សៀវភៅមហាសង្ក្រាន្តឆ្នាំម្សាញ់ បានសរសេរ ពីទំនាយថ្ងៃមហាសង្ក្រាន្ត ពោល គឺនៅថ្ងៃចូលឆ្នាំ ត្រូវនឹងថ្ងៃចន្ទ អ្នកកើតឆ្នាំម្សាញ់នឹងចាញ់សេនាបតី អ្នកធំ ឧកញ៉ា លោកជំទាវទាំងឡាយ។ ត្រង់ចំណុចនេះ សៀវភៅបានបញ្ជាក់ថា ចាញ់មានន័យថា ខូចបុណ្យស័ក្តិ អន់រាសី មានវិបត្តិ។ បន្ថែមពីនេះ សៀវភៅបញ្ជាក់ទៀតថា៖ “ភ្លៀងនឹងមានដើមឆ្នាំ ស្រូវអង្ករល្អណាស់ តែមនុស្សនៅជួបផលលំបាកឱ្យក្រែងប្រយ័ត្ន ក្សត្រ និងមន្ត្រី ជំទាវខុណ្ណាង ធ្វើអាក្រក់ធ្វើបាបនឹងកើតមានការតស៊ូរើបំរះ មនុស្សនឹងកើតជំងឺតម្កាត់ច្រើន”។

ក្រៅពីទំនាយថ្ងៃមហាសង្ក្រាន្ត ក៏មានទំនាយថ្ងៃវ័នបត ដែលត្រូវនឹងថ្ងៃអង្គារ ទំនាយថា ឆ្នាំនោះស្លា ម្លូ ស្រូវ អង្ករ ត្រី សាច់នឹងថ្លៃ អាមាត្រ មន្ត្រី នឹងខូចបុណ្យស័ក្តិ ឬត្រូវក្តៅក្រហាយចិត្តយ៉ាងច្រើន។ ចុងក្រោយ គឺ ទំនាយថ្ងៃឡើងស័ក ត្រូវនឹងថ្ងៃពុធ ទំនាយថា ឆ្នាំនោះ រាជបណ្ឌឹត បរោហិត អាចារ្យហោរា និងមានសេចក្តីសុខសម្រាន្តជាអនេក ប៉ុន្តែ មានដង្កូវ ក្រា ស៊ីស្រូវ។ នេះបើតាមសៀវភៅមហាសង្ក្រាន្តរបស់ បណ្ឌិត អ៉ឹម បុរិន្ទ។

សូមជម្រាបថា សម្រាប់ថ្ងៃចូលឆ្នាំ ឆ្នាំម្សាញ់នេះ ត្រូវនឹងថ្ងៃចន្ទ ទី១៤ ខែមេសា ឆ្នាំ២០២៥ វេលាម៉ោង ៤៖៤៨នាទីទៀបភ្លឺ ជាថ្ងៃចូលឆ្នាំ (វារៈមហាសង្ក្រាន្ត)។ ថ្ងៃអង្គារ ទី១៥ ខែមេសា ជាវារៈវន័បត។ ថ្ងៃពុធ ទី១៦ ខែមេសា ម៉ោង ៨៖២៧នាទី ៣៦វិនាទី ជាវារៈឡើងស័ក គម្រប់ជាសង្ក្រាន្ត ៣ថ្ងៃ ស្រេចបរិបូណ៌ចូលជាសកល ឆ្នាំម្សាញ់ សប្តស័ក មហាសករាជ ១៩៤៧ ចុល្លសករាជ ១៣៨៧ តទៅ។

ទេវាតាឆ្នាំម្សាញ់ ព្រះនាម គោរាគៈទេវី ជារាជបុត្រីទី២ នៃកបិលមហាព្រហ្ម គង់នៅចាតុម្មហារាជិកា ទ្រង់អម្ពរពណ៌លឿង លម្អនៅព្រះកាណ៌ដោយ សៀតផ្កាអង្គារបស្ស អភរណៈ កែវមុក្តា ភក្សាហារទ្រង់ តេលំ (ប្រេង) ព្រះហស្តស្តាំ ទ្រង់ ព្រះខ័ន្ធព្រហស្តឆ្វេងទ្រង់ ឈើច្រត់ ទ្រង់គង់ផ្ទំបិទព្រះនេត្រលើខ្នងស្តេចព្យាសៈ (ខ្លា) ជាយានពាហនៈ៕

The post ទំនាយតាមថ្ងៃសង្ក្រាន្តក្នុងឆ្នាំម្សាញ់៖ អ្នកធំ មន្រ្តី ឧកញ៉ា នឹងខូចបុណ្យស័ក្តិ appeared first on Kampuchea Thmey Daily.

ក្នុងសេចក្តីរាយការណ៍របស់ Daily Mail, សម្រាប់ឆ្នាំ២០២៥ លោកយាយបានទាយអំពីព្រឹត្តិការណ៍ចំនួន៥ដូចជា៖ ការផ្លាស់ប្តូរនៅក្នុងមហាអំណាចពិភពលោក, របកគំហើញវិទ្យាសាស្ត្រដែលមនុស្សអាចនឹងទាក់ទងជាមួយពួក Alien បាន, គ្រោះមហន្តរាយអាកាសធាតុដ៏បំផ្លិចបំផ្លាញ, ការអភិវឌ្ឍបច្ចេកវិទ្យា និងការដួលរលំឬវិបត្តិសេដ្ឋកិច្ច។

រឿងដែលលោកយាយទាយត្រូវនោះគឺគ្រោះមហន្តរាយធម្មជាតិ! ជាក់ស្តែងកាលពីថ្ងៃសុក្រទី២៨ខែមីនា ប្រទេសមីយ៉ាន់ម៉ា បានជួបគ្រោះរញ្ជួយដីកម្រិតធ្ងន់៧.៧រ៉ិចទ័រ ដោយបង្កការបំផ្លិចបំផ្លាញធំធេង និងសម្លាប់មនុស្សជិត៤ពាន់នាក់ គិតត្រឹមថ្ងៃពុធទី២ខែមេសា។

មិនមែនតែមីយ៉ាន់ម៉ាឡើយ រញ្ជួយដីនេះក៏ជះឥទ្ធិពលដល់ប្រទេសថៃដែលស្ថិតនៅក្បែរខាងផងដែរ ដោយប៉ះពាល់ខ្លាំងដល់រាជធានីបាងកក បណ្តាលឲ្យបាក់អគារដែលកំពុងសាងសង់មួយផងដែរ។

តួលេខមនុស្សស្លាប់នៅប្រទេសថៃ គិតត្រឹមថ្ងៃពុធគឺមានចំនួន២៦នាក់ ភាគច្រើនជាកម្មករសំណង់ ដែលបាត់បង់ជីវិតក្នុងការបាក់អគារសវនកម្មរដ្ឋនៅខណ្ឌចតុចក្រ ខណៈ៣៣នាក់រងរបួស។

សូមជម្រាបជាថ្មីថា Baba Vanga ដែលមានឈ្មោះពិត Vangelia Gushterova មានអត្រាទាយត្រូវរហូតដល់ទៅ៨៦%ឯណោះ។ គាត់ពិការភ្នែកនៅអាយុ១២ឆ្នាំហើយអះអាងនាពេលនោះថា គាត់ទទួលអំណោយដ៏កម្រពីព្រះ ដោយអាចមើលឃើញអនាគត ប៉ុន្តែគាត់បានទទួលមរណភាពទៅហើយនៅឆ្នាំ១៩៩៦ ក្នុងអាយុ៨៤ឆ្នាំ។

ហេតុការណ៍ធំៗជាច្រើន ដែលគាត់ទាយត្រូវមានដូចជាការរំលាយសហភាពសូវៀត, ការវាយប្រហារភេរវកម្មថ្ងៃទី១១ខែកញ្ញាឆ្នាំ២០០១, ការសោយទិវង្គតរបស់ព្រះនាង Diana, គ្រោះមហន្តរាយ Chernobyl, រលកយក្សស៊ូណាមិ រញ្ជួយដី និងដំណោះស្រាយចំពោះជំងឺមហារីកជាដើម៕ 

អត្ថបទ៖ សុខ សុវណ្ណ

ចុចអាន៖ ទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ

The post ទំនាយឆ្នាំ២០២៥របស់លោកយាយ Baba Vanga ក្លាយជាការពិតមួយហើយ appeared first on Kampuchea Thmey Daily.

នៅឆ្នាំ 2025 Geminis នឹងជួបប្រទះការផ្លាស់ប្តូរភពដ៏សំខាន់ ដែលនឹងនាំទៅរកការរីកចម្រើន និងការផ្លាស់ប្តូរនៅក្នុងអាជីព ការអប់រំ ហិរញ្ញវត្ថុ ទំនាក់ទំនង និងសុខភាព។ បន្ទាប់ពីខែមីនា កំណើនអាជីពនឹងមានភាពលេចធ្លោជាមួយនឹងភពសៅរ៍ ផ្លាស់ទីចូលទៅក្នុងផ្ទះទី 10 របស់អ្នក។

ការឆ្លងកាត់របស់ Rahu ក្នុងខែឧសភា នាំមកនូវមហិច្ឆតា និងការរីកចម្រើនខាងវិញ្ញាណ ខណៈពេលដែលភពព្រហស្បតិ៍ នឹងពង្រីកការអភិវឌ្ឍន៍ផ្ទាល់ខ្លួន និងចំណេញផ្នែកហិរញ្ញវត្ថុបន្ថែមទៀត។ ជាមួយនឹងភាពធន់ និងការធ្វើផែនការយុទ្ធសាស្រ្ត Gemini horoscope 2025 ទទួលបានសក្ដានុពលដ៏ធំធេងសម្រាប់ភាពជោគជ័យ និងការរីកចម្រើននៅគ្រប់ស្ថានភាពទាំងអស់៕

ប្រភព៖ Horoscope 2025

The post តារានិករ Gemini មានរាសីបែបណា ក្នុងឆ្នាំ2025នេះ appeared first on Kampuchea Thmey Daily.

លោកយាយពិការភ្នែក Baba Vanga ជនជាតិប៊ុលហ្គារី ត្រូវមនុស្សភាគច្រើនស្គាល់ថាជាគ្រូទាយឆុតមួយរូប​ ពោលគឺថាគាត់ទាយត្រូវសឹងតែ៩០%ទៅហើយ អំពីរឿងរ៉ាវដែលនឹងកើតឡើងនាពេលអនាគត។ ជាពិសេស គាត់ទាយត្រូវអំពីការរំលាយសហភាពសូវៀត, អំពើភេរវកម្មថ្ងៃទី១១ខែកញ្ញាឆ្នាំ២០០១, ការសោយទិវង្គតរបស់ព្រះនាង Diana, គ្រោះមហន្តរាយ Chernobyl, រលកយក្សស៊ូណាមិ រញ្ជួយដី និងដំណោះស្រាយចំពោះជំងឺមហារីកជាដើម។

ចំណែកគ្រូទាយបារាំង Nostradamus ក៏បានទាយទុករឿងរ៉ាវជាច្រើននៅក្នុងសៀវភៅ Prophecies ហើយគាត់ក៏ទាយត្រូវអំពីហេតុការណ៍នានាដែរដូចជា ការងើបបះបោររបស់ Adolf Hitler, ការធ្វើឃាតអតីតប្រធានាធិបតីអាមេរិក John F. Kennedy និង ការវាយប្រហារភេរវកម្មនៅអាមេរិកជាដើម។

សម្រាប់ឆ្នាំ២០២៥ខាងមុខ គ្រូទាយទាំងពីរ សុទ្ធតែទស្សន៍ទាយអំពីរឿងហេតុដែលគ្មានអ្នកណាចង់ឲ្យកើតឡើងឡើយនោះគឺ សង្គ្រាមដ៏ឃោរឃៅពាក់ព័ន្ធជាមួយបណ្តោប្រទេសនៅទ្វីបអឺរ៉ុបនឹងផ្ទុះឡើង ហើយពិភពលោកនឹងកើតគ្រោះធម្មជាតិកាន់តែកាចសាហាវ នាំឲ្យមនុស្សពិបាករស់នៅជាទីបំផុត។

ក្នុងទំនាយ លោកយាយ Baba Vanga ទាយថា ជម្លោះនៅអឺរ៉ុបដីគោកនឹងកាន់តែខ្លាំងក្នុងឆ្នាំ២០២៥ ដែលនឹងនាំឲ្យមានផលវិបាកធ្ងន់ធ្ងរ ហើយព្រឹត្តិការណ៍​ទាំង​នេះ​អាច​ជំរុញឲ្យមាន​ការ​បំផ្លិចបំផ្លាញ​ពិភពលោកទាំងមូលតែម្តង។

ចំណែក Nostradamus វិញ គាត់បានព្រមានអំពីសង្រ្គាមដ៏ឃោរឃៅ ដែលជាប់ពាក់ព័ន្ធនឹង អ្នកមកពីទឹកដីនៃទ្វីបអឺរ៉ុប។ លោកបន្ថែមថា «គ្រោះកាចពីបុរាណនឹងអាក្រក់ជាងសត្រូវទៅទៀត»។ ក្នុងន័យនេះ ត្រូវបានគេជឿថា គាត់ចង់សំដៅទៅការគំរាមកំហែងធ្ងន់ធ្ងរ ទាក់​ទង​នឹង​ភាព​តាន​តឹង​ភូមិសាស្ត្រ​នយោបាយ​របស់​អឺរ៉ុប ដែល​អាច​រួម​បញ្ចូល​ទាំង​ជម្លោះ​រុស្ស៊ី និង​អ៊ុយក្រែន​ដែល​កំពុង​កើត​ឡើង ឬ​ភាព​ចលាចល​នៅ​អឺរ៉ុប​កាន់តែធំផងដែរ។

ទោះបីជាយ៉ាងណាក៏ដោយ ទាំងនេះគ្រាន់តែជាទំនាយប៉ុណ្ណោះ ហើយការជឿឬមិនជឿគឺអាស្រ័យលើអ្នក៕

អត្ថបទ៖ សុខ សុវណ្ណ

ប្រភព៖ BI

ចុចអាន៖ ទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ

The post គ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ appeared first on Kampuchea Thmey Daily.

ជនជាតិប៊ុលហ្គារីរូបនេះ មានឈ្មោះពិត Vangelia Gushterova ត្រូវពិការភ្នែកនៅអាយុ១២ឆ្នាំហើយអះអាងនាពេលនោះថា គាត់ទទួលអំណោយដ៏កម្រពីព្រះ ដោយអាចមើលឃើញអនាគត ប៉ុន្តែគាត់បានទទួលមរណភាពទៅហើយនៅឆ្នាំ១៩៩៦ ក្នុងអាយុ៨៤ឆ្នាំ។

ហេតុការណ៍ធំៗជាច្រើន ដែលគាត់ទាយត្រូវមានដូចជាការរំលាយសហភាពសូវៀត, ការវាយប្រហារភេរវកម្មថ្ងៃទី១១ខែកញ្ញាឆ្នាំ២០០១, ការសោយទិវង្គតរបស់ព្រះនាង Diana, គ្រោះមហន្តរាយ Chernobyl, រលកយក្សស៊ូណាមិ រញ្ជួយដី និងដំណោះស្រាយចំពោះជំងឺមហារីកជាដើម។ 

នៅឆ្នាំ២០២៥ខាងមុខ លោកយាយក៏បានបន្សល់ទុកទំនាយផងដែរ ហើយទំនាយនោះទៀតសោត ត្រូវបានគេចាត់ទុកថាជាទំនាយដ៏ព្រឺព្រួចជាងពេលណាណាទាំងអស់។

ក្នុងទំនាយ, អវសានពិភពលោក គឺចាប់ផ្តើមពីឆ្នាំ២០២៥ទៅ ត្បិតមនុស្សលោកនឹងមិនទាន់ផុតរលត់ទាំងស្រុងរហូតដល់ឆ្នាំ៥០៧៩ក៏ដោយ។ មិនត្រឹមប៉ុណ្ណឹង លោកយាយទាយទៀតថា ជម្លោះនៅអឺរ៉ុបនឹងធ្វើឲ្យអន្តរាយដល់ប្រជាជនទ្វីបនេះតែម្តង។

ទំនាយនេះ ធ្វើឲ្យគេបារម្ភខ្លាំងព្រោះថា បច្ចុប្បន្នទ្វីបអឺរ៉ុប កំពុងមានជម្លោះនិងភាពតានតឹងភូមិសាស្ត្រនយោបាយ រួចទៅហើយ។

ទោះបីជាយ៉ាងណាក៏ដោយ ទាំងនេះគ្រាន់តែជាទំនាយប៉ុណ្ណោះ!

អត្ថបទ៖ សុខ សុវណ្ណ

ចុចអាន៖ លោកយាយ Baba Vanga ទាយត្រូវមួយរឿងទៀតហើយ សម្រាប់ឆ្នាំនេះ

The post ទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ appeared first on Kampuchea Thmey Daily.

នោះគឺជាទំនាយអំពីដំណោះស្រាយចំពោះជំងឺមហារីក ពោលគឺកាលពីពេលថ្មីៗ ប្រទេសឥណ្ឌា បានប្រកាសពីភាគជោគជ័យផលិតបានថ្នាំព្យាបាលជំងឺមហារីកក្នុងតម្លៃថោក មួយគ្រាប់ត្រឹម១ដុល្លារប៉ុណ្ណោះ ហើយថ្នាំនេះទៀតសោត នឹងដាក់លក់លើទីផ្សារក្នុងរង្វង់ខែកក្កដា ឬមិថុនាខាងមុខ ប្រសិនបើទទួលបានការអនុញ្ញាតពេញសិទ្ធិ។

វិទ្យាស្ថាន TATA នៅទីក្រុង បុមបៃ បានខិតខំស្រាវជ្រាវអស់រយៈពេលមួយទសវត្សរ៍ ទើបផលិតបានថ្នាំគ្រាប់ឈ្មោះ R+Cu បាន។ ថ្នាំនេះ មានផ្ទុកសារធាតុប្រឆាំងអុកស៊ីតកម្មដូចជា រ៉េសវេរ៉ាត្រុលនិងទង់ដែង ដែលអាចបង្កើត “រ៉ាឌីកាល់អុកស៊ីសែន” ប្រឆាំងមហារីក។

លើសពីនេះ ថ្នាំ R+Cu មានសមត្ថភាពការពារកោសិកាងាប់ក្នុងខ្លួនមនុស្ស មិនឲ្យប្រែក្លាយមនុស្សមានសុខភាពល្អ ទៅជាអ្នកកើតមហារីក ហើយរារាំងចលនានៃកោសិកាមហារីក មិនឲ្យរាលដាលពីផ្នែកមួយទៅផ្នែកមួយទៀតនៃរាងកាយ ដែលគេស្គាល់ថា “Metastasis”។

ក្រុមអ្នកស្រាវជ្រាវបញ្ជាក់ថា ថ្នាំនេះអាចមានប្រសិទ្ធភាពក្នុងការព្យាបាលមហារីកលំពែង សួត និងមាត់ ហើយវាកំពុងរង់ចាំការយល់ព្រមពីអាជ្ញាធរសុវត្ថិភាពចំណីអាហារ និងស្តង់ដារឥណ្ឌា (FSSAI) មុនដាក់លក់លើទីផ្សារ។

សូមបញ្ជាក់ជាថ្មី លោកយាយ Baba Vanga បានបន្សល់ទុកទំនាយចំនួន៦ចំណុច សម្រាប់ឆ្នាំ២០២៤នេះ ដូចជាការអភិវឌ្ឍកំព្យូទ័រកង់ទិច វិបត្តិសេដ្ឋកិច្ច លោកដូណាល់ត្រាំឆ្លងជំងឺអាថ៌កំបាំង ដំណោះស្រាយចំពោះជំងឺមហារីក គ្រោះធម្មជាតិនៅតំបន់ប៉ាស៊ីហ្វិក និងយុគសម័យប្រេងឈានដល់ទីបញ្ចប់។

លោកយាយដែលមានឈ្មោះពិត Vangelia Gushterova បានបង្កភាពល្បីល្បាញដោយទាយត្រូវក្នុងអត្រាជាង៨០% ជាពិសេសគាត់ទាយឆុតអំពីការវាយប្រហារភេរវកម្មថ្ងៃ១១ខែកញ្ញានៅសហរដ្ឋអាមេរិក, ការចាកចេញរបស់អង់គ្លេសពីសហភាពអឺរ៉ុប, ការសោយទិវង្គតរបស់ម្ចាស់ក្សត្រី Diana និងតំណែងជាប្រធានាធិបតីរបស់លោក Barack Obama៕

