ស្ត្រីអាហ្សង់ទីន ស្រាតខោអាវ យកធ្វើម៉ាស ដើម្បីចូលហាងការ៉េម

ស្ត្រីម្នាក់បានចូលទៅក្នុងហាងការ៉េមអាហ្សង់ទីន ដោយស្លៀកពាក់តែខោអាវក្នុង ដោយសារតែនាងដោះខោអាវក្រៅយកធ្វើម៉ាស បើមិនដូច្នោះទេ ហាងនឹងមិនលក់ការ៉េមឲ្យឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពនឹកស្មានមិនដល់នេះ ត្រូវបានថតជាប់នៅទីក្រុង Godoy Cruz ក្នុងខេត្ត Mendoza ភាគខាងលិចប្រទេសអាហ្សង់ទីន វេម៉ោងប្រហែល១០:៤០នាទីយប់ ថ្ងៃទី១ខែមករា។

នៅក្នុងវីដេអូកាមេរ៉ាសុវត្ថិភាព បុរសជាឪពុកម្នាក់ និងកូនស្រីទាំងបីរបស់គាត់ ត្រូវបានគេមើលឃើញថាបានទៅចូលទៅជិតបញ្ជរដើម្បីកុម្ម៉ង់ទិញការ៉េម ខណៈស្ត្រីរូបនេះចូលទៅដែរ ដោយស្លៀកពាក់តែខោអាវក្នុងប៉ុណ្ណោះ។

យ៉ាងណាក្តី ស្ត្រីម្នាក់នេះ ត្រូវបានគេប្រាប់ឲ្យពាក់ម៉ាស ខណៈពេលដែលនាងព្យាយាមចងរ៉ូបពណ៌ខ្មៅ នៅជុំវិញក្បាល។ នាង​ទំនង​ជា​តវ៉ា ហើយក្រោយមក ​នាងឈប់​ព្យាយាម​ចង​សម្លៀក​បំពាក់ រួចក៏​ចាក​ចេញ​ពី​ហាង​បន្ទាប់​ពី​ត្រូវ​បាន​គេ​បដិសេធ​មិន​បម្រើសេវា។

យោងតាមកាសែត ​​Cronica បានឲ្យដឹងថា ស្ត្រីរូបនេះបានមកដល់កន្លែងលក់ការ៉េមជាមួយមនុស្ស១០នាក់ផ្សេងទៀត ដែលសុទ្ធតែមិនពាក់ម៉ាស៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ពាក់ហើយចោលៗ ម៉ាស កំពុងដាក់បន្ទុកកាន់តែធ្ងន់ដល់បញ្ហាមួយទៀតនៅ ហ្វីលីពីន