ការបំផ្លិចបំផ្លាញនេះភាគច្រើនបណ្ដាលមកពីការប្រែប្រួលអាកាសធាតុ គ្រោះរាំងស្ងួតខ្លាំង និងការពង្រីកការប្រើប្រាស់ដីសម្រាប់កសិកម្ម។ នេះបើយោងតាមការចេញផ្សាយរបស់ការសែត Bangkok Post នៅថ្ងៃទី២១ខែឧសភានេះ។

យោងតាមរបាយការណ៍ ពិភពលោកបានបាត់បង់ព្រៃឈើចំនួន ៦.៧ លានហិកតា នៃព្រៃត្រូពិចក្នុងឆ្នាំ ២០២៤ កើនឡើង ៨០% ធៀបនឹងឆ្នាំមុន។ ភ្លើងឆេះព្រៃគឺជាមូលហេតុចំបង​បំផុត​​នៃការបាត់បង់ព្រៃឈើនៅតំបន់ត្រូពិច ជាពិសេសបង្កឱ្យមានការព្រួយបារម្មណ៍ចំពោះប្រព័ន្ធអេកូឡូស៊ី ដូចជា ព្រៃអាម៉ាហ្សូន ដែលមានលក្ខណៈសើមដោយធម្មជាតិ និងមិនងាយឆេះ។

ប្រទេសប្រេស៊ីលគឺជាប្រទេសដែលរងគ្រោះខ្លាំងជាងគេ ដោយបានបាត់បង់ព្រៃឈើត្រូពិចចំនួន ២.៨ លានហិកតា។ បញ្ហានេះបានកត់សម្គាល់ពីការផ្លាស់ប្តូរដ៏គួរឱ្យព្រួយបារម្ភនៃវឌ្ឍនភាពដែលបានធ្វើឡើងក្នុងឆ្នាំ ២០២៣ ក្រោមការដឹកនាំរបស់ប្រធានាធិបតី Luiz Inacio Lula da Silva ដែលបានសន្យាថា នឹងការពារព្រៃអាម៉ាហ្សូនជាងមុន។ ឥឡូវនេះមន្ត្រីរដ្ឋាភិបាលក្នុងប្រទេសប្រេស៊ីល បាន​និយាយថា ការទប់ស្កាត់ភ្លើងឆេះព្រៃត្រូវតែក្លាយជាគោលនយោបាយកំពូល។

នៅកន្លែងផ្សេងទៀតនៅអាមេរិកឡាទីន ដូចជាប្រទេសបូលីវី ក៏មានការកើនឡើងយ៉ាងខ្លាំងនៃការបាត់បង់ព្រៃឈើរហូតដល់ ២០០%។ ចំណែកប្រទេសផ្សេងទៀត ដូចជា ម៉ិកស៊ិក ប៉េរូ នីការ៉ាហ្គា និងហ្គាតេម៉ាឡា ក៏បាត់បង់ព្រៃឈើស្រដៀងគ្នានេះដែរ។

នៅទ្វីបអាហ្រ្វិក ការបាត់បង់ព្រៃឈើក៏បានកើនឡើងដែរនៅសាធារណរដ្ឋប្រជាធិបតេយ្យកុងហ្គោ ដែលមួយផ្នែកដោយសារជម្លោះប្រដាប់អាវុធដែលបង្កើនសម្ពាធលើធនធានធម្មជាតិ។

ចំពោះព្រៃឈើភាគខាងជើង តំបន់ដូចជាប្រទេសកាណាដា និងរុស្ស៊ីក៏បានកត់ត្រាការបាត់បង់ដើមឈើដែលបំបែកកំណត់ត្រាផងដែរ។ ដោយសារភ្លើងឆេះព្រៃដែលរីករាលដាល និងមិនអាចគ្រប់គ្រងបានបានបំផ្លាញព្រៃឈឺ ៥.២ លានហិកតា ។

