បុរស ២នាក់នេះ ស្ថិតក្នុងចំណោមបុរស ៧នាក់ ដែលជាប់ក្នុងរូងភ្នំ នៅខេត្ត Xaysomboun ភាគកណ្តាលប្រទេសឡាវ ប៉ុន្តែ បុរស ៥នាក់ ត្រូវបានជួយសង្គ្រោះចេញពីរូងភ្នំរួចទៅហើយ នៅសល់តែ ២នាក់ទៀតប៉ុណ្ណោះ ដែលមិនទាន់រកឃើញ។

អ្នកទាំងអស់ គឺមកពីខេត្ត Xaysomboun ភាគកណ្តាលប្រទេសឡាវ បាននាំគ្នាដើរចូលទៅក្នុងរូងភ្នំនោះ តាំងពីថ្ងៃពុធ សប្តាហ៍មុន ដើម្បីស្វែងរកកម្ទេចមាស និងបរបាញ់សត្វព្រៃ ប៉ុន្តែជាអកុសល ពួកគេមិនអាចត្រឡប់ចេញមកវិញបានឡើយ ដោយសារតែមាត់រូងភ្នំត្រូវបានបាក់ដីបិទជិតផ្លូវ។

អ្នកទាំង៧ បានចូលក្នុងរូងភ្នំ នៅថ្ងៃទី២០ ខែឧសភា ដើម្បីស្វែងរកកម្ទេចមាស និងបរបាញ់សត្វព្រៃ ប៉ុន្តែជាអកុសល ពួកគេមិនអាចត្រឡប់ចេញមកវិញបានឡើយ ដោយសារតែមាត់រូងភ្នំត្រូវបានបាក់ដីបិទជិតផ្លូវ។

តាមការផ្សាយរបស់ The Star នៅថ្ងៃអាទិត្យ ទី៧ ខែមិថុនា ឆ្នាំ២០២៦, បុរស ៥នាក់ដែលសង្គ្រោះបានរួចហើយនោះ បានប្រាប់ឲ្យដឹងថា បុរស ២នាក់ទៀត ចូលទៅក្នុងរូងភ្នំជ្រៅពេកនៅមួយផ្នែកទៀត ដូច្នេះហើយទើបធ្វើឲ្យប្រតិបត្តិការជួយសង្គ្រោះ មានភាពស្មុគស្មាញ និងពិបាកខ្លាំង។

តាមសម្តីលោក Lee Kian Lie អ្នកជ្រមុជទឹកម៉ាឡេស៊ី ដែលចូលរួមក្នុងប្រតិបត្តិការសង្គ្រោះ កាលពីថ្ងៃទី២៨ ខែឧសភា, ប្រតិបត្តិការនេះ បានឈានមកដល់ «ទីបញ្ចប់» ហើយ ដោយសារតែហានិភ័យ មានខ្ពស់ជាងឱកាសក្នុងការជួយសង្គ្រោះបុរសទាំងនោះ។

ក្រុមអ្នកដឹកនាំជួយសង្គ្រោះថ្លែងថា មាត់រូងភ្នំ កាន់តែមិនស្រួល ដោយគុណភាពខ្យល់មានគ្រោះថ្នាក់ ហើយទឹកភ្លៀងមូសុងតាមរដូវកាលដែលកំពុងធ្លាក់មក អាចនឹងបង្កឲ្យមានទឹកជំនន់ឆាប់រហ័ស គំរាមកំហែងដល់អាយុជីវិតកាន់តែខ្លាំង។

ក្រុមសង្គ្រោះបន្ទាន់ បានទុកស្បៀងអាហារសម្រាប់រស់រានមានជីវិត នៅតាមចំណុចផ្សេងៗគ្នា ខាងក្នុងរូងភ្នំ ហើយកំពុងបន្តដំណើរការម៉ាស៊ីនបូមទឹកពីខាងក្រៅ ដោយសង្ឃឹមថា នឹងមានអព្ភូតហេតុកើតឡើង៕

អត្ថបទ៖ សុខ សុវណ្ណ

The post អស់​សង្ឃឹម​ហើយ​ ក្នុង​ការ​​សង្គ្រោះ​ជីវិត​ បុរស ​២​នាក់​ទៀត​ ដែលជាប់ក្នុងរូងភ្នំ ​នៅឡាវ appeared first on Kampuchea Thmey Daily.

បុរសម្នាក់នេះ ស្ថិតក្នុងចំណោមអ្នកភូមិ ៥​នាក់ ដែលជាប់ក្នុងរូងភ្នំ អស់រយៈពេលមួយសប្តាហ៍មកហើយ ដោយពួកគេជាប់នៅក្នុងនោះ ព្រោះតែភ្លៀងធ្លាក់ខ្លាំង និងបំណាក់ដី។

តាមពិត ពួកគេមានគ្នា ៧នាក់ ប៉ុន្តែគេរកឃើញអ្នកនៅរស់តែ ៥នាក់ប៉ុណ្ណោះ ខណៈ ២នាក់ទៀត មិនដឹងបាត់ខ្លួននៅឯណា។ 

អ្នកទាំងអស់ គឺមកពីខេត្ត Xaysomboun ភាគកណ្តាលប្រទេសឡាវ បាននាំគ្នាដើរចូលទៅក្នុងរូងភ្នំនោះ តាំងពីថ្ងៃពុធ សប្តាហ៍មុន ដើម្បីស្វែងរកកម្ទេចមាស និងបរបាញ់សត្វព្រៃ ប៉ុន្តែជាអកុសល ពួកគេមិនអាចត្រឡប់ចេញមកវិញបានឡើយ ដោយសារតែមាត់រូងភ្នំត្រូវបានបាក់ដីបិទជិតផ្លូវ។

យ៉ាងណា ឥឡូវ បុរសម្នាក់ត្រូវ សង្គ្រោះចេញមកបានហើយ ក្រោយកិច្ចខិតខំជួយសង្គ្រោះយ៉ាងយូរ ខណៈ ៤នាក់ផ្សេងទៀត នឹងត្រូវជួយជាបន្តបន្ទាប់។

អត្តសញ្ញាណរបស់បុរសម្នាក់នោះ មិនត្រូវបានទម្លាយទេ ហើយក្រុមរុករកបញ្ជាក់ថា ពួកគេនឹងតាមរក បុរស២នាក់ទៀត ឲ្យឃើញ៕

អត្ថបទ៖ សុខ សុវណ្ណ

The post បុរសឡាវ ៥នាក់ជាប់ក្នុងរូងភ្នំ ពេលនេះ សង្គ្រោះចេញមក បានម្នាក់ហើយ! appeared first on Kampuchea Thmey Daily.

សារព័ត៌មាន Asia One បានចុះផ្សាយ​នា​ថ្ងៃព្រហស្បតិ៍ ទី​២៨ ខែ​ឧសភា ឆ្នាំ២០២៦ នេះ ថា បើតាមការបញ្ជាក់ពីក្រុមការងារជួយសង្គ្រោះ អ្នកភូមិ ២នាក់ផ្សេងទៀត ដែលបានធ្វើដំណើរទៅជាមួយគ្នា គឺកំពុងតែបាត់ខ្លួននៅឡើយ។ អ្នកភូមិទាំង ៧នាក់នេះ មកពីខេត្ត Xaysomboun ភាគកណ្តាលនៃប្រទេសឡាវ បាននាំគ្នាដើរចូលទៅក្នុងរូងភ្នំនោះ តាំងពីថ្ងៃពុធ សប្តាហ៍មុន ដើម្បីស្វែងរកកម្ទេចមាស និងបរបាញ់សត្វព្រៃ ប៉ុន្តែជាអកុសល ពួកគេមិនអាចត្រឡប់ចេញមកវិញបានឡើយ ដោយសារតែមាត់រូងភ្នំត្រូវបានបាក់ដីបិទជិតផ្លូវ។

