ក្រុមមនុស្សមួយប្រភេទ ហាមលេបថ្នាំ Molnupiravir ដាច់ខាត

ក្នុងរយៈពេលត្រឹមតែ ៧ ថ្ងៃប៉ុណ្ណោះ ព្រះរាជាណាចក្រកកម្ពុជា បានរកឃើញប្រជាពលរដ្ឋឆ្លងជំងឺកូវីដ១៩ ប្រភេទ អូមីក្រុង នៅក្នុងសហគមន៍ ជាង ៣ ៣២៧ ករណី។

បើបូកបញ្ចូលទាំងការនាំចូលចំនួន១០៩ករណីទៀតនោះ​ បានធ្វើឲ្យការឆ្លងសរុបទាំងក្នុងសហគមន៍ និងមកពីក្រៅប្រទេសមានចំនួន ៣ ៤៣៦ ករណី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះដែរ គេសង្កេតឃើញថា អ្នកជំងឺដែលចង់ព្យាបាលនៅតាមផ្ទះក៏សម្រេចឲ្យក្រុមគ្រួសារទៅទិញថ្នាំពេទ្យសម្រាប់ព្យាបាលជំងឺនៅផ្ទះ។

Molnupiravir គឺជាឱសថដែលត្រូវបានគេអះអាងថា មានប្រសិទ្ធភាពយកឈ្នះជំងឺកូវីដ-១៩ទម្រង់ដើម រួមទាំងវីរុសបំប្លែងខ្លួន អូមីក្រុង ផងដែរ។

ថ្នាំនេះអាច កាត់បន្ថយហានិភ័យនៃការចូលព្យាបាលក្នុងមន្ទីរពេទ្យ និងស្លាប់បាន៥០ភាគរយចំពោះអ្នកជំងឺកូវីដកម្រិតស្រាលទៅមធ្យម។

ទោះបីជាយ៉ាងណាក៏ដោយ ថ្នាំនេះមិនមែនសុទ្ធតែអាចប្រើប្រាស់សម្រាប់មនុស្សគ្រប់គ្នានោះទេ។

ក្រុមអ្នកវិទ្យាសាស្រ្តបានអះអាងថា ថ្នាំនេះមិនគួរលេបក្នុងរយៈពេល៥ថ្ងៃមុនចេញរោគសញ្ញាកូវីដនោះទេ ហើយក្រុមមនុស្សមួយប្រភេទដែលមិនត្រូវអនុញ្ញាតឲ្យប្រើថ្នាំនេះដាច់ខាតគឺ ស្រ្តីមានផ្ទៃពោះ។

ក្រុមអ្នកវិទ្យាសាស្រ្ត បានលើកឡើងថា ស្រ្តីមានផ្ទៃពោះមិនអាចលេបថ្នាំនេះបានឡើយ ដោយសារតែមិនទាន់មានការធ្វើតេស្តលើក្រុមមនុស្សប្រភេទនេះ៕

ប្រែសម្រួល៖ Vann Vann

ប្រភព៖ Kapook

ចុចអាន៖ ថ្នាំព្យាបាលកូវីដ Molnupiravir នឹងមានប្រសិទ្ធភាពខ្ពស់បំផុត បើប្រើតាមរបៀបនេះ