យ៉ាងណាមិញ​អាស៊ី​អាគ្នេយ៍​បែរជាមាន​ភាព​ប្រសើរ​ឡើង​ដ៏​កម្រ ដោយ ប្រទេសឥណ្ឌូនេស៊ី ម៉ាឡេស៊ី និងឡាវបានកាត់បន្ថយការបាត់បង់ព្រៃឈើ តាមរយៈគោលនយោបាយអភិរក្សតឹងរឹង ការខិតខំប្រឹងប្រែងរបស់សហគមន៍ និងការគាំទ្រពីវិស័យឯកជន។

អ្នកជំនាញព្រមានថា ត្រូវការវិធានការជាសកលជាបន្ទាន់ដើម្បីតប់ស្កាត់ការបាត់បង់នេះ។ លោក Rod Taylor ប្រធាន WRI បានសង្កត់ធ្ងន់ថា រដ្ឋាភិបាលត្រូវតែបង្កើតយន្តការផ្តល់មូលនិធិឱ្យកាន់តែប្រសើរឡើង ដើម្បីគាំទ្រដល់ការអភិរក្សព្រៃឈើ។

លើសពីនេះកិច្ចប្រជុំកំពូលស្តីពីអាកាសធាតុពិភពលោកដែលគ្រោងនឹងធ្វើឡើងនៅទីក្រុង Belem ប្រទេសប្រេស៊ីលក្នុងខែវិច្ឆិកា មេដឹកនាំពិភពលោកកំពុងត្រូវបានជំរុញឱ្យចាត់ទុកវិបត្តិនេះជាអាទិភាពកំពូល៕

អត្ថបទ៖ ប៊ុន សុភាព

The post ពិភពលោកបាត់បង់ព្រៃឈើច្រើន​បំផុតក្នុងឆ្នាំ ២០២៤ ដោយសារភ្លើងឆេះនិងវិបត្តិអាកាសធាតុ appeared first on Kampuchea Thmey Daily.

លោក បៃដិន បាន​ធ្វើ​ដំណើរ​ពីទីក្រុង Lima នៃ​ប្រទេសប៉េរូ ទៅកាន់ទីក្រុង Manaus ប្រទេសប្រេស៊ីល ដែលជាទីក្រុងធំជាងគេនៅតំបន់អាម៉ាហ្សូន ដើម្បីជួបជាមួយមេដឹកនាំក្នុងតំបន់ដែលធ្វើការការពារព្រៃឈើនៅ​ទីនោះ​។ លោក បៃដិន​ត្រូវធ្វើដំណើរបន្តទៅទីក្រុង Rio de Janeiro សម្រាប់កិច្ចប្រជុំកំពូលនៃក្រុមប្រទេស​លួតលាស់​សេដ្ឋកិច្ច​ ហៅ​កាត់​ថា «G20» ដែលនឹងដោះស្រាយបញ្ហានានា រួមទាំងភាពក្រីក្រ អភិបាលកិច្ចពិភពលោក និងការប្រែប្រួលអាកាសធាតុ។

ខណៈពេលដែលនៅ Amazon លោក បៃដិន បានធ្វើដំណើរលើឧទ្ធម្ភាគចក្រប្រធានាធិបតី Marine One របស់គាត់ដើម្បីទស្សនាចំណុចប្រសព្វនៃទន្លេ Amazon និង Rio Negro នៅ Manaus ជាកន្លែងដែលកម្រិតទឹកបានធ្លាក់ចុះយ៉ាងខ្លាំងដោយសារតែគ្រោះរាំងស្ងួតដ៏អាក្រក់បំផុតក្នុងទសវត្សរ៍ និងព្រៃទឹកភ្លៀង។

លោក បៃដិន ត្រូវបានអមដំណើរដោយអ្នកវិទ្យាសាស្ត្រប្រេស៊ីល និងជាអ្នកឈ្នះរង្វាន់ណូបែលលោក Carlos Nobre ដែលបានព្រមានថា Amazon មានសារៈសំខាន់ណាស់ ដោយសារការកាប់បំផ្លាញព្រៃឈើបានផ្លាស់ប្តូរលំនាំអាកាសធាតុ ដែលទ្រទ្រង់អាកាសធាតុព្រៃរបស់វា។ លោក Biden ក៏បានទៅសារមន្ទីរ Amazon ក្នុងទីក្រុង Manaus ជាកន្លែងដែលគាត់បានជួបជាមួយមេដឹកនាំជនជាតិដើមភាគតិចផងដែរ។

គួរបញ្ជាក់ថាអ្នកវិទ្យាសាស្ត្រនិយាយថា ការអភិរក្សព្រៃអាម៉ាហ្សូនមានសារៈសំខាន់ណាស់ក្នុងការទប់ស្កាត់ការប្រែប្រួលអាកាសធាតុ ដោយសារតែបរិមាណកាបូនឌីអុកស៊ីតកំដៅអាកាសធាតុដ៏ច្រើនដែលដើមឈើរបស់វាស្រូបយក។

ជាមួយគ្នានេះប្រធានាធិបតីប្រេស៊ីលលោក Luiz Inacio Lula da Silva បានប្តេជ្ញាថានឹងបញ្ចប់ការកាប់បំផ្លាញព្រៃឈើនៅក្នុងព្រៃទឹកភ្លៀងរបស់ប្រទេសរបស់គាត់នៅឆ្នាំ ២០៣០ ហើយបានជំរុញឱ្យប្រទេសអ្នកមានឱ្យចូលរួមចំណែកក្នុងបុព្វហេតុតាមរយៈមូលនិធិ Amazon ដែលគ្រប់គ្រងដោយធនាគារអភិវឌ្ឍន៍រដ្ឋរបស់ប្រទេសប្រេស៊ីល។

នៅក្នុងការឈប់សម្រាករយៈពេល៤ ម៉ោងរបស់គាត់នៅទីក្រុង Manaus លោក បៃដិន នឹងប្រកាសពីការរួមចំណែកបន្ថែមចំនួន ៥០ លានដុល្លារអាមេរិកដល់មូលនិធិ Amazon ដែលនាំមកនូវការប្តេជ្ញាចិត្តរបស់សហរដ្ឋអាមេរិកដល់ ១០០លានដុល្លារ។

កាលពីឆ្នាំមុន លោក បៃដិនបាននិយាយថា លោកនឹងស្នើសុំ ៥០០ លានដុល្លារពីសភាសហរដ្ឋអាមេរិក ដើម្បីគាំទ្រដល់មូលនិធិ Amazon ។ ទោះយ៉ាងណាក៏ដោយ សហរដ្ឋអាមេរិកបានប្រគល់ត្រឹមតែមួយភាគដប់នៃការសន្យានោះត្រឹមខែកក្កដា។ សេតវិមានបាននិយាយថា ការរួមចំណែកថ្មីនេះគឺជាផ្នែកមួយនៃកិច្ចខិតខំប្រឹងប្រែងរបស់រដ្ឋបាល Biden ដើម្បីពង្រីកហិរញ្ញវត្ថុអាកាសធាតុរបស់សហរដ្ឋអាមេរិក ៦ដងក្នុងរយៈពេល៤ឆ្នាំចុងក្រោយនេះដល់ ១១ ពាន់លានដុល្លារជារៀងរាល់ឆ្នាំ។

ទោះបីជាយ៉ាងណាគំនិត​ផ្តួចផ្តើម​នោះ​អាច​នឹងជាប់គាំង នៅពេល​ប្រធានាធិបតី​ជាប់​ឆ្នោត ត្រាំ ត្រឡប់​មក​កាន់​តំណែង​ក្នុង​ខែមករា​។ លោក ត្រាំបានហៅការផ្លាស់ប្តូរអាកាសធាតុថាជាការបោកបញ្ឆោត ហើយគ្រោងនឹងលុបចោលច្បាប់ស្តីពីអាកាសធាតុសំខាន់ៗរបស់លោក បៃដិន ដើម្បីជួយបង់ប្រាក់សម្រាប់ការបន្តកាត់បន្ថយពន្ធក្នុងអាណត្តិដំបូងរបស់លោក។ ប្រធានាធិបតី​គណបក្ស​សាធារណរដ្ឋ​ដែល​នឹងចូល​មក​រូបនេះក៏​មាន​បំណង​ជំរុញ​ផលិតកម្ម​ប្រេង និង​ឧស្ម័ន​ធម្មជាតិ​របស់​អាមេរិក និង​លុប​បំបាត់​ច្បាប់​ដែល​ដាក់​ដោយ​លោក បៃដិន ដើម្បី​កាត់​បន្ថយ​រថយន្ត​ប្រើ​សាំង​ចេញ​ពី​ផ្លូវ​អាមេរិកផងដែរ៕

អត្ថបទ​៖ ប៊ុន សុភាព

The post លោក បៃដិន ​មេដឹកនាំ​​អាមេរិក​ដំបូង ​ទៅ​ទស្សនា​ព្រៃ​អាម៉ាហ្សូន appeared first on Kampuchea Thmey Daily.

គ្រោះ​រាំង​ស្ងួត​នេះ បាន​និង​កំពុង​កើត​ឡើង​តាំង​ពី​ឆ្នាំ​មុន​មក​ម៉្លេះ ហើយ​បង្ក​ជា​ផល​អវិជ្ជមាន​ចំពោះ​សហគមន៍​ជនជាតិ​ភាគ​តិច និង​តំបន់​ជុំវិញ​ទន្លេ​អាម៉ាហ្សូន។ សេចក្ដី​ថ្លែងការណ៍​របស់​ UN បាន​​លើក​ឡើង​ថា៖ «យើង​កំពុង​​មើល​​​ឃើញ​ជាក់ស្ដែង​នូវ​ការ​បំផ្លិច​បំផ្លាញ​​នៃ​​ប្រព័ន្ធ​អេកូឡូស៊ី​ដ៏​សំខាន់ ដែល​ក្រុម​គ្រួសារ​ជា​ច្រើន​ពឹង​ផ្អែក​លើ ហើយ​ធ្វើ​ឲ្យ​កុមារ​ជា​ច្រើន​នាក់​មិន​អាច​ទទួល​បាន​អាហារ ទឹក ការ​ថែទាំ​សុខភាព និង​សាលារៀន​គ្រប់គ្រាន់»។
​​
ទីភ្នាក់ងារ UN បាន​អំពាវនាវ​ឲ្យ​មេ​​ដឹក​នាំ​​នានា​គួរ​តែ​ចាត់​វិធានការ​ម៉ឺងម៉ាត់​​ចំពោះ​បញ្ហា​នេះ​ ដោយ​ផ្តល់​ហិរញ្ញប្បទាន​ឲ្យ​កុមារ​រង​គ្រោះ ខណៈ​អសន្តិសុខ​​អាហារ និង​ទឹក​ស្អាត​​នៅ​​តំបន់​អាម៉ាហ្សូន​​អាច​​បង្កើន​ហានិភ័យ​នៃ​កង្វះ​អាហារូបត្ថម្ភ​​​លើ​កុមារ និង​ការ​ចម្លង​រោគ។

តំបន់​​ជុំវិញ​ព្រៃ​អាម៉ាហ្សូន​ក្នុង​​ប្រទេស​ប្រេស៊ីល មាន​ការ​បិទ​សាលារៀន​​ច្រើន​ជាង ១ ៧០០​កន្លែង និង​​គ្លីនិក​សុខភាព​ ៧៦០​កន្លែង។ ចំណែក​ឯ​នៅ​កូឡុំប៊ី ព្រោះ​កង្វះខាត​ទឹក និង​អាហារ បាន​បណ្ដាល​ឲ្យ​​បិទ​សាលា​រៀន​ចំនួន ១៣០​កន្លែង ខណៈ​ប្រទេស​ប៉េរូ​វិញ គ្លិនិក​ច្រើន​ជាង ៥០​កន្លែង​បាន​បិទ​ទ្វារ​លែង​ដំណើរការ។

ទីភ្នាក់ងារ​​ UN បាន​​ប្រាប់​ថា ខ្លួន​ត្រូវការ​ថវិកា​ចំនួន ១០​លាន​ដុល្លារ​នៅ​ក្នុង​​រយៈពេល​ប៉ុន្មាន​ខែ​ខាង​មុខ ដើម្បី​ដោះស្រាយ​វិបត្តិ​​នៅ​សហគមន៍​ទាំង​នោះ ដោយ​រួម​បញ្ចូល​ទាំង​ការ​ផ្ដល់​ទឹក​ស្អាត និង​​ការ​បញ្ជូន​កង​កម្លាំង​សេវា​សុខាភិបាល​សម្រាប់​ការ​ជួយ​សង្គ្រោះ៕

ដោយ៖ ឈាង

The post គ្រោះ​រាំង​ស្ងួត​នៅទន្លេ​អាម៉ាហ្សូន ផ្ដល់ផល​ប៉ះពាល់​ដល់​កុមារ​ជាង ៤២​ម៉ឺន​នាក់ appeared first on Kampuchea Thmey Daily.

ជាមួយគ្នានេះ ត្រីរាប់ពានក្បាលផ្សេងទៀតក៏ងាប់ដែរដោយសារខ្វះអុកស៊ីសែន ។ ក្នុងចំណោមត្រីដូហ្វីនទាំងនោះ ខ្លះមានពណ៌ផ្កាឈូកទៀតផង ដែលជាពពួកត្រីដូហ្វីនកម្រ ។

នៅថ្ងៃទី២ ខែតុលា អ្នកជំនាញបានចុះទៅធ្វើកោសល្យវិច័យដោយស្លៀកសំលៀកបំពាក់ជិតៗ និងពាក់របាំងមុខផងដែរ ព្រោះតែក្លិនស្អុយសាកសពត្រីច្រើនពេក ។

មិនតែប៉ុណ្ណោះ ពួកគេបានឲ្យដឹងថា បើមិនមែនមកពីកម្ដៅនៃទឹកទេ វាអាចមកពីការឆ្លងមេរោគបាក់តេរី ដែលហូរពីទន្លេ Tefé ទៅក្នុងទន្លេ Amazon ហើយ ។ ប៉ុន្តែកម្ដៅទឹកគិតត្រឹមថ្ងៃអាទិត្យ ទី ១ ខែតុលា ឡើងដល់ទៅ ៣៧ អង្សាសេឯណោះ ។

ចំណែកឯសត្វដែលនៅសល់ ត្រូវបានវិទ្យាស្ថាន Chico Mendes របស់ប្រទេសប្រេស៊ីលជួយសង្គ្រោះ ។ យ៉ាងណាមិញពួកវាមិនទាន់អាចប្ដូរឲ្យទៅនៅកន្លែងត្រជាក់នៅឡើយទេ លុះត្រាអ្នកស្រាវជ្រាវច្រានចោលការស្លាប់ដោយសារបាក់តេរីសិន ៕

ប្រែសម្រួល៖ វារី

ប្រភព៖ CNA

ចុចអាន៖ ប្រទះឃើញសាកសពអណ្ដើកកម្រនៅឆ្នេរសមុទ្រ វៀតណាម ខាងត្បូង

The post ត្រីដូហ្វីនជាង ១០០ ក្បាល ងាប់នៅអាម៉ាហ្សូន សង្ស័យមកពីការឡើងកម្ដៅទឹក appeared first on Kampuchea Thmey Daily.

តើដំណើររឿងពីដំបូង ឈានទៅដល់ការរកឃើញក្មេងទាំងនោះ មានយ៉ាងណាខ្លះ តស់ទៅមើលទាំងអស់គ្នា ៖

កាលពីថ្ងៃទី០១ ខែឧសភា ឆ្នាំ២០២៣ យន្តហោះ Cessna 206 ដែលធ្វើដំណើរពីទីក្រុង Araracuara ទៅទីក្រុង San Jose del Guaviare បានជួបប្រទះបញ្ហាម៉ាស៊ីន បណ្ដាលឲ្យធ្លាក់ក្នុងព្រៃអាម៉ាហ្សូន សម្លាប់មនុស្សពេញវ័យ ៣ នាក់ ក្នុងនោះមានម្ដាយក្មេងទាំង ៤ ផងដែរ ។

