​បង្ក​គ្រោះថ្នាក់​ដល់​គភ៌​ពេល​ប្រើ​ចំពោះ​អ្នក​មានផ្ទៃពោះ ដូច្នេះ​ថ្នាំ Molnupiravir មិន​ត្រូវ​បាន​ណែនាំ​ឲ្យ​ប្រើ​អំឡុង​ពេល​ពពោះ។ ការ​សិក្សា​លើ​សត្វ​កណ្ដុរ​ញី​ អំឡុង​ពេល​ពពោះ​ឃើញ​មាន​ផល​ប៉ះពាល់​ដល់​ទារក​ក្នុង​ផ្ទៃ​​ ដោយ​មាន​ភាព​មិន​ប្រក្រតី​ពី​កំណើត ឬ អាច​ឲ្យរលូត ឬ ខូចខាត និង​ប៉ះពាល់​ដល់​សរីរាង្គ​ខាង​ក្នុង​របស់​ទារក។

យ៉ាង​ណា​ក៏​ដោយ ថ្នាំ Molnupiravir ក៏​អាច​ត្រូវ​គ្រូពេទ្យ​​ចេញ​វេជ្ជបញ្ជា​ដល់​ស្ត្រី​ពពោះដែរ​ បើ​សិន​ជា​គ្រូពេទ្យ​សន្មត់​ថា អត្ថ​ប្រយោជន៍​នៃ​ការ​ព្យាបាល​ដោយ​ថ្នាំ Molnupiravir មាន​ខ្ពស់ជាង​ហានិភ័យ និង​ពេល​គ្រូពេទ្យ​បាន​ពិគ្រោះ​ណែនាំ​ពី​អត្ថ​ប្រយោជន៍ និង​ហានិភ័យ​ដែល​អាច​កើត​មាន​ក្រោយ​ប្រើ​ថ្នាំ​នេះ​ព្យាបាល​ជំងឺ​កូវីដ -១៩​ អំឡុង​ពេល​ពពោះ​បាន​ច្បាស់​លាស់។

ដូច​គ្នា​នេះ​ដែរ FDA អាមេរិក​បាន​បញ្ជាក់​ថា ថ្នាំ Molnupiravir ព្យាបាល​កូវីដ-១៩ ក៏​មិន​ត្រូវ​បាន​ណែនាំ​ឲ្យ​ប្រើ​លើ​អ្នកមាន​​អាយុ​ក្រោម ១៨​ឆ្នាំ ឬ​ប្រើ​មុន​ឆ្លង ឬ​ក្រោយ​ជា​សះ​ស្បើយ​ពី​ជំងឺ​កូវីដ-១៩ និង​មិន​ណែនាំ​ឲ្យ​ប្រើ​លើស​ពី​ ៥​ថ្ងៃ​ជាប់​គ្នា​ឡើយ។

ការ​ប្រើ​ថ្នាំ Molnupiravir ព្យាបាល​កូវីដ-១៩​ ក៏​មិន​ណែនាំ​ឲ្យ​ប្រើ​ចំពោះ​ស្ត្រី​បំបៅ​ដោះ​កូន​ដូច​គ្នា ព្រោះ​មិន​ទាន់​មាន​ការ​សិក្សា​ច្បាស់​លាស់​ពី​ឥទ្ធិពល​ថ្នាំ​ទៅ​លើ​សុខភាព​ស្ត្រី និង​កូន​បៅ​ដោះ​នៅ​ឡើយ។ ប៉ុន្តែ អត្ថ​ប្រយោជន៍​នៃ​ការ​ប្រើប្រាស់ Molnupiravir ក្នុង​ពេល​បំបៅ​កូន​ដោយ​ទឹក​ដោះ​ម្ដាយ​អាច​លើស​ពី​ហានិភ័យ​ដែល​អាច​កើត​មាន។ ទោះ​យ៉ាង​ណា​ក៏​ដោយ ការ​ពិភាក្សា​ជាមួយ​គ្រូពេទ្យ​ជំនាញ​មុន​នឹង​សម្រេច​ប្រើ​គឺ​សំខាន់ ដើម្បី​ចៀសវាង​ហានិភ័យ និង​ជ្រើស​រើស​មធ្យោបាយ​ព្យាបាល​ផ្សេង​ដែល​ស័ក្ដិសម​បំផុត​សម្រាប់​យើង៕

អត្ថបទផ្ដល់ដោយ៖ Hello Krupet

ចុចអាន៖គ្រូពេទ្យព្រមានជាថ្មី! អ្នកឆ្លងកូវីដពីមុន អាចអូសបន្លាយជិតមួយឆ្នាំ ប្រសិនបើប្រហែសខ្លួន

The post ស្ត្រីពពោះអាចប្រើថ្នាំ Molnupiravir ព្យាបាលកូវីដ បានឬអត់? appeared first on Kampuchea Thmey Daily.

ប្រភពបានបញ្ជាក់ថា ថ្នាំ Molnupiravir អាចចាប់ផ្ដើមចែកចាយលក់ក្នុងតម្លៃ ១៣ ដុល្លារក្នុង ១ ដូស ដែល ១ ដូសស្មើនឹង ១ ប្រអប់ មាន ២០ ទៅ ៤០ គ្រាប់ តាមការណែនាំដោយក្រុមហ៊ុនផលិត ចាប់ពីសប្តាហ៍នេះនៅឱសថស្ថានជិត ៥០០ កន្លែងក្នុង ៦៣ ខេត្តក្រុង ។

ការដាក់ចេញតម្លៃលក់ថ្នាំ Molnupiravir កើតឡើង បន្ទាប់ពីកាលពីថ្ងៃទី ១៧ ខែកុម្ភៈ ក្រសួងសុខាភិបាលលវៀតណាមបានអនុម័តជាលើកដំបូងនូវថ្នាំគ្រាប់ប្រឆាំងកូវីដផលិតក្នុងស្រុកចំនួន ៣ ប្រភេទដែលមានផ្ទុកសារធាតុ Molnupiravir សម្រាប់ការប្រើប្រាស់ជាបន្ទាន់ក្នុងប្រទេស ។

ថ្នាំទាំង ៣ នោះមានថ្នាំ Molravir 400 របស់ក្រុមហ៊ុន Boston Vietnam Pharma (មានមូលដ្ឋាននៅខេត្ត Binh Duong) ថ្នាំ Movinavir 200 មីល្លីក្រាម ផលិតដោយក្រុមហ៊ុន Mekophar Chemical Pharmaceutical (មានមូលដ្ឋាននៅទីក្រុងហូជីមិញ) និងថ្នាំ Molnupiravir Stella 400 មីល្លីក្រាម ផលិតដោយក្រុមហ៊ុន Stellapharm JV Co. (នៅខេត្ត Binh Duong) ។

ទន្ទឹមនោះវាក៏កើតឡើង ស្របពេលដែលវៀតណាមមើលឃើញថា ថ្នាំនេះនឹងកាន់តែងាយស្រួលប្រើប្រាស់សម្រាប់សាធារណជនទូទៅ នៅពេលដែលករណីឆ្លងកូវីដនៅក្នុងប្រទេសវៀតណាមកំពុងកើនឡើងដល់កំណត់ត្រាថ្មីក្នុងរយៈពេលប៉ុន្មានថ្ងៃថ្មីៗនេះ បើទោះបីជាមានអត្រាការចាក់វ៉ាក់សាំងខ្ពស់ក្នុងចំណោមប្រជាជនជាទូទៅក៏ដោយ ។

គួរបញ្ជាក់ថា ថ្នាំ Molnupiravir ត្រូវបានប្រើដើម្បីព្យាបាលលើអ្នកជំងឺកូវីដដែលជាមនុស្សពេញវ័យក្នុងកម្រិតស្រាលទៅមធ្យមដើម្បីការពារការវិវត្តរោគសញ្ញាទៅជាជំងឺធ្ងន់ធ្ងរ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ VNS

ចុចអាន ៖ ក្រុមមនុស្សមួយប្រភេទ ហាមលេបថ្នាំ Molnupiravir ដាច់ខាត

The post តម្លៃថ្នាំកូវីដ Molnupiravir នៅ វៀតណាម សមល្មមសម្រាប់ទិញប្រើប្រាស់ (មានវីដេអូ) appeared first on Kampuchea Thmey Daily.

អង្គការ Medicines Patent Pool (MPP) បានចុះហត្ថលេខាលើកិច្ចព្រមព្រៀងជាមួយក្រុមហ៊ុនចំនួន ២៧ ដើម្បីផលិតថ្នាំប្រឆាំងមេរោគលេបតាមមាត់ Molnupiravir សម្រាប់ផ្គត់ផ្គង់នៅក្នុងប្រទេសដែលមានចំណូលទាប និងមធ្យម ។

ក្នុងនោះ ក្រុមហ៊ុនផលិតចំនួន ៥ នឹងផ្តោតលើការផលិតគ្រឿងផ្សំវត្ថុធាតុដើម, ១៣ ក្រុមហ៊ុននឹងផលិតទាំងគ្រឿងវត្ថុធាតុដើម និងថ្នាំ Molnupiravir  ខណៈពេលដែលក្រុមហ៊ុនចំនួន ៩ នឹងបញ្ចប់ការផលិតថ្នាំទាំងស្រុងតែម្ដង ។

ចំណែកនាយកប្រតិបត្តិ MPP លោក Charles Gore បាននិយាយថា “នេះគឺជាជំហានដ៏សំខាន់មួយឆ្ពោះទៅរកការធានាឲ្យមានលទ្ធភាពទទួលបានជាសកលចំពោះការព្យាបាលកូវីដ ហើយយើងមានទំនុកចិត្តថា ការព្យាបាលពីថ្នាំ Molnupiravir នឹងមានយ៉ាងឆាប់រហ័ស” ។

បច្ចុប្បន្នក្រុមហ៊ុន Merck ត្រូវបានរីករាលដាលនៅទូទាំងប្រទេសមួយចំនួនដូចជា បង់ក្លាដែស ចិន អេហ្ស៊ីប ហ្ស៊កដានី ឥណ្ឌា ឥណ្ឌូណេស៊ី កេនយ៉ា ប៉ាគីស្ថាន អាហ្រ្វិកខាងត្បូង កូរ៉េខាងត្បូង និងវៀតណាម ។

គួរបញ្ជាក់ថា ថ្នាំ Molnupiravir គឺផ្ដល់ការព្យាបាលសម្រាប់អ្នកជំងឺកូវីដក្នុងរយៈពេល ៥ ថ្ងៃនៃការធ្វើតេស្តវិជ្ជមាន និងចេញរោគសញ្ញា ហើយការព្យាបាលថ្នាំនេះគឺកាត់បន្ថយហានិភ័យនៃការសម្រាកនៅមន្ទីរពេទ្យ ៕

ប្រែសម្រួលដោយ ៖ ជីវ័ន្ត

ប្រភព ៖ NDTV

The post ប្រទេសចំនួន ១០៥ ត្រៀមទទួលថ្នាំគ្រាប់កូវីដ Molnupiravir តម្លៃថោក appeared first on Kampuchea Thmey Daily.

ថ្នាំ Molnupiravir ត្រូវបានផ្តល់អាជ្ញាប័ណ្ណសម្រាប់ចរាចរ និងអនុម័តសម្រាប់ការប្រើប្រាស់ជាបន្ទាន់ក្នុងការព្យាបាលជំងឺកូវីដ១៩ នៅក្នុងប្រទេសជាច្រើនដូចជាចក្រភពអង់គ្លេស សហរដ្ឋអាមេរិក និងជប៉ុនជាដើម។

ដោយផ្អែកលើការចង្អុលបង្ហាញ និងអនុសាសន៍ដែលគាំទ្រដោយរដ្ឋបាលចំណីអាហារ និងឱសថសហរដ្ឋអាមេរិក (FDA) និងទីភ្នាក់ងារគ្រប់គ្រងផលិតផលថែទាំសុខភាព និងឱសថរបស់ចក្រភពអង់គ្លេស (MHRA), ថ្នាំប្រឆាំងមេរោគមួយនេះ ត្រូវបានប្រើដើម្បីព្យាបាលជំងឺកូវីដ១៩កម្រិតស្រាលទៅមធ្យម ចំពោះមនុស្សពេញវ័យ។

ថ្នាំ Molnupiravir ត្រូវបានចេញវេជ្ជបញ្ជាសម្រាប់អ្នកជំងឺដែលចេញរោគសញ្ញាតិចជាងប្រាំថ្ងៃ។

ក្រសួងបានព្រមានថា ថ្នាំ Molnupiravir មិនត្រូវបានណែនាំឲ្យប្រើក្នុងអំឡុងពេលមានផ្ទៃពោះទេ។ ស្ត្រីដែលមានគម្រោងយកកូន គួរតែប្រើវិធីពន្យារកំណើតប្រកបដោយប្រសិទ្ធភាពក្នុងអំឡុងពេលព្យាបាល និងរយៈពេល៤ថ្ងៃបន្ទាប់ពីការលេបថ្នាំ Molnupiravir ដូសចុងក្រោយ។

ក្រសួងក៏មិនបានណែនាំឲ្យប្រើផងដែរចំពោះ ម្តាយដែលមានជំងឺកូវីដ១៩ បំបៅកូនដោយទឹកដោះ ក្នុងអំឡុងពេលព្យាបាល និងរយៈពេល៤ថ្ងៃបន្ទាប់ពីលេបថ្នាំ Molnupiravir ដូសចុងក្រោយ។

ចំពោះកុមារ និងមនុស្សវ័យជំទង់ ថ្នាំ Molnupiravir មិនគួរត្រូវបានប្រើប្រាស់ចំពោះអ្នកជំងឺដែលមានអាយុក្រោម១៨ឆ្នាំទេ ដោយសារឥទ្ធិពលដែលអាចកើតមានលើការលូតលាស់ឆ្អឹង និងឆ្អឹងខ្ចី។

ចំពោះបុរស ថ្នាំ Molnupiravir អាចប៉ះពាល់ដល់គុណភាពមេជីវិតឈ្មោល បើទោះបីជាហានិភ័យត្រូវបានគេចាត់ទុកថាមានទាបក៏ដោយ។

ក្រសួងសុខាភិបាលបញ្ជាក់ថា ដើម្បីធានាបាននូវសុវត្ថិភាព និងប្រសិទ្ធភាព សូមប្រើថ្នាំ Molnupiravir តែជាមួយនឹងវេជ្ជបញ្ជារបស់វេជ្ជបណ្ឌិតប៉ុណ្ណោះ៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ ថ្នាំ Molnupiravir ក៏មានប្រសិទ្ធភាព ប្រឆាំង អូមីក្រុង

The post វៀតណាម ព្រមានពីការប្រើប្រាស់ថ្នាំ Molnupiravir ប្រយ័ត្នគ្រោះថ្នាក់ appeared first on Kampuchea Thmey Daily.

កាលពី​ថ្ងៃ​ទី២២ ខែធ្នូ ឆ្នាំ២០២១ ​គណ​កៈក​ម្មការ​ជាតិ​ប្រយុទ្ធ​នឹង​ជំងឺ​កូ​វី​ដ​-១៩ បានចេញសេចក្ដីជូនដំណឹងនាំ​ចូល​ឱសថ​ Molnupiravir សម្រាប់​ព្យាបាល​ជំងឺ​កូ​វី​ដ​-១៩ ចាប់ពី​កម្រិត​ស្រាល​ទៅ​មធ្យម ចំពោះ​មនុស្ស​ពេញវ័យ ដើម្បី​បន្ត​ចូលរួម​ទប់ស្កាត់​ការ​ឆ្លង​រាលដាល​នៃ​ជំងឺ​កូ​វី​ដ​-១៩ ឱ្យ​ទាន់​ពេលវេលា និង​បង្កើត​បាន​ភាព​សុំា​សហគមន៍​រឹង​មាំ​ទប់ទល់​នឹង​ជំងឺ​រាតត្បាត​សកល។

ប្រភពដដែល បញ្ជាក់ថា បុគ្គល​ម្នាក់ មាន​សិ​ទិ្ធ​បញ្ជា​ទិញថ្នាំនេះ​ពី ៥ ដល់ ១០ ដូ​ស ខណៈ​មន្ទីរពេទ្យ​ឯកជន គ្លីនិក ឱសថស្ថាន ឱសថស្ថាន​រង មាន​សិទ្ធិ​បញ្ជា​ទិញ​ពី ១០ ដល់ ២០០ ដូ​ស (​ត្រូវ​មាន​លិខិតអនុញ្ញាត​បើក​អាជីវកម្ម​) ហើយ​អាច​លក់​បន្ត​មិន​លើស​ពី ៦៤ ដុល្លារ​អា​មេ​រិ​ក ក្នុង ១​ដូ​ស។ ដោយឡែក សាធារណជន អាច​ជាវ​ឱសថ​ព្យាបាល​ជំងឺ​កូ​វី​ដ​-១៩ ប្រភេទនេះ បាន​ដោយ​ក្នុង ១​កំប៉ុង តម្លៃ​៥៥​ដុល្លារ។

ថ្វីត្បិត សាធារណជនអាច​ជាវ​ឱសថ​ Molnupiravir បានពិតមែន ​ប៉ុន្តែមិនមែនអ្នកជំងឺទាំងអស់ សុទ្ធតែអាចលេបឱសថនេះបាននោះទេ។ ក្នុងនោះ អ្នកវិជ្ជមានវីរុសកូវីដ-១៩ និងឆ្លងវីរុសបំប្លែងខ្លួនផ្សេងៗ ​ដែលត្រូវបានហាមប្រាមរួមមាន ៣ក្រុមគឺ៖

១. មនុស្សវ័យក្មេង អាយុក្រោម ១៨ឆ្នាំ

២. អ្នកជំងឺកូវីដ​កម្រិតធ្ងន់ ឬអាចវិវត្តទៅរកស្ថានភាពគ្រោះថ្នាក់

៣. ស្រ្តីមានផ្ទៃពោះ។

ចំពោះមូលហេតុនៃបម្រាមលើមនុស្សទាំង ៣ប្រភេទនេះ ខាងក្រុមហ៊ុនផលិតឱ្យសថ ក៏ដូចជាស្ថាប័នសុខភាពនានា បញ្ជាក់ថា ខ្លួនមិនទាន់មានការសិក្សាលើករណីនេះនៅឡើយទេ៕

អត្ថបទ៖ សន្យា

ចុចអាន៖ ក្បួនត្រឹមត្រូវ ប្រើថ្នាំ Molnupiravir ព្យាបាលកូវីដ មានប្រសិទ្ធភាពបំផុត

The post មនុស្ស ៣ក្រុម មិនអាចប្រើឱសថព្យាបាលកូវីដ Molnupiravir បានទេ appeared first on Kampuchea Thmey Daily.

ប្រភពដដែល បញ្ជាក់ថា បុគ្គល​ម្នាក់ មាន​សិ​ទិ្ធ​បញ្ជា​ទិញថ្នាំនេះ​ពី ៥ ដល់ ១០ ដូ​ស ខណៈ​មន្ទីរពេទ្យ​ឯកជន គ្លីនិក ឱសថស្ថាន ឱសថស្ថាន​រង មាន​សិទ្ធិ​បញ្ជា​ទិញ​ពី ១០ ដល់ ២០០ ដូ​ស (​ត្រូវ​មាន​លិខិតអនុញ្ញាត​បើក​អាជីវកម្ម​) ហើយ​អាច​លក់​បន្ត​មិន​លើស​ពី ៦៤ ដុល្លារ​អា​មេ​រិ​ក ក្នុង ១​ដូ​ស។ ដោយឡែក សាធារណជន អាច​ជាវ​ឱសថ​ព្យាបាល​ជំងឺ​កូ​វី​ដ​-១៩ ប្រភេទនេះ បាន​ដោយ​ក្នុង ១​កំប៉ុង តម្លៃ​៥៥​ដុល្លារ ។

ជាមួយ​គ្នា​នេះ ពលរដ្ឋដែលមានបំណងទិញឱសថ​ Molnupiravir សម្រាប់ព្យាបាលតាមផ្ទះ គប្បីស្វែងយល់ពីរបៀបប្រើប្រាស់ឱ្យបានត្រឹមត្រូវ​តាមសេចក្ដីណែនាំ ដើម្បីជំរុញថ្នាំឱ្យមានប្រសិទ្ធភាពល្អ។

ផ្អែកតាមការជូនដំណឹង​របស់​គណ​កៈក​ម្មការ​ជាតិ​ប្រយុទ្ធ​នឹង​ជំងឺ​កូ​វី​ដ​-១៩ ឱសថ Molnupiravir ជាប្រភេទថ្នាំគ្រាប់ព្យាបាលជំងឺកូវីដ-១៩ ដែលតម្រូវឱ្យលេប ដើម្បីព្យាបាលរោគសញ្ញាគ្រុនផ្តាសាយ ​និងមានប្រសិទ្ធភាពប្រឆាំងនឹងមេរោគកូវីដទម្រង់ដើម ព្រមទាំងវីរុសបំប្លែងខ្លួនដទៃជាច្រើនប្រភេទទៀត។

ដូច្នេះហើយ ដើម្បីប្រើឱសថនេះឱ្យមានប្រសិទ្ធភាព ត្រូវលេបម្ដង ៤គ្រាប់ កម្រិត ២០០មីលីក្រាម។ ថ្នាំ Molnupiravir លេប ២ដង ក្នុងមួយថ្ងៃ បន្ទាប់ពីបាយរួច ឬពោះទទេក៏បាន និងត្រូវលេបរយៈពេល ៥ថ្ងៃជាប់ៗគ្នា ក្រោយធ្វើរោគវិនិច្ឆ័យវិជ្ជមាន។ ក្រៅពីនោះគួរលេបជាមួយទឹក ១កែវ ហាមបើកគ្រាប់ កិនបំបែក និងទំពារជាដើម៕

អត្ថបទ៖ សន្យា

ចុចអាន៖ ឱសថចិន LianHua និងថ្នាំគ្រាប់ Molnupiravir ​ខុសគ្នាដូចម្ដេច?

The post ក្បួនត្រឹមត្រូវ ប្រើថ្នាំ Molnupiravir ព្យាបាលកូវីដ មានប្រសិទ្ធភាពបំផុត appeared first on Kampuchea Thmey Daily.

វាជាថ្នាំប្រឆាំងមេរោគដំបូងគេ ដែលអាចមានប្រសិទ្ធភាពប្រឆាំងនឹងវីរុសបំប្លែងខ្លួនដ៏ធំទូលាយរួមទាំងមេរោគ Omicron ដ៏កាចសាហាវផងដែរ។

ថ្នាំ Molnupiravir បានបង្ហាញពីការកាត់បន្ថយហានិភ័យនៃការសម្រាកព្យាបាលក្នុងមន្ទីរពេទ្យ និងការស្លាប់ ដែលភាគច្រើនបណ្តាលមកពីវីរុសបំប្លែងខ្លួន Delta, Mu និង Gamma។

ក្រុមអ្នកជំនាញបានណែនាំថ្នាំនេះ សម្រាប់អ្នកជំងឺកូវីដដែលមានវ័យចំណាស់ ឬអ្នកមានលក្ខខណ្ឌវេជ្ជសាស្ត្រដែលធ្វើឲ្យពួកគេងាយរងគ្រោះទៅនឹងជំងឺធ្ងន់ធ្ងរ។ ថ្នាំគ្រាប់នេះអាចត្រូវបានអនុញ្ញាតនៅសហរដ្ឋអាមេរិក ក្នុងរយៈពេលប៉ុន្មានថ្ងៃខាងមុខ ហើយអាចប្រើបាននៅចុងឆ្នាំនេះ។

មន្ត្រីសុខាភិបាលជុំវិញពិភពលោក បាននិងកំពុងពឹងផ្អែកលើថ្នាំគ្រាប់ថ្មីនេះ ដើម្បីកាត់បន្ថយចំនួនករណីធ្ងន់ធ្ងរ និងជួយសង្គ្រោះជីវិតមនុស្ស។ ប្រសិនបើវីរុសបំប្លែងខ្លួន Omicron បណ្តាលឲ្យមានការកើនឡើងនៃការឆ្លងធ្ងន់ធ្ងរមែននោះ វាអាចធ្វើឲ្យពួកគេកាន់តែមានសារៈសំខាន់។

ទោះបីជាយ៉ាងណាក៏ដោយ ក្រុមអ្នកវិទ្យាសាស្ត្រមិនទាន់បើកការពិសោធន៍ ដើម្បីពិនិត្យមើលថាតើថ្នាំគ្រាប់នេះអាចរារាំងមេរោគ Omicron ពីការចម្លងបានយ៉ាងដូចម្ដេចនោះទេ។ ប៉ុន្តែមានហេតុផលថា ថ្នាំនេះនឹងនៅតែមានប្រសិទ្ធភាព បើទោះបីជាពេលខ្លះវីរុសបំប្លែងខ្លួនអាចគេចផុតពីវ៉ាក់សាំងក៏ដោយ។

Omicron មានបម្រែបម្រួលជាង៣០លើ Spike Protein ដែលភ្ជាប់ទៅនឹងកោសិកាមនុស្ស។ បម្រែបម្រួលមួយចំនួនក្នុងចំណោមនោះ អាចធ្វើឲ្យវាពិបាកសម្រាប់អង់ទីគ័រដែលផលិតដោយវ៉ាក់សាំង ក្នុងការវាយប្រហារមេរោគ។

ប៉ុន្តែថ្នាំគ្រាប់នេះ មិនកំណត់គោលដៅលើ Spike Protein ទេ។ ផ្ទុយទៅវិញ វាធ្វើឲ្យប្រូតេអ៊ីនពីរដែលពាក់ព័ន្ធនៅក្នុងចំណុចចម្លងមេរោគ ចុះខ្សោយ។ Omicron មានផ្ទុកបម្រែបម្រួលមួយនៅក្នុងប្រូតេអ៊ីននីមួយៗទាំងនោះ ហើយមើលទៅហាក់ដូចជាវាមិនអាចបញ្ឈប់ថ្នាំគ្រាប់ពីការធ្វើការងាររបស់ពួកគេបាននោះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Straits Times

ចុចអាន៖ FDA គាំទ្រឲ្យប្រើថ្នាំគ្រាប់ព្យាបាលកូវីដ របស់ក្រុមហ៊ុន Merck

The post ដំណឹងល្អ! ថ្នាំគ្រាប់ព្យាបាលកូវីដ អាចយកឈ្នះវីរុសបំប្លែងខ្លួន Omicron បាន (មានវីដេអូ) appeared first on Kampuchea Thmey Daily.

ក្រុមប្រឹក្សារដ្ឋបាលចំណីអាហារ និងឱសថ (FDA) បានបោះឆ្នោត ១៣ ទល់ ១០ ថា អត្ថប្រយោជន៍របស់ឱសថនេះ មានលើសពីហានិភ័យ។

អនុសាសន៍របស់ក្រុមនេះ បានធ្វើឡើងបន្ទាប់ពីការជជែកដេញដោលរយៈពេលច្រើនម៉ោងអំពីអត្ថប្រយោជន៍តិចតួចរបស់ឱសថ និងបញ្ហាសុវត្ថិភាពដែលអាចកើតមាន។

ទោះបីជាយ៉ាងណាក៏ដោយ ក្រុមអ្នកជំនាញដែលគាំទ្រការព្យាបាលបានសង្កត់ធ្ងន់ថា វាមិនគួរត្រូវបានប្រើប្រាស់ដោយស្ត្រីមានផ្ទៃពោះឡើយ ហើយបានអំពាវនាវឲ្យ FDA ចេញការណែនាំដោយប្រុងប្រយ័ត្នបន្ថែម រួមទាំងការធ្វើតេស្តលើស្ត្រីមានផ្ទៃពោះជាដើម មុនពេលប្រើប្រាស់ថ្នាំនេះ។

ការបោះឆ្នោតរបស់ក្រុមនេះ បានគាំទ្រជាពិសេសចំពោះថ្នាំសម្រាប់មនុស្សពេញវ័យកើតជំងឺកូវីដកម្រិតស្រាលទៅមធ្យម ដែលប្រឈមមុខនឹងហានិភ័យខ្លាំងបំផុត រួមទាំងអ្នកដែលមានលក្ខខណ្ឌដូចជា ធាត់ ជំងឺហឺត និងមនុស្សចាស់ផងដែរ។

ការអនុញ្ញាតពី FDA សម្រាប់ថ្នាំ Molnupiravir អាចជាជំហានដ៏សំខាន់ក្នុងការព្យាបាលមេរោគ។ វានឹងផ្តល់ឲ្យគ្រូពេទ្យនូវថ្នាំដំបូងគេ ដែលពួកគេអាចចេញវេជ្ជបញ្ជាឲ្យអ្នកជំងឺលេបដោយខ្លួនឯង បន្ធូរបន្ថយបន្ទុកលើមន្ទីរពេទ្យ និងជួយទប់ស្កាត់ការស្លាប់។

គួរបញ្ជាក់ថា ថ្នាំគ្រាប់នេះត្រូវបានអនុញ្ញាតរួចទៅហើយនៅក្នុងចក្រភពអង់គ្លេស៕

ប្រែសម្រួល៖ Vann Vann

ប្រភព៖ abc7chicago

ចុចអាន៖ ថ្នាំគ្រាប់ព្យាបាលកូវីដ Molnupiravir គ្មានប្រសិទ្ធភាព ដូចការអះអាងពីមុនទេ

The post FDA គាំទ្រឲ្យប្រើថ្នាំគ្រាប់ព្យាបាលកូវីដ របស់ក្រុមហ៊ុន Merck appeared first on Kampuchea Thmey Daily.