ញូវយ៉ក ប្រាប់ពលរដ្ឋឲ្យអនុវត្តវិធានការ ៣ចំណុច បើ រុស្ស៊ី វាយប្រហារនុយក្លេអ៊ែរ

ទីក្រុងញូវយ៉ក បានចេញសេចក្តីប្រកាសសេវាសាធារណៈ សម្រាប់ការវាយប្រហារនុយក្លេអ៊ែរ ពោលគឺមួយសប្តាហ៍បន្ទាប់ពីប្រព័ន្ធផ្សព្វផ្សាយរដ្ឋរុស្ស៊ី អះអាងថា លោកពូទីន អាចបំផ្លាញឆ្នេរសមុទ្រខាងកើតរបស់សហរដ្ឋអាមេរិក ឲ្យហ្មត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឃ្លីបថ្មី ដែលចេញផ្សាយកាលពីថ្ងៃចន្ទទី១១ខែកក្កដា នាយកដ្ឋានគ្រប់គ្រងគ្រាអាសន្នរបស់ទីក្រុង បានប្រាប់អ្នកក្រុងញូវយ៉កថា “បើមានការវាយប្រហារនុយក្លេអ៊ែរ។ កុំសួរខ្ញុំថាយ៉ាងណា ឬហេតុអ្វី។ ដូច្នេះតើយើងត្រូវធ្វើអ្វី?”។

អ្នកនាំពាក្យទីក្រុងបានប្រាប់ពលរដ្ឋថា ថ្វីបើលទ្ធភាពនៃឧបទ្ទវហេតុអាវុធនុយក្លេអ៊ែរដែលកើតឡើងនៅក្នុងឬជិតទីក្រុងញូវយ៉កមានកម្រិតទាបក៏ដោយ ប៉ុន្តែវាគឺជារឿងសំខាន់ដែលអ្នកក្រុងញូវយ៉ក ត្រូវដឹងពីវិធានការដើម្បីរក្សាសុវត្ថិភាព”។

អ្នកនាំពាក្យជំរុញឲ្យពួកគេធ្វើតាម វិធានការសាមញ្ញ និងសំខាន់ នៅក្នុងព្រឹត្តិការណ៍មានឧប្បត្តិហេតុបែបនេះ។

វិធានការសាមញ្ញចំនួន៣ សម្រាប់អ្នកក្រុងញូវយ៉កដើម្បីអនុវត្តតាមគឺ “ចូលខាងក្នុងផ្ទះ ស្នាក់នៅខាងក្នុងផ្ទះ និងបន្តតាមដានចំពោះការផ្សព្វផ្សាយអំពីអ្វីដែលត្រូវធ្វើបន្ទាប់”។

ស្របពេលជាមួយគ្នានោះ មានការរំលឹកថា ការស្ថិតនៅក្នុងរថយន្ត មិនមែនជាជម្រើសទេ។ កុំ​ចេញ​ទៅ​ខាង​ក្រៅ ​រហូត​ដល់​មន្ត្រី​និយាយ​ថា ​វា​មាន​សុវត្ថិភាព។

អ្នកនាំពាក្យបន្ត “ប្រសិនបើអ្នកនៅខាងក្រៅបន្ទាប់ពីការផ្ទុះ សូមសម្អាតជាបន្ទាន់។ ដោះសម្លៀកបំពាក់ខាងក្រៅទាំងអស់ចេញ ដើម្បីឲ្យរាងកាយរបស់អ្នកមិនមានធូលី ឬផេះ”។

មនុស្សក៏ត្រូវបានលើកទឹកចិត្តឲ្យទៅបន្ទប់ក្រោមដីផងដែរ ប្រសិនបើពួកគេមាន។

គួរបញ្ជាក់ថា ក្នុងខែឧសភាឆ្នាំ២០២២ ប្រព័ន្ធផ្សព្វផ្សាយរដ្ឋរបស់រុស្ស៊ីបានចេញការគំរាមបាញ់នុយក្លេអ៊ែរដាក់សហរដ្ឋអាមេរិក ដោយអួតអាងថា លោក ពូទីន អាចបំផ្លាញឆ្នេរសមុទ្រខាងកើត និងខាងលិចទាំងមូល ដោយប្រើមីស៊ីលត្រឹមតែបួនគ្រាប់ប៉ុណ្ណោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នក ស្លាប់ក្នុង ការ វាយប្រហារ ដោយ រ៉ុកកែត របស់ រុ ស្ស៊ី លើ ប្លុកផ្ទះល្វែងអ៊ុយក្រែន កើន ដល់ ៣០ នាក់