ព័ត៌មានអន្ដរជាតិ

អភិបាលក្រុងញ៉ូវយ៉កលោក Andrew ត្រូវបានចោទប្រកាន់ពីបទយាយីផ្លូវភេទពីស្ត្រីទី២

បានផុស

៥ years មុន

នៅ

ថ្ងៃចន្ទ ១ មីនា ២០២១

ដោយ

ស្ត្រីទី២ដែលជាអតីតបុគ្គលិករបស់ទីក្រុងញ៉ូវយ៉កបានចោទប្រកាន់លោក Andrew Cuomo ពីបទបៀតបៀនផ្លូវភេទ ប៉ុន្តែការចោទប្រកាន់នោះត្រូវបានលោកអភិបាលក្រុងរូបនេះបានបដិសេធ។

ការចោទប្រកាន់លើកនេះគឺកើតមានពីអតីតទីប្រឹក្សាសុខភាពអាយុ២៥ឆ្នាំនាង Charlotte Bennett ដែលបានប្រាប់កាសែត The New York Times ថា អភិបាលក្រុងបានបៀតបៀនកេរ្តិ៍ខ្មាសនាងកាលពីនាទិឃារដូវឆ្នាំ២០២០។

យោងតាម Bennett បានឲ្យដឹងថា អភិបាលក្រុងវ័យ៦៣ឆ្នាំបាននិយាយក្នុងខែមិថុនាថា លោកបានណាត់នារីដែលមានអាយុខ្ទង់២០ឆ្នាំ និងបានសួរនាង ថាតើនាងមិនគិតទេថា វ័យខុសគ្នាធ្វើឲ្យសម្ព័ន្ធភាពរ៉ូមែនទិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលនោះលោក Cuomo បានព្យាយាមយាយីរាងកាយនាង។ នាង Bennett បាននិយាយថា ៖«ខ្ញុំយល់ថា អភិបាលក្រុងចង់ដេកជាមួយខ្ញុំ ហើយខ្ញុំពិតជាមានអារម្មណ៍ភ័យខ្លាំងណាស់»។

បន្ទាប់មកនាងបាននិយាយជាមួយប្រធានបុគ្គលិករបស់លោក Cuomo ដើម្បីប្តូរនាងទៅកាន់តួនាទីផ្សេងនៅអគារផ្សេង។ នាងសប្បាយចិត្តនឹងការងារថ្មី និងសម្រេចចិត្តមិនឲ្យមានការស៊ើបអង្កេតកាលពេលនោះ។

លោក Cuomo បានល្បីល្បាញយ៉ាងខ្លាំងកាលពីឆ្នាំមុនដោយបាននិយាយត្រង់ៗជុំវិញជវិញជំងឺឆ្លងខូវិត-១៩ដែលផ្ទុយស្រឡះទៅនឹងវិធីសាស្ត្រររបស់អតីតប្រធានាធិបតី ដូណាល់ ត្រាំ។

ប៉ុន្តែលោកត្រូវប្រឈមនឹងករណីចោទប្រកាន់បៀតបៀនកេរ្តិ៍ខ្មាសជាបន្តបន្ទាប់ ខណៈលោកកំពុងដោះស្រាយវិបត្តិខូវិត-១៩។

នៅក្នុងសេចក្តីថ្លែងការណ៍កាលពីថ្ងៃទី២៧ ខែកុម្ភៈកន្លងទៅ លោក Cuomo បាននិយាយថា លោកមិនដែលបានទៅរកនាង Bennett ទេ ហើយក៏មិនដែលមានបំណងអាក្រក់ ឬមិនសមរម្យណាមួយលើនាងដែរ។

នេះជាលើកទី២គ្រាន់តែក្នុងមួយសប្តាហ៍ដែលអភិបាលករុមមកពីគណបក្សប្រជាធិបតេយ្យដែលកាន់តំណែងអភិបាលក្រុងញ៉ូវយ៉ករយៈពេល១០ឆ្នាំហើយបានរងការចោទប្រកាន់បៀតបៀនកេរ្តិ៍ខ្មាស។

កាលពីថ្ងៃពុធ សប្តាហ៍មុន អតីតទីប្រឹក្សាឈ្មោះ Lindsey Boylan បាននិយាយក្នុងប្លុកមួយថា អភិបាលក្រុងនេះបានធ្វើទុក្ខបុកម្នេញផ្លូវភេទនាង នៅពេលនាងបម្រើការក្រោមរដ្ឋបាលរបស់លោកចន្លោះឆ្នាំ២០១៥ដល់ឆ្នាំ២០១៨។

នាង Boylan អាយុ៣៦ឆ្នាំបានចោទប្រកាន់អភិបាលក្រុងថា បានបឹតមាត់នាងដោយមិនបានឲ្យដឹងជាមុន និងសួរនាងថា ចង់លេងបៀរជាមួយលោកទេ ហើយបានបន្តប៉ះពាល់រាងកាយនាង៕

អានបន្ថែម៖ លោក ដូណាល់ ព្រលត្រាំឈ្មោះប្រធានាធិបតីឆ្នាំ២០២៤ តែទាត់ចោលបង្កើតបក្សថ្មី

ប្រែសម្រួល៖ វីរបុត្រ
ប្រភព៖ CNA

Related Topics:សហរដ្ឋអាមេរិក

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា