ព័ត៌មានជាតិ
មកដល់ម៉ោងនេះ ទីតាំង ០៤ កន្លែង មានក្លិប N8 កោះពេជ្រ អាផាតមិន ០២ ត្រូវបានបិទ
ការផ្ទុះព្រឹត្តិការណ៍ ២០ កុម្ភៈ មានការបិទទីតាំងមួយចំនួនដែលសង្ស័យ រួមមានទាំងក្លិបកម្សាន្ត អាផាតមិន និងកោះពេជ្រ។
ការផ្ទុះព្រឹត្តិការណ៍ ២០ កុម្ភៈ កើតចេញពីក្លិបកម្សាន្ត N8 ដែលរកឃើញអ្នកពាក់ព័ន្ធបន្តបន្ទាប់ ហើយត្រូវអាជ្ញាធរចុះបិទភ្លាមៗ។
ក្រៅពីក្លិបកម្សាន្តនេះ អាផាតមិន ០២ កន្លែង ដែលសង្ស័យមានអ្នកឆ្លងស្នាក់នៅ និងទីក្រុងកោះពេជ្រ ក៏ត្រូវបានបិទ ដើម្បីស្រាវជ្រាវរកអ្នកពាក់ព័ន្ធ បន្ទាប់ពីមានករណីផ្ទុះឆ្លងរាលដាលនៃជំងឺកូវីដ១៩។
ត្រឹម ១០ ម៉ោង កម្ពុជារកឃើញអ្នកឆ្លងកូវីដចំនួន ៣២ ករណី។ ដើមហេតុនៃការឆ្លងនេះកើតឡើង បន្ទាប់ពីរកឃើញអ្នកសុំចេញទៅក្រៅប្រទេសមានវិជ្ជមានកូវីឌ ១៩។
គួរបញ្ជាក់ថា នេះជាលើកទី ៣ ដែលកម្ពុជាប្រកាសឆ្លងសហគមន៍។ លើក១ជា “ព្រឹត្តិការណ៍ ៣ វិច្ឆិកា” ពាក់ព័ន្ធករណី មន្ត្រីហុងគ្រី លើកទី២ជា “ព្រឹត្តិការណ៍ ២៨ វិច្ឆិកា” ដែលពាក់ព័ន្ធ ភរិយាមន្ត្រីពន្ធនាគារ។ លើកទី ៣ ជាព្រឹត្តិការណ៍ ២០ កុម្ភៈ ដែលត្រឹមរយៈពេលខ្លីរកឃើញមានអ្នកឆ្លង ៣២ ករណី។
តាមរយៈថ្លែងសារពិសេសនៅព្រឹកនេះសម្តេចតេជោ ហ៊ុន សែន មិនចេញបញ្ជាឲ្យបិទសាលារៀន ការជួបជុំ ពិធីបុណ្យនិងមង្គលការនានានោះទេ។ តែសូមឲ្យប្រជាពលរដ្ឋគោរពឲ្យបាននូវវិធានការរបស់ក្រសួងដូចជាពាក់មាស រក្សាគម្លាតសុវត្តិភាព១ម៉ែត្រកន្លះ កុំនៅកន្លែងដែលបិទជិត ឧស្សាហ៍លាងដៃស្អាត ពាក់ម៉ាស់ដើម្បីការពារការាឆ្លងជំងឺកូវីដ១៩។
សម្តេចស្នើឲ្យប្រជាពលរដ្ឋចូលរួមអនុវត្តវិធានការ៣ការពារនិង៣កុំ ឲ្យបានទាំងអស់គ្នាដើម្បីរួមគ្នាបញ្ឈប់ព្រឹត្តិការណ៍សហគមន៍២០កម្ភៈនេះឲ្យបានឆាប់។
ជាមួយគ្នានេះដែរសម្តេចបានណែនាំឲ្យមន្ត្រីពាក់ព័ន្ធត្រូវស្វែងរកអ្នកជាប់ពាក់ព័ន្ធនឹងព្រឹត្តិការណ៍សហគមន៍២០កម្ភៈនេះឲ្យបានដោយធ្វើតេស្តនិងធ្វើចត្តាឡីស័កឲ្យបានគ្រប់ៗគ្នាហើយប្រជាពលរដ្ឋដែលរស់នៅទីកន្លែងណាត្រូវទៅនៅកន្លែងនោះវិញដើម្បីឲ្យមន្ត្រីយកសំណាកនិងដាក់ឲ្យធ្វើចត្តាឡីស័ក។
អត្ថបទ៖ ប៊ុណ្ណារ៉ា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