កម្ពុជា ជាប់លេខ១២លើលោក ជាប្រទេសសម្បូរមនុស្សស្រី ទាបៗ

យោងតាមទិន្នន័យដែលចេញផ្សាយដោយគេហទំព័រ WorldData.com នៅសប្តាហ៍នេះ បានបង្ហាញថា កម្ពុជាស្ថិតនៅលេខរៀងទី១២ លើពិភពលោក ជាប្រទេសសម្បូរមនុស្សស្រីមានកម្ពស់ទាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យនេះ ត្រូវបានគេហទំព័រខាងលើ ធ្វើការសិក្សាស្រាវជ្រាវលើប្រទេសចំនួន១២៦ ដោយគិតពីអាយុ១៨ដល់២៥ឆ្នាំ ដែលលទ្ធផលបង្ហាញថា ជាមធ្យម មនុស្សស្រីនៅកម្ពុជា មានកម្ពស់ ១ម៉ែត និង៥៤សង់ទីម៉ែត្រ។

ទោះបីជាយ៉ាងណាក៏ដោយ បើគិតត្រឹមក្របខណ្ឌអាស៊ីអាគ្នេយ៍ កម្ពុជា ឈរនៅលំដាប់ទី៦ ស្ថិតក្រោមទីម័រខាងកើត ឡាវ ហ្វីលីពីន ឥណ្ឌូណេស៊ី និងមីយ៉ាន់ម៉ា។

បើនិយាយពីទូទាំងពិភពលោកវិញ ក្វាតេម៉ាឡា គឺប្រទេសដែលសម្បូរមនុស្សស្រីទាបជាងគេបំផុត ពោលជាមធ្យម មានកម្ពស់ត្រឹម ១ម៉ែត្រ និង៥១សង់ទីម៉ែត្រប៉ុណ្ណោះ។

ដោយឡែក សម្រាប់មនុស្សប្រុសវិញ កម្ពុជា ឈរលេខ១០លើពិភពលោក ជាប្រទេសសម្បូរមនុស្សប្រុសមានកម្ពស់ទាប ពោលជាមធ្យមមានកម្ពស់ ១ម៉ែត្រនិង៦៥សង់ទីម៉ែត្រ។

ទីម័រខាងកើត គ្រងតំណែងលេខមួយលើលោក ជាប្រទេសសម្បូរមនុស្សប្រុសមានកម្ពស់ទាប ដែលជាមធ្យមមានកម្ពស់ ១ម៉ែត្រ និង៥៩សង់ទីម៉ែត្រ ខណៈលេខ២ គឺបានទៅលើឡាវ ជាមធ្យមមនុស្សប្រុសមានកម្ពស់ ១ម៉ែត្រ និង៦៣សង់ទីម៉ែត្រ៕

អត្ថបទ៖ សុខ សុវណ្ណ