នៅក្នុងឃ្លីបថ្មី ដែលចេញផ្សាយកាលពីថ្ងៃចន្ទទី១១ខែកក្កដា នាយកដ្ឋានគ្រប់គ្រងគ្រាអាសន្នរបស់ទីក្រុង បានប្រាប់អ្នកក្រុងញូវយ៉កថា “បើមានការវាយប្រហារនុយក្លេអ៊ែរ។ កុំសួរខ្ញុំថាយ៉ាងណា ឬហេតុអ្វី។ ដូច្នេះតើយើងត្រូវធ្វើអ្វី?”។

អ្នកនាំពាក្យទីក្រុងបានប្រាប់ពលរដ្ឋថា ថ្វីបើលទ្ធភាពនៃឧបទ្ទវហេតុអាវុធនុយក្លេអ៊ែរដែលកើតឡើងនៅក្នុងឬជិតទីក្រុងញូវយ៉កមានកម្រិតទាបក៏ដោយ ប៉ុន្តែវាគឺជារឿងសំខាន់ដែលអ្នកក្រុងញូវយ៉ក ត្រូវដឹងពីវិធានការដើម្បីរក្សាសុវត្ថិភាព”។

អ្នកនាំពាក្យជំរុញឲ្យពួកគេធ្វើតាម វិធានការសាមញ្ញ និងសំខាន់ នៅក្នុងព្រឹត្តិការណ៍មានឧប្បត្តិហេតុបែបនេះ។

វិធានការសាមញ្ញចំនួន៣ សម្រាប់អ្នកក្រុងញូវយ៉កដើម្បីអនុវត្តតាមគឺ “ចូលខាងក្នុងផ្ទះ ស្នាក់នៅខាងក្នុងផ្ទះ និងបន្តតាមដានចំពោះការផ្សព្វផ្សាយអំពីអ្វីដែលត្រូវធ្វើបន្ទាប់”។

ស្របពេលជាមួយគ្នានោះ មានការរំលឹកថា ការស្ថិតនៅក្នុងរថយន្ត មិនមែនជាជម្រើសទេ។ កុំ​ចេញ​ទៅ​ខាង​ក្រៅ ​រហូត​ដល់​មន្ត្រី​និយាយ​ថា ​វា​មាន​សុវត្ថិភាព។

អ្នកនាំពាក្យបន្ត “ប្រសិនបើអ្នកនៅខាងក្រៅបន្ទាប់ពីការផ្ទុះ សូមសម្អាតជាបន្ទាន់។ ដោះសម្លៀកបំពាក់ខាងក្រៅទាំងអស់ចេញ ដើម្បីឲ្យរាងកាយរបស់អ្នកមិនមានធូលី ឬផេះ”។

មនុស្សក៏ត្រូវបានលើកទឹកចិត្តឲ្យទៅបន្ទប់ក្រោមដីផងដែរ ប្រសិនបើពួកគេមាន។

គួរបញ្ជាក់ថា ក្នុងខែឧសភាឆ្នាំ២០២២ ប្រព័ន្ធផ្សព្វផ្សាយរដ្ឋរបស់រុស្ស៊ីបានចេញការគំរាមបាញ់នុយក្លេអ៊ែរដាក់សហរដ្ឋអាមេរិក ដោយអួតអាងថា លោក ពូទីន អាចបំផ្លាញឆ្នេរសមុទ្រខាងកើត និងខាងលិចទាំងមូល ដោយប្រើមីស៊ីលត្រឹមតែបួនគ្រាប់ប៉ុណ្ណោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នក ស្លាប់ក្នុង ការ វាយប្រហារ ដោយ រ៉ុកកែត របស់ រុ ស្ស៊ី លើ ប្លុកផ្ទះល្វែងអ៊ុយក្រែន កើន ដល់ ៣០ នាក់

The post ញូវយ៉ក ប្រាប់ពលរដ្ឋឲ្យអនុវត្តវិធានការ ៣ចំណុច បើ រុស្ស៊ី វាយប្រហារនុយក្លេអ៊ែរ appeared first on Kampuchea Thmey Daily.

ប៉ូលិស​បាន​និយាយ​ថា បុរស​អាយុ ១៨ ឆ្នាំ​ម្នាក់ ​បាន​បាញ់​ប្រហារ​មនុស្ស​ ៤ នាក់​​​​នៅ​ចំណត​រថយន្ត បន្ទាប់មក​ជនសង្ស័យ ​បាន​ចូល​ក្នុង​ហាង​ ហើយ​ចាប់ផ្ដើម​បាញ់​ទៅ​លើ​មនុស្ស​ ៩​នាក់ រួម​ទាំង​ស្មៀន និង​អ្នក​លក់ដូរ​ផង​ដែរ។

បច្ចុប្បន្ន​ជនសង្ស័យ ​ត្រូវ​សមត្ថកិច្ច​ឃាត់ខ្លួន​ ប៉ូលិសក៏បាននិយាយថា ខ្មាន់កាំភ្លើង​កំពុង​ផ្សាយ​បន្តផ្ទាល់​ការ​បាញ់​ប្រហារ​នេះ តាមរយៈកាមេរ៉ាដែល​ជាប់​នឹង​ខ្លួន​របស់គាត់។

សាក្សីម្នាក់បានប្រាប់ទូរទស្សន៍ក្នុងស្រុកថា មានអ្នកដើរទិញឥវ៉ាន់​ជាច្រើន នៅក្នុងហាង ​នៅពេលមានការបាញ់ប្រហារ ហើយជនសង្ស័យ​ស្លៀក​សំលៀកបំពាក់​បែប​យោធា។

ប៉ូលិស​និយាយ​ថា ការបាញ់ប្រហារនេះ អាចបណ្តាលមកពីការរើសអើងពូជសាសន៍ ហើយ​នឹង​ត្រូវ​បាន​ស៊ើបអង្កេត​ថាជា​ឧក្រិដ្ឋកម្ម​ស្អប់ខ្ពើម​ដែល​អាច​កើតមាន។ យ៉ាងណាមិញ ផ្សារ​ទំនើប​នេះ​មាន​ទីតាំង​នៅ​ចម្ងាយ​ប្រហែល ៥ គីឡូម៉ែត្រ​ភាគ​ខាងជើង​នៃ​ទី​ប្រជុំជន Buffalo ហើយ​ត្រូវ​បាន​ហ៊ុំ​ព័ទ្ធ​ដោយ​អគារ​លំ នៅឋាន៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖ ប្រទេសមហាសេដ្ឋីអារ៉ាប់រួម រើសបានប្រធានាធិបតីថ្មី

The post បាញ់រះក្នុងផ្សារទំនើបនៅ ញូវយ៉ក ស្លាប់ ១០ នាក់ appeared first on Kampuchea Thmey Daily.

យោងតាមអភិបាលក្រុងញូវយ៉ក លោក Eric Adams បានឲ្យដឹងថា មនុស្សចំនួន៣២នាក់ផ្សេងទៀត ត្រូវបានបញ្ជូនទៅមន្ទីរពេទ្យ ដែលមានមួយចំនួនស្ថិតក្នុងស្ថានភាពធ្ងន់ធ្ងរ។

ស្នងការនាយកដ្ឋានពន្លត់អគ្គិភ័យ លោក Daniel Nigro បាននិយាយថា ពួកគេបានរកឃើញជនរងគ្រោះនៅគ្រប់ជាន់នៃប្លុកដែលមាន១៩ជាន់មួយនេះ។

លោកបានប្រាប់ NBC News ថា ចំនួនអ្នកស្លាប់គឺអាក្រក់បំផុតដែលទីក្រុងញូវយ៉កមិនធ្លាប់ជួបប្រទះសោះ ក្នុងរយៈពេល៣០ឆ្នាំ។

ហេតុការណ៍នេះកើតឡើងត្រឹមតែប៉ុន្មានថ្ងៃប៉ុណ្ណោះ បន្ទាប់ពីភ្លើងឆាបឆេះអាផាតមិននៅទីក្រុង Philadelphia ដោយបានសម្លាប់មនុស្ស១២នាក់ ក្នុងនោះមានកុមារ៨នាក់។

អ្នកពន្លត់អគ្គិភ័យប្រមាណ២០០នាក់ ត្រូវបានបញ្ជូនមកជួយពន្លត់ភ្លើង ដែលក្រុមមន្ត្រីជឿថា បណ្តាលមកពីការទុស្សេចរន្តអគ្គិសនី៕

ប្រែសម្រួល៖ Vann Vann

ប្រភព៖ BBC

ចុចអាន៖ ផ្ទុះឃ្លាំងស្តុកសារធាតុគីមីដ៏ខ្លាំងក្លានៅឥណ្ឌា សម្លាប់មនុស្ស ១២ នាក់

The post អគ្គិភ័យឆាបឆេះ អាផាតមិនក្រុង ញូវយ៉ក ផ្តាច់ជីវិតមនុស្ស ១៩នាក់ appeared first on Kampuchea Thmey Daily.

ទោះបីជាយ៉ាងណាក៏ដោយ អភិបាលក្រុងញូវយ៉ក លោក Bill de Blasio បានប្រាប់សន្និសីទសារព័ត៌មានមួយថា មន្ទីរពេទ្យរបស់ទីក្រុងនេះ មិនទាន់ឃើញផលប៉ះពាល់ធំដុំអ្វីទេពីបញ្ហានេះ។ លោកបន្ថែមថា លោកព្រួយបារម្ភអំពីតំបន់ផ្សេងទៀតក្នុងរដ្ឋ ដែលអត្រាចាក់វ៉ាក់សាំងនៅមានកម្រិតទាប។

អ្នកនាំពាក្យសេវាសុខភាពកាតូលិក ដែលជាអ្នកផ្តល់សេវាថែទាំសុខភាពធំបំផុតមួយនៅ ញូវយ៉កខាងលិច បាននិយាយថា ខ្លួនបានអនុវត្តតាមច្បាប់ ដោយរាប់បញ្ចូលបុគ្គលិកដែលបានចាក់វ៉ាក់សាំង អ្នកដែលត្រូវបានលើកលែងនិងខ្លះទៀតត្រូវបានព្យួរការងារដោយមិនឲ្យប្រាក់ខែ។

យ៉ាងណាក្តី អ្នកនាំពាក្យលោកស្រី JoAnne Cavanaugh បានបដិសេធប្រាប់ថាតើមានបុគ្គលិកប៉ុន្មាននាក់ដែលត្រូវបានព្យួរការងារ ឬផ្តល់ការលើកលែងដោយសារតែហេតុផលវេជ្ជសាស្ត្រឬសាសនា។

សេវាសុខភាពកាតូលិកនិយាយថា ខ្លួនត្រូវបង្ខំចិត្តពន្យារពេលការវះកាត់មួយចំនួនតូច។

ស្របពេលជាមួយគ្នានោះ មជ្ឈមណ្ឌលវេជ្ជសាស្ត្រតំបន់ Erie បានផ្អាកការវះកាត់អ្នកជំងឺនៅមន្ទីរពេទ្យ ហើយបានបញ្ឈប់ការទទួលយកអ្នកជំងឺនៅបន្ទប់សង្គ្រោះបន្ទាន់ពីមន្ទីរពេទ្យផ្សេងទៀត ស្របពេលដែលខ្លួនត្រៀមបញ្ឈប់បុគ្គលិករាប់រយនាក់ ដែលមិនបានចាក់វ៉ាក់សាំង។

អ្នកនាំពាក្យលោក Peter Cutler និយាយថា ការសម្រេចចិត្តកាត់បន្ថយប្រតិបត្តិការមួយចំនួន នឹងធ្វើឲ្យអ្នកជំងឺមានការរអាក់រអួល ហើយប៉ះពាល់ដល់ហិរញ្ញវត្ថុមន្ទីរពេទ្យ។ ការវះកាត់អ្នកជំងឺ ធ្វើឲ្យយើងរកប្រាក់បានប្រហែល ១ លានដុល្លារក្នុងមួយសប្តាហ៍។

គួរបញ្ជាក់ថា ក្នុងចំណោមបុគ្គលិក ៤៣,០០០ នាក់នៅឯមន្ទីរពេទ្យរដ្ឋចំនួន ១១ របស់ទីក្រុងញូវយ៉ក មានប្រហែល ៥,០០០ នាក់មិនបានចាក់វ៉ាក់សាំងទេ។

កាលពីថ្ងៃសៅរ៍ អភិបាលរដ្ឋញូវយ៉ក លោកស្រី Kathy Hochul បាននិយាយថា លោកស្រីកំពុងពិចារណាជួលឆ្មាំជាតិនិងបុគ្គលិកពេទ្យក្រៅរដ្ឋ ដើម្បីបំពេញកង្វះបុគ្គលិកដោយសារ ១៦ភាគរយ នៃបុគ្គលិកមន្ទីរពេទ្យចំនួន ៤៥០,០០០ នាក់របស់រដ្ឋ មិនបានចាក់វ៉ាក់សាំងគ្រប់ដូសឡើយ៕

ប្រែសម្រួល៖ Vann Vann

ប្រភព៖ Reuters

ចុចអាន៖ អ្នកជំនាញ៖ ជំងឺរាតត្បាតជាសកលបន្ថែមទៀតនឹងលេចឡើង តែមានវិធីចៀសបាន

The post មន្ទីរពេទ្យញូវយ៉ក បណ្តេញបុគ្គលិក ព្រោះបដិសេធ ចាក់វ៉ាក់សាំងកូវីដ appeared first on Kampuchea Thmey Daily.

ខ្សែរថភ្លើងក្រោមដីស្ទើរតែទាំងអស់នៅទីក្រុងញូវយ៉ក ត្រូវបានផ្អាកកាលពីល្ងាចថ្ងៃពុធដោយសារតែចំហាយនៃព្យុះត្រូពិក Ida បាននាំមកនូវទឹកភ្លៀងធ្លាក់ ហើយមានការគំរាមកំហែងនៃទឹកជំនន់និងព្យុះកំបុតត្បូងដល់ផ្នែកខ្លះនៃភាគខាងជើងតំបន់អាត្លង់ទិក។

អាជ្ញាធរក្រុងបាននិយាយនៅលើបណ្តាញសង្គម Twitter ថា យានយន្តដែលមិនចាំបាច់ទាំងអស់ ត្រូវបានហាមឃាត់មិនឲ្យធ្វើដំណើររហូតដល់ម៉ោង ៥ ព្រឹកថ្ងៃព្រហស្បតិ៍ (ម៉ោងនៅអាមេរិក) ដោយសារអាកាសធាតុដ៏អាក្រក់នេះ។

កាលពីថ្ងៃពុធ សេវាកម្មអាកាសធាតុជាតិ បានចេញការប្រកាសអាសន្នអំពីជំនន់ទឹកភ្លៀងចំនួន៥ ដោយរាប់ចាប់ពីភាគខាងលិចទីក្រុង Philadelphia ទៅដល់ភាគខាងជើងរដ្ឋ New Jersey។

អភិបាលរដ្ឋ New Jersey លោក Phil Murphy ក៏បានប្រកាសគ្រាអាសន្ន ដើម្បីឆ្លើយតបទៅនឹងព្យុះ Ida ផងដែរ៕

វីដេអូ៖

ប្រែសម្រួល៖ Vann Vann

ប្រភព៖ Reuters

ចុចអាន៖ ភ្លៀងធ្លាក់ខ្លាំងជន់លិចទីក្រុង ញូវយ៉ក កន្លែងខ្លះទឹក មានកម្ពស់ត្រឹមចង្កេះ (មានវីដេអូ)

The post ញូវយ៉ក ប្រកាសអាសន្ន ដោយសារជំនន់ទឹកភ្លៀងលិចទីក្រុង (មានវីដេអូ) appeared first on Kampuchea Thmey Daily.

ភ្លៀងធ្លាក់ខ្លាំងលាយឡំផ្គររន្ទះ កាលពីល្ងាចថ្ងៃព្រហស្បតិ៍ បានបង្កឲ្យមានទឹកជំនន់ទឹកភ្លៀងនៅសង្កាត់ Manhattan និង Bronx ដែលទឹកកម្ពស់ត្រឹមចង្កេះ បានជន់លិចផ្លូវក្រោមដី និងជន់លិចកន្លែងជាច្រើនផ្សេងទៀត ស្របពេលចរាចរណ៍នៅលើដងផ្លូវដែលធ្លាប់តែមមាញឹក ត្រូវបានបញ្ឈប់។

ភ្លៀងក៏បានជំរុញឲ្យមានការព្រមានអំពីគ្រោះទឹកជំនន់ធ្ងន់ធ្ងរ និងព្យុះផ្គររន្ទះពីសេវាកម្មអាកាសធាតុជាតិផងដែរ។ យោងតាមទិន្នន័យរបស់សេវាកម្មអាកាសធាតុ បានឲ្យដឹងថា តំបន់មួយចំនួននៃទីក្រុងនេះ មានភ្លៀងធ្លាក់កម្រិតជិត ៧៦ ទៅ ៨៨ មីល្លីម៉ែត្រ កាលពីថ្ងៃព្រហស្បតិ៍។

ទោះបីជាយ៉ាងណាក៏ដោយ ព្យុះ Elsa មិនទាន់ទៅដល់ ញូវយ៉ក នៅឡើយទេ នៅពេលទឹកជំនន់បានចាប់ផ្តើម ប៉ុន្តែព្យុះត្រូពិកនេះ ត្រូវបានគេរំពឹងថា នឹងនាំមកនូវទឹកភ្លៀងបន្ថែមទៀតដល់ទីក្រុងនេះ។

ប៉ូលិសនិយាយថា មនុស្សជាង ១២ នាក់ត្រូវបានជួយសង្គ្រោះចេញពីយានយន្ត ដែលបានជាប់នៅលើផ្លូវ Major Deegan Expressway ក្នុងសង្កាត់ Bronx ហើយផ្នែកខ្លះនៃផ្លូវ Harlem River Drive ក៏ត្រូវបានបិទជាបណ្តោះអាសន្នដោយសារទឹកជំនន់ផងដែរ៕

វីដេអូ៖

ប្រែសម្រួល៖ Vann Vann

ប្រភព៖ USA Today

ចុចអាន៖ ស្ត្រីទីបី ចោទប្រកាន់អភិបាលក្រុងញូវយ៉កពីបទ ​បៀត​បៀន​កេរ្តិ៍​ខ្មាស

The post ភ្លៀងធ្លាក់ខ្លាំងជន់លិចទីក្រុង ញូវយ៉ក កន្លែងខ្លះទឹក មានកម្ពស់ត្រឹមចង្កេះ (មានវីដេអូ) appeared first on Kampuchea Thmey Daily.

អ្នកស្រី Anna Ruch អាយុ៣៣ឆ្នាំបានប្រាប់កាសែត The Times ថា លោកអភិបាលដែលកំពុងស្ថិតក្រោមការស៊ើបអង្កេតដោយការិយាល័យរបស់អគ្គរដ្ឋអាជ្ញា Tish James ពីបទបៀតបៀនអតីតជំនួយការពីររូបរួចទៅហើយនោះ បានដាក់ដៃលើខ្នងរបស់នាង។ បន្ទាប់មកលោកអភិបាលបានដាក់ដៃលើថ្ពាល់នាង ហើយសុំថើបនាងតែត្រូវនាងដកដៃចេញ។

ការអះអាងរបស់កាសែត The Times បានភ្ជាប់មកជាមួយនូវរូបថតរបស់អភិបាលដែលកាន់មុខរបស់អ្នកស្រី Ruch។ អ្នកស្រីបានប្រាប់កាសែតនេះថា នាងមានអារម្មណ៍ថា “មិនស្រួលនិងខ្មាស់អៀន”។

អ្នកស្រី Ruch មិនមែនជាបុគ្គលិករដ្ឋទេ ប៉ុន្តែអំពើមិនសមរម្យរបស់អភិបាលក្រុងអាយុ៦៣ឆ្នាំរូបនេះ ទំនងជាបង្កឲ្យមានការអំពាវនាវកាន់តែខ្លាំង ឲ្យលោកលាឈប់ពីតំណែង។

ការចោទប្រកាន់នេះបានកើតឡើង បន្ទាប់ពីស្ត្រី២នាក់បាន​ចោទ​ប្រកាន់លោក Andrew Cuomo ពី​បទ​បៀតបៀន​ផ្លូវ​ភេទ។

​អតីត​ទី​ប្រឹក្សា​សុខភាព​អាយុ​២៥​ឆ្នាំ​នាង​ Charlotte Bennett ​បាន​ប្រាប់​កាសែត The New York Times ថា អភិបាល​​ក្រុង​បាន​បៀត​បៀន​កេរ្តិ៍​ខ្មាស​នាង​​កាល​ពី​នាទិឃារដូវ​​​ឆ្នាំ​២០២០។

កាល​ពី​ថ្ងៃ​ពុធ សប្តាហ៍​មុន អតីត​ទីប្រឹក្សា​ឈ្មោះ​ Lindsey Boylan ក៏បាន​និយាយដែរ​ថា អភិបាល​ក្រុង​នេះ​បាន​​ធ្វើ​ទុក្ខ​បុកម្នេញ​​ផ្លូវ​ភេទ​នាង នៅ​ពេល​នាង​បម្រើ​ការ​ក្រោម​រដ្ឋបាល​របស់​លោក​ចន្លោះ​ឆ្នាំ​២០១៥​ដល់​ឆ្នាំ​២០១៨៕

ប្រែសម្រួលដោយ៖ Vann Vann

ប្រភព៖ Politico

ចុចអាន៖ អភិបាល​ក្រុង​ញ៉ូវយ៉ក​លោក​ Andrew​ ត្រូវ​​បាន​ចោទ​ប្រកាន់​ពី​បទ​យាយី​ផ្លូវ​ភេទ​ពី​ស្ត្រី​ទី​២

ចុចអាន៖ រឿងស្មានមិនដល់! ជាប់​ជយលាភី​​តាំង​ពី​អាយុ​១៦​ឆ្នាំ​ ដល់​អាយុ​៧៩​ឆ្នាំ​ទើប​ទទួល​បាន​លិខិត​បញ្ជាក់​

The post ស្ត្រីទីបី ចោទប្រកាន់អភិបាលក្រុងញូវយ៉កពីបទ ​បៀត​បៀន​កេរ្តិ៍​ខ្មាស appeared first on Kampuchea Thmey Daily.