ព័ត៌មានអន្ដរជាតិ
ថ្នាំ Molnupiravir ក៏មានប្រសិទ្ធភាព ប្រឆាំង អូមីក្រុង
ថ្នាំគ្រាប់ព្យាបាលជំងឺកូវីដ១៩ Molnupiravir របស់ក្រុមហ៊ុន Merck មានយន្តការធ្វើសកម្មភាពដែលអាចប្រឆាំងមេរោគ អូមីក្រុង និងវីរុសបំប្លែងខ្លួនផ្សេងទៀតបាន។ នេះបើតាមការអះអាងរបស់នាយកប្រតិបត្តិក្រុមហ៊ុន កាលពីថ្ងៃចន្ទទី១០ខែមករា។
លោក Dean Li ប្រធានមន្ទីរពិសោធន៍ស្រាវជ្រាវរបស់ក្រុមហ៊ុន Merck បាននិយាយនៅឯសន្និសីទថែទាំសុខភាពប្រចាំឆ្នាំរបស់ JP Morgan ថា “យើងមានទំនុកចិត្តមុតមាំថា ថ្នាំនេះនឹងមានឥទ្ធិពលជាមួយវីរុសបំប្លែងខ្លួន អូមីក្រុង។ យន្តការនៅក្នុងម៉ូលេគុល នឹងធ្វើការប្រយុទ្ធប្រឆាំង អូមីក្រុង ហើយខ្ញុំគិតថា វាប្រឆាំងវីរុសបំប្លែងខ្លួននានាដែលកើតឡើងនាពេលអនាគត។
ទោះបីជាយ៉ាងណាក៏ដោយ ទិន្នន័យចុងក្រោយកាលពីខែវិច្ឆិកាឆ្នាំមុនស្តីពីប្រសិទ្ធភាពរបស់ថ្នាំ Molnupiravir ប្រឆាំងនឹង អូមីក្រុង មិនទាន់មាននៅឡើយទេ ប៉ុន្តែថ្នាំគ្រាប់នេះ បង្ហាញប្រសិទ្ធភាព៣០ភាគរយ ក្នុងការកាត់បន្ថយការចូលព្យាបាលនៅមន្ទីរពេទ្យ និងការស្លាប់ ដោយផ្អែកលើទិន្នន័យពីអ្នកជំងឺចំនួន១,៤៣៣នាក់។
យ៉ាងណាក្តី ទិន្នន័យនេះបានបង្ហាញពីប្រសិទ្ធភាពតិចជាងមុនគួរឲ្យកត់សម្គាល់ បើប្រៀបធៀបទៅនឹងតួលេខមុនដែលមាន ៥០ភាគរយ។
គួរបញ្ជាក់ថា ថ្នាំគ្រាប់នេះបានទទួលការអនុញ្ញាតពីរដ្ឋបាលចំណីអាហារ និងឱសថសហរដ្ឋអាមេរិក (FDA) កាលពីខែមុន ក៏ដូចជានៅក្នុងប្រទេសមួយចំនួនទៀតដូចជាចក្រភពអង់គ្លេស ជប៉ុន និងឥណ្ឌាផងដែរ ខណៈប្រទេសផ្សេងៗបានចុះហត្ថលេខាលើកិច្ចព្រមព្រៀងទិញថ្នាំនេះ៕
ប្រែសម្រួល៖ Vann Vann
ប្រភព៖ CNA
ចុចអាន៖ ថ្នាំព្យាបាលកូវីដ Molnupiravir នឹងមានប្រសិទ្ធភាពខ្ពស់បំផុត បើប្រើតាមរបៀបនេះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង