ខែក្រោយ សិង្ហបុរី នឹងផ្ដល់ប្រាក់ដល់ប្រជាជន ៣លាននាក់ ដើម្បីទប់ទល់នឹងថ្លៃរស់នៅ

នៅខែក្រោយនេះ ប្រទេសសិង្ហបុរី នឹងផ្ដល់ប្រាក់ដល់មនុស្សពេញវ័យប្រមាណ ៣ លាននាក់ដើម្បីជួយទប់ទល់នឹងថ្លៃរស់នៅដែលកំពុងហក់ឡើងខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ VN Express នៅថ្ងៃអាទិត្យទី៩ខែវិច្ឆិកាឆ្នាំ២០២៥ ជំនួយសាច់ប្រាក់នេះនឹងមានចាប់ពី ១០០-៦០០ដុល្លារសិង្ហបុរី (៧៧-៤៦១ដុល្លារអាមេរិក) អាស្រ័យលើលក្ខណៈវិនិច្ឆ័យដូចជា ចំនួនអចលនទ្រព្យដែលកាន់កាប់ និងប្រាក់ចំណូលរបស់បុគ្គលម្នាក់នោះ។

ឧទាហរណ៍ អ្នកដែលមានអចលនទ្រព្យច្រើនឬមានប្រាក់ចំណូលលើសពី ១០ម៉ឺនដុល្លារសិង្ហបុរី នឹងទទួលបាន ១០០ដុល្លារសិង្ហបុរី  ខណៈអ្នកមានប្រាក់ចំណូល ៣៩ ០០០ដុល្លារសិង្ហបុរីឬតិចជាងនេះ នឹងទទួលបានទឹកប្រាក់អតិបរមា ៦០០ដុល្លារសិង្ហបុរី។

យ៉ាងណា ប្រជាពលរដ្ឋត្រូវតែមានអាយុ២១ឆ្នាំឡើង គិតត្រឹមឆ្នាំ២០២៦ និងជារស់នៅក្នុងប្រទេសសិង្ហបុរី ទើបមានសិទ្ធិទទួលបានជំនួយនេះ។

ការបើកប្រាក់នេះគឺជាផ្នែកមួយនៃកញ្ចប់ធានារ៉ាប់រងដ៏ធំរបស់សិង្ហបុរី ដែលដាក់បញ្ចូលក្នុងកញ្ចប់ថវិកាឆ្នាំ២០២៣ ជាមួយគោលបំណងគាំទ្រដល់ក្រុមគ្រួសារដែលមានប្រាក់ចំណូលទាបទៅមធ្យម៕

អត្ថបទ៖ សុខ សុវណ្ណ