តាមការផ្សាយរបស់ Gulf News កាលពីថ្ងៃពុធ ទី២៧ ខែឧសភា ឆ្នាំ២០២៦ អាជ្ញាធរអ៊ូហ្គង់ដា បានចេញបញ្ជាឲ្យបិទព្រំដែន ជាមួយកុងហ្គោ ភ្លាមៗជាកំហិត បន្ទាប់ពីប្រទេសខ្លួន កត់ត្រាករណីឆ្លងនាំចូល ហើយអ្នកធ្វើតេស្តវិជ្ជមានជំងឺអេបូឡា ចេះតែកើនច្រើនទៅៗ សូម្បីគ្រូពេទ្យក៏ឆ្លងដែរ។

យ៉ាងណា អ្វីដែលគួរឲ្យខ្លាចបំផុត គឺមេរោគអេបូឡាពូជថ្មីដ៏កម្រ ឈ្មោះ Bundibugyo ដែលមានភាពសាហាវ ជាមួយអត្រាសម្លាប់មនុស្សខ្ពស់ ខណៈអ៊ូហ្គង់ដា ក៏មានអ្នកឆ្លងពូជកម្រនេះ ៧ករណីហើយដែរ។

វិធានការរបស់អ៊ូហ្គង់ដា កើតឡើងចំពេល អង្គការសុខភាពពិភពលោក (WHO) ប្រកាសអាសន្នថា ការឆ្លងរាលដាលជំងឺអេបូឡា នៅ កុងហ្គោ គ្រប់គ្រងលែងបានហើយ។

ក្នុងកិច្ចប្រជុំតាមអនឡាញ ជាមួយក្រុមមន្ត្រីមកពីបណ្តាញសហភាពអាហ្វ្រិក ដែលផ្សាយដោយសារព័ត៌មាន DW កាលពីថ្ងៃអង្គារ ទី២៦ ខែឧសភា ឆ្នាំ២០២៦ អគ្គនាយក WHO លោក Tedros Adhanom Ghebreyesus ថ្លែងថា ការផ្ទុះអេបូឡា នៅកុងហ្គោ និងអ៊ូហ្គង់ដា កំពុង រាលដាលលឿនជាងសមត្ថភាព ដែលក្រុមឆ្លើយតបបន្ទាន់ អាចទប់ស្កាត់បាន ទៅទៀត។

ក្នុងអំឡុងពេលនោះ លោក Ghebreyesus ព្រមានថា ដោយសារតែ ភាពយឺតយ៉ាវ មិនអាចរកឃើញករណីឆ្លងឲ្យបានទាន់ពេល ជាហេតុធ្វើឲ្យអាជ្ញាធរសុខាភិបាល នៅដេញតាមពីក្រោយសភាពការណ៍ដែលវិវឌ្ឍឆ្ពោះទៅរកភាពអាក្រក់ ហើយជំងឺរាតត្បាតនេះ កំពុងស្ថិតនៅលើផ្លូវ ឆ្ពោះទៅរកសភាពកាន់តែអាក្រក់ខ្លាំង ទម្រាំវាធូរស្រាលមកវិញ។

គិតត្រឹមពេលនេះ មនុស្សសង្ស័យស្លាប់ ដោយសារជំងឺអេបូឡា នៅកុងហ្គោ បានកើនដល់ ២២០នាក់ហើយ និងឆ្លងជាង ៩០០ករណី ខណៈក្នុងចំណោមការឆ្លងភាគច្រើន គឺនៅខេត្ត Ituri៕

អត្ថបទ៖ សុខ សុវណ្ណ

The post អ៊ូហ្គង់ដា បិទព្រំដែនជាមួយ កុងហ្គោ ព្រោះការឆ្លងរាលដាលជំងឺអេបូឡា អាក្រក់ខ្លាំងទៅៗ appeared first on Kampuchea Thmey Daily.

មេទ័ព Muhoozi Kainerugaba បានបង្ហោះសារលើបណ្តាញសង្គម X ថា៖ «ខ្ញុំត្រៀមខ្លួនជាស្រេចក្នុងការចល័តកងទ័ពអ៊ូហ្គង់ដា ១០០ ០០០ នាក់ នៅក្នុងប្រទេសអ៊ីស្រាអែល ក្រោមការបញ្ជាផ្ទាល់របស់ខ្ញុំ ដើម្បីការពារទឹកដីដ៏វិសុទ្ធ ដែលជាទឹកដីរបស់ព្រះយេស៊ូវគ្រិស្ទ ជាព្រះជាម្ចាស់របស់យើង!»។

ក្រោយមកមិនបានប៉ុន្មានផង លោក Kainerugaba បានបង្ហោះសារមួយទៀត ដោយសរសេរថា៖ «ខ្ញុំមានយុវជនស្រេកឃ្លានសង្រ្គាមប្រហែល ៥០០ ០០០ នាក់។ អ្វីដែលពួកគេចង់បានគឺមានតែលុយប៉ុណ្ណោះ។ ពួកគេនឹងកម្ទេចទីក្រុងតេហេរ៉ង់នោះដោយមិនគិតថ្លៃឡើយ»។

សាររបស់មេទ័ពរូបនេះ​ បានបង្កឲ្យមានការភ្ញាក់ផ្អើលយ៉ាងខ្លាំងពាសពេញពិភពលោក ព្រោះតែការចេញមុខគាំទ្រអ៊ីស្រាអែលដោយចំហរ។

ដ្បិតគ្មានការបញ្ជាក់ច្បាស់ ប៉ុន្តែមូលហេតុនៅពីក្រោយជំហរនេះត្រូវគេមើលឃើញថា ព្រោះលោកចង់រំលឹកពីទំនាក់ទំនងជិតស្និទ្ធរវាងអ៊ូហ្គង់ដា និងអ៊ីស្រាអែល ជាពិសេសការផ្តល់តម្លៃដល់គ្រួសារលោក Netanyahu។

យ៉ាងណា អ្នកនយោបាយក្នុងស្រុកអ៊ូហ្គង់ដាខ្លះបារម្ភថា ការថ្លែងបែបនេះអាចធ្វើឲ្យប្រទេសខ្លួន ក្លាយជាគោលដៅនៃការសងសឹកពីសំណាក់អ៊ីរ៉ង់ ឬក្រុមសម្ព័ន្ធមិត្តរបស់អ៊ីរ៉ង់៕

អត្ថបទ៖ សុខ សុវណ្ណ

The post ប្រទេសអូហ្គង់ដា ប្រកាសបញ្ជូនទ័ព ១០ម៉ឺននាក់ទៅជួយអ៊ីស្រាអែល ការពារខ្លួនពីអ៊ីរ៉ង់ appeared first on Kampuchea Thmey Daily.

តាមសេចក្តីរាយការណ៍របស់ Daily Mail កាលពីថ្ងៃអាទិត្យទី១៥ខែធ្នូឆ្នាំ២០២៤, ជំងឺនេះត្រូវគេឲ្យឈ្មោះថា Dinga Dinga ឬគេហៅថា «ជំងឺរាំ» ហើយគិតត្រឹមពេលនេះ វាឆ្លងដល់មនុស្សប្រហែល៣០០នាក់ហើយ ភាគច្រើនជាស្រ្តីនិងកុមារី ខណៈករណីចុងក្រោយបំផុត ត្រូវគេរាយការណ៍នៅក្នុងស្រុក Bundibugyo។

ក្រុមគ្រូពេទ្យនិយាយថា ជំងឺនេះចេញរោគសញ្ញាក្តៅខ្លួនខ្លាំង ធ្វើឲ្យអ្នកឆ្លងញ័រប្រាណមិនអាចទប់បាន និងពិបាកដើរ ហើយប្រភពដើមនៃមេរោគបង្កជាជំងឺនេះ ឬការឆ្លងរបស់វា ក៏គេមិនទាន់ដឹងច្បាស់ដែរ។

មិនទាន់មានថ្នាំព្យាបាលជំងឺ Dinga Dinga ឲ្យចំឡើយ ប៉ុន្តែវាក៏មិនសាហាវដែរ ព្រោះមកទល់ពេលនេះ គ្មានសេចក្តីរាយការណ៍អំពីតួលេខមនុស្សស្លាប់ទេ។

ពាក់ព័ន្ធជំងឺនេះ មន្ត្រីសុខាភិបាលក្នុងស្រុក បានអំពាវនាវដល់អាជ្ញាធរ ឲ្យបន្តតាមដានករណីសង្ស័យ ហើយជំរុញដល់ប្រជាពលរដ្ឋទាំងអស់ ត្រូវមានអនាម័យ និងប្រុងប្រយ័ត្នជាប់ជានិច្ច៕

សូមទស្សនាវីដេអូ៖

អត្ថបទ៖ សុខ សុវណ្ណ

ចុចអាន៖ ផ្ទុះជំងឺចម្លែកក្នុងប្រទេសឥណ្ឌា ស្លាប់ម្នាក់និងរាប់រយនាក់ធ្លាក់ខ្លួនឈឺ

The post ប្រទេសនៅអាហ្វ្រិក ផ្ទុះជំងឺចម្លែក អ្នកឆ្លងហើយ ញាក់ខ្លួនដូចរាំ appeared first on Kampuchea Thmey Daily.

សមាគមកាកបាទក្រហមនៃប្រទេសអ៊ូហ្គង់ដា បាននិយាយ កាលពីថ្ងៃព្រហស្បតិ៍ថា សាកសពចំនួន១៣នាក់ត្រូវបានរកឃើញបន្ទាប់ពីបំណាក់ដីបានកប់ផ្ទះចំនួន៤០ ខណៈកិច្ចខិតខំប្រឹងប្រែងជួយសង្គ្រោះកំពុងបន្ត។ អាជ្ញាធរព្យាករណ៍ថាចំនួនអ្នកស្លាប់អាចនឹងកើនឡើងដល់៣០នាក់។

លើសពីនេះក៏មានអ្នករងរបួស១៥នាក់ផ្សេងទៀត ត្រូវបានជួយសង្គ្រោះ និងបញ្ជូនទៅកាន់មណ្ឌលសុខភាព Buluganya ផងដែរ។ កាសែត Daily Monitor បានរាយការណ៍ថា សាកសពភាគច្រើនដែលបានរកឃើញមកទល់ពេលនេះគឺជាកុមារ។

ភ្លៀងធ្លាក់ខ្លាំងបានបង្កឱ្យមានការបាក់ដីនៅក្នុង​ ភ្នំ Bulambuli ចម្ងាយ ២៨០ គីឡូម៉ែត្រភាគខាងកើតនៃទីក្រុង Kampala រដ្ឋធានីកាលពីយប់ថ្ងៃពុធ។ តំបន់​ដែល​រង​ផល​ប៉ះពាល់​មាន​ទំហំ​ប្រហែល ៥០ ហិចតា មាន​ផ្ទះ​សម្បែង និង​ដី​ស្រែ​ចំការ​ចុះ​ចំណោត។

រូបថត​និង​វីដេអូ​នៃ​ការ​ជីក​កកាយ​ដី​ភក់​ក្នុង​ការ​ស្វែង​រក​ជន​រង​គ្រោះ​ត្រូវ​បាន​គេ​ចែក​ចាយ​លើ​បណ្តាញ​សង្គម ខណៈផ្ទះខ្លះត្រូវបានគ្របដណ្ដប់ដោយភក់ទាំងស្រុង ខណៈខ្លះទៀតសល់តែដំបូលប៉ុណ្ណោះ។

បើតាមការិយាល័យនាយករដ្ឋមន្ត្រីបានចេញការជូនដំណឹងអំពីគ្រោះមហន្តរាយកាលពីថ្ងៃពុធដោយបញ្ជាក់ថា ភ្លៀងធ្លាក់ខ្លាំងនៅទូទាំងប្រទេសបានកាត់ផ្តាច់ផ្លូវសំខាន់ៗ។ ជាមួយគ្នានោះទូក​សង្គ្រោះ​ពីរ​គ្រឿង​ក៏បាន​ក្រឡាប់​ថែមទៀត ក្នុង​អំឡុង​បេសកកម្ម​ជួយ​សង្គ្រោះ​នៅ​ទន្លេ Nile ជា​កន្លែង​ដែល​ស្ពាន Pakwach ត្រូវ​បានជន់​លិច​ទឹក៕

អត្ថបទ៖ ប៊ុន សុភាព

The post អ្នកស្លាប់កើនឡើងដល់១៥នាក់​ក្នុង​ហេតុការណ៍​បាក់​ដី​កប់ផ្ទះ​៤០​ខ្នង​នៅអ៊ូហ្គង់ដា appeared first on Kampuchea Thmey Daily.

ឧបទ្ទវហេតុនេះ កើតឡើងនៅជំរំ Palabek ភាគពាយព្យប្រទេស ខណៈមេឃកំពុងភ្លៀងនិងមានផ្លេកបន្ទោរ ហើយក្រៅពីអ្នកស្លាប់ ក៏មានមនុស្សរងរបួស៣៤នាក់ផ្សេងទៀតផងដែរ។

ជំរំ Palabek គឺមានជនភៀសខ្លួននិងអ្នកស្វែងរកសិទ្ធិជ្រកកោនជាង ៨០ ០០០នាក់ ដែលភាគច្រើន គឺរត់គេចមកពីប្រទេសស៊ូដង់ខាងត្បូងដែលនៅជាប់នោះ។

យ៉ាងណាក្តីលោក Kituuma Rusoke អ្នកនាំពាក្យប៉ូលិសអ៊ូហ្គង់ដា មិនបង្ហាញថាតើកុមារដែលស្លាប់ទាំង១៣នាក់ មានអាយុប៉ុន្មានខ្លះនោះទេ គ្រាន់តែអះអាងថា មនុស្សធំម្នាក់ដែលបាត់បង់ជីវិត គឺមានអាយុ២១ឆ្នាំ។

សូមបញ្ជាក់ថា ហេតុការណ៍រន្ទះបាញ់សម្លាប់កុមារនៅប្រទេសអ៊ូហ្គង់ដា ក៏ធ្លាប់កើតឡើងផងដែរកាលពី៤ឆ្នាំមុន ដោយពេលនោះ បានឆក់យកជីវិតកុមារចំនួន១០នាក់ក្នុងទីក្រុង Arua ខណៈពួកគេកំពុងលេងបាល់ទាត់៕

អត្ថបទ៖ សុខ សុវណ្ណ

ចុចអាន៖ រន្ទះបាញ់សម្លាប់មនុស្សម្នាក់ និងរបួសធ្ងន់ម្នាក់ពេលកំពុងភ្ជួរស្រែ

The post កុមារ១៣នាក់ ត្រូវរន្ទះបាញ់ស្លាប់ ពេលធ្វើពិធីអធិស្ឋានទាំងមេឃភ្លៀង នៅប្រទេស អ៊ូហ្គង់ដា appeared first on Kampuchea Thmey Daily.

តាម​ការ​ចេញផ្សាយ​របស់​​សារព័ត៌មាន AP មនុស្សយ៉ាងហោចណាស់១៨នាក់​បាន​បាត់​បង់​ជីវិត​​នៅ​ក្នុង​ហេតុការ​ណ៍​បាក់ស្រុត​​គំនរ​សំរាម​​​នៅ​​​​ទីលាន​ចាក់សំរាមដ៏ធំ​នៅក្នុងរដ្ឋធានីនៃប្រទេសអ៊ូហ្គង់ដា​​​​​កាល​ពីថ្ងៃសុក្រ​​កន្លងទៅ​​​​​។

កន្លែងចាក់សំរាម Kiteezi ដែលសំរាមភាគច្រើន​ត្រូវ​បាន​ដឹក​​មក​ចាក់​​ពីទីក្រុង Kampala បានបាក់ស្រុត​​​​ ខណៈ​អាជ្ញាធរក្រុង Kampala បានឲ្យដឹងថា ក្រៅ​ពី​​អ្នកស្លាប់​យ៉ាងតិច១៨នាក់​ក្នុង​នោះ​​មាន​​​កុមារ​២​នាក់​​ត្រូវ​បាន​អះអាង​ភ្លាមៗ​ ហើយ​ក៏​នៅ​មានមនុស្ស១៤​នាក់ផ្សេងទៀតបានរងរបួស​ក្នុងហេតុការ​ណ៍​ដ៏​អាក្រក់​​​​​និង​កម្រ​នេះ​។

ការបាក់ស្រុតនេះត្រូវបានសន្និដ្ខានថា បណ្តាលមកពីភ្លៀងធ្លាក់ខ្លាំង ​ទោះបី​យ៉ាងណា ព័ត៌មានលម្អិតក្នុងហេតុការណ៍ដែលបានកើតឡើងមិនត្រូវ​បាន​លាត​ត្រដាក់​នៅឡើយ​។ អ្នក​ស្រី​បាន​និយាយ​ថា​ «​ការ​វាយ​តម្លៃ​មិន​ទាន់​បញ្ចប់​នៅ​ឡើយ​ទេ​ ខណៈជំនន់​ទឹកភ្លៀង​កំពុង​ពន្យឺតកិច្ចខិត​ខំ​ប្រឹងប្រែងរបស់​ក្រុម​ជួយ​សង្គ្រោះ​ដែល​ជីករកជនរងគ្រោះ​តាម​គំនរ​សំរាម»។