២សប្តាហ៍ក្រោយមក ប្រធានាធិបតីកូឡុំប៊ី លោក Gustavo Petro បានប្រកាសរកឃើញពួកគេ តែត្រូវគេច្រានចោលជាព័ត៌មានមិនពិតបង្កក្តីសង្ឃឹមក្លែងក្លាយ ដូច្នេះការស្វែងរកត្រូវបានបន្តរហូតដល់ថ្ងៃទី១០ ខែឧសភា ឆ្នាំ២០២៣ ។ 

ទាហាន និងជនជាតិដើមភាគតិចប្រហែល ២០០ នាក់ដែលដឹងច្បាស់ពីស្ថានភាពភូមិសាស្រ្ត បានរុករកក្មេងទាំង ៤ នៅក្នុងព្រៃមានទំហំធំជាងទីក្រុងវ៉ាស៊ីនតោន ។ មិនតែប៉ុណ្ណោះគេបានបោះក្រដាសណែនាំ ១ ម៉ឺនសន្លឹកចូលទៅក្នុងព្រៃដើម្បីឲ្យក្មេងៗនៅស្ងៀមស្រួលរក និងដឹងពីរបៀបរស់នៅក្នុងព្រៃ ។ 

ទាហានបានបើកយន្តហោះឆ្វែលលើព្រៃ ហើយមានចាក់សំឡេងរបស់ជីដូន ដើម្បីឲ្យក្មេងៗឮ កុំឲ្យពួកគេមានភាពភ័យខ្លាច ។ មិនតែប៉ុណ្ណឹង ក្រុមជួយសង្គ្រោះក៏បានបញ្ចាំងភ្លើងហ្វាចូលទៅក្នុងព្រៃដើម្បីឲ្យក្មេងឃើញពន្លឺភ្លើងផងដែរ ។ 

ម្យ៉ាងវិញទៀត ជនជាតិភាគតិច Huitoto បាននាំគ្នាធ្វើពិធីតាមបែបប្រពៃណី និយាយទៅកាន់ព្រៃនិងអារក្ខអ្នកតា ឲ្យដោះលែងក្មេងទាំងនោះ ។

ក្រោយមកក្រុមជួយសង្គ្រោះ ស្រាប់តែរកឃើញតម្រុយនានាដូចជា កន្ត្រៃ ស្បែកជើង និងខ្សែចងសក់ជាដើមនៅក្នុងព្រៃ ។ លើសពីនេះ គេក៏បានរកឃើញដបទឹកដោះគោក និងផ្លែឈើមានស្នាមខាំផងដែរ ។

ទន្ទឹមនោះ ស្នាមជើងមួយត្រូវបានគេរកឃើញនៅលើដីភក់ ដែលមន្ត្រីយោធាជឿជាក់ថាវាជារបស់ Lesly អាយុ ១៣ ឆ្នាំ ។ រួចមក ទាហានបានទម្លាក់អាហារទៅក្នុងព្រៃដើម្បីជួយជីវិតកុមារ ។

លោកប្រធានាធិបតីបានបញ្ជាក់កាលពីម្សិលមិញថា កិច្ចខិតខំប្រឹងប្រែងត្រូវបានបញ្ចប់ដោយជោគជ័យ នៅពេលដែលសត្វឆ្កែហិតក្លិនមួយក្បាលនាំទាហានទៅកាន់ក្រុមក្មេងទាំង ៤ ។

យើងដឹងរួចមកហើយថា ព្រៃអាម៉ាហ្សូន ជាជម្រកនៃសត្វសាហាវៗ និងរុក្ខជាតិពុលជាច្រើន ប៉ុន្តែក្មេងទាំង ៤ មិនមានរបួសធ្ងន់ធ្ងរអ្វីឡើយ ក្រៅពីសត្វល្អិតខាំ កង្វះជាតិទឹក និងកង្វះអាហារូបត្ថម្ភ ។ ពួកគេមានឈ្មោះថា Lesly អាយុ ១៣ ឆ្នាំ Soleiny អាយុ ៩ ឆ្នាំ Tien Noriel អាយុ ៤ ឆ្នាំ និង Cristin ជាទារកអាយុ ១ ខួប ដែលប្រារព្ធខួបកំណើតអំឡុងពេលបាត់ខ្លួននៅក្នុងព្រៃអាម៉ាហ្សូន ៕

ប្រែសម្រួល ៖ វារី

ប្រភព ៖ dailymail

ចុចអាន ៖ ម្តាយប្រាប់កូន ប៉ុន្មានម៉ាត់ មុនផុតដង្ហើម ក្នុងព្រៃអាម៉ាហ្សូន

ចុចអាន ៖ បុរសម្នាក់វង្វេងក្នុងព្រៃអាម៉ាហ្សូន ៣១ ថ្ងៃ នៅមានជីវិតដោយសារញ៉ាំដង្កូវជាអាហារ

The post ដំណើររឿងអព្ភូតហេតុ ឈានទៅដល់ការរកឃើញកុមារ៤នាក់ ជាប់ក្នុងព្រៃអាម៉ាហ្សូន ៤០ថ្ងៃ appeared first on Kampuchea Thmey Daily.

លោក Manuel Ranoque ឪពុករបស់កុមារដែលជាប់ក្នុងព្រៃអាម៉ាហ្សូន ៤០ ថ្ងៃបាននិយាយថា ភរិយារបស់គាត់ឈ្មោះ Magdalena Mucutuy នៅមានជីវិត ៤ ថ្ងៃ បន្ទាប់ពីយន្តហោះធ្លាក់ ហើយកូនស្រីច្បងបានប្រាប់លោកថា ម្តាយរបស់ពួកគេបានជំរុញឲ្យពួកគេចាកចេញ ហើយជួយខ្លួនឯង ។

ក្រោយប្រតិបត្តិការជួយសង្គ្រោះយ៉ាងសស្រាក់សស្រាំ បងប្អូនបង្កើតទាំង៤នាក់ ត្រូវបានរកឃើញហើយដឹកតាមយន្តហោះចេញពីព្រៃអាម៉ាហ្សូន ឆ្ពោះទៅកាន់មន្ទីរពេទ្យក្នុងរដ្ឋធានី បូហ្គោតា ដើម្បីទទួលការព្យាបាលរបួស កាលពីថ្ងៃសៅរ៍ទី១០ខែមិថុនា។

លោក Ranoque ប្រាប់អ្នកសារព័ត៌មានខាងក្រៅមន្ទីរពេទ្យថា “រឿងមួយដែលកូនស្រីអាយុ១៣ឆ្នាំបានបញ្ជាក់ច្បាស់ប្រាប់ខ្ញុំគឺថា តាមពិត ម្តាយនៅរស់បានបួនថ្ងៃដែរ បន្ទាប់ពីយន្តហោះធ្លាក់”។

ម្តាយបានប្រាប់កូនៗថា “កូនៗចាកចេញពីទីនេះទៅ។ កូននឹងជួបមនុស្សប្រុសដែលដូចជាប៉ារបស់កូន ហើយគាត់នឹងផ្តល់ក្តីស្រឡាញ់ដល់កូនៗ ដូចក្តីស្រឡាញ់ដែលម៉ាក់ផ្តល់ឲ្យកូនអ៊ីចឹង”។

គួរបញ្ជាក់ថា រឿងពាក់ព័ន្ធនឹងក្មេងៗបាត់ខ្លួនក្នុងព្រៃអាម៉ាហ្សូនកាលពីថ្ងៃទី១ខែឧសភា បានបង្កឲ្យមានការចាប់អារម្មណ៍យ៉ាងខ្លាំងទូទាំងពិភពលោក។ ៤០ថ្ងៃក្រោយមក ក្រុមអ្នកជួយសង្គ្រោះបានរកឃើញកុមារទាំងនោះ ដោយឃើញថា ពួកគេខ្វះជាតិទឹក កង្វះអាហារូបត្ថម្ភ និងត្រូវសត្វល្អិតខាំ ប៉ុន្តែសុខភាពមិនធ្ងន់ធ្ងរឡើយ ៕

ប្រែសម្រួល៖ Vann Vann

ប្រភព៖ BBC

ចុចអាន៖ ក្រុមសង្គ្រោះ បញ្ចេញវីដេអូចូលព្រៃអាម៉ាហ្សូនទាំងគ្រោះថ្នាក់ ដើម្បីជួយកុមារ៤នាក់

The post ម្តាយប្រាប់កូន ប៉ុន្មានម៉ាត់ មុនផុតដង្ហើម ក្នុងព្រៃអាម៉ាហ្សូន appeared first on Kampuchea Thmey Daily.

