ក្នុងរបាយការណ៍នោះ, នៅឆ្នាំ២០២៣ ប្រជាជនកម្ពុជា០១នាក់ ផឹកស្រាជាមធ្យមអស់ ៩.៣៨លីត្រ។

ចំពោះចំណាត់ថ្នាក់លេខ១វិញ គឺបានទៅលើប្រទេសឡាវ ដែលជាមធ្យម ប្រជាជន០១នាក់ ផឹកស្រាអស់ ១១.៧១លីត្រខណៈលេខ២គឺវៀតណាម ដែលជាមធ្យម ប្រជាជន០១នាក់ ផឹកស្រាអស់ ៩.៧២លីត្រ។

បន្ទាប់ពីកម្ពុជាឈរលេខ៣, លេខ៤គឺបានទៅលើប្រជាជនថៃ ជាមធ្យម ០១នាក់ផឹកអស់ ៧.៧៩លីត្រ, លេខ៥ ហ្វីលីពីន (៦.២៦លីត្រ), លេខ៦ មីយ៉ាន់ម៉ា (២.៤លីត្រ), លេខ៧ សិង្ហបុរី (១.៨២លីត្រ) និងលេខ៨ ម៉ាឡេស៊ី (០.៨១លីត្រ)។

ដោយឡែក ប្រទេសដែលមានប្រជាជន ផឹកស្រាតិចបំផុតគឺ ឥណ្ឌូណេស៊ី ដែលជាមធ្យមមានត្រឹម ០.១១លីត្រក្នុងមួយនាក់ប៉ុណ្ណោះ បន្ទាប់មកគឺ ទីម័រ (០.៣៩លីត្រ) និងព្រុយណេ (០.៤៣លីត្រ)៕

អត្ថបទ៖ សុខ សុវណ្ណ

ចុចអាន៖ កម្ពុជា ជាប់លេខ១២លើលោក ជាប្រទេសសម្បូរមនុស្សស្រី ទាបៗ

The post ប្រជាជនកម្ពុជា ផឹកស្រាច្រើនបំផុត ជាប់លេខ៣ នៅអាស៊ីអាគ្នេយ៍  appeared first on Kampuchea Thmey Daily.

យោងតាម ​​Medical Xpress ការស្រាវជ្រាវថ្មីពីសាកលវិទ្យាល័យ Washington School of Medicine និងសាកលវិទ្យាល័យកាលីហ្វ័រញ៉ានៅ Berkeley (សហរដ្ឋអាមេរិក) បានពិនិត្យឥទ្ធិពលរួមគ្នានៃគ្រឿងស្រវឹង និងកាហ្វេក្នុងស្ថានភាពពិសេសមួយ។

នោះជាស្ថានភាពដែលយើងជាច្រើនបានជ្រើសរើស ចំណាយពេលមួយយប់ដោយស្រវឹងស្រា បន្ទាប់មកប្រើកាហ្វេមួយពែងនៅពេលព្រឹកដើម្បីឲ្យមានអារម្មណ៍ស្វាងស្រវឹង។ ការស្រាវជ្រាវដែលបានចេញផ្សាយថ្មីៗនេះនៅក្នុងទស្សនាវដ្តីវិទ្យាសាស្ត្រ PLOS One បង្ហាញថា ៩០% នៃមនុស្សពេញវ័យផឹកភេសជ្ជៈដែលមានជាតិកាហ្វេអ៊ីនយ៉ាងហោចណាស់មួយក្នុងមួយសប្តាហ៍ ខណៈដែល ៧៤% នៃមនុស្សដែលមានអាយុចាប់ពី១៥​ឆ្នាំឡើងទៅទទួលទានភេសជ្ជៈមានជាតិអាល់កុលជាប្រចាំ។

ឥទ្ធិពលអន្តរកម្មនៃជាតិអាល់កុល និងជាតិកាហ្វេអ៊ីននៅក្នុងកាហ្វេត្រូវបានបង្ហាញឲ្យឃើញពេញមួយរយៈពេលនៃការសិក្សារយៈពេល ៦ សប្តាហ៍។

សហអ្នកនិពន្ធបាននិយាយថា Frank Songនិយាយថា “ខ្ញុំគិតថា វាជាគំនិតល្អ នៅពេលដែលអ្នកប្រើជាតិកាហ្វេអ៊ីន ដើម្បីលុបបំបាត់អាការស្រវឹងស្រា។ ប៉ុន្តែអ្វីដែលយើងបានរកឃើញគឺថា ទោះបីជាវាអាចមានការប្រុងប្រយ័ត្នជាងមុនក្នុងរយៈពេលខ្លីក៏ដោយ វាបង្កើតឱ្យមានការយល់ខុសអំពីស្ថានភាពនៃការគេង” ។

នេះមានអត្ថន័យពីរ។ ប្រសិនបើអ្នកចង់មានអារម្មណ៍ល្អឬស្វាងស្រវឹងម្តងទៀតសម្រាប់ថ្ងៃធ្វើការបន្ទាប់ អ្នកប្រហែលជាត្រូវប្រើកាហ្វេ ដែលល្អសម្រាប់ទាំងសកម្មភាពស្មារតី និងខួរក្បាល។

ទោះជាយ៉ាងណាក៏ដោយយូរ ៗ ទៅអ្នកដែលប្រើកាហ្វេប្រភេទនេះនឹងដាក់ខ្លួនឯងនៅក្នុងវដ្តម្តងទៀត។ ពួកគេ​នឹង​មាន​ការ​យល់​ឃើញ​ខុស​ថា ពួកគេ​គេង​មិន​លក់​ព្រោះ​កាហ្វេ​ជួយ​ឲ្យពួកគេ​មិន​មាន​អារម្មណ៍​នឿយហត់។