អត្ថបទ៖ សុខ សុវណ្ណ

ចុចអាន៖ ទំនាយលោកយាយ Baba Vanga ជិតក្លាយជាការពិតមួយទៀតហើយ

The post លោកយាយ Baba Vanga ទាយត្រូវមួយរឿងទៀតហើយ សម្រាប់ឆ្នាំនេះ appeared first on Kampuchea Thmey Daily.

លោកយាយសញ្ជាតិប៊ុលហ្គារីរូបនេះ បានទាយត្រូវអំពីការវាយប្រហារភេរវកម្មថ្ងៃ១១ខែកញ្ញានៅសហរដ្ឋអាមេរិក, ការចាកចេញរបស់អង់គ្លេសពីសហភាពអឺរ៉ុប, ការសោយទិវង្គតរបស់ម្ចាស់ក្សត្រី Diana និងតំណែងជាប្រធានាធិបតីរបស់លោក Barack Obama ព្រមទាំងព្រឹត្តិការណ៍មួយចំនួនទៀត ហើយសម្រាប់ឆ្នាំ២០២៤នេះ លោកយាយ បានទាយទុកអំពីរឿងហេតុចំនួន៦ដែលមានដូចជាការអភិវឌ្ឍកំព្យូទ័រកង់ទិច វិបត្តិសេដ្ឋកិច្ច លោកដូណាល់ត្រាំឆ្លងជំងឺអាថ៌កំបាំង ដំណោះស្រាយចំពោះជំងឺមហារីក គ្រោះធម្មជាតិ និងយុគសម័យប្រេងឈានដល់ទីបញ្ចប់។

ត្បិតឆ្នាំ២០២៤ ទើបតែឈានចូលបានប៉ុន្មានថ្ងៃក៏ពិតមែន ប៉ុន្តែព្រឹត្តិការណ៍មួយបានកើតឡើងដូចទំនាយរបស់គាត់គ្មានខុស។ 

ក្នុងទំនាយនោះ លោកយាយទាយថា ឆ្នាំ២០២៤ នឹងនាំមកនូវគ្រោះ​មហន្តរាយ​ធម្មជាតិ​ជាបន្តបន្ទាប់ ភាគច្រើនទាក់ទងនឹងការឡើងកម្តៅ​ផែនដី ហើយគ្រោះ​មហន្តរាយ​ដូចជាទឹ​កជំនន់ រញ្ជួយដី និងអគ្គិភ័យ នឹងកើតឡើងកាន់តែញឹកញាប់ក្នុងឆ្នាំនេះ ដែល​​បណ្ដាល​ឲ្យ​បាត់បង់ជីវិតមនុស្ស និងទ្រព្យសម្បត្តិយ៉ាងច្រើន ជាពិសេស លោកយាយ បានគូសបញ្ជាក់ពីការរញ្ជួយដីដ៏ធំ ក្នុង​តំបន់ប៉ាស៊ីហ្វិក។

ជាក់ស្តែង គ្រាន់តែថ្ងៃដំបូងនៃឆ្នាំ២០២៤ គ្រោះរញ្ជួយដីកម្រិតធ្ងន់ ៧.៦រ៉ិចទ័របានវាយប្រហារប្រទេសជប៉ុនតែម្តង ដោយសម្លាប់មនុស្សជិត១០០នាក់។

ទោះបីជាយ៉ាងណាក៏ដោយ គេនៅតែចាំមើលថាតើ ទំនាយរបស់លោកយាយសម្រាប់ឆ្នាំ២០២៤នេះណាខ្លះទៀត ដែលអាចក្លាយជាការពិត។

សូមបញ្ជាក់ថា លោកយាយ Baba Vanga មានឈ្មោះពិត Vangelia Gushterova ត្រូវពិការភ្នែកនៅអាយុ១២ឆ្នាំ ហើយពេលនោះ គាត់អះអាងថា គាត់បានទទួលអំណោយដ៏កម្រពីព្រះ ដោយអាចមើលឃើញអនាគត៕

អត្ថបទ៖ Vann Vann

ចុចអាន៖ ព្យុះព្រះអាទិត្យដែលវាយប្រហារភពផែនដី កើតឡើងពិត ដូចទំនាយលោកយាយ Baba Vanga

The post ទំនាយឆ្នាំ២០២៤ របស់លោកយាយ Baba Vanga ក្លាយជាការពិត មួយហើយ appeared first on Kampuchea Thmey Daily.

ម៉ោងសត្វ​ឆ្មា ៥ ដល់ ៧ព្រឹក

ម៉ោងរវបស់សត្វ​ឆ្មាគឺជាពេលព្រឹកព្រលឹមមាន yang ខ្លាំង និង yin ខ្សោយ។ មនុស្សដែលកើត​នៅពេលនេះ មាន​ចរិតសុទិដ្ឋិនិយម រីករាយ ឧស្សាហ៍​និយាយ និង​ពោរពេញ​ដោយ​ថាមពល​វិជ្ជមាន។ អាជីព​និង​ជីវិត​របស់​ពួក​គេ​នឹង​មាន​ភាព​សុខសាន្ត សុភមង្គល និង​រលូន​ទៅមុខ។

អ្នក​កើត​ក្នុង​ពេល​នេះ​ក៏​ពូកែ​ក្នុង​ការ​សិក្សា​ដែរ។ បន្ទាប់ពីអាយុ ៣៥ ឆ្នាំពួកគេ​អាចឈាន​ដល់​ចំណុចកំពូល​នៃជីវិត​ដោយ​មានទាំងអាជីពនិងប្រាក់។ មិន​ត្រឹម​តែ​អ្នក​នឹង​មាន​សុខភាព​ល្អ និង​សុភមង្គល​ប៉ុណ្ណោះ​ទេ ប៉ុន្តែ​អ្នក​ក៏​នឹង​មាន​ទ្រព្យ​សម្បត្តិ ភាព​ចម្រុង​ចម្រើន និង​ជីវិត​ដ៏​អស្ចារ្យ​ផង​ដែរ។​ ដោយមិនគិតពីដើមកំណើត និងប្រវត្តិ​គ្រួសារ ពួកគេ​សុទ្ធតែជាមនុស្សដែលអាចទទួលបានការពេញចិត្តពីព្រះនៃ​ទ្រព្យសម្បត្តិ។ ពួកគេ​តែងតែ​អាចទទួលបាន​ធនធានហិរញ្ញវត្ថុ​ដ៏សម្បូរបែប​តាមរយៈការខិតខំ​ប្រឹងប្រែងរបស់ពួកគេ​ផ្ទាល់។

ម៉ោងសត្វ​ជ្រូក ៩ ដល់ ១១យប់

អ្នក​កើតម៉ោងនេះនឹង​ប្រមូល​បាន​របស់​ល្អៗ​ជា​ច្រើន​ពេញ​មួយ​ជីវិត។ រស់នៅក្នុងជីវិតដែល​គ្មាន​កង្វល់ ក្រោមការការពារពីតារាសំណាងជាច្រើន។ ជោគវាសនារបស់​ពួកគេ​ត្រូវបាន​ផ្សារភ្ជាប់​ជាមួយនឹងព្រះនៃសំណាង។ ជាពិសេសពេលអ្នក​កាន់​តែ​ចាស់ ​នឹង​មាន​ទ្រព្យ​ច្រើន ហើយ​សំណាង​នឹង​មក​ជា​បន្តបន្ទាប់មិនខាន។

តាម​ទំនាយ​កំណើត អ្នក​កើត​ក្នុង​ម៉ោង​ជ្រូក មិន​ថា​ប្រុស​ឬ​ស្រី​ទេ សុទ្ធតែ​មាន​លាភ​សំណាង​ច្រើន​។ បើជា​ស្ត្រី ពួកគេមានរូបរាងឆើតឆាយ បើជាបុរសវិញ មានភាពជាបុរសខ្លាំង មាននិស្ស័យ​គួរឲ្យ​ទាក់ទាញ ធ្វើឲ្យ​អ្នកដទៃគោរពស្រលាញ់ពួកគេ។ ជាងនេះទៅ​ទៀត ប្រសិនបើគេមាន​ជំនួយ​ពីមនុស្សមាន​ឋានៈ ពួកគេ​នឹងរីកចម្រើនលឿនលើវិថីឆ្ពោះទៅរកភាពជោគជ័យ ទ្រព្យសម្បត្តិ និង​វិបុលភាព​ពេញ​មួយ​ជីវិត។

ម៉ោងសត្វពស់ ៩ ដល់១១ ព្រឹក

មនុស្សដែលកើតនៅ​ម៉ោងពស់​គឺពោរពេញដោយថាមពលនិងភាពរីករាយ។ ពួកគេ​ច្រើន​តែ​លូតលាស់​ខ្លាំង​ដូចជា​ដើមឈើ សកម្ម និងសាទរ មានសុទិដ្ឋិនិយម និងរីករាយ។ ដោយសារ​អាកប្បកិរិយាល្អ និង​បុគ្គលិកលក្ខណៈ​រួសរាយរាក់ទាក់ ពួកគេត្រូវបានព្រះពេញចិត្តពេញមួយ​ជីវិត ហើយអាចទទួលបានជោគជ័យយ៉ាងងាយស្រួលក្នុងអ្វីដែល​ធ្វើ​កន្លងមក។ បើនិយាយពីអាជីពវិញ នឹងទទួលបានការជួយ​ជ្រោមជ្រែង​ពីមនុស្ស​ខ្ពង់ខ្ពស់ ហើយជោគវាសនារបស់ពួកគេនឹង​ប្រសើរឡើងថែមទៀត។

មនុស្សទាំងនេះអាចនិយាយបានថាមានសំណាងជាងគេ។ ពួកគេឆ្លាតវៃ និងសម្រេចចិត្ត ហើយជាអ្នកដឹកនាំដែលមានទេពកោសល្យ។ កាលណា​ពួកគេ​ធ្វើការ​កាន់តែ​លំបាក​ក្នុង​អាជីព​ នោះ​នឹង​ទទួលបាន​លទ្ធផល​កាន់តែច្រើន​។ អាច​និយាយ​បាន​ថា​ក្រោយ​អាយុ​៣០​ឆ្នាំ ជីវិត​របស់​ពួក​គេ​ពិត​ជា​ប្រសើរ​ឡើង។

ម៉ោងនាគ ៧ដល់៩ ព្រឹក

មនុស្សដែលកើតក្នុងម៉ោងនាគ មានសំណាងពីធម្មជាតិ។ ពួកគេមានទេពកោសល្យ និងមាន​បញ្ញាដ៏​អស្ចារ្យ។ ពួកគេជាប្រភេទមនុស្សដែលត្រូវបានមនុស្សជាច្រើន​ចោមរោម​ស្រលាញ់​រាប់អាន។ ក្រុម​មនុស្សដែលកើតកំឡុង​ម៉ោងនេះ​ផងដែរ​ពួកគេមានមន្តស្នេហ៍ផ្ទាល់ខ្លួន ដែល​អាច​សម្រេច​បាននូវស្នាដៃឆ្នើម មានភាពវៃឆ្លាតពូកែ មានការរំពឹងទុកខ្ពស់ពីមនុស្សចាស់ ហើយ​នឹង​កាន់​តែ​រីកចម្រើន​ទៅ​ថ្ងៃ​អនាគត។ អ្នកដែលកើតក្នុងម៉ោងនាគ គឺ​កើតមកមានជោគវាសនាល្អ មានលាភ មាន​អំណាច​ពេញ​មួយជីវិត ហើយ​អាច​សម្រេចបាននូវសមិទ្ធិផលមិនធម្មតានោះបាន៕

គ្រូ ណុប

ចុចអាន៖ក្នុងនាមជាពុទ្ធសាសនិក គួរដឹងឲ្យច្រើនពីព្រះពុទ្ធសាសនា

The post អ្នកកើតនៅចន្លោះម៉ោងប៉ុន្មាននេះ ជោគវាសនាច្រើនភ្ជាប់ជាមួយទេវតាទ្រព្យ appeared first on Kampuchea Thmey Daily.