ទំនាយឆ្នាំ២០២៤ របស់លោកយាយ Baba Vanga ក្លាយជាការពិត មួយហើយ

មនុស្សជាច្រើនប្រហែលស្គាល់ឈ្មោះ Baba Vanga ហើយ ដោយលោកយាយពិការភ្នែករូបនេះគឺជាគ្រូទាយដ៏ល្បីល្បាញម្នាក់ ដែលទំនាយរបស់គាត់មានអត្រាត្រឹមត្រូវរហូតដល់ទៅជាង៨០%ឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកយាយសញ្ជាតិប៊ុលហ្គារីរូបនេះ បានទាយត្រូវអំពីការវាយប្រហារភេរវកម្មថ្ងៃ១១ខែកញ្ញានៅសហរដ្ឋអាមេរិក, ការចាកចេញរបស់អង់គ្លេសពីសហភាពអឺរ៉ុប, ការសោយទិវង្គតរបស់ម្ចាស់ក្សត្រី Diana និងតំណែងជាប្រធានាធិបតីរបស់លោក Barack Obama ព្រមទាំងព្រឹត្តិការណ៍មួយចំនួនទៀត ហើយសម្រាប់ឆ្នាំ២០២៤នេះ លោកយាយ បានទាយទុកអំពីរឿងហេតុចំនួន៦ដែលមានដូចជាការអភិវឌ្ឍកំព្យូទ័រកង់ទិច វិបត្តិសេដ្ឋកិច្ច លោកដូណាល់ត្រាំឆ្លងជំងឺអាថ៌កំបាំង ដំណោះស្រាយចំពោះជំងឺមហារីក គ្រោះធម្មជាតិ និងយុគសម័យប្រេងឈានដល់ទីបញ្ចប់។

ត្បិតឆ្នាំ២០២៤ ទើបតែឈានចូលបានប៉ុន្មានថ្ងៃក៏ពិតមែន ប៉ុន្តែព្រឹត្តិការណ៍មួយបានកើតឡើងដូចទំនាយរបស់គាត់គ្មានខុស។ 

ក្នុងទំនាយនោះ លោកយាយទាយថា ឆ្នាំ២០២៤ នឹងនាំមកនូវគ្រោះ​មហន្តរាយ​ធម្មជាតិ​ជាបន្តបន្ទាប់ ភាគច្រើនទាក់ទងនឹងការឡើងកម្តៅ​ផែនដី ហើយគ្រោះ​មហន្តរាយ​ដូចជាទឹ​កជំនន់ រញ្ជួយដី និងអគ្គិភ័យ នឹងកើតឡើងកាន់តែញឹកញាប់ក្នុងឆ្នាំនេះ ដែល​​បណ្ដាល​ឲ្យ​បាត់បង់ជីវិតមនុស្ស និងទ្រព្យសម្បត្តិយ៉ាងច្រើន ជាពិសេស លោកយាយ បានគូសបញ្ជាក់ពីការរញ្ជួយដីដ៏ធំ ក្នុង​តំបន់ប៉ាស៊ីហ្វិក។

ជាក់ស្តែង គ្រាន់តែថ្ងៃដំបូងនៃឆ្នាំ២០២៤ គ្រោះរញ្ជួយដីកម្រិតធ្ងន់ ៧.៦រ៉ិចទ័របានវាយប្រហារប្រទេសជប៉ុនតែម្តង ដោយសម្លាប់មនុស្សជិត១០០នាក់។

ទោះបីជាយ៉ាងណាក៏ដោយ គេនៅតែចាំមើលថាតើ ទំនាយរបស់លោកយាយសម្រាប់ឆ្នាំ២០២៤នេះណាខ្លះទៀត ដែលអាចក្លាយជាការពិត។

សូមបញ្ជាក់ថា លោកយាយ Baba Vanga មានឈ្មោះពិត Vangelia Gushterova ត្រូវពិការភ្នែកនៅអាយុ១២ឆ្នាំ ហើយពេលនោះ គាត់អះអាងថា គាត់បានទទួលអំណោយដ៏កម្រពីព្រះ ដោយអាចមើលឃើញអនាគត៕

អត្ថបទ៖ Vann Vann

ចុចអាន៖ ព្យុះព្រះអាទិត្យដែលវាយប្រហារភពផែនដី កើតឡើងពិត ដូចទំនាយលោកយាយ Baba Vanga