ចិន ប្រកាសធ្វើសមយុទ្ធយោធានៅព្រំដែនមីយ៉ាន់ម៉ា

លោក Tian Junli អ្នកនាំពាក្យនៃបញ្ជាការរោងមហោស្រពភាគខាងត្បូងនៃ PLA បាននិយាយកាលពីថ្ងៃសៅរ៍ថា កងទ័ពរំដោះប្រជាជនចិន (PLA) បានបើកធ្វើសមយុទ្ធយោធានៅផ្នែកខាងចិននៃព្រំដែនចិន-មីយ៉ាន់ម៉ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tian បាននិយាយនៅក្នុងសេចក្តីថ្លែងការណ៍មួយថា “ក្រោមផែនការសមយុទ្ធប្រចាំឆ្នាំ បញ្ជាការរោងមហោស្រពភាគខាងត្បូង PLA បានរៀបចំអង្គភាពកងទ័ពដើម្បីធ្វើសមយុទ្ធយោធានៅផ្នែកខាងចិននៃព្រំដែនចិន-មីយ៉ាន់ម៉ា ដែលចាប់ផ្តើមពីថ្ងៃទី ២៥​ ខែវិច្ឆិកា” ។

សេចក្តីថ្លែងការណ៍ដដែលបានអះអាងទៀតថា គោលបំណងនៃសមយុទ្ធនេះ​ គឺដើម្បីសាកល្បងការចល័តទ័ព ការគ្រប់គ្រងព្រំដែន និងកម្លាំងភ្លើង។​​ ប៉ុន្តែយ៉ាងណាក៏ដោយ គ្មាន​ព័ត៌មាន​ត្រូវ​បាន​ផ្តល់​ជូន​អំពី​រយៈពេល និង​ទំហំ​នៃ​ការ​ហ្វឹកហាត់​ច្បាស់លាស់នោះទេ។

អ្នកនាំពាក្យនៃបញ្ជាការរោងមហោស្រពភាគខាងត្បូងនៃ PLA បាននិយាយបន្ថែមទៀតថា កងទ័ពនៃបញ្ជាការមហោស្រពភាគខាងត្បូង តែងតែត្រៀមខ្លួនជាស្រេច ដើម្បីការពារអធិបតេយ្យភាពរដ្ឋ ស្ថិរភាពព្រំដែន និងសន្តិសុខរបស់ប្រជាជន។

យ៉ាងណាមិញ បន្ទាប់ពីមីយ៉ាន់ម៉ាបានទទួលឯករាជ្យពីចក្រភពអង់គ្លេសនៅឆ្នាំ ១៩៤៨ ក្រុមយោធានៃជនជាតិភាគតិចបានធ្វើសង្គ្រាមស៊ីវិលនៅក្នុងប្រទេសដែលអូសបន្លាយរហូតដល់ទសវត្សរ៍ឆ្នាំ ១៩៩០ ។ អ្នកជំនាញក្នុងតំបន់ជឿថា ការកើនឡើងថ្មីនៃសង្គ្រាមស៊ីវិល បាននិងកំពុងកើតឡើងចាប់តាំងពីយោធាបានដណ្តើមអំណាចនៅក្នុងប្រទេសមីយ៉ាន់ម៉ាក្នុងខែកុម្ភៈ ឆ្នាំ ២០២១ មកម្ល៉េះ៕

ប្រែសម្រួល៖ សាង ស្រីល័ក្ខ

ប្រភព៖sputnik

ចុចអាន៖រុស្ស៊ី​ ​បើកការវាយ​ប្រហារ​ដោយ​ដ្រូន​ធំ​បំផុតលើ​ អ៊ុយក្រែន ​និងផ្តោតសំខាន់លើក្រុង Kyiv