វីដេអូដែលចែករំលែកដោយក្រុមជួយសង្គ្រោះ បានបង្ហាញឱ្យឃើញពីទិដ្ឋភាពដ៏គួរឱ្យរន្ធត់ ដោយអ្នកមុជទឹកត្រូវលូនវារយ៉ាងលំបាកឆ្លងកាត់ច្រកផ្លូវដ៏ចង្អៀត ពេញទៅដោយភក់ និងទឹកលិចស្ទើរតែទាំងស្រុង។ តំណាងអង្គការអ្នកស្ម័គ្រចិត្តជួយសង្គ្រោះប្រជាជនឡាវ លោក Bounkham Luanglath បានថ្លែងប្រាប់ប្រព័ន្ធផ្សព្វផ្សាយទាំងសំឡេងញ័រភ័យនៅឡើយថា ក្រុមការងារពិតជាអាចធ្វើវាបានមែន ហើយពួកគេនឹងបន្តស្វែងរកអ្នកបាត់ខ្លួន ២នាក់ទៀត ដោយមិនបោះបង់ឡើយ។ ប្រព័ន្ធរូងភ្នំនេះ លាតសន្ធឹងជ្រៅទៅក្រោមដី ហើយមានសភាពចង្អៀតខ្លាំង ដោយកន្លែងខ្លះមានទទឹងត្រឹមតែ ៥០សង់ទីម៉ែត្រ ប៉ុណ្ណោះ ដែលធ្វើឱ្យការចូលទៅកាន់តែប្រឈមនឹងគ្រោះថ្នាក់។

អ្នកជំនាញមុជទឹកជួយសង្គ្រោះជនជាតិហ្វាំងឡង់ លោក Mikko Paasi បានរៀបរាប់ថា រូងភ្នំនេះ មានសភាពដូចជា អណ្តូងរ៉ែមាស ដែលគេបោះបង់ចោល ហើយក្រុមសង្គ្រោះត្រូវប្រឈមមុខនឹងឧបសគ្គរាប់រយម៉ែត្រ ទាំងផ្លូវចង្អៀត ទឹកជំនន់ ហានិភ័យនៃការបាក់រលំ ព្រមទាំងខ្យល់អាកាសពុលនៅក្នុងនោះផងដែរ។ លោកបានប៉ាន់ប្រមាណថា អ្នកភូមិទាំងនោះ បានជាប់គាំងនៅចម្ងាយប្រហែល ៣០០ម៉ែត្រពីផ្លូវចេញ។ គួរដឹងដែរថា រូងភ្នំនេះ ស្ថិតនៅចម្ងាយប្រហែល ១២០គីឡូម៉ែត្រ ភាគខាងជើងទីក្រុងវៀងចន្ទន៍ ហើយវាជាតំបន់គ្មានម្ចាស់គ្រប់គ្រងឡើយ ដែលជាហេតុធ្វើឱ្យអ្នកភូមិក្នុងតំបន់តែងតែនាំគ្នាទៅជីករន្ធរកមាស ឬរកចំណីអាហារជារឿយៗ៕

ប្រែសម្រួល៖ ឈាង

The post រកឃើញអ្នកភូមិ៥នាក់ នៅមានជីវិត ក្រោយជាប់ក្នុងរូងភ្នំលិចទឹកនៅឡាវ អស់មួយសប្តាហ៍ appeared first on Kampuchea Thmey Daily.

តើច្បាប់កាតព្វកិច្ចយោធានៅប្រទេសឡាវមានខ្លឹមសារ និងការអនុវត្តយ៉ាងដូចម្តេចខ្លះ?

ក្របខណ្ឌច្បាប់ និងអាយុកំណត់នៃការចូលបម្រើទ័ព

របាយការណ៍ស្តីពីច្បាប់យោធារបស់គេហទំព័រច្បាប់អន្តរជាតិ Law Gratis បាន​ឱ្យដឹង​ថា យោងតាមរដ្ឋធម្មនុញ្ញ និងច្បាប់ស្តីពីការការពារជាតិរបស់ប្រទេសឡាវ ប្រជាពលរដ្ឋឡាវទាំងអស់មានកាតព្វកិច្ចក្នុងការការពារជាតិ និងរក្សាសន្តិសុខជូនប្រជាជន។

នៅក្នុងនោះ ច្បាប់តម្រូវឱ្យពលរដ្ឋបុរសដែលមានអាយុចាប់ពី ១៨ ឆ្នាំ ដល់ ៣៥ ឆ្នាំ ត្រូវតែបំពេញកាតព្វកិច្ចយោធាជាដាច់ខាត។ ដោយឡែក សម្រាប់រយៈពេលនៃការបំពេញកាតព្វកិច្ចនេះ គឺមានភាពបត់បែន ដោយជាទូទៅមានរយៈពេលចាប់ពី ១៨ ខែឡើងទៅ ឬអាចយូរជាងនេះ អាស្រ័យលើតម្រូវការជាក់ស្តែងរបស់កងទ័ព និងជំនាញរបស់បុគ្គលម្នាក់ៗ។

ទោះជាយ៉ាងណាក៏ដោយ បើតាមព័ត៌មានស្រាវជ្រាវពីអង្គការសហគមន៍អន្តរជាតិ War Resisters’ International (WRI) បានកត់សម្គាល់ថា ក្នុងករណីចាំបាច់ ឬស្ថានភាពពិសេស អាជ្ញាធរឡាវ ក៏អាចហៅយុវជនដែលមានអាយុចាប់ពី ១៥ ឆ្នាំឡើង ឱ្យចូលរួមបម្រើកងទ័ពបានផងដែរ។

ការលើកលែង និងការអនុវត្តជាក់ស្តែង

ទោះបីជាច្បាប់កំណត់ថាជាកាតព្វកិច្ចសម្រាប់បុរសគ្រប់រូបក៏ដោយ ប៉ុន្តែនៅក្នុងការអនុវត្តជាក់ស្តែង ប្រទេសឡាវក៏មានការយោគយល់ និងលើកលែងចំពោះករណីមួយចំនួនផងដែរ។ ផ្អែកតាមប្រភពពី Law Gratis ដដែល បានពន្យល់ថា បុគ្គលដែលស្វែងរកការលើកលែង ឬពន្យារពេល រួមមាន៖

សិស្ស-និស្សិត៖ អ្នកដែលកំពុងបន្តការសិក្សានៅថ្នាក់ឧត្តមសិក្សា ឬវគ្គបណ្តុះបណ្តាលជំនាញផ្សេងៗ។

អ្នកមានបញ្ហាសុខភាព៖ បុគ្គលដែលមានពិការភាព ឬមានជំងឺប្រចាំកាយដែលមិនអាចបំពេញការងារធ្ងន់ធ្ងរបាន។

អ្នកបំពេញការងារសាធារណៈសំខាន់ៗ៖ មន្ត្រី ឬបុគ្គលិកដែលកំពុងធ្វើការក្នុងវិស័យស្នូល និងចាំបាច់សម្រាប់សង្គមជាតិ។

បន្ថែមពីលើនេះ របាយការណ៍ពី War Resisters’ International (WRI) បានបង្ហាញថា នៅក្នុងការអនុវត្តជាក់ស្តែង មិនមែនយុវជនឡាវគ្រប់រូប ដែលមានអាយុគ្រប់កំណត់សុទ្ធតែត្រូវបានកោះហៅឱ្យចូលយោធានោះទេ ដោយសារតែកងទ័ពឡាវ (Lao People’s Armed Forces) មានការកំណត់ចំនួនជ្រើសរើសច្បាស់លាស់ក្នុងមួយឆ្នាំៗ និងផ្អែកលើការសម្របសម្រួលរវាងអាជ្ញាធរមូលដ្ឋាន។

រចនាសម្ព័ន្ធកងទ័ព និងការស្ម័គ្រចិត្ត

ក្រៅពីការកោះហៅតាមកាតព្វកិច្ច (Conscription) ប្រទេសឡាវក៏បើកឱកាសឱ្យមានការចូលបម្រើទ័ពដោយស្ម័គ្រចិត្តផងដែរ សម្រាប់អ្នកដែលចង់ចាប់យកអាជីពជាយោធា ឬចង់ចូលរៀននៅសាលាបណ្ឌិត្យសភាយោធា ដើម្បីក្លាយជានាយទាហាន។

កងកម្លាំងប្រដាប់អាវុធប្រជាជនឡាវ ត្រូវបានបែងចែកជាច្រើនផ្នែក រួមមាន កងទ័ពជើងគោក កងទ័ពជើងទឹក កងទ័ពជើងអាកាស និងកងកម្លាំងការពារព្រំដែន។ លើសពីនេះ ឡាវក៏មានកងជីវពលការពារក្នុងតំបន់ (Militia) នៅតាមភូមិឃុំ ដែលភាគច្រើនជាកម្លាំងបម្រុង ឬជាអ្នកដែលបានបញ្ចប់កាតព្វកិច្ចយោធារួចរាល់។

សរុបមក ច្បាប់កាតព្វកិច្ចយោធានៅប្រទេសឡាវ គឺជាឧបករណ៍ច្បាប់ដ៏សំខាន់មួយក្នុងការបណ្តុះបណ្តាលវិន័យ ស្មារតីស្នេហាជាតិ ដល់យុវជនជំនាន់ក្រោយ និងដើម្បីត្រៀមលក្ខណៈជាស្រេចក្នុងការការពារបូរណភាពទឹកដី ទោះបីជាការអនុវត្តជាក់ស្តែងមានការបត់បែនទៅតាមស្ថានភាពសេដ្ឋកិច្ច និងសង្គមក៏ដោយ៕

អត្ថបទ៖ ឈាង

The post យុវជន និងកាតព្វកិច្ចជាតិ៖ ស្វែងយល់ពី «ច្បាប់កាតព្វកិច្ចយោធា» នៅប្រទេសឡាវ appeared first on Kampuchea Thmey Daily.

លោក គីម ជុងអ៊ុន ចាត់ទុកការជាប់ឆ្នោតសាជាថ្មីរបស់មេដឹកនាំឡាវរូបនេះថា ជាសញ្ញាបង្ហាញពីការជឿជាក់យ៉ាងជ្រាលជ្រៅ និងការគាំទ្រយ៉ាងពេញទំហឹងពីសំណាក់បក្សរដ្ឋាភិបាល និងប្រជាជនឡាវទាំងមូលចំពោះរូបលោក។

ក្នុងសារលិខិតដែល​ផ្ញើ​កាល​ពី​ថ្ងៃទី​១​មេសា​នោះដែរ លោក គីម ជុងអ៊ុន ក៏បានបង្ហាញនូវក្ដីសង្ឃឹមយ៉ាងមុតមាំថា ទំនាក់ទំនងរវាងប្រទេសទាំងពីរនឹងកាន់តែមានភាពជិតស្និទ្ធ និងរីកចម្រើនទៅមុខថែមទៀត។ លោកចង់​ឲ្យ​កិច្ចសហប្រតិបត្តិការនេះដើរទៅមុខស្របតាមស្មារតីដែលមេដឹកនាំទាំងពីរធ្លាប់បានព្រមព្រៀងគ្នាកាលពីជំនួបនៅទីក្រុងព្យុងយ៉ាង កាលពីខែតុលាឆ្នាំមុន។ គួររំលឹកផងដែរថា កាលពីពេលនោះ មេដឹកនាំទាំងពីរបានជួបពិភាក្សាគ្នាដើម្បីរឹតចំណងមិត្តភាព​ឲ្យ​កាន់តែរឹងមាំ ក្នុងឱកាសខួប​៨០ឆ្នាំនៃការបង្កើតគណបក្សពលករកូរ៉េ។

ការបន្តតំណែងរបស់លោក ថងលុន ស៊ីសុលីត ក្នុងសម័យប្រជុំដំបូងនៃសភាថ្មីរបស់ឡាវនេះ ហាក់ដូចជាការបើកទំព័រថ្មីមួយទៀតសម្រាប់កិច្ចសហការរវាងកូរ៉េខាងជើង និងឡាវ ឲ្យ​កាន់តែស៊ីជម្រៅជាងមុន។ លោក គីម ជុងអ៊ុន បានបញ្ជាក់យ៉ាងច្បាស់ថា លោកជឿជាក់លើចំណងមិត្តភាពដ៏យូរអង្វែងនេះ ហើយត្រៀមខ្លួនជានិច្ចក្នុងការបន្តកសាងទំនាក់ទំនង​ឲ្យ​កាន់តែល្អប្រសើរឡើង ដើម្បីផលប្រយោជន៍នៃប្រទេសទាំងពីរ៕

ប្រែសម្រួល៖ ឈាង

The post មិត្តភាពកាន់តែស្អិតរមួត៖ លោកគីម ជុងអ៊ុន ផ្ញើសារអបអរមេដឹកនាំ​ឡាវ​ជាប់ឆ្នោត​ម្ដង​ទៀត appeared first on Kampuchea Thmey Daily.

