យោងតាមសេចក្តីប្រកាសរបស់ក្រសួង ករណីវិជ្ជមាននេះ ត្រូវបានរកឃើញ កាលពីថ្ងៃទី១៨ ខែឧសភា ដូច្នេះ ពលរដ្ឋ ត្រូវយកចិត្តទុកដាក់ បង្ការការចម្លងជំងឺកូវីដ-១៩ គ្រប់ទម្រង់។

ទន្ទឹមនឹងការរកឃើញនៅកម្ពុជា, NB.1.8.1 កំពុងវាយលុកខ្លាំងនៅប្រទេសអាស៊ីអាគ្នេយ៍ ចំនួន ២ទៀត ដូចជា សិង្ហបុរី និងថៃ ជាពិសេសសិង្ហបុរីតែម្តង ដែលវាកំពុងបង្កការឆ្លង យ៉ាងរីករាលដាល។

ក្នុងពេលមួយសប្តាហ៍ បើគិតចាប់ពីថ្ងៃទី១០ ដល់ទី១៦ ខែឧសភា, មជ្ឈមណ្ឌលគ្រប់គ្រង និងបង្ការជំងឺសិង្ហបុរី បានរាយការណ៍ ពីការឆ្លងជំងឺកូវីដ-១៩ថ្មី ប្រមាណ ១២ ៧០០ករណី ពោលគឺកើនឡើង ដល់ទៅ៥៩% បើធៀបនឹងសប្តាហ៍មុននោះទៀត ដែលមានការឆ្លងត្រឹម ៨ ០០០ករណី។

ក្នុងអំឡុងពេលនោះដែរ ជាមធ្យម មានអ្នកជំងឺកើនឡើង ពី ៥៦ ដល់ ៧៣នាក់ ដែលតម្រូវឲ្យចូលព្យាបាល នៅមន្ទីរពេទ្យក្នុងមួយថ្ងៃ ខណៈជាមធ្យម ក្នុងមួយថ្ងៃ មានអ្នកជំងឺ ម្នាក់ ត្រូវសង្គ្រោះបន្ទាន់។

ចំណែកថៃវិញ! បើគិតចាប់តាំងពីដើមឆ្នាំនេះ មកដល់ថ្ងៃទី២៣ ខែឧសភា មានករណីឆ្លងជំងឺកូវីដ-១៩ សរុប ៣ ៦៤២ករណី ហើយអ្វីដែលគួរឲ្យបារម្ភគឺថា ក្នុងចំណោមនោះ មាន ៥០.៩៥% ដែលជំរុញដោយវីរុសបំប្លែងថ្មី NB.1.8.1។

យោងតាមភ្នាក់ងារតាមដានជំងឺឆ្លងថៃ, ក៏មានមនុស្សម្នាក់ បាត់បង់ជីវិតផងដែរ ដោយសារជំងឺនេះ ខណៈអ្នកឆ្លង ភាគច្រើនមានអាយុចន្លោះ ៣០-៣៥ឆ្នាំ។

សូមជម្រាបថា បើយោងតាមក្រសួងសុខាភិបាលកម្ពុជា វីរុសបំប្លែងថ្មី NB.1.8.1 គឺជាពូជកូនចៅ ដែលវិវត្ត ចេញពីពូជអូមីក្រុង ខ្សែស្រឡាយ JN.1។

នៅថ្ងៃទី២៣ ខែឧសភា ឆ្នាំ២០២៥ អង្គការសុខភាពពិភពលោក (WHO) បានចាត់ថ្នាក់វីរុសនេះ ជា «វីរុសបំប្លែងខ្លួន ដែលស្ថិតក្រោមការតាមដាន» បន្ទាប់ពីសង្កេតឃើញ ការកើនឡើងយ៉ាងឆាប់ ពីទិន្នន័យវិភាគលម្អិតហ្សែន នៅលើសកលលោក៕

អត្ថបទ៖ សុខ សុវណ្ណ

The post ២ប្រទេស នៅអាស៊ីអាគ្នេយ៍ កំពុងត្រូវកូវីដបំប្លែងខ្លួន NB.1.8.1 វាយលុកខ្លាំង  appeared first on Kampuchea Thmey Daily.

