សកម្មភាពនឹកស្មានមិនដល់នេះ ត្រូវបានថតជាប់នៅទីក្រុង Godoy Cruz ក្នុងខេត្ត Mendoza ភាគខាងលិចប្រទេសអាហ្សង់ទីន វេម៉ោងប្រហែល១០:៤០នាទីយប់ ថ្ងៃទី១ខែមករា។

នៅក្នុងវីដេអូកាមេរ៉ាសុវត្ថិភាព បុរសជាឪពុកម្នាក់ និងកូនស្រីទាំងបីរបស់គាត់ ត្រូវបានគេមើលឃើញថាបានទៅចូលទៅជិតបញ្ជរដើម្បីកុម្ម៉ង់ទិញការ៉េម ខណៈស្ត្រីរូបនេះចូលទៅដែរ ដោយស្លៀកពាក់តែខោអាវក្នុងប៉ុណ្ណោះ។

យ៉ាងណាក្តី ស្ត្រីម្នាក់នេះ ត្រូវបានគេប្រាប់ឲ្យពាក់ម៉ាស ខណៈពេលដែលនាងព្យាយាមចងរ៉ូបពណ៌ខ្មៅ នៅជុំវិញក្បាល។ នាង​ទំនង​ជា​តវ៉ា ហើយក្រោយមក ​នាងឈប់​ព្យាយាម​ចង​សម្លៀក​បំពាក់ រួចក៏​ចាក​ចេញ​ពី​ហាង​បន្ទាប់​ពី​ត្រូវ​បាន​គេ​បដិសេធ​មិន​បម្រើសេវា។

យោងតាមកាសែត ​​Cronica បានឲ្យដឹងថា ស្ត្រីរូបនេះបានមកដល់កន្លែងលក់ការ៉េមជាមួយមនុស្ស១០នាក់ផ្សេងទៀត ដែលសុទ្ធតែមិនពាក់ម៉ាស៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ពាក់ហើយចោលៗ ម៉ាស កំពុងដាក់បន្ទុកកាន់តែធ្ងន់ដល់បញ្ហាមួយទៀតនៅ ហ្វីលីពីន

The post ស្ត្រីអាហ្សង់ទីន ស្រាតខោអាវ យកធ្វើម៉ាស ដើម្បីចូលហាងការ៉េម appeared first on Kampuchea Thmey Daily.

អ្នកដំណើររូបនោះ មានអាយុ៣៨ឆ្នាំរស់នៅក្នុងខេត្ត San Luis ភាគខាងលិចប្រទេសអាហ្សង់ទីន ដែលបានមកដល់កាលពីថ្ងៃទី៣០ខែវិច្ឆិកា ក្រោយចាកចេញពីប្រទេសអាហ្វ្រិកខាងត្បូង តាមជើងហោះហើរឆ្លងកាត់សហរដ្ឋអាមេរិក។

ក្រសួងនិយាយថា អ្នកជំងឺរូបនេះបានចាក់វ៉ាក់សាំងពេញលេញ ហើយធ្វើតេស្ត PCR អវិជ្ជមានមុនពេលចេញដំណើរ និងការធ្វើតេស្តអង់ទីហ្សែនអវិជ្ជមានម្តងទៀតនៅពេលមកដល់ទីក្រុង Buenos Aires។ បុគ្គលម្នាក់នោះ បានធ្វើតេស្តម្តងទៀត បន្ទាប់ពីដឹងព័ត៌មានថា សហការីម្នាក់ដែលរួមការងារនៅអាហ្វ្រិកខាងត្បូង បានធ្វើតេស្តវិជ្ជមានជំងឺកូវីដ១៩ ហើយគាត់ក៏វិជ្ជមានដែរ។

ក្រសួងបន្តថា “គោលបំណងនាពេលបច្ចុប្បន្ននេះ គឺត្រូវទប់ស្កាត់ និងកុំឲ្យមានការឆ្លងក្នុងសហគមន៍នៃ វីរុសបំប្លែងខ្លួនដែលគួរឲ្យព្រួយបារម្ភនេះ”។ ក្រសួងបន្ថែមថា ខ្លួននឹងបន្តបង្កើនការចាក់វ៉ាក់សាំង និងពង្រឹងវិធានការបង្ការផ្សេងទៀត។

គួរបញ្ជាក់ថា ក្រៅពីអាហ្សង់ទីន, ប្រេស៊ីល ម៉ិកស៊ិក និងឈីលី គឺជាប្រទេសអាមេរិកឡាទីន ដែលបានរកឃើញករណីវីរុសបំប្លែងខ្លួន Omicron៕

ប្រែសម្រួល៖ Vann Vann

ប្រភព៖ CNA

ចុចអាន៖ ជនជាតិ ថៃ ប៉ះផ្ទាល់ជាមួយបុរស អាមេរិក ឆ្លង Omicron ក៏តេស្តវិជ្ជមានដែរ

The post ករណី Omicron ទី១នៅ អាហ្សង់ទីន តេស្ត៣ដងទើបរកឃើញ appeared first on Kampuchea Thmey Daily.

អ្នកកាសែតឈ្មោះ Horacio Verbitsky បានបញ្ជាក់កាលពីថ្ងៃសុក្រថា គាត់បានទទួលវ៉ាក់សាំងរបស់រុស្ស៊ី បន្ទាប់ពីនិយាយទៅកាន់មិត្តភក្តិរបស់គាត់ឈ្មោះ Gonzalez Garcia។

យោងតាមរបាយការណ៍បានឲ្យដឹងថា អ្នកផ្សេងទៀតរួមជាមួយលោក Verbitsky ត្រូវបានគេរាយការណ៍ថា បានទទួលអាទិភាពក្នុងការចាក់វ៉ាក់សាំងនេះ។

ទោះបីជាយ៉ាងណាក៏ដោយ អ្នកជំនួសរដ្ឋមន្រ្តីក្រសួងសុខាភិបាលរូបនេះ មិនទាន់ត្រូវបានបញ្ជាក់ទេ ប៉ុន្តែរបាយការណ៍បានបង្ហាញថា រដ្ឋលេខាធិការក្រសួងសុខាភិបាលជាតិបច្ចុប្បន្ន ឈ្មោះ Carla Vizzotti អាចជាអ្នកជំនួសលោក Gines Gonzalez Garcia។

ប្រទេសអាហ្សង់ទីន បានផ្តល់អាទិភាពចាក់វ៉ាក់សាំង ដល់បុគ្គលិកពេទ្យជួរមុខ ក្នុងការប្រយុទ្ធប្រឆាំងនឹងវីរុសកូរ៉ូណា មុនពេលចាក់វ៉ាក់សាំងដល់ក្រុមដទៃទៀត។

យោងតាមទិន្នន័យពីសាកលវិទ្យាល័យ Johns Hopkins ដែលមានមូលដ្ឋាននៅសហរដ្ឋអាមេរិកបានបង្ហាញថា ប្រទេសដែលមានប្រជាជនជិត៤៥លាននាក់មួយនេះ បានកត់ត្រាការឆ្លងកូវីដជិត២លានករណី និងអ្នកស្លាប់លើស៥០,០០០នាក់៕

ប្រែសម្រួលដោយ៖ Vann Vann

ប្រភព៖ Anadolu

ចុចអាន៖ រូបភាព​ធ្លាយ​ពី​កាមេរ៉ា ​អ្នកជាប់​ចត្តាឡីស័ក រត់ចេញពីសណ្ឋាគារ​មួយ មាន​សន្តិសុខ​ជួយ​សម្រួលទៀត

ចុចអាន៖ មក​ដល់​ម៉ោង​នេះ ក្លិប N8 កោះពេជ្រ អគា​អាផាតមិន​ ០២ កន្លែង​ សង្ស័យត្រូវ​បាន​បិទ

The post ធ្លាយព័ត៌មាន រដ្ឋមន្ត្រីក្រសួងសុខាភិបាលអាហ្សង់ទីន ចាក់វ៉ាក់សាំងកូវីដឲ្យតែគ្នាឯង appeared first on Kampuchea Thmey Daily.

មានតែសាច់ញាតិនិងមិត្តភក្តិជាង២០នាក់ប៉ុណ្ណោះដែលបានចូលរួមក្នុងពិធីលាជាលើកចុងក្រោយកាលពីថ្ងៃព្រហស្បតិ៍។

ប៉ុន្តែមុននេះ ហ្វូងមនុស្សដ៏ធំធេងបានចេញមកតាមដងផ្លូវដើម្បីគោរពវិញ្ញាណក្ខន្ធដោយមានអ្នកខ្លះយំ ធ្វើកាយវិការថើបនិងបួងសួងនៅពេលពួកគេឆ្លងកាត់មឈូសរបស់គាត់។

Maradona បានស្លាប់ដោយសារជំងឺគាំងបេះដូងនៅថ្ងៃពុធក្នុងអាយុ៦០ឆ្នាំ។

មរណភាពរបស់លោកបាននាំឲ្យមានការកាន់ទុក្ខនៅជុំវិញពិភពលោកប៉ុន្តែមិនមានកន្លែងណាដែលមានអារម្មណ៍សោកសៅជាងនៅក្នុងប្រទេសដែលចាត់ទុកលោកជាវីរបុរសជាតិនោះទេ។

មឈូសរបស់ Maradona ដែលដណ្តប់ទង់ជាតិនិងអាវបាល់ទាត់ជម្រើសជាតិអាហ្សង់ទីនមានស្លាកលេខ១០នៅលើខ្នងត្រូវបានដាក់បង្ហាញជាសាធារណៈនៅវិមានប្រធានាធិបតីកាលពីថ្ងៃព្រហស្បតិ៍។

ត្រឹមពេលរសៀល មនុស្សតម្រង់ជួរប្រវែងជាងមួយគីឡូម៉ែត្របានប៉ះទង្គិចជាមួយប៉ូលិសខណៈពួកគេព្យាយាមឡោមព័ទ្ធវិមាន។

មានរបាយការណ៍អំពីការប្រើឧស្ម័នបង្ហូរទឹកភ្នែកនិងគ្រាប់កាំភ្លើងជ័រខណៈមន្រ្តីប្រដាប់ដោយឧបករណ៍បង្ក្រាបកុបកម្មបានព្យាយាមរារាំងហ្វូងមនុស្ស។

នៅទីបំផុត អាជ្ញាធរត្រូវបានបង្ខំចិត្តបញ្ឈប់ការទស្សនាមឈូសជាសាធារណៈដើម្បីរក្សាសន្តិភាព។

ក្បួនដឹកសពបានដឹកសពរបស់គាត់ទៅកាន់ទីបញ្ចុះសព Bella Vista នៅជាយក្រុងដែលគាត់ត្រូវបានគេបញ្ចុះនៅក្បែរផ្នូរឪពុកម្តាយរបស់គាត់៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ Diego Maradona ស្លាប់ក្នុងវ័យ ៦០ឆ្នាំ ដោយសារជំងឺខ្សោយបេះដូង

ចុចអាន៖ ដំណឹងក្រៀមក្រំ! វីរបុរសបាល់ទាត់អាហ្សង់ទីន Diego Maradona ទទួលមរណភាព

The post ប៉ូលិសអាហ្សង់ទីនប៉ះទង្គិចជាមួយហ្វូងអ្នកកាន់ទុក្ខស្តេចបាល់ទាត់ Maradona appeared first on Kampuchea Thmey Daily.

អតីតខ្សែបម្រើប្រយុទ្ធនិងជាអ្នកចាត់ការទូទៅនៃក្រុមជម្រើសជាតិអាហ្សង់ទីនរូបនេះបានគាំងបេះដូងស្លាប់នៅឯផ្ទះរបស់គាត់ក្នុងទីក្រុង Buenos Aires។ គាត់ត្រូវបានគេដឹងថាជាមនុស្សដែលងប់ងុលនឹងថ្នាំញៀន។

គាត់បានទទួលជោគជ័យក្នុងការវះកាត់កំណកឈាមក្នុងខួរក្បាលកាលពីដើមខែវិច្ឆិកាហើយត្រូវទទួលការព្យាបាលភាពញៀននឹងគ្រឿងស្រវឹង។

Maradona គឺជាប្រធានក្រុមនៅពេលដែលប្រទេសអាហ្សង់ទីនឈ្នះពានរង្វាន់ World Cup ឆ្នាំ១៩៨៦។ គាត់បានសាងភាពល្បីល្បាញដោយសារគ្រាប់បាល់ “Hand of God” យកដៃទះបាល់បញ្ចូលទីក្នុងជំនួបជាមួយអង់គ្លេសនៅវគ្គ quarter-finals ឬវគ្គប្រាំបីក្រុមចុងក្រោយ។

ប្រធានាធិបតីអាហ្សង់ទីនលោក Alberto Fernandez បានប្រកាសកាន់ទុក្ខទូទាំងរយៈពេល៣ថ្ងៃ ។

Maradona បានលេងឲ្យក្លិប Barcelona និង Napoli ក្នុងអាជីពរបស់គាត់ដោយឈ្នះពានរង្វាន់ក្របខណ្ឌ Serie A ២សម័យកាលជាមួយក្លិបអ៊ីតាលី។ គាត់បានចាប់ផ្តើមអាជីពរបស់គាត់ជាមួយក្លិប Argentinos Juniors ហើយក៏លេងឲ្យ Sevilla និង Boca Juniors ព្រមទាំង New Old’s Old Boys នៅក្នុងប្រទេសកំណើតរបស់គាត់ផងដែរ។

Maradona ស៊ុតបញ្ចូលទីបាន៣៤គ្រាប់ក្នុងការបង្ហាញខ្លួន៩១លើកឲ្យក្រុមជម្រើសជាតិអាហ្សង់ទីនហើយចូលលេងក្នុងព្រឹត្តិការណ៍ World Cup បានចំនួន៤ដង។

Maradona បានដឹកនាំប្រទេសរបស់គាត់ទៅវគ្គផ្តាច់ព្រ័ត្រឆ្នាំ១៩៩០នៅប្រទេសអ៊ីតាលីតែត្រូវចាញ់ក្រុមអាល្លឺម៉ង់ខាងលិចមុនពេលដឹកនាំក្រុមម្តងទៀតនៅសហរដ្ឋអាមេរិកក្នុងឆ្នាំ១៩៩៤ប៉ុន្តែគាត់ត្រូវបានបញ្ជូនទៅស្រុកកំណើតវិញបន្ទាប់ពីខកខានការធ្វើតេស្តរកសារធាតុប៉ូវកម្លាំង៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ កីឡាករ ធា​រី ចន្ថា​ប៊ី​ន ប្រកាស​លា​អ្នកគាំទ្រ​ក្លឹប Perak FA នៅ​ម៉ាឡេស៊ី ក្រោយ​ចប់​រដូវ​កាល​

ចុចអាន៖ កំពូល​កីឡាករ​បាល់ទាត់​ដែល​ទម្លាប់​យក​ដំណើរ​កម្សាន្ត​លំហែ​មុន​ការ​ប្រកួត​មក​ដល់

The post ដំណឹងក្រៀមក្រំ! វីរបុរសបាល់ទាត់អាហ្សង់ទីន Diego Maradona ទទួលមរណភាព appeared first on Kampuchea Thmey Daily.