ប៉ុន្តែ​តាម​ពិត​ពួកគេ​គេង​មិន​លក់ បើ​ទោះ​ជា​ពួកគេ​គេង​យូរ​កាលពី​ថ្ងៃ​មុន​ក៏ដោយ។ ដោយសារតែជាតិអាល់កុលត្រូវបានបង្ហាញថារារាំងការគេង REM ដែលជាដំណាក់កាលនៃចលនាភ្នែកយ៉ាងឆាប់រហ័សដែលត្រូវបានកំណត់ដោយសុបិន។ ការគេង REM គឺជាដំណាក់កាលដ៏សំខាន់ដែលជួយឲ្យខួរក្បាលងើបឡើងវិញ និងកំណត់គុណភាពនៃការគេង។

ម៉្យាងទៀតអ្នកដែលពឹងផ្អែកលើរូបមន្តនៃស្រានៅពេលល្ងាច និងកាហ្វេនៅពេលព្រឹកនឹងក្លាយទៅជាអ្នកគេងមិនលក់ក្នុងរយៈពេលយូរ ដែលការប្រាស្រ័យទាក់ទងគ្នារវាងភេសជ្ជៈទាំងពីរនេះក្លាយជាគ្រោះថ្នាក់ដល់សុខភាព៕

ប្រែសម្រេួល៖ សាង ស្រីល័ក្ខ

ចុចអាន៖ឱសថ៥ប្រភេទ កាត់បន្ថយខ្លាញ់ក្បាលពោះយ៉ាងងាយបំផុត

The post ផឹកស្រានៅពេលយប់ ការផឹកកាហ្វេនៅពេលព្រឹកនឹងមានគ្រោះថ្នាក់ដល់ជីវិត appeared first on Kampuchea Thmey Daily.

អង្គការសុខភាពពិភពលោក (WHO) បានឲ្យដឹងថា ការផឹកអាល់កុលអេតាណុល មេតាណុល​ ឬទឹកអូសាវែល មិនអាចការពារវីរុស COVID-19 ទេ វា​បណ្តាល​ឲ្យ​ពិការ ឬ​ស្លាប់​បាន។ ពេលខ្លះអាល់កុលមេតាណុល អេតាណុល និង​ទឹកអូសាវែល​ត្រូវ​បាន​ប្រើ​នៅក្នុង​ផលិតផល​សម្អាត​ដើម្បី​សម្លាប់​មេរោគ​នៅ​លើ​វត្ថុផ្សេងៗ ប៉ុន្តែ​មិន​ត្រូវ​យក​វា​ទៅ​ផឹក​ទេ។ ផលិតផលសម្អាតដែលមានសារធាតុអេតាណុល មេតាណុល ឬទឹកអូសាវែល មិន​អាច​កម្ចាត់​មេរោគ​នៅ​ក្នុង​ខ្លួន​អ្នក​បានទេ តែវាបែរជាផ្តល់ផលប៉ះពាល់ដល់សរីរាង្គផ្សេងៗ។

ដើម្បីទប់ស្កាតពីការឆ្លងវីរុស COVID-19 អង្គការសុខភាពពិភពលោក បានបញ្ជាក់ថា ត្រូវសម្លាប់មេរោគនៅលើផ្ទៃវត្ថុផ្សេងៗ ជា​ពិសេស​វត្ថុ​ដែល​អ្នក​ប្រើប្រាស់​ញឹកញាប់ ត្រូវ​ប្រាកដថា អ្នកលាងសម្អាតដៃបានទៀងទាត់ និងជៀសវាងប៉ះពាល់ភ្នែក មាត់និងច្រមុះ។ល៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ហេតុផលលម្អិតដែលអ្នកជំនាញហាមដាច់ខាតមិនឲ្យផឹកស្រាមុននិងក្រោយពេលចាក់វ៉ាក់សាំង

ចុចអាន៖ អ្នកខ្លាំងផឹកស្រារាល់ថ្ងៃ កំពុងប្រឈមហានិភ័យនៃវីរុសបំប្លែងខ្លួនគ្រប់ប្រភេទ ជាពិសេស Delta

The post អាល់កុលអាចកម្ចាត់វីរុសកូវីដបាន តែមិនអាចផឹកស្រា-ស្រាបៀរមានជាតិអាល់កុលជំនួសទេ appeared first on Kampuchea Thmey Daily.

១- ឥទ្ធិពលជាតិអាល់កុលលើខួរក្បាល

អាល់កុល​ត្រូវ​គេ​ចាត់​ទុក​ថា​ស្មើ​ជំងឺ​បាក់​ទឹក​ចិត្ត ព្រោះ​រំខាន​ដល់​តុល្យភាព​គីមី​ខួរ​ក្បាល ប៉ះពាល់​ប្រព័ន្ធ​បញ្ជា​សរសៃ​ប្រសាទ។ ក្រោយ​ផឹក​ ប្រតិបត្តិការ​ក្នុង​ខួរ​ក្បាល​យើង​ចាប់​ផ្តើម​ចុះ​ខ្សោយ ជះ​ឥទ្ធិពល​ដល់​សមត្ថភាព​ចាត់​ចែង រក្សា​ទុក និង​រំឭក​ការ​ចងចាំ ជាដើម។

ផឹក​ជាតិ​អាល់កុល​ច្រើន ពិសេស​ក្នុង​ពេល​ខ្លី និង​គ្មាន​អ្វី​ក្នុង​ពោះ អាច​ធ្វើ​ឲ្យ​មុខងារ​ចងចាំ​របស់​ខួរក្បាល​បិទ​ចោល​ទាំង​ស្រុង បាត់បង់​លទ្ធភាព​ប្រមូល​ការ​ចងចាំ​មក​វិញ។ គ្នា​យើង​ស្រវឹង​ស្រា អាច​​ភ្លេច​ខ្លះៗ ឬ​ទាំង​អស់​តែ​ម្តង ជា​មូលហេតុ​គ្នា​យើង​ខ្លះ ភ្ញាក់​ដឹង​ខ្លួន​ពី​ស្រវឹង មិន​ដឹង​ថា​បាន​ទៅ​ណា​ខ្លះ ធ្វើអ្វី​ខ្លះ​នោះ​ឡើយ ហើយ​ផល​ប៉ះពាល់​ធំៗ​ដោយសារ​ជាតិ​អាល់កុល​លើ​ខួ​ក្បាល មាន៖
– ធ្វើចលនាមិនបានល្អ
– ខ្សោយភ្នែក
– និយាយមិនសូវច្បាស់
– ស្ពឹកស្រពន់ ឬប្រតិកម្មយឺត
– បាត់បង់ការចងចាំ។