បងប្អូនបង្កើតឈ្មោះ Lesly អាយុ១៣ឆ្នាំ, Soleiny អាយុ៩ឆ្នាំ, Tien Noriel អាយុ៤ឆ្នាំនិង Cristin អាយុ១ឆ្នាំ បានបាត់ខ្លួននៅក្នុងព្រៃ បន្ទាប់ពីយន្តហោះធុនស្រាលរបស់ពួកគេ ធ្លាក់កាលពីថ្ងៃទី១ខែឧសភា។

ឧបទ្ទវហេតុនោះ បានសម្លាប់មនុស្សផ្សេងទៀតនៅលើយន្តហោះ រួមទាំងម្តាយរបស់ពួកគេផងដែរ។

ប៉ុន្តែបន្ទាប់ពីប្រតិបត្តិការជួយសង្គ្រោះឥតឈប់ឈរទាំងថ្ងៃទាំងយប់ ក្រុមអ្នកជួយសង្គ្រោះបានរកឃើញកុមារទាំងនោះ ដោយឃើញថា ពួកគេខ្វះជាតិទឹក កង្វះអាហារូបត្ថម្ភ និងត្រូវសត្វល្អិតខាំ ប៉ុន្តែមានសុខភាពល្អ។

រឿងរ៉ាវនៃការរស់រានមានជីវិតរបស់ពួកគេ គឺជារឿងដ៏អស្ចារ្យនិងជាអព្ភូតហេតុ ដោយសារតែព្រៃអាម៉ាហ្សូនគឺជាជម្រករបស់សត្វកាចសាហាវដូចជាសត្វខ្លា ពស់ និងសត្វស៊ីសាច់ជាអាហារដទៃទៀត។

មកទល់ពេលនេះ កូឡុំប៊ី ក៏បានបញ្ចេញវីដេអូនៃប្រតិបត្តិការចូលព្រៃដើម្បីជួយសង្គ្រោះកុមារទាំងនោះផងដែរ ដោយបង្ហាញឲ្យឃើញបុគ្គលិកជួយសង្គ្រោះនិងកងទ័ព ដើររុករកពាសពេញព្រៃ មិនខ្លាចនឿយហត់ ឈានទៅដល់ការរកឃើញពួកគេ។

ដូចនេះសូមទស្សនាវីដេអូនោះទាំងអស់គ្នា៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រកឃើញកូនក្មេង ៤ នាក់នៅមានជីវិត ក្រោយការធ្លាក់យន្តហោះក្នុងព្រៃ ប្រទេសកូឡុំប៊ី

The post ក្រុមសង្គ្រោះ បញ្ចេញវីដេអូចូលព្រៃអាម៉ាហ្សូនទាំងគ្រោះថ្នាក់ ដើម្បីជួយកុមារ៤នាក់ appeared first on Kampuchea Thmey Daily.

យោងតាមវិទ្យាស្ថានសម្រាប់ការស្រាវជ្រាវអវកាសប្រេស៊ីលបានឲ្យដឹងថា កាលពីខែមុនការបំផ្លាញព្រៃឈើនៅប្រេស៊ីល​មានប្រមាណ ​៣២៦.១ គីឡូម៉ែត្រការ៉េ ដែលជាការធ្លាក់ចុះគួរឲ្យកត់សម្គាល់ពី ៤៥៥.៨៤ គីឡូម៉ែត្រការ៉េ​ នៅក្នុងខែមីនា ។

ចំណែកបើគិតក្នុងរយៈពេល ៤ ខែ​​ក្នុងឆ្នាំនេះ និងប្រៀបធៀបរយៈពេលដូចគ្នានៃឆ្នាំ ២០២២, ការបំផ្លាញព្រៃឈើនៅអាម៉ាហ្សូន​ធ្លាក់ចុះ​ជាង ៤០ ភាគរយ ។

ចាប់តាំងពីលោក Lula ