រដ្ឋ​មន្ត្រីក្រសួងមហាផ្ទៃ លោក Laurent Nunez បាន​​ឲ្យ​ដឹង​​ថា ​​ក្នុងចំណោម​អ្នកស្លាប់​ទាំង​នោះ ​រួមមាន​គ្រូបង្វឹកលោតឆ័ត្រយោង​ចំនួន ៥នាក់ អ្នកលោតឆ័ត្រយោង​ថ្មី​ថ្មោង ៥នាក់ និង​អ្នកបើកយន្ត​ហោះ។

លោក Nunez បន្ថែម​ថា៖ « ក្រុមគ្រួសារជនរងគ្រោះ​មួយចំនួ​ន​បាន​ឃើញយន្តហោះ​ធ្លាក់ដោយ​ផ្ទាល់ភ្នែក។ ដូច្នេះ​អារម្មណ៍​អាច​តក់​ស្លុត​ និង​របួសផ្លូវចិត្ត​ធ្ងន់​ធ្ងរ​»។

លោកបដិសេធ​ មិនធ្វើការ​ប៉ាន់​ស្មាន​ពី​ហេតុ​ការណ៍​ដែល​បណ្តាល​ឱ្យ​មាន​ការធ្លាក់យន្តហោះនោះ​ទេ ប៉ុន្តែថាយន្តហោះនោះ​បានធ្លាក់​ពី​លើ​មេឃភ្លាមៗ​។

លោក​បន្ថែម​ថា​៖ « វាទើបតែហោះ​ឡើង​ពីអាកាសយាន​ដ្ឋាន Nancy-Essey ជាយក្រុង Nancy ពេលវាបាន​ធ្លាក់​មក​ចម្ងាយ​ប្រហែល ៣០០ម៉ែត្រពីផ្លូវរត់។

ដោយ​ឡែក រដ្ឋ​មន្ត្រី​ក្រសួង​ដឹកជញ្ជូនបារាំង​​ ​លោក Philippe Tabarot បាន​និយាយ​ថា វា​ជា​គ្រោះថ្នាក់អាកាសចរណ៍​ដ៏ធំបំផុតរបស់ប្រទេស​បារាំង ដែល​ពាក់ព័ន្ធ​នឹងការលោតឆ័ត្រយោង​ក្នុងរយៈពេលប្រហែល ៣០ឆ្នាំ។

ចំណែក លោក Yves Séguy អភិបាល​ខេត្ត Meurthe-et-Moselle លើក​ឡើង​ថា៖ « យន្តហោះនេះ​បានជួបប្រទះបញ្ហា​ដំណើរការ​ខុសប្រក្រតី ហើយ​ធ្លាក់ ​ស្ទើរតែដល់​តំបន់​​មនុស្ស​រស់នៅ​។ ប្រសិន​បើ​វាកើត​ឡើងនៅ​ចម្ងាយត្រឹមតែពីរបីម៉ែត្រពី​ផ្ទះ​ដែល​មាន​មនុស្ស​រស់នៅ​ គ្រោះ​ថ្នាក់​នេះ​អាច​បណ្តាល​ឱ្យមានអ្នក​ស្លាប់និងរបួស​ផ្សេង​ទៀត​»។

គួរ​បញ្ជាក់​ថា យន្ត​ហោះ​បានផ្អៀងទៅខាងឆ្វេង​បន្ទាប់ពីហោះ​ឡើង ​ហើយ​ធ្លាក់ក្នុងរយៈពេល​មិនដល់មួយនាទី​ក្រោយ​មក​ នៅជិត​ផ្ទះ​អ្នក​ស្រុក​។ នេះបើ​យោងតាមសេវា​តាមដានជើងហោះ​ហើរ Flightradar24​ ។

ទីតាំង​តាមដានជើងហោះហើរបាន​កំណត់អត្តសញ្ញាណយន្តហោះ​នោះ​ថាជាយន្ត​ហោះ Pilatus PC-6 ម៉ាស៊ីនតែមួយ ជាយន្តហោះដឹក​ជញ្ជូនទំនិញ អ្នកដំណើរ និងអ្នកលោតឆ័ត្រយោង​៕

សម្រួល៖ ណឺ មិនា

The post យន្តហោះ​បង្វឹក​​លោតឆ័ត្រយោង​​ធ្លាក់​​នៅ​បារាំង សម្លាប់​មនុស្ស​១១​នាក់ រួម​ទាំង​គ្រូបង្វឹក​៥នាក់ មិន​ធ្លាប់​មាន​ជាង​៣០​ឆ្នាំ​​ appeared first on Kampuchea Thmey Daily.

តាមការផ្សាយរបស់ BBC, យន្តហោះនេះធ្លាក់ នៅម៉ោង ១១:២០នាទី ព្រឹក ថ្ងៃចន្ទ ទី១៥ ខែមិថុនា ឆ្នាំ២០២៦ (ពេលវេលានៅអាមេរិក) ក្រោយពេលហោះឡើងមិនបានប៉ុន្មានផង។ 

ការិយាល័យកិច្ចការសាធារណៈ នៃកងពលតូចសាកល្បងលេខ ៤១២ បានឲ្យដឹងថា យន្តហោះនេះ មានផ្ទុកមនុស្សចំនួន ៨ នាក់ ខណៈសញ្ញាបង្ហាញថា គ្មានអ្នករស់រានមានជីវិត ឡើយ។

យន្តហោះ ធ្លាក់អំឡុងការហោះហើរហ្វឹកហាត់ ខណៈមូលហេតុ មិនទាន់ត្រូវបានគេដឹងនៅឡើយទេ ពោលគឺកំពុងស្ថិតក្នុងការស៊ើបអង្កេត។

Boeing B-52 Stratofortress គឺជាយន្តហោះទម្លាក់គ្រាប់បែកធុនធ្ងន់ រយៈចម្ងាយឆ្ងាយ ដែលអាចផ្ទុកអាវុធនុយក្លេអ៊ែរបាន។ វាដើរតួជាគ្រឹះដ៏សំខាន់ នៃកម្លាំងទប់ទល់នុយក្លេអ៊ែរជាយុទ្ធសាស្ត្ររបស់សហរដ្ឋអាមេរិក ចាប់តាំងពីឆ្នាំ១៩៥៥ មក។

B-52 នេះ បំពេញមុខងារជាយន្តហោះដែលមានសមត្ថភាពទ្វេដង ដោយរក្សាបាននូវលទ្ធភាពក្នុងការបាញ់ទាំងគ្រាប់ធម្មតា និងអាវុធនុយក្លេអ៊ែរបាញ់ពីចម្ងាយ។

វាអាចផ្ទុកអាវុធចម្រុះ បានរហូតដល់ ៣១ ៥០០គីឡូក្រាម រួមមាន គ្រាប់បែក មីន និងមីស៊ីលគ្រូស។ B-52 ត្រូវបានអនុញ្ញាត ឲ្យប្រើប្រាស់មីស៊ីលគ្រូស បាញ់ពីលើអាកាស ប្រភេទ AGM-86B (ALCM)។ គេក៏គ្រោង ដាក់ឲ្យវាផ្ទុកមីស៊ីលបំបាំងកាយរយៈចម្ងាយឆ្ងាយ ប្រភេទ AGM-181A (LRSO) ដែលកំពុងស្ថិតក្នុងការអភិវឌ្ឍនាពេលបច្ចុប្បន្ន ផងដែរ។

B-52 មានសមត្ថភាពហោះហើរប្រយុទ្ធ បានចម្ងាយប្រហែល ១៤ ១៦២ គីឡូម៉ែត្រ ដោយមិនបាច់ចាក់ប្រេងបន្ថែម ដែលចម្ងាយនេះ នឹងក្លាយជាគ្មានដែនកំណត់ ប្រសិនបើប្រើប្រាស់ សមត្ថភាពចាក់ប្រេងនៅលើអាកាស៕

អត្ថបទ៖ សុខ សុវណ្ណ

The post យន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់ appeared first on Kampuchea Thmey Daily.

យោង​តាម​ភ្នាក់​ងារ​សារព័ត៌មាន AP ផ្សាយ​ថ្ងៃ​ទី​១៥ ខែ​មិថុនា ឆ្នាំ​២០២៦ ការ​ធ្លាក់យន្តហោះនេះ​បានកើតឡើង​ភ្លាមៗ​ បន្ទាប់​ពីយន្តហោះ​​​​នោះ​ ហោះ​​​​ពី​អាកាសយានដ្ឋាន​ក្នុង​ស្រុកមួយ​ នៅម៉ោងប្រហែល ១១:៣០​ព្រឹក។​ នេះ​បើតាម​សម្តី​របស់ លោក Chad Anderson អធិការ​ស្រុក Bates​ ។

លោក Anderson និយាយថា ក្រុម​ការងារ​ និង​អ្នកស្ម័គ្រចិត្តបាន​ទៅ​កន្លែង​កើតហេតុ​ ជួយ​សាច់ញាតិ ហើយ​មន្ត្រីកំពុងធ្វើការ​នៅរសៀលថ្ងៃអាទិត្យ ដើម្បីកំណត់​អត្តសញ្ញាណជនរង​គ្រោះទាំងអស់ និងជូនដំណឹងដល់សាច់ញាតិជិតស្និទ្ធ​របស់ពួកគេ​។

ដោយ​ឡែក លោក Dennis Jacobs អ្នក​គ្រប់គ្រង​អាកាសយាន​ដ្ឋាន​ស្តីទី និងជានាយកទីភ្នាក់ងារគ្រប់គ្រង​គ្រោះមហន្តរាយ​​នៅ​ស្រុក​ Bates និយាយថា យន្តហោះ​ឯកជននេះ​ត្រូវ​បានដំណើរការ​ដោយក្រុម​ហ៊ុន Skydive Kansas City​ ។ វា​ត្រូវបាន​កំណត់ថា​ជាយន្តហោះម៉ាស៊ីន​តែមួយ។

លោក Jacobs និយាយថា៖ « វាទើបតែ​ហោះឡើង ហើយ​បត់ឆ្វេងមុនពេល​ធ្លាក់។ តាមគំនិតរបស់​ខ្ញុំ ខ្ញុំគិតថាវាកំពុង​បាត់បង់​ថាមពល កំពុងព្យាយាម​ហោះឡើង​ទៅកាន់ផ្លូវ​ហាយវេ បន្ទាប់​មក​ក៏​​ចុះចត ​ហើយជាប់គាំង បន្ទាប់​មក​ទៀតវា​ធ្លាក់ ហើយឆេះ»។

លោក Jacobs និយាយថា៖ « ក្រុម​អ្នកឆ្លើយតប​បន្ទាន់​បានពន្លត់ភ្លើង​ នៅក្នុងគំនរបាក់​បែកភ្លាមៗ​ បន្ទាប់ពីការធ្លាក់យន្ត​ហោះដ៏​ឃោរឃៅ​។ ក្រុមអ្នកឆ្លើយតប​ដំបូង​ក៏បានពិនិត្យ​មើលតំបន់ក្រោម​ផ្លូវហោះហើរ ​ហើយមិនបានរកឃើញ​នរណាម្នាក់បាន​ព្យាយាម​លោតចេញ​មុន​ពេលយន្តហោះធ្លាក់ចុះនោះទេ​»។

គួរ​បញ្ជាក់​ថា យន្ត​ហោះ Pacific Aerospace 750XL ដែល​បានធ្លាក់​គឺជាម៉ូដែល​មួយ​​ មានប្រជាប្រិយភាពសម្រាប់ការលោតឆ័ត្រ​យោង ហើយ​ក៏មាន​ប្រយោជន៍​សម្រាប់ដឹកជញ្ជូន​ទំនិញ និងការ​ហោះហើរជម្លៀសអ្នកជំងឺផងដែរ​។

យោងតាមក្រុមហ៊ុន​ផលិត យន្តហោះនេះអាច​ផ្ទុកទម្ងន់បានជាង ១ ៨០០គីឡូក្រាម មានសមត្ថភាព​ហោះឡើង និងចុះចតនៅ​លើផ្លូវ​រត់​ខ្លីៗ​៕

សម្រួល៖ ណឺ មិនា

The post ធ្លាក់​យន្តហោះ​ឯក​ជន​មួយ​នៅ​អាមេរិក​ បណ្តាល​ឱ្យមនុស្ស​ក្នុង​យន្តហោះ​ ​ស្លាប់​ទាំង​អស់​ appeared first on Kampuchea Thmey Daily.

កាលពីថ្ងៃសុក្រទី៣ខែមេសាឆ្នាំ២០២៦ កងឆ្មាំបដិវត្តន៍ បានបញ្ជាក់ពីការបាញ់ទម្លាក់យន្តហោះនេះ នៅកណ្តាលប្រទេសអ៊ីរ៉ង់ ខណៈព័ត៌មានខាងអាមេរិកទម្លាយថា ក្នុងយន្តហោះនោះមានទាហាន២នាក់ ម្នាក់ជាអ្នកបើក និងម្នាក់ទៀតជាអ្នកជំនាញបាញ់អាវុធ។

យ៉ាងណា ក្នុងនោះ អ្នកបើកយន្តហោះត្រូវបានអាមេរិករកឃើញនិងសង្គ្រោះបានហើយ នៅឡើយតែអ្នកជំនាញបាញ់អាវុធប៉ុណ្ណោះ ដែលមិនទាន់ដឹងដំណឹង។

ឥឡូវ បើតាមការផ្សាយរបស់ Roya News, អ៊ីរ៉ង់ប្រកាសថា បើនរណាចាប់បានរូបគេទាំងរស់ នឹងទទួលបានប្រាក់រង្វាន់រហូតដល់ទៅ១០ពាន់លានតូម៉ាន់។

យន្តហោះចម្បាំង F-15E Strike Eagle ផលិតដោយក្រុមហ៊ុន Boeing មានតម្លៃប្រហែល ១០០ លានដុល្លារ ក្នុងមួយគ្រឿង ហើយត្រូវបានរចនាឡើងសម្រាប់បេសកកម្មវាយប្រហារទាំងតាមអាកាស និងលើដី។

វាអាចហោះហើរក្នុងកម្ពស់ទាប និងបំពាក់ដោយប្រព័ន្ធរ៉ាដាដែលអាចចាប់សញ្ញាគោលដៅលើដីពីចម្ងាយបានយ៉ាងល្អ។

ប្រធានាធិបតីអាមេរិក ដូណាល់ ត្រាំ ក៏ទទួលស្គាល់ជាផ្លូវការដែរថា យន្តហោះចម្បាំងនេះពិតជាធ្លាក់មែន ប៉ុន្តែបញ្ជាក់ទៀតថា ការបាញ់ធ្លាក់នេះ នឹងមិនប៉ះពាល់ដល់ការចរចាឡើយ៕

អត្ថបទ៖ សុខ សុវណ្ណ

The post អ៊ីរ៉ង់ ប្រកាសផ្តល់ប្រាក់រង្វាន់ ៦០ ០០០ដុល្លារ ដល់នរណា ចាប់បានទាហានអាមេរិក ដែលនៅរស់ពីការធ្លាក់ F-15 appeared first on Kampuchea Thmey Daily.

តាមការផ្សាយរបស់ RT, យន្តហោះដឹកជញ្ជូនរបស់យោធាធុន An-26 បានធ្លាក់ចូលភ្នំ អំឡុងពេលហោះហើរលើឧបទ្វីបសមុទ្រខ្មៅ នាវេលាម៉ោង៦ល្ងាចថ្ងៃអង្គារទី៣១ខែមីនាឆ្នាំ២០២៦ បណ្តាលឲ្យស្លាប់មនុស្ស២៩នាក់។

ទីក្រុងមូស្គូ មិនបញ្ចេញព័ត៌មានឡើយថាតើយន្តហោះនេះ ហោះពីណាទៅណា ហើយក៏មិនដឹងច្បាស់អំពីមូលហេតុធ្លាក់ដែរ ប៉ុន្តែក្រសួងការពារជាតិរុស្ស៊ីបញ្ជាក់ថា វាមិនមែនធ្លាក់ដោយសារអ៊ុយក្រែនបាញ់ទេ។

យ៉ាងណា សារព័ត៌មាន RIA Novosti រាយការណ៍ថា បើយោងតាមទិន្នន័យបឋម យន្តហោះនេះគឺធ្លាក់ ដោយសារបញ្ហាបច្ចេកទេស។

សូមជម្រាបថា  An-26 គឺជាយន្តហោះដឹកជញ្ជូនយោធាធុនមធ្យម ដែលមានម៉ាស៊ីនស្លាបចក្រពីរ (Turboprop) រចនានិងផលិតដោយក្រុមហ៊ុន Antonov នៃអតីតសហភាពសូវៀត។

វាអាចដឹកទាហានបាន ៤០ នាក់ ឬទាហានឆត្រយោង ៣០ នាក់ ឬទំនិញទម្ងន់រហូតដល់ ៥ ៥០០ គីឡូក្រាម។ ជាមួយល្បឿនប្រហែល ៤៤០ គីឡូម៉ែត្រក្នុងមួយម៉ោង, An-26 អាចហោះបានចម្ងាយប្រហែល ១ ១០០ គីឡូម៉ែត្រ នៅពេលផ្ទុកពេញ៕

អត្ថបទ៖ សុខ សុវណ្ណ

The post ធ្លាក់យន្តហោះនៅរុស្ស៊ី ស្លាប់មនុស្ស២៩នាក់ appeared first on Kampuchea Thmey Daily.

ប្រធានកងកម្លាំងប្រដាប់អាវុធ​ប្រទេសកូឡុំប៊ី លោក Hugo Alejandro Lopez បានសរសេរនៅលើបណ្ដាញសង្គម X ថា យន្តហោះដឹកជញ្ជូនប្រភេទ​​ Hercules C-130 ដែលផលិតដោយក្រុមហ៊ុន Lockheed Martin (LMT.N)​របស់​សហរដ្ឋអាមេរិក​ ដឹកមនុស្សចំនួន ១២៨ នាក់ រួមទាំងសមាជិកកងទ័ពអាកាសចំនួន ១១នាក់ បុគ្គលិកយោធាចំនួន ១១៥ នាក់ និងមន្ត្រីប៉ូលិសជាតិចំនួន ២នាក់។

លោកបាន បញ្ចាក់ទៀតថា គ្រោះថ្នាក់នេះបានកើតឡើងនៅពេលដែលយន្តហោះកំពុងហោះឡើងពីតំបន់ Puerto Leguizamo នៅជាប់ព្រំដែនជាមួយប្រទេសប៉េរូ ដោយបានធ្លាក់នៅចម្ងាយប្រហែល ១,៥ គីឡូម៉ែត្រពីចំណុចហោះឡើង។ បន្ទាប់ពីការប៉ះទង្គិចគ្នាដោយ​អាវុធ​​ភ្លាមៗ នៅ​ផ្នែ​ក​ខាង​លើយន្តហោះកើតហេតុមានសភាពធ្ងន់ធ្ងរ​​ភ្លាម​ៗ​។

ទោះជាយ៉ាងណា មិនមានសញ្ញាណាមួយដែលបង្ហាញថា ការធ្លាក់យន្តហោះនេះទាក់ទងនឹងក្រុមប្រដាប់អាវុធខុសច្បាប់នោះទេ។ យន្តហោះនេះមានសិទ្ធិធ្វើប្រតិបត្តិការ ហើយក្រុមនាវិកបានបំពេញតាមស្តង់ដារទាំងអស់មុនពេលហោះឡើង។ ចំពោះ មូលហេតុនៃគ្រោះថ្នាក់នេះអាជ្ញាធរមូលដ្ឋានបានព្រមានថា ចំនួនអ្នកស្លាប់អាចបន្តកើនឡើង ខណៈដែលការស្វែងរក និងផ្ទៀងផ្ទាត់ដើម្បីស៊ើបអង្កេតនៅតែបន្ត៕

អត្ថបទ៖ សាង ស្រីល័ក្ខ

The post ​ការ​ប្រយុទ្ធគ្នា​នៅ​កូឡុំប៊ី អាច​ជាមូលហេតុ​ធ្វើឲ្យ​ធ្លាក់​យន្តហោះយោធា ស្លាប់មនុស្ស​​៦៦ នាក់ និង បាត់ខ្លួន៤ នាក់ appeared first on Kampuchea Thmey Daily.

តាមការផ្សាយរបស់ CNN, យន្តហោះនេះជាប្រភេទ C-130 Hercules មានដឹកអ្នកដំណើរ១១៤នាក់និងបុគ្គលិកអាកាសយានិក១១នាក់។ ក្នុងចំណោមអ្នកដំណើរទាំង១១៤នាក់ គឺមាន២នាក់ជាមន្ត្រីប៉ូលិស ខណៈ១១២នាក់ជាយោធា។

យន្តហោះបានធ្លាក់កាលពីថ្ងៃចន្ទទី២៣ខែមីនាឆ្នាំ២០២៦ ក្នុងខេត្ត Putumayo ភាគខាងត្បូងដែលមានព្រំប្រទល់ជាប់ប្រទេសប៉េរូ ប៉ុន្តែមូលហេតុនៅមិនទាន់ត្រូវបានគេដឹងនៅឡើយទេ។

តាមការអះអាងពីអភិបាលខេត្ត Putumayo លោក Jhon Gabriel Molina, យន្តហោះនេះធ្លាក់ក្រោយធ្វើដំណើរមិនបាន៣គីឡូម៉ែត្រផង។

ទោះបីជាយ៉ាងណា រដ្ឋមន្ត្រីការពារជាតិកូឡុំប៊ី Pedro Sánchez បានអះអាងថា មិនមានការវាយប្រហារដោយក្រុមសកម្មប្រយុទ្ធណាមួយទ។

C-130H Hercules គឺជាម៉ូដែលចាស់នៅក្នុងសែស្រឡាយយន្តហោះ C-130 ដែលដាក់ឲ្យប្រើប្រាស់ជាលើកដំបូងក្នុងខែមីនាឆ្នាំ១៩៦៥។ នេះបើយោងតាមក្រុមហ៊ុនផលិត Lockheed Martin។

យន្តហោះនេះ ត្រូវបានកងទ័ពអាកាសសហរដ្ឋអាមេរិក ផ្តល់ជាអំណោយដល់កងទ័ពអាកាសកូឡុំប៊ី កាលពីខែកញ្ញាឆ្នាំ២០២០ ហើយវាត្រូវបានប្រើប្រាស់ជាមួយសមត្ថភាពអាចប្រតិបត្តិការបានក្នុងតំបន់ដាច់ស្រយាល និងក្នុងលក្ខខណ្ឌអាកាសធាតុដ៏អាក្រក់បំផុត៕

អត្ថបទ៖ សុខ សុវណ្ណ

The post យន្តហោះផ្ទុកមនុស្ស១២៥នាក់ ធ្លាក់នៅកូឡុំប៊ី, ស្លាប់៨នាក់ របួស៨៣នាក់ appeared first on Kampuchea Thmey Daily.

តាមការផ្សាយរបស់ BBC, ហេតុការណ៍នេះកើតឡើងនាវេលាម៉ោង០៦:១៥នាទី ល្ងាចថ្ងៃសុក្រ (ពេលវេលនៅបូលីវី) ក្នុងទីក្រុង El Alto ភាគខាងលិច។

តាមការឲ្យដឹងពីមន្ត្រី, យន្តហោះនេះជាយន្តហោះដឹកទំនិញ C-130 Hercules របស់កងទ័ពអាកាសបូលីវី ហោះចេញពីទីក្រុង Santa Cruz ហើយបានធ្លាក់ផ្លូវពេលចុះចតនៅអាកាសយានដ្ឋាន El Alto បណ្តាលឲ្យរេចូលទៅផ្លូវហាយវ៉េ បុកជាមួយរថយន្ត-ម៉ូតូ ដែលកំពុងធ្វើដំណើរនៅលើផ្លូវដ៏មមាញឹក។

យ៉ាងណា មិនមានការបញ្ជាក់ច្បាស់ឡើយថាតើក្នុងយន្តហោះនោះមានផ្ទុកមនុស្សប៉ុន្មាននាក់និងលុយប៉ុន្មាន ប៉ុន្តែភ្លាមៗបើគិតពីមនុស្សស្លាប់សរុបគឺមាន១៥នាក់ និងរបួស៣១នាក់ ហើយគេបារម្ភថា តួលេខមនុស្សស្លាប់អាចកើនឡើងទៀត។

ក៏មិនមានការទម្លាយព័ត៌មានច្បាស់ដែរ តើយន្តហោះនោះដឹកលុយប៉ុន្មាន គ្រាន់តែដឹងថា លុយទាំងអស់សុទ្ធសឹងជាលុយទើបបោះពុម្ភ ដឹកយកទៅកាន់ធនាគារកណ្តាលបូលីវី។

តាមរយៈវីដេអូដែលគេបង្ហោះលើបណ្តាញសង្គម គេបានឃើញមានជនឆ្លៀតឱកាសយ៉ាងច្រើន នាំគ្នាទៅរើសលុយនៅកន្លែងកើតហេតុ ប៉ុន្តែពួកគេមួយចំនួនត្រូវប៉ូលិសចាប់ខ្លួនបាន ខណៈខ្លះទៀតរត់គេចខ្លួន។

បូលីវី កំពុងបើកការស៊ើបអង្កេតរកមូលហេតុពិតនៃគ្រោះថ្នាក់នេះ ដ្បិតព័ត៌មានបឋមបង្ហាញថា យន្តហោះរត់ខុសផ្លូវដោយសារមានព្រឹលធ្លាក់៕

អត្ថបទ៖ សុខ សុវណ្ណ

The post យន្តហោះដឹកលុយ ជួបឧបទ្ទវហេតុ នៅបូលីវី ស្លាប់មនុស្ស១៥នាក់ និងខ្ទាតលុយចេញគរទឹកគរដី appeared first on Kampuchea Thmey Daily.