យ៉ាងណា ផល​ប៉ះពាល់​ទាំង​នេះ នឹង​បាត់​ទៅ​វិញ​បន្ទាប់ពី​ឈប់​ផឹក។ ករណី​ខ្លះ ទោះ​ឈប់​ផឹក​ក្តី ក៏​ខួរក្បាល​នៅ​តែ​មាន​សភាព​មិន​ប្រក្រតី​ដូច​គ្នា។ គ្នាយើង​ផឹក​យូរៗ​ទៅ អាច​នឹង​ធ្វើ​ឲ្យ​ខួរក្បាល ផ្លាស់​ប្តូរ​ជា​រៀង​រហូត​តែ​ម្តង។ ផល​ប៉ះពាល់​ផ្សេង​ទៀត បណ្តាល​ឲ្យ​សុខភាព​ចុះ​ខ្សោយ ឬ​កើត​ជំងឺ​ថ្លើម​ធ្ងន់ធ្ងរ។

២- បន្ថែមកង្វល់

គ្នា​យើង​មួយ​ចំនួន​ផឹក​ស្រា សង្ឃឹម​ថា​អាច​ជួយ​បំបាត់​ស្ត្រេស ទុក្ខ​កង្វល់ ប៉ុន្តែការគិត​នេះ​ខុស​ស្រឡះ។ ធាតុ​ពិត ស្រា​ចូលរួម​ចំណែក​ជំរុញ​ឲ្យ​បាក់​ទឹក​ចិត្ត បន្ថែម​កង្វល់​ធ្វើ​ឲ្យ​គ្រប់​យ៉ាង​កាន់​តែ​ពិបាក​ដោះ​ស្រាយ។ ជាតិ​អាល់កុល តែង​នាំ​យើង​ធ្វើអ្វីមួយ​ដែល​ខួរ​ក្បាល​ធ្លាប់​បដិសេធ បង្កើត​ទៅ​ជា​វិប្បដិសារៈ។

៣- អាល់កុល និងការបាក់ទឹកចិត្ត

ផឹក​ស្​រាញឹកញាប់ បង្កើត​ឲ្យ​មាន​រោគ​សញ្ញា​បាក់​ទឹក​ចិត្ត។ វត្តមាន​ជាតិ​អាល់កុល គឺ​រារាំង​ការ​បញ្ចេញ​អ័រម៉ូន Serotonin (អ័រម៉ូន​ប្រព័ន្ធ​ប្រសាទ)។ គ្នាយើង​មាន​ជំងឺ​បាក់ទឹកចិត្ត យក​ស្រា​មក​ដាក់​មុខ ផឹក​ស្រវឹង​រាល់​ថ្ងៃ តែង​មិន​ខ្វាយខ្វល់​គ្រោះ​ថ្នាក់​ប្រឈម​ធ្ងន់ធ្ងរ​ទាំង​សុខភាព ទាំង​ខួរ​ក្បាល កាន់​តែ​ផឹក កាន់​តែ​បាក់​ទឹកចិត្ត។ លើស​ពី​នេះ ផឹក​ច្រើន​ពេក ទំនាក់ទំនង​ជាមួយ​មនុស្ស​ជុំវិញ​ខ្លួន ក៏​បាត់បង់ អសមត្ថភាព​ការងារ ធ្វើ​ឲ្យ​ជីវិត​កាន់​តែ​វេទនា បង្ក​ទៅ​ជា​ជំងឺ​បាក់​ទឹក​ចិត្ត​តែ​ម្តង។

៤- អត្តឃាត និងវិកលចរិត

ពេល​ជាតិ​អាល់កុល​ទៅ​រារាំង​ខួរ​ក្បាល នាំ​ឲ្យ​ខ្វះ​ការ​ពិចារណា ប្រព្រឹត្ត​ទង្វើ​យើង​មិន​ចង់​ធ្វើ មុន​ស្រវឹង អាច​ធ្វើ​បាប​ខ្លួន​ឯង ឬ​ធ្វើ​បាប​អ្នក​ដទៃ។ ផឹក​ហួស​កម្រិត បណ្តាល​ឲ្យ​វិកលចរិត ជា​ពិសេស​ពេល​យើង​កំពុង​ជោកជាំ​ជាមួយ​ស្រា ភ្លាមៗ​ស្រាប់​តែ​ឈប់​ផឹក នឹង​មាន​រោគ​សញ្ញា​អារម្មណ៍​រវើរវាយ វង្វេងវង្វាន់ ភិតភ័យ កើត​ឡើង ដែល​សុទ្ធ​សឹង​រោគ​សញ្ញា​វិកល​ចរិត​តែ​ម្តង៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ផឹកស្រាមិនអាចជួយបំបាត់ទុក្ខទេ តែធ្វើឲ្យ​មានវិបត្តិផ្លូវចិត្តកាន់តែធ្ងន់ធ្ងរ

ចុចអាន៖ រឿង ៧ យ៉ាង ហាមធ្វើពេលស្រវឹង ព្រោះប៉ះពាល់សុខភាពធ្ងន់ធ្ងរ

The post អ្នក​ខ្លាំង​ផឹក​​ច្រើន ប្រយ័ត្ន​​កើត​ជំងឺ​ផ្លូវ​ចិត្ត​ម្យ៉ាង​ដោយ​មិន​ដឹង​ខ្លួន appeared first on Kampuchea Thmey Daily.