នៅវៀតណាម, បើតាមការផ្សាយរបស់ VN Express កាលពីថ្ងៃចន្ទទី៣០ខែមីនាឆ្នាំ២០២៦ ព្យុះភ្លៀងលាយឡំនឹងទឹកកក  បូករួមជាមួយបាតុភូមិខ្យល់កន្ត្រាក់និងរន្ទះបាញ់ បានសម្លាប់មនុស្សចំនួន៤នាក់ និងរបួស៩នាក់។

ក្នុងចំណោមអ្នកស្លាប់ទាំង៤ គឺមាន២នាក់ស្លាប់នៅខេត្ត Tuyen Quang និង Son La ចំណែក២នាក់ទៀត ស្លាប់នៅ Quang Ninh ខណៈទីក្រុងហាណូយក៏រងការបំផ្លិចបំផ្លាញផងដែរ ដោយផ្ទះសម្បែងជាច្រើនខ្នង ត្រូវខ្ទេចខ្ទី។

នៅឡាវឯណោះវិញ ប្រទេសនេះមិនទាន់ធូរស្រាលពីគ្រោះធម្មជាតិនៅឡើយទេ ដោយព្យុះភ្លៀងលាយឡំទឹកកកដូចគ្នានេះ បានបង្កការខូចខាតដល់ផ្ទះសម្បែង ៥ ៤៩០ខ្នងនៅទីក្រុងវៀងចន្ទន៍ កាលពីសប្តាហ៍មុន។

ដ្បិតមិនមានអ្នកស្លាប់ ប៉ុន្តែគ្រោះធម្មជាតិនេះ បណ្តាលឲ្យមនុស្ស៩នាក់ រងរបួស និងបង្កទុក្ខលំបាកដល់ពលរដ្ឋ រាប់ពាន់គ្រួសារ។

ងាកទៅថៃ, ក្រសួងសេដ្ឋកិច្ចនិងសង្គមឌីជីថល (DES) របស់ប្រទេសនេះ បានចេញសេចក្តីព្រមានយ៉ាងអាសន្នមួយនៅថ្ងៃចន្ទ​ទី​៣០​ខែ​មីនា​ឆ្នាំ​២០២៦​ថា សន្ទស្សន៍កម្ដៅ (Heat Index) កំពុងហក់ឡើងខ្ពស់ ហើយអាចនឹងឈានដល់៦០អង្សាសេ​ឯណោះ​នា​​ដើមខែមេសា។

យោង​តាម​បាងកកប៉ុស្ដិ៍ ក្រសួងថៃ​បញ្ជាក់ថា ស្ថានភាពក្ដៅហួតហែងខ្លាំងបែបនេះ គឺជាហានិភ័យខ្ពស់បំផុតសម្រាប់ក្រុមមនុស្សងាយរងគ្រោះ រួមមាន មនុស្សចាស់ កុមារ ស្រ្តីមានផ្ទៃពោះ និងអ្នកដែលមានជំងឺប្រចាំកាយ ជាពិសេសអ្នកលេបថ្នាំបញ្ចុះសម្ពាធឈាម ឬថ្នាំបញ្ចុះទឹកនោម ដែលធ្វើ​ឲ្យ​រាងកាយពិបាកគ្រប់គ្រងសីតុណ្ហភាព៕

អត្ថបទ៖ សុខ សុវណ្ណ

The post វៀតណាមនិងឡាវ ជួបព្យុះភ្លៀងលាយឡំទឹកកក មានទាំងមនុស្សស្លាប់ ចំណែកថៃ ជួបរលកកម្តៅ appeared first on Kampuchea Thmey Daily.

កាសែត Laotian Times បានចេញផ្សាយនៅថ្ងៃអង្គារទី២៤ខែមីនាឆ្នាំ២០២៦ថា ព្យុះនេះវាយប្រហារពេញទំហឹងចំខ័ណ្ឌ Sikhottabong នៃទីក្រុង វៀងចន្ទន៍ កាលពីល្ងាចថ្ងៃអាទិត្យ ខណៈទិន្នន័យនៃការខូចខាតទើបបញ្ចេញនៅថ្ងៃអង្គារ។

ក្រៅពីបំផ្លាញផ្ទះសម្បែង ព្យុះក៏បង្កការខូចខាតដល់សាលារៀន៤ខ្នង ប្រាសាទមួយនិងផ្លូវថ្នល់ជាច្រើនខ្សែផងដែរ ហើយជាការឆ្លើយតប ក្រសួងការងារនិងសុខុមាលភាពសង្គមឡាវ បានបញ្ចេញថវិកាប្រហែល ៦៥ ០០០ដុល្លារ ដើម្បីជួយដល់គ្រួសារដែលរងគ្រោះ។

អ្វីដែលគួរឲ្យកត់សម្គាល់គឺ ព្យុះនេះកើតឡើងក្រោយពេលព្រះមហាក្សត្រថៃ Vajiralongkorn និងមហេសី Suthida ទើបបញ្ចប់ព្រះរាជទស្សនកិច្ចផ្លូវការរយៈពេល ៣ ថ្ងៃនៅឡាវ ដែលជាព្រះរាជទស្សនកិច្ចលើកដំបូងបំផុតដោយស្តេចថៃក្នុងរយៈពេល៣២ឆ្នាំ។

ព្រះមហាក្សត្រថៃចុងក្រោយបង្អស់ដែលបំពេញទស្សនកិច្ចនៅប្រទេសឡាវ គឺព្រះបាទ Bhumibol Adulyadej ដែលយាងទៅជាមួយព្រះមហាក្សត្រី Sirikit ក្នុងខែមេសាឆ្នាំ១៩៩៤៕

អត្ថបទ៖ សុខ សុវណ្ណ

The post ផ្ទះពលរដ្ឋឡាវជាង ២ ០០០ខ្នង ខូចខាត ​ដោយសារព្យុះភ្លៀង លាយឡំជាមួយទឹកកកទាំងដុំៗ appeared first on Kampuchea Thmey Daily.

ប្រតិកម្មបែបនេះគឺជាការឆ្លើយតបទៅការបិទច្រកនាំចេញប្រេងឥន្ធនៈ និងសម្ភារៈយោធាតាមច្រកព្រំដែន Chong Mek ​នៃខេត្ត ឧប៊ុនរ៉ាចាថានី ដែលមានព្រំប្រទល់ជាប់នឹងខេត្តភាគខាងត្បូងឡាវ។

ការបិទនោះ​បណ្តាលឲ្យរថយន្ត​ដឹកប្រេងប្រហែល​ ៨០​ គ្រឿង ដែលអាចផ្ទុកប្រេងឥន្ធនៈជាង​ ៤ លានលីត្រ ​ត្រូវជាប់​គាំង​ និង​រង់ចាំនៅច្រកត្រួតពិនិត្យ Chong Mek។

យ៉ាងណារឿងនេះធ្វើឲ្យឡាវខឹង ដល់ថ្នាក់លោក Kommasith ចេញមុខមកបញ្ជាក់យ៉ាងច្បាស់កាលពីថ្ងៃអង្គារទី១៦ខែធ្នូឆ្នាំ២០២៥ថា មិនមានការនាំប្រេងបន្តចូលមកកម្ពុជាឡើយ ពោលគឺប្រេងទាំងអស់គឺសម្រាប់តែប្រើក្នុងប្រទេសឡាវប៉ុណ្ណោះ។

ពាក់ព័ន្ធបញ្ហានេះដែរ អ្នកនាំពាក្យក្រសួងការពារជាតិថៃ លោក​ ស៊ូរ៉ាសាន់ គង់ស៊ីរី កាលពីថ្ងៃចន្ទ ​បាន​សុំទោសរួចហើយ ​ដល់​​ប្រជាជន​​ឡាវ​ដែល​អាច​រង​ផល​ប៉ះពាល់។

សូមជម្រាបថា ថៃបានចេញបញ្ជាហាមឃាត់នៅច្រក Chong Mek ដោយអះអាងថា កម្ពុជាអាច​ទិញប្រេង និងទំនិញយុទ្ធសាស្រ្ត​ដោយប្រើឡាវជាច្រកឆ្លងកាត់។​

យ៉ាងណាមិញ កម្ពុជា បាន​ហាមឃាត់ការនាំចូលប្រេងឥន្ធនៈថៃតាំងពីចុងខែមិថុនាមកម្ល៉េះ ដោយបង្កើនការផ្គត់ផ្គង់ពីវៀតណាម និងសិង្ហបុរីជាដើម ខណៈទំនិញផ្សេងៗដែលនាំចូលពីថៃ ក៏ធ្លាក់ចុះខ្លាំងគួរឲ្យកត់សម្គាល់ផងដែរ ដោយការបិទព្រំដែនគោករវាងប្រទេសទាំង២៕

អត្ថបទ៖ សុខ សុវណ្ណ

The post ឡាវខឹងថៃរឿងបិទច្រក Chong Mek ដោយប្រាប់យ៉ាងច្បាស់ថា ប្រេងនាំចូលគឺសម្រាប់តែប្រើក្នុងស្រុកប៉ុណ្ណោះ appeared first on Kampuchea Thmey Daily.