លោកយាយ Baba Vanga ទាយត្រូវមួយរឿងទៀតហើយ សម្រាប់ឆ្នាំនេះ

បន្ទាប់ពីប្រទេសជប៉ុនជួបគ្រោះរញ្ជួយដី ពិតដូចទំនាយរបស់លោកយាយ Baba Vanga មែននោះ ពេលនេះគេដឹងថា ទំនាយរបស់លោកយាយពិការភ្នែកសញ្ជាតិប៊ុលហ្គារី សម្រាប់ឆ្នាំ២០២៤ បានក្លាយជាការពិតមួយទៀតហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នោះគឺជាទំនាយអំពីដំណោះស្រាយចំពោះជំងឺមហារីក ពោលគឺកាលពីពេលថ្មីៗ ប្រទេសឥណ្ឌា បានប្រកាសពីភាគជោគជ័យផលិតបានថ្នាំព្យាបាលជំងឺមហារីកក្នុងតម្លៃថោក មួយគ្រាប់ត្រឹម១ដុល្លារប៉ុណ្ណោះ ហើយថ្នាំនេះទៀតសោត នឹងដាក់លក់លើទីផ្សារក្នុងរង្វង់ខែកក្កដា ឬមិថុនាខាងមុខ ប្រសិនបើទទួលបានការអនុញ្ញាតពេញសិទ្ធិ។

វិទ្យាស្ថាន TATA នៅទីក្រុង បុមបៃ បានខិតខំស្រាវជ្រាវអស់រយៈពេលមួយទសវត្សរ៍ ទើបផលិតបានថ្នាំគ្រាប់ឈ្មោះ R+Cu បាន។ ថ្នាំនេះ មានផ្ទុកសារធាតុប្រឆាំងអុកស៊ីតកម្មដូចជា រ៉េសវេរ៉ាត្រុលនិងទង់ដែង ដែលអាចបង្កើត “រ៉ាឌីកាល់អុកស៊ីសែន” ប្រឆាំងមហារីក។

លើសពីនេះ ថ្នាំ R+Cu មានសមត្ថភាពការពារកោសិកាងាប់ក្នុងខ្លួនមនុស្ស មិនឲ្យប្រែក្លាយមនុស្សមានសុខភាពល្អ ទៅជាអ្នកកើតមហារីក ហើយរារាំងចលនានៃកោសិកាមហារីក មិនឲ្យរាលដាលពីផ្នែកមួយទៅផ្នែកមួយទៀតនៃរាងកាយ ដែលគេស្គាល់ថា “Metastasis”។

ក្រុមអ្នកស្រាវជ្រាវបញ្ជាក់ថា ថ្នាំនេះអាចមានប្រសិទ្ធភាពក្នុងការព្យាបាលមហារីកលំពែង សួត និងមាត់ ហើយវាកំពុងរង់ចាំការយល់ព្រមពីអាជ្ញាធរសុវត្ថិភាពចំណីអាហារ និងស្តង់ដារឥណ្ឌា (FSSAI) មុនដាក់លក់លើទីផ្សារ។

សូមបញ្ជាក់ជាថ្មី លោកយាយ Baba Vanga បានបន្សល់ទុកទំនាយចំនួន៦ចំណុច សម្រាប់ឆ្នាំ២០២៤នេះ ដូចជាការអភិវឌ្ឍកំព្យូទ័រកង់ទិច វិបត្តិសេដ្ឋកិច្ច លោកដូណាល់ត្រាំឆ្លងជំងឺអាថ៌កំបាំង ដំណោះស្រាយចំពោះជំងឺមហារីក គ្រោះធម្មជាតិនៅតំបន់ប៉ាស៊ីហ្វិក និងយុគសម័យប្រេងឈានដល់ទីបញ្ចប់។

លោកយាយដែលមានឈ្មោះពិត Vangelia Gushterova បានបង្កភាពល្បីល្បាញដោយទាយត្រូវក្នុងអត្រាជាង៨០% ជាពិសេសគាត់ទាយឆុតអំពីការវាយប្រហារភេរវកម្មថ្ងៃ១១ខែកញ្ញានៅសហរដ្ឋអាមេរិក, ការចាកចេញរបស់អង់គ្លេសពីសហភាពអឺរ៉ុប, ការសោយទិវង្គតរបស់ម្ចាស់ក្សត្រី Diana និងតំណែងជាប្រធានាធិបតីរបស់លោក Barack Obama៕

អត្ថបទ៖ សុខ សុវណ្ណ

ចុចអាន៖ ទំនាយលោកយាយ Baba Vanga ជិតក្លាយជាការពិតមួយទៀតហើយ