១- បន្ត​ផឹក​ទោះ​បី​ជា​អ្នក​ស្រវឹង​ហើយ​ក៏​ដោយ

ធ្វើ​បែប​នេះ​មិន​ល្អ​ទេ បើ​ស្រវឹង​ហើយ​នៅ​តែ​ផឹក​ទៀត​នោះ​ ស្ថានភាព​កាន់​តែ​យ៉ាប់យឺន។ ពេល​បន្ត​ផឹក​ទាំង​​ស្រវឹង​ ​នឹង​ងាយធ្វើ​ឲ្យ​​ពុល​ស្រា (អាល់កុល) ដោយ​នឹង​បញ្ចេញ​រោគ​សញ្ញា​​ពុល​ស្រា​ដូចជា៖

– ហូរ​ទឹក​ភ្នែក
– បញ្ឈរ​ភ្នែក​ឡើង​លើ
– បើក​ភ្នែក​ធំៗ
– មុខ​ក្រហម
– និយាយ​មិន​ច្បាស់
– សំឡេង​ខ្លាំងៗ
– កាច ​ច្រឡោត
– កាយ​វិការ​មិន​ប្រក្រតី (មិន​អាច​អង្គុយ ​ឬ​ឈ​រត្រង់)
– ក្អួត
– សង្កៀត​ធ្មេញ

ប្រសិន​​ចាប់​អារម្មណ៍​ឃើញ​សញ្ញា​ទាំង​នេះ ត្រូវ​ប្រញាប់ឈប់​ផឹក​ភ្លាម។

២- ផឹក​ដោយ​ពោះ​ទទេ

បើ​ញ៉ាំ​ស្រាមិន​ក្លែម​ នោះ​រាង​កាយ​នឹង​ស្រូប​ជាតិ​អាល់កុល​កាន់​តែ​លឿន អាច​ធ្វើ​ឲ្យ​គ្រោះ​ថ្នាក់​ ប៉ះពាល់​​ក្រពះធ្ងន់​ធ្ងរ ហេតុ​​នេះ​ជា​ការ​ល្អ នៅ​ពេល​ផឹក​ស្រា​ ត្រូវ​តែ​ញ៉ាំ​ម្ហូប​ខ្លះ។ គួរ​ញ៉ាំ​អាហារ​សម្បូរជាតិ​កាបូអ៊ីដ្រាត ដូច​ជា ប៉ាស្តា បាយ មី ឬ​ពពួក​ខ្លាញ់​ ដូច​ជា ឈីស ដំឡូង​ចៀន និង​សាច់​ក្រក​សាច់​ជ្រូក។ បើ​អាច​ត្រូវ​​ញ៉ាំ​ម្ហូប និង​អាហារ​មុន​ផឹក ឬញ៉ាំបណ្តើរផឹក​បណ្តើរ មិន​ត្រូវ​ផឹក​ទាំងពោះ​ទ​ទេជាដាច់ខាត។

៣- លេប​ថ្នាំ​ជាមួយ​ស្រា

ស្រា​ធ្វើ​ឲ្យ​មាន​អាការៈ​ក្រោយ​ស្រវឹង ​ជក់​បារី​នៅ​ពេល​កំពុង​ផឹក​ស្រា អាច​ធ្វើ​ឲ្យ​ភ្លេច​រឿង​មួយ​ចំនួន​នៅ​ថ្ងៃ​បន្ទាប់។ គ្រប់​ប្រភេទ​ថ្នាំ ទាំង​ថ្នាំ​ព្យាបាលជំងឺ ទាំងថ្នាំ​ញៀនផ្សេង​ទៀត​ សុទ្ធ​តែ​បង្ក​ឲ្យ​រាងកាយ​ពុល ដោយ​សារ​ប្រតិកម្មជា​មួយ​ជាតិ​អាល់កុល​ អាច​ធ្វើ​ឲ្យ​មាន​បញ្ហា​ផ្លូវ​ចិត្ត បេះ​ដូង បញ្ហា​ដង្ហើម និង​ដាច់​សរសៃ​ឈាម​ខួរ​ក្បាល។

៤- ផឹក​ទឹក​មិន​គ្រប់​គ្រាន់

ពេល​ផឹកស្រា ពិសេស​ស្រាបៀរ យើង​ច្បាស់ជា​នោម​ញឹក​ញាប់ នាំ​ឲ្យ​បាត់​បង់​ជាតិ​ទឹកពី​រាងកាយ ហើយ​ការ​បាត់​បង់​ជាតិ​ទឹក​ អាច​ធ្វើ​ឲ្យ​រោគ​សញ្ញា​អាការៈស្រវឹង​កាន់​តែ​ធ្ងន់​ធ្ងរ។ ផឹក​ទឹក​នៅ​ចន្លោះ​ពេល​ផឹក​ស្រា អាច​ជួយ​​ឲ្យ​យើង​​ផឹក​ស្រា​បាន​តិច ហើយ​បំពេញ​ជាតិ​ទឹក​ក្នុង​រាង​កាយ ការពារ​បញ្ហា​បាត់​បង់​ជាតិ​ទឹក។

៥- គេង​បាន​តិច​ក្រោយ​ពេល​ផឹក​ស្រា

ការ​សិក្សា​ខ្លះបង្ហា​ញ​ថា អាការៈក្រោយ​ស្រវឹង​ធ្ងន់ធ្ងរ​ អាច​ធ្វើ​ឲ្យ​គុណភាព​​ការ​គេង​ខ្សោយ​ និង​គេង​បាន​តិច។ មនុស្ស​ជា​ច្រើន​ផឹក​ស្រា​ពេញ​មួយ​យប់ ហើយ​ក្រោក​ឡើង​ធ្វើ​ការ ​ឬ​រៀន​នៅ​ថ្ងៃ​បន្ទាប់​ ដោយ​សារ​គេង​បាន​តិច​ អាច​ធ្វើ​ឲ្យ​ប៉ះ​ពាល់​ដល់​សុខភាព​ទាំង​ផ្លូវ​កាយ ​និង​ផ្លូវ​ចិត្ត ហេតុ​នេះ​​ព្យាយាម​គេង​ឲ្យ​បាន​ច្រើនក្រោយ​ស្រវឹង។