ក្នុងពេលមួយសប្តាហ៍ បើគិតចាប់ពីថ្ងៃទី១០ ដល់ទី១៦, សិង្ហបុរី បានរាយការណ៍ ពីការឆ្លងជំងឺកូវីដ-១៩ថ្មី ប្រមាណ ១២ ៧០០ករណី ពោលគឺកើនឡើង ដល់ទៅ៥៩% បើធៀបនឹងសប្តាហ៍មុននោះទៀត ដែលមានការឆ្លងត្រឹម ៨ ០០០ករណី។

ក្នុងអំឡុងពេលនោះដែរ ជាមធ្យម មានអ្នកជំងឺកើនឡើង ពី ៥៦ ដល់ ៧៣នាក់ ដែលតម្រូវឲ្យចូលព្យាបាល នៅមន្ទីរពេទ្យក្នុងមួយថ្ងៃ ខណៈជាមធ្យម ក្នុងមួយថ្ងៃ មានអ្នកជំងឺ ម្នាក់ ត្រូវសង្គ្រោះបន្ទាន់។

មជ្ឈមណ្ឌលគ្រប់គ្រង និងបង្ការជំងឺសិង្ហបុរី (CDA) បានបញ្ជាក់កាលពីថ្ងៃសុក្រ ទី២២ ខែឧសភា ឆ្នាំ២០២៦ថា ការផ្ទុះឆ្លងដ៏ខ្លាំងនេះ គឺបណ្តាលមកពីកូវីដពូជបំប្លែងថ្មី NB.1.8.1 ដែលមានសមត្ថភាព បុកទម្លុះប្រព័ន្ធភាពស៊ាំ។

ទោះបីជាយ៉ាងណាក៏ដោយ អាជ្ញាធរសុខាភិបាលសិង្ហបុរី បានច្រានចោលភាពធ្ងន់ធ្ងរ នៃការរីករាលដាលនេះ ហើយប្រកាសឲ្យពលរដ្ឋ កុំភ័យស្លន់ស្លោ ព្រោះស្ថានការណ៍ ស្ថិតក្រោមការគ្រប់គ្រងបានយ៉ាងល្អប្រសើរ។

សូមជម្រាបថា រោគសញ្ញាពូជថ្មីនេះ ក៏មិនខុសពីកូវីដជំនាន់មុនៗដែរ ដោយវាចេញអាការៈដូចជា៖ ក្ដៅខ្លួនស្ទិញៗ ឬក្ដៅខ្លាំង ឈឺបំពង់ក ក្អកស្ងួត ហៀរសំបោរ តឹងច្រមុះ អស់កម្លាំង ឈឺក្បាល និងឈឺសាច់ដុំ។ ករណីខ្លះ អ្នកជំងឺខ្លះអាចមានអាការៈចង្អោរ ក្អួត រាគរូស ឬលែងដឹងក្លិន និងរសជាតិ៕

អត្ថបទ៖ សុខ សុវណ្ណ

The post ជំងឺកូវីដ-១៩ ពូជថ្មី កំពុងវាយលុក សិង្ហបុរី, មួយសប្តាហ៍ ឆ្លងដល់មនុស្សជិត ១៣ ០០០នាក់ appeared first on Kampuchea Thmey Daily.

តាមការផ្សាយរបស់ CNA កាលពីថ្ងៃព្រហស្បតិ៍ ទី៧ ខែឧសភា ឆ្នាំ២០២៦ អ្នកទាំងពីរ ត្រូវបានដាក់ឲ្យនៅដាច់ដោយឡែកពីគេ នៅ មជ្ឈមណ្ឌលជាតិបង្ការជំងឺឆ្លងសិង្ហបុរី (NCID) ដើម្បីរង់ចាំលទ្ធផលតេស្ត។

អ្នកទាំងពីរ សុទ្ធតែធ្លាប់ជិះនាវា MV Hondius ដែលកំពុងផ្ទុះការឆ្លង Hantavirus ហើយក៏ធ្លាប់ជិះយន្តហោះជាមួយគ្នាដែរ។ បុរសម្នាក់វ័យ ៦៩ឆ្នាំ បានមកដល់ប្រទេសសិង្ហបុរី នៅថ្ងៃទី ២ ខែ ឧសភា ហើយឥឡូវ គាត់ចេញរោគសញ្ញាហៀរសំបោរ ចំណែកម្នាក់ទៀត មានវ័យ ៦៥ឆ្នាំ មកដល់សិង្ហបុរី នៅថ្ងៃទី៦ ខែឧសភា។

ទោះបីជាយ៉ាងណាក៏ដោយ សិង្ហបុរី អំពាវនាវឲ្យពលរដ្ឋ កុំព្រួយបារម្ភ និងភិតភ័យឲ្យសោះ ព្រោះថា ហានិភ័យ ឆ្លងរាលដាលនៅមានកម្រិតទាប ហើយអង្គការសុខភាពពិភពលោក (WHO) ក៏ប្រកាសដែរថា Hantavirus មិនទាន់ត្រូវបានចាត់ថ្នាក់ ជាជំងឺរាតត្បាតទេ។

នៅប្រទេសអង់គ្លេសឯណោះ មនុស្ស២នាក់ ក៏កំពុងធ្វើចត្តាឡីស័កផងដែរ ព្រោះតែហានិភ័យឆ្លងមេរោគនេះ។ ពួកគេកំពុងធ្វើចត្តាឡីស័ក ក្នុងផ្ទះខ្លួនឯង ប៉ុន្តែមិនចេញរោគសញ្ញាអ្វីទេ គ្រាន់តែមានប្រវត្តិជិះក្នុងនាវា MV Hondius តែបានចុះមកវិញ មុនពេលផ្ទុះ Hantavirus នៅលើនោះ។

តាមពិតទៅ Hantavirus មិនមែនជាមេរោគថ្មីទេ ពោលគឺវាមានវត្តមាននៅលើភពផែនដី ជាយូរយារណាស់មកហើយ ហើយក៏ធ្លាប់ឆ្លងរាលដាល ក្នុងប្រទេសជាច្រើនផងដែរ។

យោងតាមមជ្ឈមណ្ឌលគ្រប់គ្រង និងបង្ការជំងឺរបស់អាមេរិក (CDC), Hantavirus មានផ្ទុកនៅក្នុងខ្លួនសត្វកណ្តុរ។ ជាទូទៅ ការឆ្លងវីរុសនេះ កើតឡើងនៅពេល មេរោគចេញពីទឹកនោម លាមក ឬទឹកមាត់របស់សត្វកណ្តុរ រួចភាយទៅក្នុងអាកាស ហើយត្រូវមនុស្សដកដង្ហើមស្រូបចូល៕

អត្ថបទ៖ សុខ សុវណ្ណ

The post សិង្ហបុរី​ កំពុង​​ធ្វើចត្តាឡីស័ក​ មនុស្ស​ ២​នាក់ ព្រោះសង្ស័យ​ឆ្លង Hantavirus​ appeared first on Kampuchea Thmey Daily.

តាមការផ្សាយរបស់ BBC កាលពីថ្ងៃចន្ទទី១ខែធ្នូ, ការប្រហារជីវិតនេះធ្វើឡើងនៅថ្ងៃទី២៦និង២៧ខែវិច្ឆិកា ហើយក្នុងនោះមានជនល្មើសម្នាក់ឈ្មោះ Saminathan Selvaraju ដែលត្រូវបានកាត់ទោសពាក់ព័ន្ធការរត់ពន្ធហេរ៉ូអ៊ីន ៣០១.៦ក្រាមពីម៉ាឡេស៊ី ចូលសិង្ហបុរី នារាត្រីថ្ងៃទី២១ខែវិច្ឆិកាឆ្នាំ២០១៣។

សូមជម្រាបថា ការព្យួរ.កកាលពីសប្តាហ៍មុននេះ ធ្វើឲ្យករណីប្រហារជីវិតអ្នកទោសសរុបរបស់ប្រទេសសិង្ហបុរីក្នុងឆ្នាំ២០២៥ ឡើងដល់១៧នាក់ ដែលជាតួលេខខ្ពស់បំផុតគិតចាប់តាំងពីឆ្នាំ២០១៣មក។

សិង្ហបុរី ស្ថិតក្នុងចំណោមប្រទេសមានច្បាប់ប្រឆាំងគ្រឿងញៀនដ៏តឹងរ៉ឹងបំផុត លើពិភពលោក។ រដ្ឋាភិបាលប្រទេសនេះអះអាងថា ច្បាប់ដ៏តឹងរ៉ឹងគឺជាការរារាំងចាំបាច់ ចំពោះឧក្រិដ្ឋកម្មគ្រឿងញៀន ដែលជាបញ្ហាដ៏ធំមួយនៅក្នុងតំបន់អាស៊ីអាគ្នេយ៍។

ជនណាក៏ដោយមិនថាលក់ ផ្តល់ ដឹកជញ្ជូន ឬប្រើប្រាស់ឌីយ៉ាម័រហ្វីនលើសពី ១៥ ក្រាម, កូកាអ៊ីនលើស៣០ក្រាម, មេតំហ្វេតាមីនលើស ២៥០ ក្រាមនិងកញ្ឆា លើស ៥០០ ក្រាមទេ គឺនឹងត្រូវកាត់ទោសប្រហារជីវិត៕

អត្ថបទ៖ សុខ សុវណ្ណ

The post សិង្ហបុរី ព្យួរ.ក ជនល្មើសគ្រឿងញៀន ៣នាក់ទៀត appeared first on Kampuchea Thmey Daily.

តាមការផ្សាយរបស់ VN Express នៅថ្ងៃអាទិត្យទី៩ខែវិច្ឆិកាឆ្នាំ២០២៥ ជំនួយសាច់ប្រាក់នេះនឹងមានចាប់ពី ១០០-៦០០ដុល្លារសិង្ហបុរី (៧៧-៤៦១ដុល្លារអាមេរិក) អាស្រ័យលើលក្ខណៈវិនិច្ឆ័យដូចជា ចំនួនអចលនទ្រព្យដែលកាន់កាប់ និងប្រាក់ចំណូលរបស់បុគ្គលម្នាក់នោះ។

ឧទាហរណ៍ អ្នកដែលមានអចលនទ្រព្យច្រើនឬមានប្រាក់ចំណូលលើសពី ១០ម៉ឺនដុល្លារសិង្ហបុរី នឹងទទួលបាន ១០០ដុល្លារសិង្ហបុរី  ខណៈអ្នកមានប្រាក់ចំណូល ៣៩ ០០០ដុល្លារសិង្ហបុរីឬតិចជាងនេះ នឹងទទួលបានទឹកប្រាក់អតិបរមា ៦០០ដុល្លារសិង្ហបុរី។

យ៉ាងណា ប្រជាពលរដ្ឋត្រូវតែមានអាយុ២១ឆ្នាំឡើង គិតត្រឹមឆ្នាំ២០២៦ និងជារស់នៅក្នុងប្រទេសសិង្ហបុរី ទើបមានសិទ្ធិទទួលបានជំនួយនេះ។

ការបើកប្រាក់នេះគឺជាផ្នែកមួយនៃកញ្ចប់ធានារ៉ាប់រងដ៏ធំរបស់សិង្ហបុរី ដែលដាក់បញ្ចូលក្នុងកញ្ចប់ថវិកាឆ្នាំ២០២៣ ជាមួយគោលបំណងគាំទ្រដល់ក្រុមគ្រួសារដែលមានប្រាក់ចំណូលទាបទៅមធ្យម៕

អត្ថបទ៖ សុខ សុវណ្ណ

The post ខែក្រោយ សិង្ហបុរី នឹងផ្ដល់ប្រាក់ដល់ប្រជាជន ៣លាននាក់ ដើម្បីទប់ទល់នឹងថ្លៃរស់នៅ appeared first on Kampuchea Thmey Daily.

តាមការ​ចុះ​ផ្សាយ​របស់ CNA ​រដ្ឋមន្ត្រីក្រសួងការពារជាតិ លោក Ng Eng Hen បានលើក​ឡើង​នៅក្នុងសារបង្ហោះតាម​បណ្តាញ​សង្គម​ហ្វេសប៊ុកថា ក្រុមហ៊ុនអាកាសចរណ៍បានទទួលអ៊ីមែលថា មានគ្រាប់បែកនៅលើជើងហោះហើរលេខ AXB684 ដែលធ្វើដំណើរទៅកាន់ប្រទេសសិង្ហបុរី។

សារ​ព័ត៌មាន​របស់​ឥណ្ឌា The Hindu ​បាន​ផ្សាយ​នៅ​ថ្ងៃអង្គារ​ថា ​មាន​ជើង​ហោះហើរ​ច្រើន​បាន​ទទួល​សារ​ក្លែង​ក្លាយ​​គំរាមកំហែង​បំផ្ទុះ​គ្រាប់​បែក​​​​នៅ​លើ​យន្តហោះ​។ Air India Express​ បាន​ហៅ​ហោះ​ចេញ​ពី​​Madurai នៃ​​ រដ្ឋ Tamil Nadu នៅ​ភាគ​ខាងត្បូង​ប្រទេស​ឥណ្ឌា​​កាល​ថ្ងៃ​ទី​១៥ខែ​​តុលា​។

​តាម CNA យន្តហោះ F-15SG ចំនួនពីរគ្រឿងបានហោះ​អម​យន្តហោះចេញពីតំបន់ដែលមានប្រជាជនរស់​នៅ​ច្រើន​ ហើយវាបានចុះចត​​នៅអាកាសយានដ្ឋាន​អន្តរជាតិ​ Changi នៅម៉ោងប្រហែល១០​និង​០៤​នាទី​យប់ យឺត​​ជាងមួយម៉ោង​​​បន្ទាប់ពី​ការ​​គ្រោង​ទុក​សម្រាប់​ការ​​ចុះចត​ធម្មតា​​។

លោករដ្ឋមន្ត្រី​ក្រសួង​ការពារជាតិ​ បាននិយាយថា៖«ប្រព័ន្ធការពារអាកាសដែលមានមូលដ្ឋានលើដីរបស់យើង និងក្រុមកម្ចាត់អាវុធជាតិផ្ទុះក៏ត្រូវបានដាក់​ឱ្យ​ប្រុង​ជើង​ការ​កម្រិតខ្ពស់ ។ នៅពេលវា​ចុះ​ចត​ដល់​ដី​ យន្តហោះត្រូវបានប្រគល់ឱ្យប៉ូលីសអាកាសយានដ្ឋាន» ដោយបន្ថែមថា ការស៊ើបអង្កេតកំពុងបន្ត។

លោក រដ្ឋ​មន្ត្រី​ក្រសួង​ការជាតិ​​​បាន​​​និយាយថា៖​«អរគុណច្រើនចំពោះការលះបង់ និងវិជ្ជាជីវៈរបស់កងកម្លាំងប្រដាប់អាវុធសិង្ហបុរី និងក្រុមសន្តិសុខជាតិ​របស់យើង ដែលរក្សាយើងឱ្យមានសុវត្ថិភាពនៅក្នុងមាតុភូមិរបស់យើង ទោះបីជាមានការគំរាមកំហែងនៅជុំវិញយើងក៏ដោយ»។

ជាការឆ្លើយតបទៅនឹងសំណួររបស់ CNA កងកម្លាំងប៉ូលីសសិង្ហបុរី (SPF) បាននិយាយថា វាត្រូវបានជូនដំណឹងអំពីការគំរាមកំហែងគ្រាប់បែកនៅម៉ោងប្រហែល៨​និង​២៥​នាទី​យប់។

SPF បាននិយាយថា៖«យន្តហោះបានចុះចតដោយសុវត្ថិភាពនៅអាកាសយានដ្ឋាន Changi នៅម៉ោងប្រហែល១០​និង​០៤​នាទី​យប់ ក្រោមការអមដោយយន្តហោះចម្បាំង RSAF»៕​

ដោយ រ៉ាន់ រើយ​

The post ទ័ពអាកាសសិង្ហបុរី​​​បញ្ចេញ​យន្តហោះ​​ចម្បាំង​ពីរគ្រឿង​​ទៅអមយន្តហោះ​ដែល​គំរាម​បំផ្ទុះ​គ្រាប់បែក​ appeared first on Kampuchea Thmey Daily.

បទ​ចោទ​​៣០​​នឹង​ត្រូវ​​​បាន​​យក​មក​ពិចារណា​​ដំណើរ​ការ​ក្តី​​។ នៅ​ក្នុង​ដំណើរ​ការ​រឿង​ក្តី​​​ពុក​រលួយ​ដ៏​ល្បី​ល្បាញ​និង​កម្រ​របស់​ប្រទេស​​ដែល​មាន​សេដ្ឋកិច្ច​រីកចម្រើន​បំផុត​នៅ​អាស៊ីអាគ្នេយ៍​។​

​យោង​ការ​ចេញ​ផ្សាយ​ភ្លាម​ៗ​​ពីដំណើរ​ការ​​​សវនាការ​​នោះ សារ​ព័ត៌មាន​ The Straits Times បាន​ឱ្យ​ដឹង​ថា ​​​រាល់​បទ​​ចោទ​​ពាក់​​​​​​​ព័ន្ធ​​ប្រព្រឹត្ត​អំពើ​ពុក​រលួយ​​​មិន​មាន​ទៀត​ឡើយ​។​​ ខណៈ​ពេលនេះ​ដំណើរ​ការ​សវនាការ​​​រឿងក្តី​​នេះ​​កំពុង​​បន្ត​នៅ​តុលាការ អយ្យការ​អម​តុលាការ​​នឹង​បន្ត​នីតិវិធី​៤​ករណី​នៃ​ការ​ទទួល​បាន​វត្ថុ​មាន​តម្លៃ​ ក្នុង​នាម​​មន្ត្រី​រាជការ តាម​មាត្រា​១៦៥ នៃ​ក្រម​ព្រហ្មទណ្ឌ និង​​មួយករណី​​នៃ​ការ​រារាំង​ដល់​ដំណើរ​នៃ​យុត្តិ​ធម៌​តាម​មាត្រា ២០៤A(ក) នៃ​ក្រម​ព្រហ្មទណ្ឌ។

មេធាវីរបស់ Iswaran លោក Davinder Singh មានប្រសាសន៍ថា៖៖«កូនក្តីរបស់ខ្ញុំនឹងចាត់វិធានការជាក់លាក់មួយ ដោយមើលឃើញថា ព្រះរាជអាជ្ញាលែងបន្ត​ដំណើរការ​​រឿង​ក្តី​ជាមួយ​បទ​ចោទប្រកាន់ក្រោមច្បាប់ការពារអំពើពុករលួយទៀតហើយ»​។ នេះ​មាន​ន័យ​ថា គាត់​ត្រូវ​បាន​គេ​រំពឹង​ថា​នឹង​សារភាព​​​ទោស​​កំហុស​​។

កាល​ដើម​ឆ្នំា​២០២៤ អតីតរដ្ឋមន្ត្រី​ក្រសួង​ដឹកជញ្ជូនសិង្ហបុរី​ លោក S. Iswaran ​ដែលតុលាការ​​កាត់​ទោស​ពីបទ​ពុករលួយ​ បាន​បង្ហាញ​​ពី​ភាព​​​គ្មាន​ទោសពៃរ៍​របស់លោក ដោយ​​​ប្រគល់​ប្រាក់បៀវត្សរ៍ និង​ប្រាក់​ឧបត្ថម្ភ​​​​របស់​សភា​​​​ដល់​សមាជិកសភាវិញ​ ដែល​លោក​បានទទួល​ពី​ការចាប់ផ្តើម​ការស៊ើបអង្កេត​ក្នុង​ខែកក្កដា​ឆ្នាំ២០២៣។

នៅ​ក្នុង​លិខិត​លាលែង​ពី​តំណែង​របស់ S. Iswaran ​ទៅកាន់​នាយករដ្ឋមន្ត្រី Lee ចុះ​ថ្ងៃទី១៦ ​ខែ​មករា ២០២៤ លោក Iswaran បាន​និយាយថា ការិយាល័យ​ស៊ើបអង្កេត​ការអនុវត្ត​អំពើពុករលួយ​បាន​ចោទ​ប្រកាន់​គាត់​ពីបទ​ល្មើសផ្សេង។ លោក​បានបញ្ជាក់​ជាថ្មី​ម្តងទៀត​អំពី​ការច្រានចោល​ការចោទប្រកាន់​មកលើ​រូបលោក ហើយ​បាន​និយាយថា វា​ពិតជា​ត្រឹមត្រូវ​សម្រាប់​លោក​ក្នុងការ​លាលែង​ពីមុខ​តំណែងផ្សេងៗរបស់លោក។

