ផែថងថាន ស៊ីណាវ៉ាត្រ Archives - Kampuchea Thmey Daily

ថាក់ស៊ីនពីអ្នកទោសនយោបាយ ទៅជាអ្នកតស៊ូអំណាចបង្កើតប្រវត្តិសាស្រ្តនយោបាយថៃ

Rann Reuy — Thu, 28 Aug 2025 10:30:35 +0000

ការរួចផុតពីការផ្តន្ទាទោសប្រមាថព្រះមហាក្សត្រថៃរបស់លោក ថាក់ស៊ីន ស៊ីណាវ៉ាត្រ កាលពីថ្ងៃទី២២ខែសីហា គឺជារឿងដែលមិននឹកស្មានដល់មួយនៅក្នុងប្រទេសថៃ ហើយ ក៏ជារបត់នយោបាយថៃដ៏សំខាន់ក្នុងពេលនេះ បន្ទាប់ពីតុលាការព្រហ្មទណ្ឌទម្លាក់ការចោទប្រកាន់ទាំងអស់ប្រឆាំងលោកថាក់ស៊ីន ជុំវិញករណីចោទប្រកាន់ប្រមាថព្រះមហាក្សត្រ។

លោក ថាក់ស៊ីន ស៊ីណាវ៉ាត្រ អតីតនាយករដ្ឋមន្ត្រីដ៏មានឥទ្ធិពលដែលបានកាន់អំណាចពីឆ្នាំ២០០១ ដល់ឆ្នាំ២០០៦ និង ការបន្តរក្សាឥទ្ធិពលនយោបាយអស់រយៈពេលជិត២០ឆ្នាំ បន្ទាប់ពីការបាត់បង់អំណាចដោយរដ្ឋប្រហារកាលឆ្នាំ២០០៦ ហើយត្រូវនិរទេសរស់នៅបរទេសរហូតដល់១៥ឆ្នាំ មុនវិលចូលប្រទេសវិញនៅថ្ងៃទី២២ខែសីហាឆ្នាំ២០២៣។

ការចុះផ្សាយមួយរបស់បណ្តាញសារព័ត៌មាន CNA ដែលយោងតាមរបាយការណ៍មួយ បានឲ្យដឹងថា អត្រានៃការផ្តន្ទាទោសចំពោះករណីប្រមាថព្រះមហាក្សត្រមានប្រហែល ៨០ភាគរយ។ ក្នុងករណីបែបនេះ លោកថាក់ស៊ីន គឺជាបុគ្គលដ៏កម្របំផុត និងជាអ្នកនយោបាយខ្លាំងបំផុតដែលបានរួចផុតពីការផ្តន្ទាទោសដោយតុលាការព្រហ្មទណ្ឌ។

បណ្តឹងចោទប្រកាន់ប្រមាណព្រះមហាក្សត្រ គឺនរណាម្នាក់អាចដាក់ពាក្យបណ្តឹងប្រមាថព្រះមហាក្សត្របានដែរ ហើយបន្ទាប់មក ប៉ូលីសត្រូវបានចងដោយច្បាប់ដើម្បីស៊ើបអង្កេត។ ក្រុមសិទ្ធិមនុស្សនិយាយថា ច្បាប់ត្រូវបានគេប្រើកាន់តែខ្លាំងឡើងជាឧបករណ៍ដើម្បីរារាំងការមិនចុះសម្រុងប្រឆាំងនឹងស្ថានភាពដដែល។

អស់រយៈពេល២០ឆ្នាំមកនេះ នយោបាយថៃត្រូវបានកំណត់យ៉ាងធំដោយជម្លោះ។ លោក ថាក់ស៊ីន បានចំណាយពេល ១៥ឆ្នាំក្នុងការនិរទេសខ្លួនឯងដោយគេចចេញពីការកាត់ទោសដាក់ពន្ធនាគាររយៈពេលប្រាំបីឆ្នាំពីបទពុករលួយ និងការរំលោភបំពានអំណាច។ បន្ទាប់មក ក្នុងការវវឌ្ឍដ៏គួរឲ្យភ្ញាក់ផ្អើលមួយកាលពីឆ្នាំ២០២៣ លោក ថាក់ស៊ីន បានត្រឡប់ទៅប្រទេសថៃវិញ។

ការវិលត្រឡប់មកកាន់នយោបាយរបស់លោក ថាក់ស៊ីន បានជំរុញឱ្យមានការរំពឹងទុកថា លោកបានកាត់បន្ថយកិច្ចព្រមព្រៀងជាមួយអតីតភាពស្និតស្នាលរបស់លោកតាមរយៈការបង្កើតទំនាក់ទំនងជាមួយក្រុមអភិរក្សដ៏មានឥទ្ធិពលរបស់ប្រទេស ទំនាក់ទំនងរវាងរាជវង្ស យោធា និងឥស្សរជនអាជីវកម្ម។

លោក ថាក់ស៊ីន ស៊ីណាវ៉ាត្រ ដែលប្រឈមការចោទប្រកាន់បទព្រហ្មទណ្ឌចំនួន២ករណី បានរួចផុតពីការចោទប្រកាន់១ករណីប្រមាថព្រះមហាក្សត្រដ៏មានសក្តានុពល ហើយក៏ជាការរួចទោសដ៏កម្របំផុតក្នុងសំណុំរឿងនយោបាយថៃធ្វើឲ្យគេមើលឃើញថា លោកថាក់ស៊ីន បានឈានដល់ដំណាក់កាលថ្មីទៀត ដែលអំណាចព្រះមហាក្សត្រត្រូវតែកែទម្រង់ ដែលស្របតាមការទាមទារជាមួយយូរមកហើយរបស់ក្រុមអ្នកនយោបាយកំណែទម្រង់ដ៏មានប្រជាប្រិយភាពជាច្រើន និងរាប់សិបឆ្នាំមកហើយ។

លោក ថាក់ស៊ីន ស៊ីណាវ៉ាត្រ លើកដៃដាក់អ្នកគាំទ្រ ពេលចេញពីតុលាការ។ ខាវសុត

ការផ្ទុះអាវុធដ៏ខ្លាំងក្លាបំផុតរយៈពេល៥ថ្ងៃ៥យប់នៅព្រំដែនកម្ពុជា ត្រូវបានគេមើលឃើញយ៉ាងទូលំទូលាយថា ជាការសម្រេចចិត្តរបស់ស្ថាប័នរាជបល្ល័ង្កថៃ ដោយបញ្ជាមេបញ្ជាការ និងក្រុមយោធាដែលស្និទ្ធនឹងរាជបល្ល័ង្ក សម្រាប់ធ្វើសកម្មភាពនយោបាយនិងការប្រយុទ្ធ ដោយច្រានចោលដំណោះស្រាយរបស់រដ្ឋាភិបាលស៊ីវិលដែលដឹកនាំដោយគណបក្សភឿថៃ មានកូនស្រីលោកថាស៊ីន គឺលោកស្រី ផែថងថាន ស៊ីណាវ៉ាត្រ ជានាយករដ្ឋមន្ត្រី។

ការសម្រេចរបស់តុលាការព្រហ្មទណ្ឌទីក្រុងបាងកក នៅថ្ងៃទី២២ ខែសីហា ឆ្នាំ ២០២៥ ក្នងការទម្លាក់ចោលសំណុំរឿងប្រមាថព្រះមហាក្សត្រ ប្រឆាំងនឹងអតីតនាយករដ្ឋមន្ត្រីថៃ លោកថាក់ស៊ីន ស៊ីណាវ៉ាត្រ ដោយសំអាងថា មិនមានភស្តុតាងគ្រប់គ្រាន់នោះ គឺជាសញ្ញាយ៉ាងច្បាស់ថា នយោបាយរបស់ប្រទេសស្ថិតនៅផ្លូវការកែទម្រង់ ជាពិសេស គឺការទម្រង់ស្ថាប័នព្រះមហាក្សត្រតែម្តង។

អស់រយៈពេលជាយូរមកហើយ ស្ថាប័នរបស់ព្រះមហាក្សត្រត្រូវបានគេមើលឃើញថា ពង្រឹងអំណាចរបស់ខ្លួនតាមរយៈការប្រមូលផ្តុំអំណាចយោធានៅពីក្រោយ និង ការរក្សាភាពជិតស្និទ្ធជាមួយអតីតមេបញ្ជាការយោធាចូលនិវត្តន៍ឲ្យកាន់តួនាទីសំខាន់ៗ នៅក្នុងក្រុមប្រឹក្សាព្រះមហាក្សត្រ (Privy Council) ដោយការធ្វើទុកបុកម្នេញលើរដ្ឋាភិបាលស៊ីវិល ដែលកើតចេញពីការបោះឆ្នោតតាមបែបប្រជាធិបតេយ្យ។

លោកថាក់ស៊ីន បានបិទឡេវអាវឲ្យកូនស្រី ផែថងថាន ស៊ីណាវ៉ាត្រ ពេលឡើងស្បថចូលកាន់តំណែងនាយករដ្ឋមន្ត្រីថៃកាលខែសីហាឆ្នាំ២០២៤។

ប៉ុន្តែការតថ្លៃអំណាចចុងក្រោយរបស់លោកថាក់ស៊ីន ស៊ីណាវ៉ាត្រ នៅស្របពេលដែលរដ្ឋាភិបាលស៊ីវិល ដឹកនាំដោយកូនស្រីរបស់លោក គឺលោកស្រី ផែថងថាន ស៊ីណាវ៉ាត្រ បានទទួលរងសម្ពាធដូចគ្នា ពីក្រុមអ្នកនយោបាយថៃដែលនិយមយោធា ក្នុងនោះ មានស្ថាប័នព្រឹទ្ធសភា ស្ថាប័នប្រឆាំងអំពើពុករលួយ ស្ថាប័នព្រះមហាក្សត្រថៃ ជាដើម នៅក្នុងពេលដែលរដ្ឋាភិបាលស៊ីវិលដឹកនាំគណបក្សភឿថៃចុះខ្សោយកាន់តែខ្លាំង និងរងភាពរង្គោះរង្គើស្ទើរតែដួលរលំទៅហើយ។

ការស្ទង់មតិកាលពីថ្ងៃទី ១៩-២៥ ខែមិថុនា ដោយ NIDA (វិទ្យាស្ថានជាតិនៃការគ្រប់គ្រងការអភិវឌ្ឍន៍) ដែលជាទីភ្នាក់ងារដ៏គួរឱ្យទុកចិត្តមួយរបស់ប្រទេសថៃ បានបង្ហាញថា ការគាំទ្រសម្រាប់គណបក្សភឿថៃរបស់លោកថាក់ស៊ីនបានធ្លាក់ចុះដល់ ១១.៥២ ភាគរយពី ២៨.០៥ភាគរយ។ ការគាំទ្រលើលោកស្រី ផែថងថាន ស៊ីណាវ៉ាត្រ ក៏បានធ្លាក់ចុះមកត្រឹម ៩.២ ភាគរយពី ៣០.៩ ភាគរយនៅក្នុងត្រីមាសទីមួយ។ ផ្ទុយទៅវិញ គណបក្សប្រជាជនប្រឆាំង និងដៃគូចម្រុះតូចជាងបានទទួលដី។

ស្ថាប័នរាជបល្ល័ង្កថៃតែងតែធ្វើសកម្មភាពប្រឆាំងរដ្ឋាភិបាលស៊ីវិល តាមរយៈការចាត់វិធានការផ្លូវច្បាប់ ដោយការប្តឹងចោទប្រកាន់នានា ដើម្បីធ្វើយ៉ាងណាចាប់កំហុស មេដឹកនាំគណបក្ស ឬរដ្ឋាភិបាលស៊ីវិលទាំងឡាយណាដែលមានទំនោរទៅរកលទិ្ធប្រជាធិបតេយ្យ។ ជាក់ស្តែងណាស់ ក្នុងហេតុការណ៍នយោបាយចុងក្រោយនេះ ស្ថាប័នទាំងឡាយដែលមានទំនោរទៅរករាជបល្ល័ង្កថៃ បានចេញធ្វើសកម្មភាពប៉ុនប៉ងដកហូតអ្នកនយោបាយទាំងឡាយដែលកើតចេញពីការបោះឆ្នោតដោយប្រជាជន និងធ្វើសកម្មភាពដើម្បីការរស់រាននិងការអភិវឌ្ឍតាមបែបប្រជាធិបតេយ្យ។

តុលាការធម្មនុញ្ញថៃជាស្ថាប័នមួយបានទម្លាយចោលនៅគណបក្សជាច្រើនរហូតដល់ទៅ៣៤ ចាប់តាំងពីឆ្នាំ២០០៦ ជាឆ្នោតដែលរដ្ឋាភិបាលស៊ីវិលដឹកនាំ ដោយលោកថាក់ស៊ីន ស៊ីណាវ៉ាត្រ ត្រូវបានបណ្តេញចេញពីអំណាចតាមរយៈរដ្ឋប្រហារកាលថ្ងៃទី១៩ខែកញ្ញាឆ្នាំ២០០៦។ ការរំលាយចោលគណបក្សទាំង៣៤នោះ គឺសុទ្ធតែគណបក្សដែលមានគោលនយោបាយ លើកស្ទួយប្រជាធិបតេយ្យ និងមានគោលនយោបាយប៉ុនប៉ងបន្ថយអំណាចព្រះមហាក្សត្រ តាមរយៈការធ្វើវិសោធនកម្មរដ្ឋធម្មនុញ្ញ ត្រង់មាត្រា១១២ ដែលចែងអំពីការប្រមាថព្រះមហាក្សត្រ។ ត្រង់ចំណុចនេះហើយ ដែលអ្នកនយោបាយថៃតែងតែរងគ្រោះដោយសារតែច្បាប់ប្រមាថព្រះមហាក្សត្រដែលបានដាក់ចេញឲ្យប្រើប្រាស់ដំបូងក្នុងឆ្នាំ១៩៥៧ ក្នុងរាជស្តេច ភូមិវិបុល អាឌុលយ៉ាដេត រាមាទី៩៕

រ៉ាន់ រើយ

The post ថាក់ស៊ីនពីអ្នកទោសនយោបាយ ទៅជាអ្នកតស៊ូអំណាចបង្កើតប្រវត្តិសាស្រ្តនយោបាយថៃ appeared first on Kampuchea Thmey Daily.

សម្ដីនៅតែឈ្លើយ ផែថងថាន ឆ្លើយទាំងអំនួតថា យោធាថៃមានភាពចាស់ទុំគ្រប់គ្រាន់

សាង ស្រីល័ក្ខ — Thu, 24 Jul 2025 07:57:48 +0000

ជាការឆ្លើតបនៅចំពោះមុខក្រុមអ្នកសារព័ត៌មានថៃ នៅព្រឹកថ្ងៃទី២៤ ខែកក្កដានេះ ផែថងតាន និយាយទាំំងមិនចេះខ្មាស់ពិភពលោកដោយបានអួតក្ដែងៗថា នាងជឿជាក់លើរដ្ឋាភិបាលនិងយោធាខ្លួន ដែលមានភាពចាស់ទុំគ្រប់គ្រាន់ ហើយបានវាយបកមកលើកម្ពុជាវិញថា សូមថ្កោលទោសកម្ពុជា ចំពោះការបាញ់ប្រហារមកលើតំបន់មួយចំនួននាំឲ្យជនស៊ីវិលរងរបួស។

រូបភាព៖nationtv

មិនតែប៉ុណ្ណោះ កូនស្រីពៅលោកថាក់ស៊ីនថែមទាំងចង្អុលបង្ហាញថា ក្នុងស្ថានភាពបច្ចុប្បន្ននេះ ដំណាក់កាលចរចាបានកន្លងផុតទៅហើយ! ទោះបីជាមានការព្យាយាមប្រើប្រាស់គ្រប់មធ្យោបាយដោយសន្តិវិធីនាពេលកន្លងមកក៏ដោយ។ ក្នុងនោះនាងបានសង្កត់ធ្ងន់ចំណុចមួយនេះថា ប្រទេសកម្ពុជាបានបាត់បង់ភាពជឿជាក់របស់ខ្លួន នៅក្នុងក្រសែភ្នែកពិភពលោកហើយ។

ជាងនេះទៅទៀត ផែថងតាន នៅតែឆ្លើយទាំងអឿថា កម្ពុជាជាអ្នកវាយបកមកមុន ទើបថៃអស់ភាពអត់ធ្មត់! ប៉ុន្តែនាងជឿថា តាមរយៈប្រព័ន្ធផ្សព្វផ្សាយបរទេសជាច្រើនបានចុះផ្សាយ នោះគឺអាចបណ្ដាលឲ្យពិភពលោកលែងសូវជឿជាក់ប្រទេសកម្ពុជា ឬអាចថាថយចុះជាងមុន។

រូបភាព៖nationtv

នៅចំពោះមុខក្រុមអ្នកកាសែតព្រោងព្រាត រដ្ឋមន្ត្រីក្រសួងវប្បធម៌ថៃពោលយ៉ាងដូច្នោះថា ខ្លួនបានជជែកជាមួយលោក Phumtham ឧបនាយករដ្ឋមន្ត្រី និងរដ្ឋមន្ត្រីក្រសួងមហាផ្ទៃ ជានាយករដ្ឋមន្ត្រីស្តីទី នាយឧត្តមសេនីយ៍ Nattapol អនុរដ្ឋមន្ត្រីក្រសួងការពារជាតិ និងកងទ័ពរួចហើយ ដែលពួកគេថា ពួកគេត្រៀមខ្លួនអស់ហើយ បើធៀបទៅនឹងឆ្នាំ ២០១១ ទានហានថៃបានត្រៀមខ្លួនច្រើនជាង ២ ទៅ ៣ ដងឯណោះ។

បើទោះបីជាផ្ដល់បទសម្ភាសន៍បែបដ្រាម៉ាលាយឡំនឹងទឹកភ្នែកក្ដី ក៏ប៉ុន្តែ ផែថងថាន នៅតែប្រើសម្ដីក្អេងក្អាង ឈ្លើយថាខាងខ្លួនអត់ធ្មត់ណាស់។ ត្រង់ចំណុចនេះ នាងនៅតែនិយាយដដែលៗថា ខ្លួនមានមោទនភាព និងជឿជាក់លើរដ្ឋាភិបាលនិងយោធា ដែលបានធ្វើអ្វីគ្រប់យ៉ាងដូចមនុស្សពេញវ័យ មិនមែនកូនក្មេង៕

រូបភាព៖nationtv

អត្ថបទ៖ សាង ស្រីល័ក្ខ

ចុចអាន៖អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ

The post សម្ដីនៅតែឈ្លើយ ផែថងថាន ឆ្លើយទាំងអំនួតថា យោធាថៃមានភាពចាស់ទុំគ្រប់គ្រាន់ appeared first on Kampuchea Thmey Daily.

អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ

សាង ស្រីល័ក្ខ — Thu, 24 Jul 2025 04:52:32 +0000

រដ្ឋមន្ត្រីក្រសួងវប្បធម៌ថៃ ផែថងតាន នៅថ្ងៃទី ២៤ខែកក្កដា ឆ្នាំ២០២៥នេះ បានបង្ហោះសារភ្ចាប់ជាមួយរូបភាពពីរសន្លឹក ទាក់ទិននឹងសេចក្តីថ្លែងការណ៍របស់អ្នកនាំពាក្យក្រសួងការពារជាតិកម្ពុជា ដែលអះអាងថា «ថៃជាអ្នកបាញ់មុន» ព្រមទាំងរូបភាពរបស់ប្រធានព្រឹទ្ធសភាកម្ពុជាថា «កម្ពុជាគ្មានជម្រើសអ្វីក្រៅពីវាយបកវិញទេ»។

រូបភាព៖Nation

តាមរយៈរូបភាពនោះ ផែថងតាន បានសរសេរសំណេរចោទមកលើប្រទេសកម្ពុជាថា «ដូចការរំពឹងទុក ធ្វើដូចជាជនរងគ្រោះ»។ ទន្ទឹមនឹងនោះ នាងក៏ចែករំលែកព័ត៌មានរបស់នាយឧត្តមសេនីយ៍ Nattapol Nakphanit អនុរដ្ឋមន្ត្រីក្រសួងការពារជាតិ ដែលពិពណ៌នាអំពីស្ថានភាពបច្ចុប្បន្នថា កងទ័ពថៃរបស់ខ្លួនបានស៊ូទ្រាំបំផុត ហើយនឹងមិនមានការចរចាជាមួយកម្ពុជាទៀតទេ។

យ៉ាងណា តាមរយៈសំណេរដដែលនោះរដ្ឋមន្ត្រីក្រសួងវប្បធម៌ថៃបានសរសេរលាបពណ៌មកកាន់កម្ពុជាថា អ្វីដែលល្អបំផុតគឺកុំចុះទៅលេងល្បែងមួយនោះ។ ភាគីថៃគ្រប់គ្នាព្យាយាមរក្សាភាពស្ងប់ស្ងាត់ អត់ធ្មត់ និងមានភាពចាស់ទុំក្នុងគ្រប់ស្ថានភាព។ ទោះបីជាមានការញុះញង់យ៉ាងណាក៏ដោយ ការអត់ធ្មត់មានទីបញ្ចប់។ ដូច្នេះហើយ នេះជាភាគបញ្ចប់ដែលពួកយើងផ្ញើការលើកទឹកចិត្តដល់កងទ័ពទៅកាន់សមាជិកក្រុមទាំងអស់។

រូបភាព៖Nation

ទោះជាយ៉ាងណាក៏ដោយ សម្ដីដែលផែថងតាននិយាយមកទាំងនេះ សុទ្ធតែជាការបំភ្លៃខុសពីការពិតទាំងស្រុង ទាំងដែលការផ្ទុះអាវុធព្រឹកមិញ គឺបណ្ដាលមកពីកងទ័ពថៃវាយប្រហារមកលើទាហានកម្ពុជាមុនប៉ុណ្ណោះ។ ទង្វើស្ដែងៗរបស់ជនជាតិថៃនៅថ្ងៃនេះ គឺសបញ្ចាក់ឲ្យដឹងថា ថៃគឺជាប្រទេសដែលស្រេកឃ្លានការឈ្លានពាន ស្រែកឃ្លានមហិច្ចតាចង់បានទឹកដីដែលជាទីសុខសាន្តរបស់ជនជាតិខ្មែរគ្រប់រូប។

ជាងនេះទៀតសោត លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិកម្ពុជា ក៏បានបញ្ចាក់ព្រឹកមិញដែរថា កងទ័ពថៃឯណោះទេដែលបានបើកការបាញ់ប្រហារមកលើកងទ័ពកម្ពុជាមុន ហើយកងទ័ពកម្ពុជា បានប្រើប្រាស់សិទ្ធិការពារខ្លួនក្នុងអធិបតេយ្យ និងបូរណភាពទឹកដីរបស់ខ្លួនប្រឆាំងនឹងការឈ្លានពានតែប៉ុណ្ណោះ៕

រូបភាព៖Nation

អត្ថបទ៖ សាង ស្រីល័ក្ខ

ចុចអាន៖អតីតសមាជិកព្រឹទ្ធសភា ដៀលចំៗថា ថៃពុករលួយតាំងពីរឿងក្ដី Tangmo និងកូនសិស្សទាហាន

The post អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ appeared first on Kampuchea Thmey Daily.

សមរភូមិផ្លូវច្បាប់ចំនួនបីនៅខែសីហាខាងមុខនឹងកែប្រែជោគវាសនាត្រកូល ស៊ីណាវ៉ាត្រ ក្នុងនយោបាយថៃ

Bun sopheap — Sat, 19 Jul 2025 07:59:23 +0000

យោងតាមការចេញផ្សាយរបស់សារព័ត៌មាន The Nation ក្នុងខែសីហាខាងមុខនេះគឺជាពេលវេលាដ៏សំខាន់មួយសម្រាប់ជោគវាសនាគ្រួសារ ស៊ីណាវ៉ាត្រ (Shinawatra )ដ៏មានឥទ្ធិពលរបស់ប្រទេសថៃ ជាមួយនឹងការសម្រេចសាលក្រមសំខាន់ៗចំនួន ៣ ដែលអាចផ្លាស់ប្តូរទិដ្ឋភាពនយោបាយរបស់ប្រទេសនេះយ៉ាងខ្លាំង។

លោក ថាក់ស៊ីន ស៊ីណាវ៉ាត្រ (រូបភាព៖ Reuters)

សាលក្រមប្រមាទព្រះមហាក្សត្រ របស់លោកថាក់ស៊ីន

អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រ (Thaksin Shinawatra) នឹងប្រឈមមុខនឹងសាលក្រមនៅថ្ងៃទី ២២ ខែសីហា លើការចោទប្រកាន់ក្នុងមាត្រា១២២ (ប្រមាថព្រះមហាក្សត្រ) ដែលភ្ជាប់ទៅនឹងបទសម្ភាសន៍កាលពីឆ្នាំ ២០១៥ ទៅឲ្យសារព័ត៌មានប្រទេសកូរ៉េខាងត្បូង។ តុលាការថៃចោទប្រកាន់ថា បទសម្ភាសន៍នោះ លោកថាក់ស៊ីនបានប្រមាថព្រះមហាក្សត្រ។ តុលាការបានបញ្ចប់សវនាការសាក្សីរួចហើយ។ ក្នុងករណីនេះ ប្រសិនបើលោកថាក់ស៊ីន ត្រូវបានគេរកឃើញថាមានពិរុទ្ធ វាអាចប៉ះពាល់ដល់មុខមាត់នយោបាយរបស់គាត់ ទោះបីជាលោកនៅតែអាចប្តឹងឧទ្ធរណ៍ការសម្រេចនេះក៏ដោយ។ នេះជាករណីធ្ងន់ធ្ងរជាពិសេសព្រោះការលើកលែងទោសចំពោះមាត្រា១១២ មិនមាននោះទេ។

ការស៊ើបអង្កេតលើការស្នាក់នៅមន្ទីរពេទ្យរបស់ថាក់ស៊ីន

ករណីទីពីរគឺអំពីថាតើការស្នាក់នៅរយៈពេលយូររបស់ ថាក់ស៊ីន នៅមន្ទីរពេទ្យប៉ូលិសគឺពិតជាដោយសារលក្ខខណ្ឌសុខភាពឬគ្រាន់តែជាវិធីមួយដើម្បីគេចចេញពីការជាប់ពន្ធនាគារ។ តុលាការនៅតែបើកសវនាការដដែល ដោយវគ្គចុងក្រោយនៅថ្ងៃទី ៣០ខែកក្កដា។ ការសម្រេចចិត្តសាលក្រមមួយត្រូវបានរំពឹងទុកនៅក្នុងខែសីហាខាងមុខផងដែរ ។

លោកស្រី ផែថងថាន ស៊ីណាវ៉ាត្រ (រូបភាព៖ Reuters)

ការព្យួរតំណែង លោក ស្រី ផែថងថាន ជុំវិញការបែកធ្លាយឃ្លីបសំឡេង

នាយករដ្ឋមន្ត្រីថៃបច្ចុប្បន្ន លោកស្រី ផែថងថាន ស៊ីណាវ៉ាត្រ (Paetongtarn Shinawatra ) ជាកូនស្រីរបស់លោកថាក់ស៊ីន កំពុងតស៊ូដើម្បីជីវិតនយោបាយរបស់លោកស្រីនៅពេលនេះ។ តុលាការធម្មនុញ្ញសម្រេចព្យួរតំណែងលោកស្រីជាបណ្ដោះអាសន្នជុំវិញរឿងអាស្រូវពាក់ព័ន្ធនឹងការបែកធ្លាយឃ្លីបសំឡេងជាមួយសម្ដេចតេជោ ហ៊ុន សែន ហើយលោកស្រីត្រូវបញ្ជូនមេធាវីការពារក្តីឲ្យបានមុនថ្ងៃទី ៣១ ខែកក្កដា ដោយនឹងមានសាលដីកានៅចុងខែសីហា។ ប្រសិនបើ លោកស្រីត្រូវបានដកចេញ គណបក្សភឿថៃអាចនឹងត្រូវបង្ខំឱ្យតែងតាំងនាយករដ្ឋមន្ត្រីថ្មី អាចជាលោក Chaikasem Nitisiri ឬឥស្សរជនផ្សេងទៀតជំនួស។

