សន្ធិសញ្ញានេះ ត្រូវបានចុះហត្ថលេខាកាលពីរសៀលថ្ងៃទី២៣ ខែមករា ឆ្នាំ២០២៦ ដោយរដ្ឋមន្ត្រីក្រសួងយុត្តិធម៌ លោកឧបនាយករដ្ឋមន្ត្រី កើត រិទ្ធ និងលោក Michel Parys ឯកអគ្គរាជទូតបែលហ្ស៊ិកប្រចាំកម្ពុជា ដែលមាននិវេសនដ្ឋាននៅទីក្រុងបាងកក។

តាមការឱ្យដឹងដោយក្រសួងយុត្តិធម៌ សន្ធិសញ្ញាស្តីពីការផ្ទេរទណ្ឌិតនេះ គឺជាក្របខ័ណ្ឌច្បាប់ដ៏មានសារៈសំខាន់មួយក្នុងកិច្ចសហប្រតិបត្តិការផ្នែកច្បាប់ក្នុងវិស័យព្រហ្មទណ្ឌ ដែលអនុញ្ញាតឱ្យមានការផ្ទេរទណ្ឌិតរវាងប្រទេសទាំងពីរទៅអនុវត្តទោសនៅប្រទេសកំណើតរបស់ខ្លួន សំដៅជំរុញឱ្យមានការសម្រេចបាននូវយុត្តិធម៌ និងការធ្វើសមាហរណកម្មទណ្ឌិតចូលទៅក្នុងសង្គមរបស់ខ្លួនវិញ។

ក្នុងជំនួបដែលធ្វើឡើងមុនពិធីចុះហត្ថលេខា នៅទីស្ដីការក្រសួងយុត្តិធម៌ លោកឧបនាយករដ្ឋមន្ត្រី កើត រិទ្ធ និងលោកឯកអគ្គរាជទូតបែលហ្ស៊ិក ក៏បានពិភាក្សាការងារអំពីគោលបំណង និងសារៈសំខាន់នៃការពង្រឹង និងពង្រីកកិច្ចសហប្រតិបត្តិការផ្នែកច្បាប់រវាងប្រទេសទាំងពីរឱ្យកាន់តែរឹងមាំ និងមានភាពជិតស្និទ្ធបន្ថែមទៀត៕

The post កម្ពុជាចុះសន្ធិសញ្ញាជាមួយបែលហ្ស៊ិកក្នុងការដោះដូរទណ្ឌិតរវាងប្រទេសទាំងពីរ appeared first on Kampuchea Thmey Daily.

រដ្ឋមន្ត្រីការបរទេសបែលហ្ស៊ិកលោក Maxime Prevot បាននិយាយថា ការផ្លាស់ប្តូរនេះត្រូវបានជំរុញដោយវិបត្តិមនុស្សធម៌កាន់តែអាក្រក់នៅក្នុងតំបន់ហ្គាហ្សា និងការពង្រីកការតាំងទីលំនៅខុសច្បាប់របស់អ៊ីស្រាអែល ដោយហៅស្ថានភាពនេះថា «មិនអាចទទួលយកបានតែម្ដង» ។

អាជ្ញាធរប៉ាឡេស្ទីនបានស្វាគមន៍ការសម្រេចចិត្តនេះ ដោយជំរុញឱ្យប្រទេសផ្សេងទៀតធ្វើតាម។ ទោះយ៉ាង​ណា​ក្រុម​សិទ្ធិ​មនុស្ស​បាន​រិះគន់​លក្ខខណ្ឌ​របស់​ប្រទេស​បែលហ្សិក​លើ​ការ​ទទួល​ស្គាល់​ថា​បាន​ធ្វើ​ឲ្យ​ឥទ្ធិពល​របស់​ខ្លួន​ចុះ​ខ្សោយ។

គួរបញ្ជាក់ថាការផ្លាស់ប្តូរនេះកើតឡើងចំពេលមានសន្ទុះកើនឡើងរបស់អឺរ៉ុបសម្រាប់ភាពជារដ្ឋរបស់ប៉ាឡេស្ទីន ជាមួយនឹងប្រទេសបារាំង អារ៉ាប៊ីសាអូឌីត និងប្រទេសផ្សេងទៀតរំពឹងថានឹងជំរុញបញ្ហានេះនៅ មហាសន្និបាតអង្គការសហប្រជាជាតិ នៅចុងខែនេះ។

ស្របពេលដែលទុរ្ភិក្សរីករាលដាលនៅក្នុងតំបន់ហ្គាហ្សា និងសង្រ្គាមរបស់អ៊ីស្រាអែលបានធ្វើឱ្យមនុស្សរាប់ម៉ឺននាក់បានស្លាប់ ការសម្រេចចិត្តរបស់បែលហ្ស៊ិកបានបន្ថែមសម្ពាធលើអ៊ីស្រាអែល ខណៈដែលការបែកបាក់កាន់តែស៊ីជម្រៅជាមួយសហរដ្ឋអាមេរិក ដែលបានថ្កោលទោសការទទួលស្គាល់នេះថាមិនប្រុងប្រយ័ត្ន៕

អត្ថបទ៖ ប៊ុន សុភាព

The post បែលហ្ស៊ិក ប្រកាសទទួល​ស្គាល់​រដ្ឋ​ប៉ាឡេស្ទីននិងដាក់​ទណ្ឌកម្ម​លើ​អ៊ីស្រាអែល appeared first on Kampuchea Thmey Daily.

រដ្ឋមន្ត្រីការពារជាតិហូឡង់ លោក Ruben Brekelmans បាន​ប្រាប់​ថា «ប្រទេសហូឡង់ និងបែលហ្ស៊ិកកំពុងផ្ទេរ​នាវា​ដោះមីន​២​គ្រឿង​ទៅអ៊ុយក្រែន (ដែល​នេះ​ជា) ការរួមចំណែកយ៉ាងសំខាន់ចំពោះ​សន្តិសុខសមុទ្រខ្មៅ និងជាគន្លឹះក្នុងការការពារផ្លូវពាណិជ្ជកម្ម និងការផ្គត់ផ្គង់ស្បៀងអាហារពិភពលោក»។ លោក Brekelmans បាន​បន្ថែម​ថា នាវិកនិងអ្នកបច្ចេកទេសអ៊ុយក្រែនត្រូវបានបណ្តុះបណ្តាល​រួច​រាល់​ហើយ​សម្រាប់​ការ​ប្រើប្រាស់​នាវា​ដោះមីន​ទាំង​នេះ។

ប្រមុខ​ការ​ពារ​ជាតិ​ហូឡង់ ក៏​បានសង្កត់​ធ្ងន់​ដែរ​ថា «​កំពង់ផែ​សំខាន់ៗ​នៃ​ទីក្រុង Odesa និង​ផ្លូវ​ដឹកជញ្ជូន​នៅ​សមុទ្រ​ខ្មៅ​ គឺជា​សរសៃឈាម​ជីវិត​នៃ​សេដ្ឋកិច្ច​អ៊ុយក្រែន។ ហើយ(ពួកវា​)ស្ថិតនៅក្រោមការគំរាមកំហែងឥតឈប់ឈរ។ អ៊ុយក្រែនប្រហែលជាមិនឈ្នះសង្រ្គាមនៅសមុទ្រទេ ហើយ​វាពិតជាអាចចាញ់សង្រ្គាមនៅទីនោះ។ យើងមិនអាចអនុញ្ញាត​ឲ្យវាកើតឡើងឡើយ។ នោះហើយជាមូលហេតុដែលវាមានសារៈសំខាន់ខ្លាំងណាស់សម្រាប់សន្តិសុខដែនសមុទ្រ និងការឆ្លងកាត់ដោយសេរី ដែលអ៊ុយក្រែនអាចប្រើប្រាស់​នាវា​ដោះមីន​ទាំង​នោះ»។

នាវាបោសសម្អាតមីន​ទាំង​នេះ ត្រូវបានសាងសង់ឡើងដំបូងក្នុងទសវត្សរ៍ឆ្នាំ​១៩៨០ ក្រោម​កិច្ច​​សហការ​ដោយប្រទេសបែលហ្ស៊ិក ហូឡង់ និងបារាំង ហើយ​ត្រូវបានរចនាឡើងជាពិសេសដើម្បីកំណត់ទីតាំង និង​ដោះ​មីនរបស់កងទ័ពជើងទឹក ដោយប្រើប្រព័ន្ធ​បច្ចេកវិទ្យា​រលក​សំឡេង និងប្រព័ន្ធជំនួយមនុស្សយន្តកម្រិតខ្ពស់។ សមត្ថភាពរបស់ពួកវា​មានសារៈសំខាន់ណាស់ សម្រាប់ការរក្សាកំពង់ផែសមុទ្រខ្មៅរបស់អ៊ុយក្រែន និងផ្លូវនាំចេញគ្រាប់ធញ្ញជាតិសំខាន់ៗ​ឲ្យ​នៅ​​ដំណើរការ និងមានសុវត្ថិភាព គេច​ផុត​ពីការគំរាមកំហែង​​នៃ​ការ​ដាក់​ពង្រាយ​មីនរបស់រុស្ស៊ី៕

ដោយ៖ ឈាង

The post ហូឡង់ និងបែលហ្ស៊ិក ប្រគល់​នាវា​ដោះមីន​២​គ្រឿង​ឲ្យ​អ៊ុយក្រែនពង្រឹង​សន្តិសុខ​ដែន​សមុទ្រ appeared first on Kampuchea Thmey Daily.

ក្នុងអំឡុងពេលដំណើរទស្សនកិច្ចរបស់លោក ទៅកាន់ប្រទេសអ៊ីស្រាអែលជាមួយនាយករដ្ឋមន្រ្តីអេស្ប៉ាញ Pedro Sanchez និងកិច្ចប្រជុំជាមួយនាយករដ្ឋមន្រ្តី Benjamin Netanyahu លោក De Croo បានសង្កត់ធ្ងន់លើសារៈសំខាន់នៃការឈានដល់ការឯកភាពគ្នាសម្រាប់បទឈប់បាញ់ ដើម្បីអនុញ្ញាតឲ្យជំនួយមនុស្សធម៌ទៅដល់តំបន់ហ្គាហ្សាជាកន្លែងដែលអ៊ីស្រាអែលបន្តការវាយប្រហាររបស់ខ្លួន។

ដោយលើកឡើងពីស្ថានភាពដ៏អាក្រក់របស់មនុស្សរាប់លាននាក់ និងតម្រូវការបន្ទាន់ក្នុងការផ្តល់ជំនួយមនុស្សធម៌ លោក De Croo បាននិយាយថា “យើងជឿជាក់ថាមនុស្សគ្រប់រូបក្នុងប្រទេសអ៊ីស្រាអែលគួរតែគោរពច្បាប់មនុស្សធម៌អន្តរជាតិ។ ក្នុងនាមជាប្រទេសប្រជាធិបតេយ្យ ស្តង់ដាររបស់យើងគួរតែមានកម្រិតខ្ពស់។ យើងត្រូវតែធ្វើអ្វីគ្រប់យ៉ាងដើម្បីការពារ ការសម្លាប់ជនស៊ីវិលស្លូតត្រង់ទាំងសងខាង និងអនុវត្តច្បាប់មនុស្សធម៌អន្តរជាតិ”។

លោក De Croo ប្រាប់អ្នកសារព័ត៌មានថា​ លោកបានពិភាក្សាជាមួយនាយករដ្ឋមន្រ្តីអ៊ីស្រាអែលលោក Netanyahu ដោយសង្កត់ធ្ងន់ថា ពួកគេមិនចង់ឲ្យមនុស្ស ១០,០០០ នាក់ផ្សេងទៀតស្លាប់ទេ។ លោកថា “អ៊ីស្រាអែលចាំបាច់ត្រូវធ្វើបន្ថែមទៀតដើម្បីការពារជនរងគ្រោះពីជនស៊ីវិល” ។

ដឹកនាំគណៈប្រធានសហភាពអឺរ៉ុប នាយករដ្ឋមន្ត្រីអេស្ប៉ាញ លោក Pedro Sanchez និងនាយករដ្ឋមន្ត្រីបែលហ្សិក Alexander De Croo ដែលនឹងចូលកាន់តំណែងជាប្រធានសហភាពអឺរ៉ុបនៅថ្ងៃទី ០១ ខែមករា បានទៅបំពេញទស្សនកិច្ចនៅអ៊ីស្រាអែល ជាផ្នែកនៃកិច្ចខិតខំប្រឹងប្រែងដើម្បីស្វែងរកដំណោះស្រាយចំពោះស្ថានភាពនៅតំបន់ហ្គាហ្សា និងអ៊ីស្រាអែល-ប៉ាឡេស្ទីន។

ទោះយ៉ាងណាក៏ដោយ Sanchez បាននិយាយថា “អ៊ីស្រាអែលមានសិទ្ធិការពារខ្លួន សិទ្ធិនេះមិនអាចរួមបញ្ចូលការស្លាប់របស់ជនស៊ីវិលស្លូតត្រង់ រួមទាំងកុមាររាប់ពាន់នាក់នៅហ្គាហ្សា”។​

បន្ទាប់ពីកិច្ចពិភាក្សារបស់ពួកគេនៅអ៊ីស្រាអែលលោក Sanchez និងលោក De Croo គ្រោងនឹងទៅបំពេញទស្សនកិច្ចនៅប៉ាឡេស្ទីន ដើម្បីជួបជាមួយប្រធានាធិបតី Mahmoud Abbas បន្ទាប់មកដំណើរទស្សនកិច្ចទៅកាន់ប្រទេសអេហ្ស៊ីប៕

ប្រែសម្រួល៖ សាង ​ស្រីល័ក្ខ

ប្រភព៖AA

ចុចអាន៖ចិន ប្រកាសធ្វើសមយុទ្ធយោធានៅព្រំដែនមីយ៉ាន់ម៉ា

The post នាយក​រដ្ឋមន្ត្រី​បែលហ្ស៊ិក អំពាវនាវ​ឲ្យ​អ៊ីស្រាអែល​ការពារ​ជនស៊ីវិល​ដែល​បាត់បង់ជីវិត appeared first on Kampuchea Thmey Daily.

ប្រភពជិតស្និទ្ធនឹងការស៊ើបអង្កេតបានប្រាប់សារព័ត៌មាន RTBF ថា អ្នកដែលត្រូវបានចាប់ខ្លួន គឺមានបំណងបើកការវាយប្រហារភេរវកម្ម។

ប៉ូលិសយុត្តិធម៌សហព័ន្ធ បានធ្វើការឆែកឆេរនៅតាមទីតាំងជាច្រើនក្នុងទីក្រុងទាំង២ ហើយទោះមិន​រក​ឃើញ​អាវុធ ឬ​គ្រឿង​ផ្ទុះក៏ដោយ ប៉ុន្តែបុរសចំនួន​៨​នាក់​ត្រូវ​បាន​នាំ​ខ្លួន​ទៅ​សាកសួរ។ ក្នុងនោះ មាន៥នាក់ ត្រូវចាប់បាននៅ​ទីក្រុង Brussels ចំណែក ៣បី​នាក់​ទៀត​ចាប់បាន​នៅ​ទីក្រុង Antwerp។

ក្នុងចំណោមអ្នកដែលត្រូវចាប់ខ្លួន, មានបុគ្គលមួយចំនួនត្រូវបានប៉ូលិសដឹងថា ជាក្រុមជ្រុលនិយមឥស្លាម ដោយពីរនាក់បានស្ថិតក្នុងគោលដៅរបស់ប៉ូលិសជាយូរមកហើយ។

គួរបញ្ជាក់ថា ប្រតិបត្តិការរបស់ប៉ូលិសនៅថ្ងៃអង្គារ បានកើតឡើងតិចជាងមួយសប្តាហ៍ បន្ទាប់ពីខួបប្រាំពីរឆ្នាំ នៃការវាយប្រហារភេរវកម្មក្នុងទីក្រុង Brussels ដែលធ្វើឲ្យប្រទេសមិនអាចបំភ្លេចបានកាលពីឆ្នាំ២០១៦៕

ប្រែសម្រួល៖ Vann Vann

ប្រភព៖ Brussels Times

ចុចអាន៖ មីយ៉ាន់ម៉ា ចោទ ប្រកាន់ អ្នក កាសែត អាមេរិក ពី បទ ភេរវកម្ម

The post បែលហ្ស៊ិក ចាប់ខ្លួនមនុស្ស ៨នាក់ សង្ស័យរៀបគម្រោង វាយប្រហារភេរវកម្ម appeared first on Kampuchea Thmey Daily.

ក្រុមឈរលេខរៀងទី២របស់ FIFA គឺ បែលហ្ស៊ិក លេងបានត្រឹមស្មើជាមួយ ក្រូអាត ដែលលទ្ធផលនេះបញ្ជាក់ថា បែលហ្ស៊ិក អស់ឱកាសឡើងទៅកាន់វគ្គ១៦ក្រុមចុងក្រោយ World Cup ពោលគឺឈរលេខ៣ក្នុងពូល​​ F។

ដំបូងឡើយ បែលហ្ស៊ិក ហាក់ធ្វើបានល្អ ដោយប្រកួតទី១ក្នុងពូល បានយកឈ្នះ កាណាដា ១-០ ប៉ុន្តែប្រកួតទី២ ត្រូវបរាជ័យដោយថ្វីជើង ម៉ារ៉ុក ២-០។ លុះមកដល់ប្រកួតទី៣ បែលហ្ស៊ិក មិនអាចយកឈ្នះក្រូអាតបានឡើយ ដោយបញ្ចប់ទៅដោយលទ្ធផលត្រឹមស្មើគ្នា ០-០។

ឆ្លងកាត់៣ប្រកួត បែលហ្ស៊ិក ទទួលបាន៤ពិន្ទុ ឈរលេខ៣ពូល F។ ក្រុមដែលត្រូវឡើងទៅវគ្គបន្ទាប់គឺ ម៉ារ៉ុក លេខ១ មាន៧ពិន្ទុ, ក្រូអាត លេខ២មាន៥ពិន្ទុ ចំណែកក្រុមបាតតារាងគឺ កាណាដា មាន០ពិន្ទុ។

ងាកទៅមើលពូល E ឯណោះវិញ ម្ចាស់ជើងឯក World Cup ៤សម័យកាល អាល្លឺម៉ង់ ក៏ធ្លាក់ដែរកាលពីយប់មិញ ទោះពួកគេប្រកួតឈ្នះ កូស្តារីកា ដោយលទ្ធផល ៤-២ ក៏ដោយ។

២ប្រកួតដំបូង អាល្លឺម៉ង់ ធ្វើមិនបានល្អឡើយ ដោយប្រកួតទី១ ចាញ់ជប៉ុន ២-១ និងប្រកួតទី២ ស្មើអេស្ប៉ាញ ១-១។

ឆ្លងកាត់៣ប្រកួតពេញ ជប៉ុន បានធ្វើឲ្យពិភពលោកភ្ញាក់ផ្អើល ដោយឈរលេខ១ពូល E មាន៦ពិន្ទុ, អេស្ប៉ាញ ឈរលេខ២ មាន៤ពិន្ទុ ខណៈអាល្លឺម៉ង់ ឈរលេខ៣ មាន៤ពិន្ទុដូចគ្នាតែចាញ់គ្រាប់បាល់ ចំណែក កូស្តារីកា ឈរលេខ៤ មាន៣ពិន្ទុ។

នេះជាលើកទី២ជាប់គ្នា ដែលអាល្លឺម៉ង់ ជ្រុះចេញពីពានរង្វាន់ World Cup ត្រឹមវគ្គចែកពូល បន្ទាប់ពីពួកគេមានជោគវាសនាដូចគ្នានេះ កាលពីឆ្នាំ២០១៨៕

អត្ថបទ៖ Vann Vann

ចុចអាន៖ ជប៉ុន ធ្វើឲ្យពិភពលោកភ្ញាក់ផ្អើល ឈ្នះអេស្ប៉ាញឡើងវគ្គ ១៦ ក្រុម

The post គីឡូធ្ងន់ចំនួន២ ធ្លាក់ចេញពី World Cup ត្រឹមមួយយប់ គួរឲ្យភ្ញាក់ផ្អើលជាទីបំផុត appeared first on Kampuchea Thmey Daily.

រឿងចម្លែកនោះគឺ ម៉ារ៉ុក បានធ្វើការផ្លាស់ប្តូរអ្នកចាំទីនៅនាទីចុងក្រោយ បន្ទាប់ពីច្រៀងភ្លេងជាតិចប់ នៅមុនការប្រកួតចាប់ផ្ដើម ។ ប្រទេសអាហ្រ្វិកមួយនេះបានដាក់ឈ្មោះកីឡាករ Yassine Bounou ក្នុងជម្រើស ១១ នាក់ដំបូង ហើយអ្នកចាំទីលេខ ១ មួយនេះក៏បានឈរច្រៀងភ្លេងជាតិជាមួយមិត្តរួមក្រុមផងដែរ ។

អ្វីដែលកាន់តែចម្លែកទៀតនោះ គេក៏ឃើញអ្នកចាំទីដៃទីមួយរូបនេះចេញរូបភាព ១១ នាក់ដំបូង ក៏ដូចជាចាប់ដៃជាមួយកីឡករបែលហ្សិក នៅលើអេក្រង់ទូរទស្សន៍ផងដែរ ។ ប៉ុន្តែក្រោយមកអ្នកចាំទី Bounou ត្រូវបានប្ដូរជំនួសវិញដោយអ្នកចាំទីដៃទី ២ គឺកីឡាករ Munir Mohand Mohamedi El Kajoui សម្រាប់ការប្រកួតជាផ្លូវការ ។

ទន្ទឹមនោះ ក្នុងរយៈពេល ២៥ នាទីដំបូងនៃតង់ទីមួយ ពិធីកររបស់ទូរទស្សន៍ BBC ក៏បានអត្ថាធិប្បាយច្រឡំផងដែរ ដោយហៅអ្នកចាំទីដៃទីពីរ Munir ថាជាអ្នកចាំទីដៃទីមួយ Bounou ទៅវិញ បើទោះជាអ្នកចាំទី Munir ត្រូវកាមេរ៉ាថត និងជួយសង្គ្រោះបាល់ពីសំណាក់ខ្សែប្រយុទ្ធប៊ែលហ្សិក Michy Batshuayi ជាច្រើនលើកក៏ដោយ ។

គួរបញ្ជាក់ថា ក្រោយយកឈ្នះ ២-០ លើបែលហ្សិក, ក្រុមម៉ារ៉ុកឈរនៅលំដាប់ទី២ ក្នុងពូល F មាន ៤ ពិន្ទុស្មើក្រុមកំពូលតារាង ក្រូអាត ហើយការប្រកួតបន្ទាប់ ម៉ារ៉ុក នឹងត្រូវជួបជាមួយក្រុមបាតតារាងកាណាដា នៅថ្ងៃទី១ ខែធ្នូ វេលាម៉ោង ១០ យប់ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Star

ចុចអាន ៖ ដឹងទេ ប្រទេស ណាតូ ណាខ្លះឡើងមកលេង World Cup នៅកាតា?

The post ប៉ះ បែលហ្ស៊ិក យប់មិញ, ម៉ារ៉ុក ធ្វើរឿងចម្លែកមួយ ក្រោយច្រៀងភ្លេងជាតិចប់ appeared first on Kampuchea Thmey Daily.

ជ័យជម្នះរបស់ម៉ារ៉ុក គឺជាការខកចិត្តដ៏ធំមួយនៅក្នុងការប្រកួតសម្រាប់បែលហ្ស៊ិក ខណៈក្រុមជនអន្តោប្រវេសន៍ម៉ារ៉ុកនៅក្នុងទីក្រុងនានានៃប្រទេសបែលហ្ស៊ិក បានចេញមកអបអរយ៉ាងហ៊ឹកហ៊ាក់។

ប៉ូលិសត្រូវបង្ខំចិត្តបិទផ្នែកខ្លះនៃរាជធានីរបស់ប្រទេសបែលហ្ស៊ិក និងទីក្រុងកំពង់ផែ Antwerp ខណៈក្រុមមន្រ្តីក៏បានដាក់ពង្រាយកាណុងបាញ់ទឹក និងបាញ់ឧស្ម័នបង្ហូរទឹកភ្នែក ដើម្បីបំបែកហ្វូងមនុស្សផងដែរ នៅពេលអំពើហិង្សាផ្ទុះឡើង ក្រោយចប់ការប្រកួត។

យោងតាមអ្នកនាំពាក្យប៉ូលិសម្នាក់, កុបកររាប់សិបនាក់ បានដុតភ្លើង និងគប់ដុំឥដ្ឋដាក់រថយន្ត មុនពេលសមត្ថកិច្ចចូលទៅធ្វើអន្តរាគមន៍។ អ្នកគាំទ្ររាប់សិបនាក់ ក៏បានវាយកម្ទេចបង្អួចហាង បាញ់កាំជ្រួច និងដុតរថយន្តផងដែរ។

រឿងហេតុស្រដៀងគ្នានេះ ក៏បានកើតឡើងនៅទីក្រុងកំពង់ផែ Antwerp ផងដែរ ជាកន្លែងដែលប៉ូលិស បញ្ជាឲ្យផ្អាកចរាចរណ៍ផ្លូវដែក។

ប៉ូលិសក្រុងព្រុចសែល បាននិយាយនៅក្នុងសេចក្តីថ្លែងការណ៍មួយថា សូម្បីតែមុនពេលចប់ការប្រកួត មនុស្សរាប់សិបនាក់ ក៏ព្យាយាមប្រឈមមុខជាមួយប៉ូលិសផងដែរ ដែលធ្វើឲ្យប៉ះពាល់ដល់សុវត្ថិភាពសាធារណៈ។

លោក Philippe Close អភិបាលក្រុង ព្រុចសែល បាននិយាយថា “ខ្ញុំសូមថ្កោលទោសយ៉ាងខ្លាំងក្លាបំផុតចំពោះឧប្បត្តិហេតុនៅថ្ងៃនេះ។ ប៉ូលិស​បាន​ធ្វើ​អន្តរាគមន៍​យ៉ាង​តឹងរ៉ឹង​។ ដូច្នេះហើយ ខ្ញុំ​សូម​ណែនាំ​អ្នក​គាំទ្រ​ដែល​មក​កណ្តាល​ក្រុង។ ប៉ូលិសកំពុងធ្វើអស់ពីសមត្ថភាព ដើម្បីរក្សាសណ្តាប់ធ្នាប់សាធារណៈ។ ខ្ញុំចេញបញ្ជាឲ្យប៉ូលិស ចាប់ខ្លួនអ្នកបង្កបញ្ហា”។

គួរបញ្ជាក់ថា បែលហ្ស៊ិក​ គឺជាប្រទេសមានជនជាតិដើមម៉ារ៉ុកប្រហែល ៥០០ ០០០នាក់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ កីឡាករអ៊ីរ៉ង់ ច្រៀងចម្រៀងជាតិឡើងវិញ ធ្វើឲ្យអ្នកគាំទ្រ ទ្រហោយំក្នុងកីឡដ្ឋាន

The post បរាជ័យរបស់ បែលហ្ស៊ិក យប់មិញ ប្រែក្លាយទៅជាកុបកម្ម ពាសពេញទីក្រុង appeared first on Kampuchea Thmey Daily.