ព័ត៌មានអន្ដរជាតិ

អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ

បានផុស

១១ ខែ មុន

នៅ

ថ្ងៃព្រហស្បតិ៍ ២៤ កក្កដា ២០២៥

ដោយ

រដ្ឋមន្ត្រីក្រសួងវប្បធម៌ថៃ ផែថងតាន នៅថ្ងៃទី ២៤ខែកក្កដា ឆ្នាំ២០២៥នេះ បានបង្ហោះសារភ្ចាប់ជាមួយរូបភាពពីរសន្លឹក ទាក់ទិននឹងសេចក្តីថ្លែងការណ៍របស់អ្នកនាំពាក្យក្រសួងការពារជាតិកម្ពុជា ដែលអះអាងថា «ថៃជាអ្នកបាញ់មុន» ព្រមទាំងរូបភាពរបស់ប្រធានព្រឹទ្ធសភាកម្ពុជាថា «កម្ពុជាគ្មានជម្រើសអ្វីក្រៅពីវាយបកវិញទេ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពនោះ ផែថងតាន បានសរសេរសំណេរចោទមកលើប្រទេសកម្ពុជាថា «ដូចការរំពឹងទុក ធ្វើដូចជាជនរងគ្រោះ»។ ទន្ទឹមនឹងនោះ នាងក៏ចែករំលែកព័ត៌មានរបស់នាយឧត្តមសេនីយ៍ Nattapol Nakphanit អនុរដ្ឋមន្ត្រីក្រសួងការពារជាតិ ដែលពិពណ៌នាអំពីស្ថានភាពបច្ចុប្បន្នថា កងទ័ពថៃរបស់ខ្លួនបានស៊ូទ្រាំបំផុត ហើយនឹងមិនមានការចរចាជាមួយកម្ពុជាទៀតទេ។

យ៉ាងណា តាមរយៈសំណេរដដែលនោះរដ្ឋមន្ត្រីក្រសួងវប្បធម៌ថៃបានសរសេរលាបពណ៌មកកាន់កម្ពុជាថា អ្វីដែលល្អបំផុតគឺកុំចុះទៅលេងល្បែងមួយនោះ។ ភាគីថៃគ្រប់គ្នាព្យាយាមរក្សាភាពស្ងប់ស្ងាត់ អត់ធ្មត់ និងមានភាពចាស់ទុំក្នុងគ្រប់ស្ថានភាព។ ទោះបីជាមានការញុះញង់យ៉ាងណាក៏ដោយ ការអត់ធ្មត់មានទីបញ្ចប់។ ដូច្នេះហើយ នេះជាភាគបញ្ចប់ដែលពួកយើងផ្ញើការលើកទឹកចិត្តដល់កងទ័ពទៅកាន់សមាជិកក្រុមទាំងអស់។

ទោះជាយ៉ាងណាក៏ដោយ សម្ដីដែលផែថងតាននិយាយមកទាំងនេះ សុទ្ធតែជាការបំភ្លៃខុសពីការពិតទាំងស្រុង ទាំងដែលការផ្ទុះអាវុធព្រឹកមិញ គឺបណ្ដាលមកពីកងទ័ពថៃវាយប្រហារមកលើទាហានកម្ពុជាមុនប៉ុណ្ណោះ។ ទង្វើស្ដែងៗរបស់ជនជាតិថៃនៅថ្ងៃនេះ គឺសបញ្ចាក់ឲ្យដឹងថា ថៃគឺជាប្រទេសដែលស្រេកឃ្លានការឈ្លានពាន ស្រែកឃ្លានមហិច្ចតាចង់បានទឹកដីដែលជាទីសុខសាន្តរបស់ជនជាតិខ្មែរគ្រប់រូប។

ជាងនេះទៀតសោត លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិកម្ពុជា ក៏បានបញ្ចាក់ព្រឹកមិញដែរថា កងទ័ពថៃឯណោះទេដែលបានបើកការបាញ់ប្រហារមកលើកងទ័ពកម្ពុជាមុន ហើយកងទ័ពកម្ពុជា បានប្រើប្រាស់សិទ្ធិការពារខ្លួនក្នុងអធិបតេយ្យ និងបូរណភាពទឹកដីរបស់ខ្លួនប្រឆាំងនឹងការឈ្លានពានតែប៉ុណ្ណោះ៕