ករណីទាំងបីនេះបានគម្រាមកំហែងជារួមដល់អនាគតនយោបាយនៃត្រកកូល ស៊ីណាវ៉ាត្រ រារាំងការពង្រឹងអំណាចរបស់ពួកគេ ឬបង្ខំឱ្យមានការបង្កើតឡើងវិញនៅក្នុងគណបក្សភឿថៃដែលកំពុងកាន់អំណាច៕

លោក ថាក់ស៊ីន និង កូនស្រី ផែថងថាន (រូបភាព៖ Reuters)

អត្ថបទ៖ ប៊ុន សុភាព

The post សមរភូមិផ្លូវច្បាប់ចំនួនបីនៅខែសីហាខាងមុខនឹងកែប្រែជោគវាសនាត្រកូល ស៊ីណាវ៉ាត្រ ក្នុងនយោបាយថៃ appeared first on Kampuchea Thmey Daily.

ជម្លោះមេដឹកនាំថៃកំពុងបង្ហាញយ៉ាងច្បាស់លើបញ្ហាអសន្តិសុខនិងការធ្លាក់ចុះទេសចរ

Rann Reuy — Thu, 10 Jul 2025 07:51:57 +0000

ថ្នាក់ដឹកនាំប្រទេសថៃកំពុងបង្ហាញយ៉ាងច្បាស់ពីជម្លោះផ្ទៃក្នុងរបស់រដ្ឋាភិបាលចម្រុះក្នុងពេលកន្លងមក ដែលនាំទៅដល់ការបែកបាក់ក្នុងរដ្ឋាភិបាលចម្រុះដែលទើបផ្ទុះឡើងក្នុងរយៈពេល៣ប្រហែល៣សប្តាហ៍ចុងក្រោយនេះ ហើយភស្តុតាងបង្ហាញកាន់តែច្បាស់នៅពេលដែលសេចក្តីស្នើច្បាប់កាស៊ីណូនិងកម្សាន្ត បានក្លាយជាចំណុចចាប់កំហុសគ្នាក្នុងចំណោមមេដឹកនាំថៃ។

លោក Anutin ក្នុងឯកសណ្ឋានក្រសួងមហាផ្ទៃ អមដំណើរលោកស្រី ផែថងថាន ស៊ីណាវ៉ាត្រ ទៅកាន់ខេត្តជាប់ព្រំដែនកម្ពុជា ពេលនៅត្រូវរ៉ូវគ្នា។ FB

ផែថងថាន ស៊ីណាវ៉ាត្រ (Paetongtarn Shinawatra) នាយករដ្ឋមន្ត្រីដែលត្រូវបានព្យួរអំណាចរង់ចាំថ្ងៃចេញសាលក្រមសម្រេចរបស់តុលាការធម្មនុញ្ញ និងនាយករដ្ឋមន្រ្តីចាំផ្ទះ ភុមថាំ វិច្ឆាយ៉ាឆៃ (Phumtham Wechayachai) បានចេញមកប្រតិកម្មព្រមគ្នាកាលពីថ្ងៃពុធ ដាក់បន្ទុកលើ លោក Anutin Charnvirakul អតីតរដ្ឋមន្ត្រីក្រសួងមហាផ្ទៃ ដែលដឹកនាំធ្វើឲ្យអសន្តិសុខនៅក្នុងប្រទេសថៃ ដែលនាំទៅដល់ការធ្លាក់ចុះអ្នកទេសចរណ៍។

នៅពេលដែលគណៈរដ្ឋមន្ត្រីថៃដឹកនាំដោយគណបក្សភឿថៃ ស្នើដកសេចក្តីស្នើច្បាប់កាស៊ីណូនិងកម្សាន្តពីគោលនយោបាយរបស់ខ្លួន លោក Anutin Charnvirakul អតីតរដ្ឋមន្ត្រីក្រសួងមហាផ្ទៃ និងជាមេដឹកនាំគណបក្សភូមិចៃថៃ (Bhumjaithai) បានចេញមុខបរិហារធ្ងន់ៗ ដោយការស្តីបន្ទោសគោលនយោបាយធ្វើឱ្យល្បែកកាស៊ីណូស្របច្បាប់នៅប្រទេសថៃ ដែលជាមូលហេតុសម្រាប់ការធ្លាក់ចុះយ៉ាងខ្លាំងនៃការមកដល់នៃភ្ញៀវទេសចរចិន។

មេដឹកនាំគណបក្ស Bhumjaithai លោក Anutin Charnvirakul បានស្តីបន្ទោសផែនការដ៏ចម្រូងចម្រាសរបស់រដ្ឋាភិបាលថៃក្នុងការធ្វើឱ្យកាស៊ីណូស្របច្បាប់ចំពោះការធ្លាក់ចុះយ៉ាងខ្លាំងនៃចំនួនភ្ញៀវទេសចរចិន។ លោក Anutin អះអាងថា គោលនយោបាយនេះបានធ្វើឲ្យប្រធានាធិបតីចិនលោក Xi Jinping ខឹងសម្បារដែលបានចេញការព្រមានខ្លាំងៗដល់នាយករដ្ឋមន្ត្រី Paetongtarn Shinawatra ក្នុងអំឡុងពេលនៃកិច្ចប្រជុំកំពូល។

ប្រធានគណបក្សភូមិចៃថៃដែលបានប្រកាសដកខ្លួនពីរដ្ឋាភិបាលចម្រុះកាលថ្ងៃទិ១៨ខែមិថុនា បានបង្ហោះសារលើបណ្តាញសង្គម Facebook លោក Anutin Charnvirakul បានបង្ហាញព័ត៌មានអំពីការព្រួយបារម្ភរបស់ប្រធានាធិបតីចិន លោក ស៊ី ជីនពីង អំពីគោលនយោបាយធ្វើឲ្យស្របច្បាប់លើបនល្បែងកាស៊ីណូក្នុងប្រទេសថៃ ដែលនាំទៅដល់ការព្រមានរបស់អាជ្ញាធរចិនចំពោះការចូលមកទស្សនានៅក្នុងប្រទេសថៃ។

លោក Anutin (ឆ្វេង) និង លោកស្រី ផែថងថាន ពេលនៅល្អូកល្អើនជាមួយគ្នា។

អតីតរដ្ឋមន្ត្រីក្រសួងមហាផ្ទៃរូបនេះ បានអះអាងពីជំនួបរវាងនាយករដ្ឋមន្ត្រី ផែថងថាន ស៊ីណាវ៉ាត្រ និង ប្រធានាធិបតី ស៊ី ជីនពីង និងជាពេលដែលលោកប្រធានាធិបតី ស៊ី បានព្រមានរដ្ឋាភិបាលថៃចំនួនបីដង ទាមទារឲ្យលុបចោលគោលនយោបាយស្របច្បាប់នៃកាស៊ីណូ ឬប្រឈមមុខនឹងផលប៉ះពាល់ពីប្រទេសចិន។
.
ជាការឆ្លើយតបចំពោះការរិះគន់ របស់ លោក Anutin នាយករដ្ឋមន្ត្រីដែលត្រូវបានព្យួរដំណែង លោកស្រី ផែថងថាន ស៊ីណាវ៉ាត្រ បានបញ្ជាក់ថា ការធ្លាក់ចុះចំនួនទេសចរនៅប្រទេសថៃបង្កឡើងពីការព្រួយបារម្ភអំពីសុវត្ថិភាព ជាជាងគោលនយោបាយកាស៊ីណូ។

ចំណែករដ្ឋមន្ត្រីក្រសួងមហាផ្ទៃទើបឡើងកាន់តំណែង លោក ភុមថាំ បានផ្តល់យោបល់ថា អ្នកសារព័ត៌មានគួរតែពិគ្រោះជាមួយអ្នកសិក្សា ដើម្បីពិនិត្យរកមូលហេតុពិតប្រាកដ។ នេះបើយោងតាមការចេញផ្សាយរបស់សារព័ត៌មាន The Nation។

លោក Anutin បានអះអាងថា គោលនយោបាយធ្វើឱ្យស្របច្បាប់កាស៊ីណូបានបណ្តាលឱ្យមានការធ្លាក់ចុះយ៉ាងខ្លាំងនៃការមកដល់របស់ភ្ញៀវទេសចរចិន ដោយចំនួនបានធ្លាក់ចុះរហូតដល់ ៩០ភាគរយឯណោះ។ ការធ្លាក់ចុះយ៉ាងគំហុកនេះបានជះឥទ្ធិពលយ៉ាងធ្ងន់ធ្ងរដល់ប្រតិបត្តិករទេសចរណ៍ថៃ ក៏ដូចជាកម្មករនៅក្នុងឧស្សាហកម្មសេវាកម្មដូចជា សណ្ឋាគារ ភោជនីយដ្ឋាន និងការលក់រាយ។

លោក Anutin Charnvirakul បានកាន់តំណែងរដ្ឋមន្ត្រីក្រសួងមហាផ្ទៃចាប់តាំងពីខែសីហាឆ្នាំ២០២៣ ពេលដែលគណបក្សភូមិចៃថៃរបស់លោក បានចូលក្នុងរដ្ឋាភិបាលចម្រុះដឹកនាំដោយគណបក្សភឿថៃ ប៉ុន្តែលោកបានប្រកាសដកខ្លួនពីរដ្ឋាភិបាលចម្រុះនៅពេលគណបក្សភឿថៃទាមទារយកក្រសួងមហាផ្ទៃទៅកាន់កាប់ និងប្រគល់ក្រសួងសុខាភិបាលឲ្យមកកូតារបស់គណបក្សភូមិចៃថៃវិញ៕

រ៉ាន់ រើយ

The post ជម្លោះមេដឹកនាំថៃកំពុងបង្ហាញយ៉ាងច្បាស់លើបញ្ហាអសន្តិសុខនិងការធ្លាក់ចុះទេសចរ appeared first on Kampuchea Thmey Daily.

លោក Chaikasem Nitisiri អាចជានាយករដ្ឋមន្ត្រីទី៣២ ខណៈផែថងថានរងសម្ពាធកាន់តែខ្លាំង

Rann Reuy — Sat, 21 Jun 2025 09:40:11 +0000

ចំពេលសម្ពាធកាន់តែកើនឡើងជំរុញ នាយករដ្ឋមន្ត្រីថៃទី៣១ លោកស្រី ផែថងថាន ស៊ីណាវ៉ាត្រ ដែលជាកូនស្រីពៅរបស់លោក ថាក់ស៊ីន ស៊ីណាវ៉ាត្រ លាលែងពីអំណាចក្រោយផ្ទុះរឿងវិបត្តិក្នុងរដ្ឋាភិបាលចម្រុះរបស់ថៃ សម្ទុះក៏កើនឡើងទៅគាំទ្រលោក ឆៃកាសេម នីតិស៊ីរី (Chaikasem Nitisiri) ដែលជាបេក្ខជននាយករដ្ឋមន្ត្រីចុងក្រោយមកពីគណបក្សភឿថៃ ឲ្យឡើងជានយោរដ្ឋមន្ត្រីទី៣២របស់ថៃ។

លោក Chaikasem Nitisiri និង លោកស្រី ផែថងថាន ស៊ីណាវ៉ាត្រ។ PBS

លោកស្រី ផែថងថាន ស៊ីណាវ៉ាត្រ បានកាន់តំណែងនាយករដ្ឋមន្ត្រីថៃ ចាប់តាំងពីខែសីហាឆ្នាំ២០២៤ ពេលដែលអតីតនាយករដ្ឋមន្ត្រី លោក សេដ្ឋា ថាវីស៊ីន បានចុះចេញពីអំណាចដោយសារតែរឿងអាស្រូវតែងតាំងអតីតអ្នកស្និទ្ធនឹងលោកថាក់ស៊ីន ដែលជាប់ពន្ធធនាគារ ឲ្យកាន់តំណែងក្នុងទីស្តីការគណៈរដ្ឋមន្ត្រី។

យោងតាមការចុះផ្សាយរបស់កាសែត The Nation តាមពិតទៅ គណបក្សចម្រុះក្នុងរដ្ឋាភិបាលថៃកាលខែសីហាឆ្នាំ២០២៤ បានពេញចេញនិងជ្រើសរើស លោក Chaikasem Nitisiri ជាបេក្ខជននាយករដ្ឋមន្ត្រីទី៣១ ប៉ុន្តែគណបក្សភឿថៃដែលដឹកនាំសម្ព័ន្ធភាពក្នុងរដ្ឋាភិបាលចម្រុះ បានដាក់បេក្ខភាព លោកស្រី ផែថងថាន ស៊ីណាវ៉ាត្រ ដែលជាកូនស្រីពៅ របស់លោកថាក់ស៊ីនទៅវិញ ហើយ សភាជាតិក៏បានបោះឆ្នោតគាំទ្រក្លាយជានាយករដ្ឋមន្ត្រី។

ប៉ុន្តែនៅពេលដែលសម្ពាធកាន់តែកើនឡើងលើលោកស្រី ផែថងថាន ឲ្យលាលែងពីអំណាច បន្ទាប់ពីការលេចធ្លាយសារសន្ទនា ជាមួយសម្តេចតេជោ ហ៊ុន សែន ប្រធានព្រឹទ្ធសភាកម្ពុជា ដោយផ្តោតលើការបើកនិងបិទព្រំដែនតាមម៉ោងដូចធ្លាប់អនុវត្ត ហើយសម្តេច ហ៊ុន សែន បានប្រាប់ទៅវិញថា ភាគីថៃជាអ្នកបិទមុន ហើយក៏ត្រូវបើកមុនវិញដែរ ចំណែកភាគីកម្ពុជា ត្រៀមតែអនុវត្តតាមប៉ុណ្ណោះ ដោយគ្មានបញ្ហាអ្វីឡើយ។