៦- ​សមាជិកគ្រួសារ​ធ្លាប់​មាន​ប្រវត្តិញៀន​ស្រា

ប្រវត្តិ​គ្រួសារ​ធ្លាប់​ញៀន​ស្រា ​ក៏​អាច​ប៉ះពាល់​ដល់​សកម្មភាព​រាង​កាយ​បញ្ចេញ​ជាតិ​អាល់​កុល​ដែរ។ ​បើ​ជីដូន​ ជីតា ប៉ាម៉ាក់ ឬ​បង​ប្អូន​ ធ្លាប់​ញៀន​ស្រា គួរ​ប្រយ័ត្ន​នៅ​ពេល​ផឹក​ស្រា ព្រោះ​​រាង​កាយ​យើងនឹង​​ស្រូប​យក​សារធាតុ​នេះ​កាន់​តែ​ច្រើន ងាយ​ធ្វើ​ឲ្យ​អាការៈ​ស្រវឹង​កាន់​តែ​ធ្ងន់​ធ្ងរ។

៧- ផឹក​ស្រា​​ពណ៌​ខ្មៅ

មនុស្ស​ជា​ច្រើន​ចូល​ចិត្ត​ស្រាបៀ​រដែល​មាន​ពណ៌​ខ្មៅ ប៉ុន្តែ​ស្រាបៀ​រប្រភេទ​នេះ​សម្បូរ​ទៅ​ដោយ​សារធាតុ Congener (សារធាតុ​គីមីប្រើ​ជា​ពណ៌ និងបង្កើន​​រសជាតិ)។ សារ​ធាតុ​នេះ អាច​ធ្វើ​ឲ្យ​ប៉ះ​ពាល់​ដល់​សរសៃ​ឈាម​ និង​ជាលិកា​នៅ​ក្នុង​ខួរ​ក្បាល ធ្វើ​ឲ្យ​អាការៈ​ក្រោយ​ស្រវឹង​កាន់​តែ​ធ្ងន់ធ្ងរ។ បន្ថែម​លើ​នេះ មិន​គួរ​ជ្រើសរើស​ស្រា​មាន​តម្លៃ​ថោក​ទេ ព្រោះ​ស្រា​ប្រភេទ​នេះ​អាចមាន​ជាតិ​មេតាណុល ដែល​ជា​សារធាតុ​គីមី​ អាច​ធ្វើ​ឲ្យ​អាការៈ​ស្រវឹង​កាន់​តែ​ធ្ងន់ធ្ងរ និង​ពុល​ទៀត​ផង៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ផឹកស្រាមិនអាចជួយបំបាត់ទុក្ខទេ តែធ្វើឲ្យ​មានវិបត្តិផ្លូវចិត្តកាន់តែធ្ងន់ធ្ងរ

ចុចអាន៖ មករដូវចំថ្ងៃមានកម្មវិធី អាចផឹកស្រាបានអត់?

The post រឿង ៧ យ៉ាង ហាមធ្វើពេលស្រវឹង ព្រោះប៉ះពាល់សុខភាពធ្ងន់ធ្ងរ appeared first on Kampuchea Thmey Daily.

១- តើអាល់កុលមានឥទ្ធិពលលើខួរក្បាលយ៉ាងដូចម្ដេច?

អាល់​កុល ត្រូវ​បាន​គេ​ចាត់​វា​ចូល​ជា​ភ្នាក់​ងារ​ធ្វើ​ឲ្យ​បាក់​ទឹកចិត្ត​​ បាន​ន័យ​ថា​អាល់កុល​អាច​ធ្វើ​ឲ្យប្រែ​ប្រួល​​តុល្យភាព​ធាតុ​គីមី​ក្នុង​ខួរ​ក្បាល​ ទៅ​ប៉ះ​ពាល់​លើ​ប្រព័ន្ធ​ចម្លង​ចរន្ដ​ប្រសាទ ដែល​ជា​ភ្នាក់​ងារ​ដឹក​ជញ្ជូន​សញ្ញា​ពី​សរសៃ​ប្រសាទ​មួយ​ទៅ​មួយ​ទៀត​ក្នុង​ខួរ​ក្បាល។ បន្ទាប់​ពីយើង​​សេព​គ្រឿង​ស្រវឹង​រួច មុខ​ងារ​របស់​ខួរ​ក្បាល​ត្រូវ​ថយ​ចុះ ដែល​ធ្វើ​ឲ្យ​យើង​​មិន​អាច​កំណត់​វត្ថុ​បាន​ច្បាស់ ភ្លេច​ភ្លាំង និង​មិន​អាច​ចង​ចាំ​អ្វី​ពី​មុន​បាន។ ពេលយើង​ផឹក​​ស្រា​ច្រើន ជាពិសេស​ផឹក​ក្នុង​រយៈ​ពេល​ខ្លី និង​មិន​ទាន់​បាន​ញ៉ាំ​អាហារ នោះ​ខួរ​ក្បាល​របស់​យើង​​អាច​នឹង​មិន​ចង​ចាំ​អ្វី​ទាំង​អស់ អាច​ធ្វើ​ឲ្យ​សន្លប់ ឬ​ភ្លេច​ភ្លាំង​ច្រើន​លើក​ច្រើន​សារ។ មនុស្ស​ស្រវឹង​អាច​ភ្លេច​រឿង​មួយ​ចំនួន ឬ​មិន​អាច​ចង​ចាំ​អ្វី​បាន​ទាំង​អស់​ពេល​កំពុង​ផឹក។ នេះ​ជា​មូលហេតុ​ធ្វើ​ឲ្យ​មនុស្ស​ស្រវឹង​ភ្ញាក់​ឡើង មិន​ចង​ចាំ​អ្វី​ដែល​ខ្លួន​​បាន​ធ្វើ​កាល​ពី​ពេល​កំពុង​ផឹក។