កន្លែងចាក់សំរាម Kiteezi ស្ថិតនៅលើជម្រាលដ៏ចោតមួយនៅក្នុងផ្នែកក្រីក្រនៃទីក្រុងKampala។ ស្ត្រី និងកុមារដែលរើសសំរាមផ្លាស្ទិកដើម្បីរកប្រាក់ចំណូលតែងតែប្រមូលផ្តុំនៅទីនោះ ហើយផ្ទះមួយចំនួនត្រូវបានសាងសង់នៅជិតកន្លែងចាក់សំរាម។អាជ្ញាធរ Kampala អស់ជាច្រើនឆ្នាំបានពិចារណាបិទទីតាំងនេះ និងកំណត់តំបន់ធំមួយនៅខាងក្រៅទីក្រុងជាកន្លែងចោលសំរាម ប៉ុន្តែវា​មិន​ច្បាស់​ទេថា​ហេតុអ្វី​បាន​ជា​ផែនការ​នេះ​បរាជ័យ​តាំងពី​ឆ្នាំ ២០១៦ មក។

ជាមួយគ្នានេះប្រធានាធិបតីអ៊ូហ្គង់ដាលោក Yoweri Museveni បានបញ្ជាឱ្យមានការស៊ើបអង្កេតលើឧបទ្ទវហេតុនេះដោយលោកបានបង្ហោះនៅលើបណ្ដាញសង្គម X ថា«ហេតុអ្វីបានជាមនុស្សរស់នៅជិតគំនរសំរាមដែលមិនស្ថិតស្ថេរបែបនេះ»។«តើអ្នកណាអនុញ្ញាតឱ្យមនុស្សរស់នៅក្បែរគំនរសំរាមដែលអាចមានគ្រោះថ្នាក់បែបនេះ? ខណៈទឹកហូរចេញពីកន្លែងនោះមានគ្រោះថ្នាក់ដែលមនុស្សមិនគួររស់នៅទីនោះស្រាប់ទៅហើយ»៕

អត្ថបទ៖ ប៊ុន សុភាព

The post ហេតុការណ៍​បាក់ស្រុតគំនរសំរាម​សម្លាប់​មនុស្ស​២៤នាក់​អ៊ូហ្គង់ដា appeared first on Kampuchea Thmey Daily.

តាមពិតទៅ ហេតុការណ៍នេះ កើតឡើងតាំងពីដើមឆ្នាំឯណោះក្នុងប្រទេសអ៊ូហ្គង់ដា ប៉ុន្តែទើបមានការចុះផ្សាយរបស់ខែមេសានេះប៉ុណ្ណោះ។ បើតាមសេចក្តីរាយការណ៍ ស្រ្តីជាម្តាយអាយុ២៣ឆ្នាំ បានបង្កើតកូន រួចយកទៅកប់ចោលក្នុងសួននាវេលាទាបភ្លឺ លុះដល់ម៉ោង១១ព្រឹក ទើបទារិកាត្រូវបានគេរកឃើញ។

មូលហេតុដែលឈានដល់ការរកឃើញទារិការូបនេះគឺដោយសារតែសាច់ញាតិខាងម្តាយ បានប្រទះឃើញឈាម លើដីដានទៅដល់កន្លែងកប់ក្នុងសួន រួចទើបទូរស័ព្ទទៅសេវាសង្គ្រោះបន្ទាន់ ដើម្បីជីករក ហើយទីបំផុតក៏បានរកឃើញក្មេងទាំងដែលមានជាប់ទងសុក។

ពិតជាអព្ភូតហេតុមែន! ទោះកប់ក្នុងដីអស់រយៈពេល៦ម៉ោង តែទារិកាមិនបាត់បង់ជីវិតឡើយ ហើយនៅតែអាចកម្រើកដៃជើងបានទៀតផង ប៉ុន្តែគ្រាន់តែពិបាកដកដង្ហើមបន្តិច។