រហូតមកដល់ពេលនេះ គណបក្សក្នុងរដ្ឋាភិបាលចម្រុះដឹកនាំដោយគណបក្សភឿថៃ បានបើកកិច្ចប្រជុំជាបន្តបន្ទាប់តាមគណបក្សរៀងរៀងខ្លួនដើម្បីបង្ហាញជំហរ ក្នុងស្ថានការនយោបាយដ៏តានតឹងក្នុងប្រទេសថៃនេះ ដោយគណបក្សភាគច្រើនទាមទារឲ្យ លោកស្រី ផែថងថាន ស៊ីណាវ៉ាត្រ លាលែងពិអំណាច ដែលជាការទទួលខុសត្រូវលើសារសំឡេងសន្ទនាដែលបែកធ្លាយ ហើយ ពួកគេផ្តោតលើបេក្ខភាពបន្ទាប់ដែលមានវ័យចំណាស់ គឺ លោក Chaikasem Nitisiri សម្រាប់បេក្ខភាពនាយករដ្ឋមន្ត្រីរបស់គណបក្សភឿថៃ។

បេក្ខភាពនាយករដ្ឋមន្ត្រីទាំង៣របស់គណបក្សភឿថៃ (ពីឆ្វេងទៅស្តាំ) លោក សេដ្ឋា ថាវីស៊ីន, លោកស្រី ផែថងថាន និង លោក Chaikasem Nitisiri។ EPA

តើ លោក Chaikasem Nitisiri ដែលទំនងក្លាយជានាយករដ្ឋមន្ត្រីបន្ទាប់របស់ប្រទេសថៃ ជានរណា?

លោក Chaikasem Nitisiri កើតនៅថ្ងៃទី ២៦ ខែសីហា ឆ្នាំ ១៩៤៨ មានអាយុ ៧៧ឆ្នាំ។ គាត់គឺជាអតីតទីប្រឹក្សារបស់អតីតនាយករដ្ឋមន្ត្រី សេដ្ឋា ថាវីស៊ីន (Srettha Thavisin) និង ប្រធានគណៈកម្មាធិការដឹកនាំយុទ្ធសាស្ត្រ និងតម្រង់ទិសនយោបាយ។

លោក Chaikasem Nitisiri ធ្លាប់កាន់តំណែងជារដ្ឋមន្ត្រីក្រសួងយុត្តិធម៌ ក្នុងរដ្ឋបាលរបស់ លោកស្រី យីងឡាក់ ស៊ីណាវ៉ាត្រ ដែលបានកាន់អំណាចចន្លោះឆ្នាំ២០១១ ដល់២០១៤ ជាពេលដែលក្រុមយោធាដឹកនាំដោយ ឧត្តមសេនីយ៍ ប្រាយុធ ចាន់អូចា បានធ្វើរដ្ឋប្រហារទម្លាក់ ហើយប្រកាសដាក់ប្រទេសក្នុងគ្រាអាសន្ន។

លោក Chaikasem Nitisiri ធ្លាប់ជាទីប្រឹក្សាមជ្ឈមណ្ឌលសម្រាប់ដំណោះស្រាយស្ថានការណ៍គ្រាអាសន្នក្រោមការគ្រប់គ្រងរបស់ អតីតនាយករដ្ឋមន្ត្រី លោកស្រី យីងឡាក់ ស៊ីណាវ៉ាត្រ។ គាត់ក៏ជាអតីតសមាជិកសភា អតីតអគ្គមេធាវី និងជាអតីតព្រះរាជអាជ្ញាជាន់ខ្ពស់ (ទីប្រឹក្សាអគ្គមេធាវី) នៅការិយាល័យអគ្គមេធាវី៕

The post លោក Chaikasem Nitisiri អាចជានាយករដ្ឋមន្ត្រីទី៣២ ខណៈផែថងថានរងសម្ពាធកាន់តែខ្លាំង appeared first on Kampuchea Thmey Daily.

មេបក្ស Bhumjaithai បង្ហោះរូបស្និទ្ធស្នាលជាមួយមេទ័ព Boonsin Padklang

Rann Reuy — Thu, 19 Jun 2025 04:27:07 +0000

ឧបនាយករដ្ឋមន្ត្រី និងរដ្ឋមន្ត្រីក្រសួងមហាផ្ទៃ លោក Anutin Charnvirakul ដែលទើបប្រកាសដក គណបក្ស Bhumjaithai របស់លោក ពីរដ្ឋាភិបាលចម្រុះដឹកនាំដោយនាយករដ្ឋមន្ត្រី ផែថងថាន ស៊ីណាវ៉ាត្រ បានបង្ហោះរូបភាពជិតស្និទ្ធជាមេបញ្ជាការភូមិភាគ២ លោក Boonsin Padklang ដែលល្បីថា មិនបានស្តាប់នយោបាយរដ្ឋមន្ត្រីស្របច្បាប់ជាយូរមកហើយ។

លោក Anutin Charnvirakul និង មេបញ្ជាការភូមិភាគ២ លោក Boonsin Padklang។ FB

ការបង្ហោះរូបភាពសិ្នទ្ធស្នាលនេះ គឺកើតឡើង ក្រោយការប្រកាសដកគណបក្ស Bhumjaithai ពីរដ្ឋាភិបាលចម្រុះដឹកនាំដោយគណបក្ស Pheu Thai របស់លោកស្រី ផែថងថាន ស៊ីណាវ៉ាត្រ និងទាមទារឲ្យលោកស្រីនាយករដ្ឋមន្ត្រី ទទួលខុសត្រូវចំពោះខ្លឹមសារសំឡេងសន្ទនាជាមួយប្រធានព្រឹទ្ធសភាកម្ពុជា សម្តេច ហ៊ុន សែន ដែលអ្នកទាំងពីរបានសន្ទនាចរចាជុំវិញពេលវេលាបើកនិងបិទព្រំដែនថៃនិងកម្ពុជា។

លោក Anutin Charnvirakul ប្រធានគណបក្ស Bhumjaithai បានកើតជម្លោះជាមួយគណបក្សភឿថៃមួយរយៈកាលចុងក្រោយ បន្ទាប់ពីលោកស្រី ផែថងថាន គ្រោងរុះរើគណៈរដ្ឋមន្ត្រី ដោយស្នើយកក្រសួងមហាផ្ទៃពីគណបក្ស Bhumjaithai មកគ្រប់គ្រង។

ដំបូលឡើងគណបក្សភឿថៃចង់ប្រគល់ឲ្យគណបក្ស Bhumjaithai នូវកូតាចំនួន២ក្រសួង គឺក្រសួងសុខាភិបាល និងទីស្តីការគណៈរដ្ឋមន្ត្រី ជាថ្នូរទទួលយកក្រសួងមហាផ្ទៃ ឬក៏ត្រូវរុញគណបក្សនេះនៅក្រៅរដ្ឋាភិបាលតែម្តង ដោយដាក់ឱសានវាទត្រឹមម៉ោង៣រសៀលនេះ។ ទីបំផុត គណបក្ស Bhumjaithai ដកខ្លួនពីរដ្ឋាភិបាល និងងាកទៅបង្ហាញភាពជិតស្និទ្ធជាមួយមេបញ្ជាការយោធា Boonsin Padklang ដែលកំពុងផ្ទុះការចាប់អារម្មណ៍ថា មិនស្តាប់រដ្ឋាភិបាលលោកស្រី ផែថងថាន នោះស្រាប់៕

The post មេបក្ស Bhumjaithai បង្ហោះរូបស្និទ្ធស្នាលជាមួយមេទ័ព Boonsin Padklang appeared first on Kampuchea Thmey Daily.

រដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ

Rann Reuy — Thu, 19 Jun 2025 00:18:25 +0000

រដ្ឋមន្ត្រីថៃ៨រូបនៃគណៈរដ្ឋមន្ត្រីថៃ បានដាក់ពាក្យលាឈប់ភ្លាមៗ បន្ទាប់ពីគណបក្ស Bhumjaithai ដែលជាគណបក្សធំទី២ក្នុងរដ្ឋាភិបាលចម្រុះ ប្រកាសដកខ្លួនចេញ ដែលជាការតវ៉ាចំពោះការលេចធ្លាយសំឡេងសន្ទនារវាងនាយករដ្ឋមន្ត្រីថៃ ផែថងថាន ស៊ីណាវ៉ាត្រ និង សម្តេចតេជោ ហ៊ុន សែន ប្រធានព្រឹទ្ធសភាកម្ពុជានៅថ្ងៃទី១៨មិថុនា២០២៥។

នាយករដ្ឋមន្ត្រីផែថងថាន បានថ្វាយបង្គំរូបឆាយាល័ក្ខរបស់មហាក្សត្រថៃ ក្រោយពេលជាប់ជានាយករដ្ឋមន្ត្រី។ FB

ការដាក់ពាក្យលាឈប់របស់រដ្ឋមន្ត្រី៨រូបនោះចូលជាធរមានភ្លាមៗនៅថ្ងៃទី១៩មិថុនានេះតែម្តង ហើយ រដ្ឋមន្ត្រីទាំង៨រូបនេះជាកូតាមកពីគណបក្ស Bhumjaithai ដែលជាគណបក្សធំទី២ក្នុងរដ្ឋាភិបាលចម្រុះថៃ ដឹកនាំដោយគណបក្សភឿថៃ របស់លោក លោកស្រី ផែថងថាន ស៊ីណាវ៉ាត្រ ដែលជាកូនស្រីពៅរបស់អតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រ។

នៅមុនការប្រកាសដកខ្លួនរបស់គណបក្ស Bhumjaithai ពីរដ្ឋាភិបាលចម្រុះ គណបក្សធំទាំងពីរ គឺគណបក្ស Pheu Thai និង គណបក្ស Bhumjaithai បានចរចាគ្នា ដើម្បីដោះដូរក្រសួងមួយចំនួន ដោយក្នុងនោះ គណបក្ស Pheu Thai ទាមទារដាច់ខាតយកក្រសួងមហាផ្ទៃពីគណបក្ស Bhumjaithai ទៅគ្រប់គ្រង ដោយប្រគល់មកវិញនូវក្រសួងពីរ គឺក្រសួងសុខាភិបាល និងទីស្តីការគណៈរដ្ឋមន្ត្រី ប៉ុន្តែគណបក្ស Bhumjaithai បានបដិសេធ ធ្វើឲ្យការចរចាចេះតែអូសបន្លាយ រហូតលេចសារសំឡេងសន្ទនារបស់នាយករដ្ឋមន្ត្រីថៃ ដែលធ្វើឲ្យស្ថានភាពនយោបាយថៃកាន់តែអាក្រក់សម្រាប់នាយករដ្ឋមន្ត្រី ផែថងថាន ស៊ីណាវ៉ាត្រ។

យោងការផ្សាយរបស់ទីភ្នាក់ងារសារព័ត៌មានថៃ (TNA) នាយករដ្ឋមន្ត្រីថៃ ផែថងថាន ស៊ីណាវ៉ាត្រ បានទទួលរងនូវការវាយប្រហារដោយគណបក្សនៅក្នុងរដ្ឋាភិបាលចម្រុះកាន់តែខ្លាំង និងមានចលនាទាមទារឲ្យលោកស្រីចុះចេញពីអំណាចទៀតផង។

នាយករដ្ឋមន្ត្រី ផែថងថាន ថ្លែងទៅកាន់សមាជិកគណៈរដ្ឋមន្ត្រីដំបូង។

The post រដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ appeared first on Kampuchea Thmey Daily.

ផែថងថាន ស៊ីណាវ៉ាត្រ Archives - Kampuchea Thmey Daily

​ថាក់ស៊ីនពីអ្នក​ទោស​​នយោបាយ ទៅ​ជា​អ្នកតស៊ូ​អំណាច​​​បង្កើត​​ប្រវត្តិសាស្រ្ត​​នយោបាយថៃ​​

សម្ដីនៅតែឈ្លើយ ផែថងថាន ឆ្លើយទាំងអំនួតថា យោធាថៃមានភាពចាស់ទុំគ្រប់គ្រាន់

អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួន​ខំអត់ធ្មត់​ និងចាស់ទុំជាងគេទៅវិញ

សមរភូមិផ្លូវច្បាប់ចំនួនបីនៅខែសីហាខាងមុខនឹងកែប្រែជោគវាសនាត្រកូល ស៊ីណាវ៉ាត្រ ក្នុងនយោបាយថៃ

​ជម្លោះ​មេដឹកនាំ​ថៃ​​​​កំពុង​បង្ហាញ​​យ៉ាងច្បាស់លើ​បញ្ហាអសន្តិសុខ​និង​ការ​ធ្លាក់ចុះ​ទេសចរ

លោក Chaikasem Nitisiri​​ អាច​ជានាយករដ្ឋមន្ត្រីទី​៣២​ ខណៈផែថងថាន​រងសម្ពាធ​កាន់តែខ្លាំង​

​​​ មេបក្ស Bhumjaithai​ បង្ហោះ​​​រូប​ស្និទ្ធស្នាលជាមួយ​មេទ័ព ​Boonsin Padklang

រដ្ឋមន្ត្រី​៨រូប​ដាក់​ពាក្យ​លា​ឈប់​ពីរដ្ឋាភិបាល​​ចម្រុះ​ ដឹកនាំ​ដោយ​គណបក្ស​ភឿថៃ​​

ថាក់ស៊ីនពីអ្នកទោសនយោបាយ ទៅជាអ្នកតស៊ូអំណាចបង្កើតប្រវត្តិសាស្រ្តនយោបាយថៃ

អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ

ជម្លោះមេដឹកនាំថៃកំពុងបង្ហាញយ៉ាងច្បាស់លើបញ្ហាអសន្តិសុខនិងការធ្លាក់ចុះទេសចរ

លោក Chaikasem Nitisiri អាចជានាយករដ្ឋមន្ត្រីទី៣២ ខណៈផែថងថានរងសម្ពាធកាន់តែខ្លាំង

មេបក្ស Bhumjaithai បង្ហោះរូបស្និទ្ធស្នាលជាមួយមេទ័ព Boonsin Padklang

រដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