ដំបូងឡើយលោកស្រី Victoria បានចុះទៅទន្លេ Sand ដើម្បីស្វែងរកដំរីធម្មតាប៉ុណ្ណោះ ប៉ុន្តែមិនយូរប៉ុន្មានលោកស្រីបានប្រទះភ្នែកទៅនឹងហ្វូងដំរីកំពុងឆ្លងកាត់ទឹកទន្លេ ហើយក្នុងនោះមានកូនដំរីពណ៌ផ្កាឈូកគួរឲ្យស្រលាញ់មួយក្បាលថែមទៀតផង ។ កូនដំរីពណ៌ផ្កាឈូកតាមមេយ៉ាងស្អិត តាំងពីចុះទឹកមក ព្រោះវាហាក់ដូចជាភ័យ ប៉ុន្តែមេដំរីមើលថែកូនបានល្អណាស់ ។

គួរបញ្ជាក់ថា កូនដំរីនោះក៏មានជំងឺម្យ៉ាងផងដែរហៅថា Leucism ដែលមានលក្ខណៈស្រដៀងនឹងជំងឺ Albinism ដែរ ប៉ុន្តែ Leucism កើតលើសត្វ ចំណែកឯ Albinism កើតលើមនុស្ស ៕

ប្រែសម្រួល៖ វារី

ប្រភព៖​ UPI

ចុចអាន៖ កូនតោភ្នំភឿកដ៏កម្រមួយក្បាល កើតនៅប្រទេស នីការ៉ាហ្គា

The post កូនដំរីពណ៌ផ្កាឈូកដ៏កម្រមួយក្បាលដើរឆ្លងទន្លេជាមួយមេវានៅ អាហ្វ្រិកខាងត្បូង appeared first on Kampuchea Thmey Daily.

ក្រុមចំនួន៤គឺ Shivulani Dangerous Tigers, Nsami Mighty Birds, Kotoko Happy Boys និង Matiyasi FC ត្រូវបានហាមឃាត់មិនឲ្យលេងបាល់ទាត់នៅ អាហ្វ្រិកខាងត្បូង អស់មួយជីវិត។

តើមានរឿងអ្វីកើតឡើង?

ក្រុម Matiyasi FC និង Shivulani Dangerous Tigers កំពុងប្រជែងពិន្ទុគ្នា ដើម្បីឡើងទៅលេងលីគលំដាប់ទីបី។

ក្រុម Shivulani នាំមុខ Matiyasi FC ៣ពិន្ទុនៅក្នុងតារាង ហើយមានគ្រាប់បាល់លើស ១៦គ្រាប់។ ប៉ុន្តែក្រុម Matiyasi FC មានគំនិត ទៅសុំក្រុម Nsami Mighty Birds ឲ្យជួយ។

ជាលទ្ធផល ក្រុម Matiyasi FC បានយកឈ្នះក្រុម Mighty Birds ដោយលទ្ធផល ៥៩ ទល់នឹង ១។ ហើយរឿង​ដែល​ហួសចិត្ត​បំផុត​ចំពោះ​លទ្ធផល​នេះ គឺ ក្រុម Nsami ស៊ុតចូលទីខ្លួនឯងរហូតដល់ទៅ ៤១គ្រាប់ឯណោះ។

យ៉ាងណាក្តី ក្រុម Shivulani បានដឹងពីអ្វីដែលកើតឡើង ដូច្នេះនៅពេលចប់តង់ទី១ ពួកគេបានទៅរកគូប្រជែងគឺក្រុម Kotoko Happy Boys ដើម្បីសុំឲ្យជួយ។

ក្រុម Kotoko ក៏យល់ព្រម។ មុនពេលតង់ទី២ចាប់ផ្តើម កីឡាករពួកគេមួយចំនួន បានអះអាងថា ពួកគេអស់កម្លាំង លេងលែងកើត ហើយក្រុម Kotoko ចូលលេងតែ ៧ នាក់ប៉ុណ្ណោះ។

ជាលទ្ធផល ក្រុម Shivulani យកឈ្នះ Kotoko ៣៣ ទល់ ១។

ក្រៅពីក្រុមទាំង៤ ជាប់បម្រាមលេងបាល់មួយជីវិត អាជ្ញាកណ្តាល​មួយចំនួន​ដែល​ចូលរួម​ក្នុង​ការ​ប្រកួតនេះ ​ក៏​ទទួល​បម្រាម​ ដូច​មន្ត្រី​ក្រុម​មួយចំនួន​ផងដែរ៕

ប្រែសម្រួល៖ Vann Vann

ប្រភព៖ Sports King

ចុចអាន៖ ការប្រកួតចំនួន៦ក្នុងប្រវត្តិសាស្រ្តបាល់ទាត់ ដែលមានកំហុសពេលចាក់ភ្លេងជាតិ

The post ក្រុមបាល់ទាត់អាហ្វ្រិកខាងត្បូង ស៊ុតចូលខ្លួនឯង ៤១គ្រាប់ ចាញ់គេ ៥៩ ទល់ ១ ជាប់បម្រាមមួយជីវិត appeared first on Kampuchea Thmey Daily.

សេចក្តីថ្លែងការណ៍ពីការិយាល័យប្រធានាធិបតីបានឲ្យដឹងថា លោ Ramaphosa ចាប់ផ្តើមមិនស្រួលខ្លួនក្រោយពេលចាកចេញពីពិធីគោរពវិញ្ញាណក្ខន្ធដល់អតីតអនុប្រធានាធិបតី FW de Klerk ក្នុងទីក្រុង Cape Town នៅព្រឹកថ្ងៃនោះ ។

ទោះបីជាយ៉ាងណាក៏ដោយ លោកស្ថិតក្នុងស្ថានភាពល្អប្រសើរ ហើយកំពុងត្រូវបានត្រួតពិនិត្យដោយពេទ្យទាហានអាហ្វ្រិកខាងត្បូង។

គួរបញ្ជាក់ថា អាហ្រ្វិកខាងត្បូង ដែលជាប្រទេសត្រូវបានក្រុមអ្នកវិទ្យាសាស្ត្ររកឃើញវីរុសបំប្លែងខ្លួន Omicron បានឈានចូលរលកទីបួននៃជំងឺរាតត្បាត។

មានតែជាង២៥%ប៉ុណ្ណោះនៃប្រជាជនរបស់ប្រទេសនេះ ដែលបានចាក់វ៉ាក់សាំងពេញលេញ។ នេះបើយោងតាមកម្មវិធីតាមដានវ៉ាក់សាំងសកលរបស់ CNN៕

ប្រែសម្រួល៖ Vann Vann

ប្រភព៖ CNN

ចុចអាន៖ ក្លាយជាមហាសេដ្ឋី ដោយគ្រាន់តែចាក់វ៉ាក់សាំងការពារ កូវីដ

The post ប្រទេសផ្ទុះ Omicron ពេលនេះ កូវីដ ឆ្លងដល់ប្រធានាធិបតី appeared first on Kampuchea Thmey Daily.

ស្ត្រីដែលមិនបញ្ចេញឈ្មោះរូបនេះ ត្រូវបានគេថតជាប់នៅឯកណ្តាលផ្សារទំនើប Pick n Pay ក្នុងប្រទេសអាហ្រ្វិកខាងត្បូង បន្ទាប់ពីសន្តិសុខម្នាក់បានស្នើសុំឲ្យនាងពាក់ម៉ាស់។

នាងអះអាងថា នាងមិនមានម៉ាស់ទេ ប៉ុន្តែបន្ទាប់ពីសន្តិសុខគំរាមដេញនាងចេញពីផ្សារទំនើប នាងក៏បានស្រាតខោក្នុងដើម្បីយកមកពាក់ធ្វើជាម៉ាស់។

វីដេអូនេះត្រូវបានគេចែកចាយពេញបណ្តាញសង្គម Facebook ដោយអ្នកប្រើប្រាស់ម្នាក់បានសរសេរថា “នៅផ្ទះហើយទិញទំនិញតាមអនឡាញទៅ បើអ្នកមិនចូលចិត្តពាក់ម៉ាស់”។

អ្នកលេងអ៊ីនធឺណិតម្នាក់ទៀតបានបញ្ចេញមតិថា “រឿងនេះធ្វើឲ្យខ្ញុំឈឺ។ នាងដឹងអំពីច្បាប់ទូទាំងពិភពលោកហើយ។ យើងមានវីរុសធ្ងន់ធ្ងរហើយ នាងគិតថា ខោក្នុងនឹងជួយសង្រ្គោះនាង។ តើគ្រួសាររបស់អ្នកត្រូវគិតយ៉ាងដូចម្តេច?”។

កាលពីខែធ្នូឆ្នាំ២០២០ ប្រធានាធិបតីអាហ្វ្រិកខាងត្បូងលោក Cyril Ramaphosa បានសង្កត់ធ្ងន់ថា ការមិនពាក់ម៉ាស់ជាសាធារណៈគឺជាបទល្មើសព្រហ្មទណ្ឌ។

លោកនិយាយថា “អ្នកដែលមិនពាក់ម៉ាស់ អាចត្រូវបានចាប់ខ្លួននិងកាត់ទោស”៕

សូមទស្សនាវីដេអូ៖

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ប្រធានាធិបតីអាហ្វ្រិកខាងត្បូងទទូចឲ្យប្រទេសអ្នកមាន កុំទិញវ៉ាក់សាំងកូវីដស្តុកទុកច្រើនពេក

ចុចអាន៖ ផ្សារ​ទំនើបអ៊ីអន(AEON)ដំណើរ​​ការធម្មតា​ ខណៈវិធានការ​សុខាភិ​បាល​ត្រូវអនុវត្ត​យ៉ាង​ប្រុង​ប្រយ័ត្ន​ ​

The post (វីដេអូ) ស្រ្តីម្នាក់ស្រាតខោក្នុងមកពាក់ធ្វើជាម៉ាស់កណ្តាលផ្សារទំនើប ពេលសន្តិសុខព្រមានបណ្តេញចេញ appeared first on Kampuchea Thmey Daily.

លោក Ramaphosa បានប្រាប់កិច្ចប្រជុំតាមវីដេអូមួយនៃវេទិកាសេដ្ឋកិច្ចពិភពលោកថា “យើងត្រូវការអ្នកដែលស្តុកវ៉ាក់សាំងទុកឲ្យបញ្ចេញវ៉ាក់សាំងវិញ ដើម្បីឲ្យប្រទេសផ្សេងទៀតអាចទទួលបាន”។

លោកលើកឡើងថា “បណ្តាប្រទេសអ្នកមាននៅលើពិភពលោកបានទទួលវ៉ាក់សាំងក្នុងកម្រិតដ៏ធំ ប្រទេសខ្លះថែមទាំងទទួលបានវ៉ាក់សាំងលើសតម្រូវការប្រជាជនរបស់ពួកគេដល់ទៅ៤ដងឯណោះដោយមិនគិតពីប្រទេសផ្សេងទៀត”។

លោក Ramaphosa ដែលបច្ចុប្បន្នជាប្រធានសហភាពអាហ្រ្វិកបាននិយាយថា បណ្តាប្រទេសអាហ្រ្វិកចង់ទទួលបានវ៉ាក់សាំងឲ្យបានលឿនដូចប្រទេសដទៃទៀតដែរ។

លោក Ramaphosa អះអាងថា “យើងទាំងអស់គ្នាមិនមានសុវត្ថិភាពទេ ប្រសិនបើប្រទេសមួយចំនួនកំពុងចាក់វ៉ាក់សាំងដល់ប្រជាជនរបស់ពួកគេ ហើយប្រទេសផ្សេងទៀតមិនចាក់វ៉ាក់សាំង។ យើងទាំងអស់គ្នាត្រូវតែរួមគ្នាក្នុងការប្រយុទ្ធប្រឆាំងនឹងវីរុសនេះ”។

ការរាតត្បាតជំងឺកូវីដ១៩នៅប្រទេសអាហ្រ្វិកខាងត្បូង មានលក្ខណៈអាក្រក់បំផុតក្នុងទ្វីបអាហ្វ្រិកហើយទ្វីបនេះទាំងមូល កំពុងតស៊ូក្នុងការទទួលឲ្យបានវ៉ាក់សាំងគ្រប់គ្រាន់ដើម្បីចាប់ផ្តើមកម្មវិធីចាក់ថ្នាំបង្ការដល់ប្រជាជនចំនួន១.៣ពាន់លាននាក់របស់ខ្លួន៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ EU ត្រៀមប្រើវិធានការក្តៅលើក្រុមហ៊ុនវ៉ាក់សាំង AstraZeneca ចំពេលមានជម្លោះជាមួយគ្នា

The post ប្រធានាធិបតីអាហ្វ្រិកខាងត្បូងទទូចឲ្យប្រទេសអ្នកមាន កុំទិញវ៉ាក់សាំងកូវីដស្តុកទុកច្រើនពេក appeared first on Kampuchea Thmey Daily.

ប្រទេសនេះក៏កំពុងប្រឈមមុខនឹងវីរុសកូរ៉ូណាបម្លែងខ្លួនប្រភេទថ្មី ដែលបង្កឲ្យមានការកើនឡើងនូវចំនួនអ្នកស្លាប់និងករណីឆ្លងផងដែរ។ មនុស្សចំនួន៤២២នាក់ បានស្លាប់កាលពីម្សិលមិញខណៈជាង១៥.០០០នាក់ ត្រូវបានគេធ្វើតេស្តរកឃើញវីរុសនេះ។

បច្ចុប្បន្ន ក្រុមអ្នករកស៊ីកប់ខ្មោចសង្ឃឹមថា រដ្ឋាភិបាលនឹងរកឃើញវ៉ាក់សាំងហើយដាក់ឲ្យប្រើប្រាស់ទូទាំងប្រទេស ចំពេលមានតម្រូវការខ្ពស់សម្រាប់មឈូស ចំនួនបុគ្គលិករបស់ពួកគេស្លាប់ដោយសារវីរុសកាន់តែច្រើននិងការលុបចោលគោលនយោបាយ។

នាយកកន្លែងរៀបចំពិធីបុណ្យសពអាហ្វ្រិកខាងត្បូងលោក Thabiso Maumakoe ដែលបើកទីតាំងបុណ្យសព Tshipi-Noto នៅទីប្រជុំជន Delmas ក្នុងខេត្ត Mpumalanga បាននិយាយថា គាត់និងបុគ្គលិករបស់គាត់មានការភ័យខ្លាច។

វីរុសកូរ៉ូណាបម្លែងខ្លួនប្រភេទថ្មីនៅអាហ្វ្រិកខាងត្បូងដែលគេហៅថា 501.V2 ត្រូវបានប្រកាសក្នុងទីក្រុង Cape Town កាលពីខែធ្នូហើយត្រូវបានគេជឿថា ជាវ៉ារ្យ៉ង់ខ្លាំងជាងវីរុសកូវីដក្លាយពូជថ្មីនៅអង់គ្លេសទៅទៀត។