យ៉ាងណា រូបគេមានស្នាមរលាត់ពេញខ្លួន ហើយប្រឡាក់ដោយឈាមនិងភក់ ទើបក្រុមអ្នកជួយសង្គ្រោះប្រញាប់រូតរះនាំរូបគេទៅកាន់មន្ទីរពេទ្យ។

តាមការពិនិត្យនៅមន្ទីរពេទ្យ ទារិកាមិនមានរបួសចំពោះបេះដូង ក្រពះ ឬសរីរាង្គផ្សេងទៀតឡើយ ហើយ៦ថ្ងៃក្រោយមក ទារិកាត្រូវបានអនុញ្ញាតឲ្យចាកចេញពីមន្ទីរពេទ្យ។

មកទល់ពេលនេះ គេមិនទាន់រកឃើញស្រ្តីជាម្តាយទរិកាឡើយ ហើយគេក៏មិនដឹងមូលហេតុដែលនាំឲ្យ ម្តាយដាច់ចិត្តកប់កូនខ្លួនឯងក្នុងដីដូច្នេះដែរ៕

អត្ថបទ៖ សុខ សុវណ្ណ

ចុចអាន៖ រដ្ឋមន្ត្រី​អ៊ូហ្គង់ដា លួចស័ង្កសីរាប់ម៉ឺនសន្លឹក ដែលគេទុកជួយជនងាយរងគ្រោះ

The post កុមារ អ៊ូហ្គង់ដា ម្នាក់ពិតជាអាយុថ្លៃ ត្រូវម្តាយ បង្កើតមកហើយ យកទៅកប់ចោលក្នុងដី ៦ម៉ោង តែមិនស្លាប់ appeared first on Kampuchea Thmey Daily.

កូនក្រមុំត្រូវបានគេនាំទៅហាងកែសម្ផស្សដើម្បីតុបតែងខ្លួន មុនឡើងជិះឡាន Super Custom ដែលមានឈ្មោះកូនក្រមុំ​នីមួយៗនៅលើនោះ។ ក្នុងពេលរថយន្តឆ្លងកាត់ទីក្រុង បុរសមានប្រពន្ធច្រើនរូបនេះត្រូវបានអ្នកភូមិរស់នៅជាមួយគ្នា ទះដៃ​អបអរសាទរ​ និងធ្វើ​ជា​សាក្សី​ក្នុង​ពិធី​យ៉ាងអធិកអធមផងដែរ ។

ភរិយាទាំងប្រាំពីររបស់គាត់មានឈ្មោះដូចជា Mariam, Madinah, Aisha, Zainabu, Fatuma, Rashida និង Musanyusa ។ លោក​បាន​បន្ត​ថា​ «​មិន​មាន​ការ​ប្រច័ណ្ឌ​រវាង​ប្រពន្ធ​ខ្ញុំ​ទេ​» គាត់​បាន​និយាយ​ថា​​ ​ចង់​បន្ថែម​ប្រពន្ធ​បន្ថែម​ទៀត​នៅ​ថ្ងៃ​អនាគតទៀតផង។

ទោះយ៉ាងណាក៏ដោយ លោក​ក៏បាននិយាយបន្ត​ថា លោក​តា​របស់លោកមាន​ប្រពន្ធ​៦​នាក់ ដែល​បែក​គ្នា​ហើយ។ ចំណែក ឪពុកចុងរបស់គាត់​មានប្រពន្ធប្រាំ ខណៈ​កូន​កំលោះ​ត្រូវ​បានគេ​និយាយថា បានបំបែកកំណត់ត្រា​មានភរិយាច្រើន​នៅ​ក្នុង​ប្រទេស​អ៊ូហ្គង់ដា​ភ្លាមៗ៕

ប្រែសម្រួល៖ សាង ស្រីល័ក្ខ

ប្រភព៖citizen

ចុចអាន៖បុរសចិនម្នាក់ខកចិត្តខ្លាំង ក្រោយដឹងថាវត្ថុបុរាណខំរក្សាទុករាប់ឆ្នាំ ជារបស់ក្លែងក្លាយ

The post បុរសជនជាតិ អ៊ូហ្គង់ដា រៀបការប្រពន្ធ៧នាក់ ខណៈបំណងអនាគតចង់បានបន្ថែមទៀត appeared first on Kampuchea Thmey Daily.