អាល់​កុល​ទៅ​ធ្វើ​ឲ្យ​ប៉ះ​ពាល់​ដល់​ប្រព័ន្ធ​បញ្ជា​ខួរ​ក្បាល ជា​លទ្ធ​ផល​ធ្វើ​ឲ្យ​អ្នក​ផឹក៖
– ដើរ​មិន​ត្រង់​ផ្លូវ ឬ​ពិបាក​កម្រើក
– ស្រវាំង​ភ្នែក
– និយាយ​មិនច្បាស់
– តប​ត​ជាមួយ​សកម្មភាព​ជុំ​វិញ​ខ្លួន​យឺត
– និង​មិនចង​ចាំ​អ្វី​ទាំង​អស់

ផល​វិបាក​ទាំង​អស់​ខាង​លើ​អាច​ឲ្យ​យើង​ឃើញ​ភ្លាម​ៗ​ពេលយើង​​កំពុង​ផឹក ហើយ​អាច​បាត់​ទៅ​វិញ​ពេល​ឈប់​ផឹក ប៉ុន្តែ​មាន​អ្នក​ខ្លះ​ខួរ​ក្បាល​របស់​ពួក​គាត់​ផ្លាស់​ប្ដូរ​ទាំង​ស្រុង ដោយ​សារ​ផឹក​មក​យូរ​រ៉ាំ​រ៉ៃ ដែល​អាច​ធ្វើ​ឲ្យ​​មាន​រោគ​សញ្ញា​ទាំង​អស់​នោះ​ជា​ប្រចាំ ទោះ​បី​ជា​​ឈប់​ផឹក​ស្រា​ក៏​ដោយ។ អ្នក​ផឹក​​ស្រា​​ក្នុង​រយៈ​ពេល​យូរ គឺ​កំពុង​ធ្វើ​ឲ្យ​ខួរ​ក្បាល​​ងាយ​នឹង​វិវិត្ដ​ទៅជា​​មិន​ល្អ​ជា​រៀង​រហូត។ ការ​ប៉ះ​ពាល់​​លើ​សុខភាព​​អាច​ត្រឹម​ធ្វើ​ឲ្យ​ផឹក​ធ្លាក់​ខ្លួន​​ឈឺ​ ឬ​ធ្ងន់​ធ្ងរ​រហូត​ដល់​ខូច​ថ្លើម​ក៏​មាន។

២- អាល់កុលជាមួយជំងឺថប់បារម្ភ

មនុស្ស​មួយ​ចំនួន​ចង់​ផឹក​ស្រា​ដើម្បី​បំបាត់​ភាព​សោកសៅ​ និង​ស្ត្រេស។ ប៉ុន្តែ​ផ្ទុយ​ពី​ការ​គិត​របស់​អ្នក​ទាំង​នោះ​ ស្រា​បែ​រជា​ធ្វើ​ឲ្យ​អ្នក​ផឹក​​កាន់​តែសោកសៅ​​ថែម​ទៀត ដោយ​សារ​ស្រា​មាន​ពាក់​ព័ន្ធ​ជាមួយ​ជំងឺ​បាក់​ទឹក​ចិត្ដ និង​ថប់​បារម្ម។ ស្រា​ធ្វើ​ឲ្យ​អ្នកផឹក​​គិត​ដល់​រឿង​​ភ័យ​ខ្លាច​ណា​មួយ​មាន​ក្នុង​ការ​ចង​ចាំ​ និង​ធ្វើ​ឲ្យ​អ្នកផឹក​​ចាប់​ផ្ដើម​ព្រួយ​បារម្ភកាន់​តែ​ខ្លាំង។

៣-​ អាល់កុលជាមួយជំងឺបាក់ទឹកចិត្ដ

ការ​ផឹក​ស្រា​ជា​ប្រចាំ​គឺ​អាច​ជា​សញ្ញា​នៃ​ជំងឺ​បាក់​ទឹក​ចិត្ដ។ ជាតិ​ស្រវឹង​ធ្វើ​ឲ្យ​បញ្ឈប់​ការ​ផលិត​អ័រម៉ូនសេរ៉ូតូនីន ជា​អ័រម៉ូន​ជួយ​ឲ្យ​អារម្មណ៍​ល្អ។ មនុស្ស​បាក់​ទឹក​ចិត្ដ ជា​ច្រើន​ជ្រើស​យក​ស្រា​ដើម្បី​បំបាត់​អារម្មណ៍​តាន​តឹង​របស់​ខ្លួន​ ប៉ុន្តែ​មិន​បាន​គិត​ដល់​ថា​ ស្រា​ធ្វើ​ឲ្យ​អ្នកផឹក​​បាក់​ទឹក​ចិត្ដ​កាន់​តែ​ខ្លាំង​បាន​នោះ​ទេ។ ពេល​យើង​ផឹក​​ស្រា​កាន់​តែ​ច្រើន យើង​នឹង​បាក់​ទឹក​ចិត្ដ​កាន់​តែ​ខ្លាំង។​លើសពី​នេះ​ទៀត ការ​ផឹក​​ស្រា​នឹង​ធ្វើ​ឲ្យ​ទំនាក់​ទំនង​រវាង​យើង​​ជាមួយ​អ្នក​ដទៃ​ថយ​ចុះ ដែល​នឹង​ធ្វើ​ឲ្យ​ប៉ះ​ពាល់​ដល់​ការងារ និង​ធ្វើ​ឲ្យ​ជីវិត​របស់​យើង​​មើល​ទៅ​កាន់​តែ​ដុន​ដាប ដោយ​សារ​ធុញថប់​តប់ប្រមល់​​ថែម​មួយកម្រិត​ទៀត។

៤- អាល់កុលជាមួយការធ្វើបាបខ្លួនឯង សម្លាប់ខ្លួន ក្លាយទៅជាវិកលចរិត

ដោយ​សារ​គ្រឿង​ស្រវឹង​ធ្វើ​ឲ្យ​ខួរ​ក្បាល​របស់​អ្នក​ផឹកធ្វើ​ការ​មិន​បាន​ល្អ ដូច​នេះ​អ្នក​ផឹក​ស្រា​អាច​នឹង​ធ្វើ​សកម្មភាព​មិន​សម​រម្យ ឬ​ធ្វើ​អ្វី​មួយ​ដែល​ខ្លួន​​មិន​អាច​ធ្វើ​បាន​ពេល​មិន​​ទាន់​ស្រវឹង។ ការ​ស្រាវ​ជ្រាវ​បាន​បង្ហាញ​ថា មនុស្ស​ដែល​ធ្វើ​បាប​ខ្លួន​ឯង គឺ​​ធ្វើ​សកម្មភាព​ទាំង​នោះ ពេល​ខ្លួន​ពុង​ស្រវឹង។​ ពេល​មនុស្ស​ម្នាក់​ផឹក​ខ្លាំង​មែន​ទែន ​អាច​វិវិត្ដ​ទៅ​ជា​កើត​ជំងឺ​វិកលចរិត។ ជំងឺ​នេះ​នៅ​តែ​អាច​កើត​ឡើង​លើ​មនុស្ស​ផឹក​ស្រា​ច្រើនជា​ប្រចាំ ហើយ​ផ្ដាច់​ឈប់​ផឹក​ភ្លាមៗ ​ក៏​អាច​មាន​​បញ្ហា​វង្វេង​ស្មារតី និង​ញ័រ​អវៈយវៈ​លេច​ចេញ​ក្នុង​ពេល​​នោះ​​បាន​​ដូច​​គ្នា៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កុំធ្វើប្រងើយ! មកដឹងការយល់ច្រឡំ និងការពិតនានា ទាក់ទងនឹងការសម្លាប់ខ្លួន

ចុចអាន៖ មិនបាច់ទៅពេទ្យហើយ​ ជួយខ្លួនឯងដោយសកម្មភាព​៥យ៉ាងធំៗនេះ

The post ផឹកស្រាមិនអាចជួយបំបាត់ទុក្ខទេ តែធ្វើឲ្យ​មានវិបត្តិផ្លូវចិត្តកាន់តែធ្ងន់ធ្ងរ appeared first on Kampuchea Thmey Daily.

១- ជាតិកាហ្វេអ៊ីន

កាហ្វេអ៊ីន មានក្នុងកាហ្វេ តែខ្មៅ តែបៃតង ទឹកក្រូច និងភេសជ្ជៈជំនួយកម្លាំង ដែលភ្ញោចប្រព័ន្ធសរសៃប្រសាទកណ្តាល ហើយរំញោចដល់ខួរក្បាល និងសរសៃប្រសាទ។ កាហ្វេអាចធ្វើឲ្យញ័រទ្រូង ប៉ុន្តែគេសិក្សារកឃើញថា កាហ្វេមិនមែនធ្វើឲ្យញ័រទ្រូងទាំងអស់ទេ ព្រោះមានប្រភេទកាហ្វេខ្លះ អាចជួយសម្រួលសុខភាពបានទៀតផង។

២- ស្រា

ស្រាធ្វើឲ្យបេះដូងលោតខុសចង្វាក់ ថតបេះដូងខាងលើកន្ត្រាក់ញាប់ និងថតបេះដូងខាងក្រោម លោតខុសប្រក្រតី។ ជាតិអាល់កុលក្នុងស្រា អាចបំផ្លាញកោសិកាបេះដូង។ បើឈប់ផឹកស្រា អាចកាត់បន្ថយការប្រឈម​ស្ថានភាព​បេះដូង​លោត​ខុសចង្វាក់ ជួយឲ្យបេះដូងត្រលប់មកដូចដើមវិញ។

៣- សារជាតិតេអូប្រូម៉ីន (Theobromine)

វាអាចភ្ញោចប្រព័ន្ធប្រសាទបាន។ វាមានក្នុងសូកូឡា ការ៉េមសូកូឡា នំប្រោននី នំខេក ស្ករគ្រាប់ ទឹកដោះគោរសជាតិសូកូឡា។ ញ៉ាំជាតិតេអូប្រូម៉ីនកាន់តែច្រើន ធ្វើឲ្យបេះដូងលោតកាន់តែញាប់។ ចៀសវាង ឬបន្ថយញ៉ាំសូកូឡា ពិសេសគ្នាយើង ឬម៉ាក់ប៉ា អ៊ំៗដែលមានជំងឺបេះដូងតែម្តង។

៤- ទីរ៉ាម៉ីន (Tyramine)

អាហារ និងភេសជ្ជៈដែលមានកម្រិតអាស៊ីដ អាមីណូទីរ៉ាម៉ីន ខ្ពស់ អាចធ្វើឲ្យឡើងសម្ពាធឈាម ញ័រទ្រូង ហើយអាហារទាំងនោះមាន៖
– ស្រា
– ហ្វ្រូម៉ាដែលទុកយូរ
– សាច់ផ្អាប់ទុកយូរ
– ផ្លែឈើក្រៀម ឬទុំជ្រុល។

៥- ញ៉ាំស្ករច្រើនពេក

ញ៉ាំអាហារមានកាបូអ៊ីដ្រាត (ជាតិស្ករ) ខ្ពស់ ធ្វើឲ្យជាតិស្ករក្នុងឈាមកើនឡើង នាំឲ្យញ័រទ្រូងដូចគ្នា។ អាហារទាំងនោះ មានដូចជា ភេសជ្ជៈជាតិស្ករខ្ពស់ ស្ករគ្រាប់ បង្អែម អាហារកញ្ចប់ នំបុ័ង ប៉ាស្តា និងអង្ករខ្សាយ។ ត្រូវញុំាអាហារមានជាតិសរសៃខ្ពស់ ដូចជា អង្ករសម្រូប នំបុ័ងស្រូវសាឡី បន្លែ និងសណ្តែកវិញ ព្រោះមានផ្ទុកជាតិស្ករតិច។

ដើម្បីទទួលបានសុខភាពបេះដូងល្អ ព្យាយាមញ៉ាំអាហារឲ្យបានត្រឹមត្រូវ ចៀសវាងអាហារនាំឲ្យបេះដូងដើរញាប់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ចង់រស់បានយូរ ប្រុសៗគួរពិនិត្យសុខភាពប៉ុន្មានចំណុចនេះ

ចុចអាន៖ ភេសជ្ជៈដ៏ល្អវិសេសដែលយើង​មើលរំលង ហើយមានតម្លៃថោក

The post ប្រភេទអាហារ ញ៉ាំហើយ ​ធ្វើឲ្យ​បេះដូង​លោត​​ខុស​ធម្មតា appeared first on Kampuchea Thmey Daily.