ករណីនៅអាហ្វ្រិកខាងត្បូងបានកើនឡើងយ៉ាងខ្លាំងពីតិចជាង៣,០០០នាក់ក្នុងមួយថ្ងៃកាលពីដើមខែធ្នូដល់ជាង១៥,០០០នាក់ក្នុងមួយថ្ងៃខណៈវីរុសបម្លែងខ្លួនប្រភេទថ្មីបានរួមចំណែករហូតដល់៩០ភាគរយក្នុងចំណោមអ្នកឆ្លងថ្មី៕

ប្រែសម្រួលដោយ៖ Vann Vann

ប្រភព៖ Daily Mail

The post អាហ្វ្រិកខាងត្បូង អស់មឈូសដាក់សពខណៈអ្នកស្លាប់ដោយសារកូវីដ កើនលើស១០០ភាគរយ appeared first on Kampuchea Thmey Daily.

នៅក្នុងសេចក្តីថ្លែងការណ៍មួយ រដ្ឋមន្ត្រីក្រសួងសុខាភិបាលអាហ្វ្រិកខាងត្បូងលោក Zwelini Mkhize បាននិយាយថា “វីរុសក្លាយ 501.V2 ត្រូវបានរកឃើញដោយក្រុមអ្នកស្រាវជ្រាវអាហ្វ្រិកខាងត្បូងនិងបានរាយការណ៍ទៅអង្គការសុខភាពពិភពលោករួចហើយ”។

ក្រុមនេះបានពិនិត្យសំណាករាប់រយពីទូទាំងប្រទេសចាប់តាំងពីការចាប់ផ្តើមនៃជំងឺរាតត្បាតក្នុងខែមីនាមក។ យោងតាមសេចក្តីថ្លែងការណ៍បានឲ្យដឹងថា “ពួកគេបានកត់សម្គាល់ឃើញថា មានបម្រែបម្រួលជាក់លាក់ក្នុងលទ្ធផលអំឡុងរយៈពេលពីរខែចុងក្រោយនេះ”។

វេជ្ជបណ្ឌិតនៅអាហ្វ្រិកខាងត្បូងក៏បានកត់សម្គាល់ឃើញការផ្លាស់ប្តូរសណ្ឋាននៃការរាតត្បាតផងដែរដោយអ្នកជំងឺវ័យក្មេងកាន់តែច្រើនមានការវិវត្តនៃទម្រង់ធ្ងន់ធ្ងរនៃជំងឺនេះ។

លោករដ្ឋមន្ត្រីបន្ថែមថា “ការអះអាងទាំងអស់នេះបានបង្ហាញយ៉ាងច្បាស់ថា រលកទីពីរដែលយើងកំពុងឆ្លងកាត់គឺបង្កឡើងដោយជំងឺកូវីដ១៩ក្លាយពូជថ្មី”។

ទោះបីជាយ៉ាងណាក៏ដោយ លោក Zwelini Mkhize បានលើកឡើងថា គាត់មិនរំពឹងថានឹងមានរលកទីពីរលឿនខ្លាំងទេ។ បន្ថែមពីលើល្បឿននៃការចម្លងដែលអាចទាក់ទងទៅនឹងជំងឺកូវីដ១៩ក្លាយនេះ លោកបាននិយាយថា “សូមកុំទាន់ភ័យស្លន់ស្លោ”៕

ប្រែសម្រួលដោយ៖ Vann Vann

ប្រភព៖ Africa News

ចុចអាន៖ ផ្ទុះជំងឺថ្មី “កូវីដក្លាយពូជ” ដែលឆ្លងខ្លាំងជាងកូវីដ១៩ទៅទៀត

ចុចអាន៖ ទោះកូវីដផ្ទុះខ្លាំង ពលករចំណាកស្រុកនៅតែលួចចូលប្រទេស ថៃ កងទ័ពទប់មិនឈ្នះ

The post ប្រទេសមួយនៅអាហ្វ្រិកក៏រកឃើញជំងឺកូវីដ១៩ក្លាយពូជប្រភេទថ្មីដែរ appeared first on Kampuchea Thmey Daily.