ព័ត៌មានអន្ដរជាតិ

រដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ

បានផុស

១ year មុន

នៅ

ថ្ងៃព្រហស្បតិ៍ ១៩ មិថុនា ២០២៥

ដោយ

រដ្ឋមន្ត្រីថៃ៨រូបនៃគណៈរដ្ឋមន្ត្រីថៃ បានដាក់ពាក្យលាឈប់ភ្លាមៗ បន្ទាប់ពីគណបក្ស Bhumjaithai ដែលជាគណបក្សធំទី២ក្នុងរដ្ឋាភិបាលចម្រុះ ប្រកាសដកខ្លួនចេញ ដែលជាការតវ៉ាចំពោះការលេចធ្លាយសំឡេងសន្ទនារវាងនាយករដ្ឋមន្ត្រីថៃ ផែថងថាន ស៊ីណាវ៉ាត្រ និង សម្តេចតេជោ ហ៊ុន សែន ប្រធានព្រឹទ្ធសភាកម្ពុជានៅថ្ងៃទី១៨មិថុនា២០២៥។

នាយករដ្ឋមន្ត្រីផែថងថាន បានថ្វាយបង្គំរូបឆាយាល័ក្ខរបស់មហាក្សត្រថៃ ក្រោយពេលជាប់ជានាយករដ្ឋមន្ត្រី។ FB

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដាក់ពាក្យលាឈប់របស់រដ្ឋមន្ត្រី៨រូបនោះចូលជាធរមានភ្លាមៗនៅថ្ងៃទី១៩មិថុនានេះតែម្តង ហើយ រដ្ឋមន្ត្រីទាំង៨រូបនេះជាកូតាមកពីគណបក្ស Bhumjaithai ដែលជាគណបក្សធំទី២ក្នុងរដ្ឋាភិបាលចម្រុះថៃ ដឹកនាំដោយគណបក្សភឿថៃ របស់លោក លោកស្រី ផែថងថាន ស៊ីណាវ៉ាត្រ ដែលជាកូនស្រីពៅរបស់អតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រ។

នៅមុនការប្រកាសដកខ្លួនរបស់គណបក្ស Bhumjaithai ពីរដ្ឋាភិបាលចម្រុះ គណបក្សធំទាំងពីរ គឺគណបក្ស Pheu Thai និង គណបក្ស Bhumjaithai បានចរចាគ្នា ដើម្បីដោះដូរក្រសួងមួយចំនួន ដោយក្នុងនោះ គណបក្ស Pheu Thai ទាមទារដាច់ខាតយកក្រសួងមហាផ្ទៃពីគណបក្ស Bhumjaithai ទៅគ្រប់គ្រង ដោយប្រគល់មកវិញនូវក្រសួងពីរ គឺក្រសួងសុខាភិបាល និងទីស្តីការគណៈរដ្ឋមន្ត្រី ប៉ុន្តែគណបក្ស Bhumjaithai បានបដិសេធ ធ្វើឲ្យការចរចាចេះតែអូសបន្លាយ រហូតលេចសារសំឡេងសន្ទនារបស់នាយករដ្ឋមន្ត្រីថៃ ដែលធ្វើឲ្យស្ថានភាពនយោបាយថៃកាន់តែអាក្រក់សម្រាប់នាយករដ្ឋមន្ត្រី ផែថងថាន ស៊ីណាវ៉ាត្រ។

យោងការផ្សាយរបស់ទីភ្នាក់ងារសារព័ត៌មានថៃ (TNA) នាយករដ្ឋមន្ត្រីថៃ ផែថងថាន ស៊ីណាវ៉ាត្រ បានទទួលរងនូវការវាយប្រហារដោយគណបក្សនៅក្នុងរដ្ឋាភិបាលចម្រុះកាន់តែខ្លាំង និងមានចលនាទាមទារឲ្យលោកស្រីចុះចេញពីអំណាចទៀតផង។