បើយោងតាមការលើកឡើងពីរដ្ឋបាលចំណីអាហារនិងឱសថអាមេរិក (FDA) បានឱ្យដឹងថា បច្ចុប្បន្ននេះមិនទាន់មានភ័ស្តុតាងណាមួយដែលបញ្ជាក់លើការទទួលទានជាតិអាល់កុលច្រើនពេកអាចកាត់បន្ថយប្រសិទ្ធភាពក្រោយការចាក់វ៉ាក់សាំងកូវីដនោះទេ។

ប៉ុន្តែទោះជាយ៉ាងណា ការសិក្សាជាច្រើនបង្ហាញថា ការផឹកស្រាមិនត្រឹមតែអាចប៉ះពាល់ដល់ប្រព័ន្ធភាពស៊ាំក្រោយចាក់វ៉ាក់សាំង COVID-19 ប៉ុណ្ណោះទេ ប៉ុន្តែថែមទាំងរារាំងមិនឱ្យបណ្ដុះអង់ទីគ័រការពាររាងកាយទៀតផង ។

វេជ្ជបណ្ឌិត Ilhem Messaoudi នាយកមជ្ឈមណ្ឌលស្រាវជ្រាវវីរុសនៅសាកលវិទ្យាល័យកាលីហ្វ័រញ៉ា បាននិយាយប្រាប់ The New York Times ពីឥទ្ធិពលនៃគ្រឿងស្រវឹងទៅលើការឆ្លើយតបនៃប្រព័ន្ធភាពស៊ាំថា អ្នកដែលតែងតែផឹកជាតិអាល់កុលក្នុងកម្រិតមធ្យម ឬមិនលើសពី២កែវក្នុងមួយថ្ងៃចំពោះបុរស និងមិនលើសពី១កែវក្នុងមួយថ្ងៃចំពោះស្ត្រី វាគ្មានបញ្ហាគួរឱ្យព្រួយបារម្ភនោះទេ។

លោកស្រីមានប្រសាសន៍ថា “ប្រសិនបើអ្នកផឹកស្រាកម្រិតមធ្យម នោះវាមិនមានហានិភ័យក្នុងអំឡុងពេលនៃការចាក់វ៉ាក់សាំងឡើយ”។

ផ្ទុយទៅវិញ វេជ្ជបណ្ឌិតរូបនេះ ព្រមានថា ប្រុសៗដែលផឹកសា្រ៤កែវឬច្រើនជាងនេះជារៀងរាល់ថ្ងៃ ហើយស្ត្រីដែលផឹកស្រា៣កែវឬច្រើនជាងនេះ អាចបន្ថែមបញ្ហាសុខភាពដែលត្រូវយកចិត្តទុកដាក់ជាចាំបាច់។

ការទទួលទានគ្រឿងស្រវឹងច្រើនរាល់ថ្ងៃអាចធ្វើឱ្យប្រព័ន្ធភាពស៊ាំចុះខ្សោយ និងធ្វើឱ្យងាយកើតជំងឺផ្តាសាយតូច ជំងឺផ្តាសាយធំ ឬជំងឺឆ្លងផ្សេងទៀត។

នៅពេលជាតិអាល់កុលឆ្លងចូលក្នុងខ្លួន វាមានទំនាក់ទំនងជាមួយក្រពះ ពោះវៀន ដែលអាចផ្លាស់ប្តូរចំនួនអតិសុខុមប្រាណនៅក្នុងពោះវៀនដោយជះឥទ្ធិពលដល់ប្រព័ន្ធភាពស៊ាំ ​(សម្លាប់កោសិកាប្រព័ន្ធភាពស៊ាំ) ហើយវាអាចកម្ចាត់បាក់តេរីល្អៗដែលការពាររាងកាយថែមទៀតផង។

ដោយសារតែរាងកាយត្រូវការពេល២សប្តាហ៍ បន្ទាប់ពីចាក់វ៉ាក់សាំងដូសទី២ដើម្បីបង្កើតអង់ទីគ័រ ដូច្នេះការផឹកសា្រច្រើនមុនឬក្រោយពេលចាក់ថ្នាំក្ដី សុទ្ធតែអាចពន្យារពេលមិនឱ្យប្រព័ន្ធភាពស៊ាំធ្វើការងាររបស់វា៕

ប្រែសម្រួល៖ សន្យា

ប្រភព៖ Daily Mail

ចុចអាន៖ ចម្ងល់៣ពាក់ព័ន្ធវ៉ាក់សាំងការពារកូវីដ ចំពោះកុមារវ័យក្រោម ១៦ ឆ្នាំ

ចុចអាន៖ គួរ​ចៀសវាង​អាហារ ៥ ប្រភេទ​នេះ​ដាច់ខាត បើ​ចង់​ឲ្យ​វ៉ាក់សាំង​មាន​ប្រសិទ្ធភាព​ខ្លាំងក្រោយចាក់​ហើយ

The post ហេតុផលលម្អិតដែលអ្នកជំនាញហាមដាច់ខាតមិនឲ្យផឹកស្រាមុននិងក្រោយពេលចាក់វ៉ាក់សាំង appeared first on Kampuchea Thmey Daily.