ព័ត៌មានអន្ដរជាតិ

ការប្រយុទ្ធគ្នានៅកូឡុំប៊ី អាចជាមូលហេតុធ្វើឲ្យធ្លាក់យន្តហោះយោធា ស្លាប់មនុស្ស៦៦ នាក់ និង បាត់ខ្លួន៤ នាក់

បានផុស

៤ ខែ មុន

នៅ

ថ្ងៃអង្គារ ២៤ មីនា ២០២៦

ដោយ

យន្តហោះដឹកជញ្ជូនយោធាកូឡុំប៊ីមួយគ្រឿងបានធ្លាក់ភ្លាមៗ បន្ទាប់ពីហោះឡើងកាលពីថ្ងៃចន្ទទី២៣មីនា ដោយបានសម្លាប់មនុស្ស ៦៦នាក់ ខណៈដែលក្រុមអ្នកជួយសង្គ្រោះបានដឹកអ្នកនៅរស់រានមានជីវិតរាប់សិបនាក់ទៅកាន់មន្ទីរពេទ្យក្បែរនោះ និងកំពុងស្វែងរកមនុស្ស៤នាក់ដែលនៅតែបាត់ខ្លួននៅឡើយ។ នេះបើយោងតាមទីភ្នាក់ងារព័ត៌មាន Reuters ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានកងកម្លាំងប្រដាប់អាវុធប្រទេសកូឡុំប៊ី លោក Hugo Alejandro Lopez បានសរសេរនៅលើបណ្ដាញសង្គម X ថា យន្តហោះដឹកជញ្ជូនប្រភេទ Hercules C-130 ដែលផលិតដោយក្រុមហ៊ុន Lockheed Martin (LMT.N)របស់សហរដ្ឋអាមេរិក ដឹកមនុស្សចំនួន ១២៨ នាក់ រួមទាំងសមាជិកកងទ័ពអាកាសចំនួន ១១នាក់ បុគ្គលិកយោធាចំនួន ១១៥ នាក់ និងមន្ត្រីប៉ូលិសជាតិចំនួន ២នាក់។

លោកបាន បញ្ចាក់ទៀតថា គ្រោះថ្នាក់នេះបានកើតឡើងនៅពេលដែលយន្តហោះកំពុងហោះឡើងពីតំបន់ Puerto Leguizamo នៅជាប់ព្រំដែនជាមួយប្រទេសប៉េរូ ដោយបានធ្លាក់នៅចម្ងាយប្រហែល ១,៥ គីឡូម៉ែត្រពីចំណុចហោះឡើង។ បន្ទាប់ពីការប៉ះទង្គិចគ្នាដោយអាវុធភ្លាមៗ នៅផ្នែកខាងលើយន្តហោះកើតហេតុមានសភាពធ្ងន់ធ្ងរភ្លាមៗ។

ទោះជាយ៉ាងណា មិនមានសញ្ញាណាមួយដែលបង្ហាញថា ការធ្លាក់យន្តហោះនេះទាក់ទងនឹងក្រុមប្រដាប់អាវុធខុសច្បាប់នោះទេ។ យន្តហោះនេះមានសិទ្ធិធ្វើប្រតិបត្តិការ ហើយក្រុមនាវិកបានបំពេញតាមស្តង់ដារទាំងអស់មុនពេលហោះឡើង។ ចំពោះ មូលហេតុនៃគ្រោះថ្នាក់នេះអាជ្ញាធរមូលដ្ឋានបានព្រមានថា ចំនួនអ្នកស្លាប់អាចបន្តកើនឡើង ខណៈដែលការស្វែងរក និងផ្ទៀងផ្ទាត់ដើម្បីស៊ើបអង្កេតនៅតែបន្ត៕

អត្ថបទ៖ សាង ស្រីល័ក្ខ