នៅក្នុង​លិខិត​ដាច់ដោយឡែក​មួយ​ចុះ​ថ្ងៃទី១៧​ ខែមករា២០២៤ លោក Iswaran បាន​ប្រាប់​​នាយក​រដ្ឋមន្ត្រី កាល​នោះ គឺ លោក Lee Hsien Loong អំពី​ផែនការ​របស់គាត់​ក្នុងការ​ប្រគល់​ប្រាក់បៀវត្សរ៍ និង​ប្រាក់ឧបត្ថម្ភ​សមាជិក​សភា​ឡើងវិញ។ Iswaran បាន​ឈប់សម្រាក​តាំងពី​ថ្ងៃទី ១២ ខែកក្កដាឆ្នាំ​២០២៣៕​

The post ​អតីត​រដ្ឋមន្ត្រី​​​ដឹកជញ្ជូន​សិង្ហបុរី​​សារភាព​កំហុស​នៅ​មុខ​តុលាការ​កំពូល​​ appeared first on Kampuchea Thmey Daily.

ពេលនោះ កប៉ាល់ដឹកកុងតឺន័រ MV Dali របស់ក្រុមហ៊ុនសិង្ហបុរី Grace Ocean Private Limited និង Synergy Marine Private Limited បានដាច់ចរន្តអគ្គិសនី ហើយទៅបុកស្ពានដែលសាងសង់ក្នុងឆ្នាំ១៩៧៧។ 

ក្នុងពាក្យបណ្តឹងនេះ រដ្ឋាភិបាលទីក្រុងវ៉ាស៊ីនតោន បញ្ជាក់ថា ខ្លួនបានចំណាយប្រាក់អស់ជាង ១០០លានដុល្លារទៅហើយ ដើម្បីបោសសម្អាតគ្រឿងដែកនិងសំណល់ផ្សេងៗប្រហែលពី៣ ០០០ទៅ៤ ០០០តោនក្រោយហេតុការណ៍កប៉ាល់បុកស្ពាន និងការបើកកំពង់ផែ Baltimore ឡើងវិញ។

ស្របពេលជាមួយគ្នានោះដែរ រដ្ឋមន្ត្រីក្រសួងយុត្តិធម៌លោក Merrick Garland អះអាងថា បន្ទុកទាំងអស់ត្រូវតែចំណាយដោយក្រុមហ៊ុនកប៉ាល់ មិនមែនចេញថ្លៃដោយអ្នកបង់ពន្ធអាមេរិកទេ ហើយប្រាក់​សំណង​នឹង​ត្រូវ​ចំណាយ​លើ​ការ​សាង​សង់​ឡើង​វិញទាំងអស់។

ចំណែកមេធាវីម្នាក់ទៀតឈ្មោះ Brian Boynton បានគូសបញ្ជាក់ថា តាមពិតនេះគឺជាគ្រោះមហន្តរាយដែលអាចបញ្ចៀសបាន ហើយកំហុសគ្រប់យ៉ាងគឺបណ្តាលមកពីម្ចាស់កប៉ាល់ ដូច្នេះពួកគេត្រូវទទួលខុសត្រូវ។

សូមបញ្ជាក់ថា ហេតុការណ៍កប៉ាល់បុកស្ពានដ៏រន្ធត់នេះ បណ្តាលឲ្យកម្មករធ្វើផ្លូវចំនួន៦នាក់បាត់បង់ជីវិត ហើយវាគឺជាគ្រោះថ្នាក់ខាតបង់ថវិកាធំធេងបំផុតមិនធ្លាប់មានសោះ ក្នុងប្រវត្តិសាស្រ្តសម័យទំនើបរបស់សហរដ្ឋអាមេរិក៕

អត្ថបទ៖ សុខ សុវណ្ណ

ចុចអាន៖ អាមេរិក ជួបគ្រោះអកុសល កប៉ាល់បុកស្ពានដ៏រន្ធត់ ចំនួន៧លើក ក្នុងប្រវត្តិសាស្រ្ត

The post អាមេរិក ប្តឹងទារសំណង ១០០លានដុល្លារពីក្រុមហ៊ុនជាម្ចាស់កប៉ាល់ដែលបុកស្ពាននៅ Baltimore  appeared first on Kampuchea Thmey Daily.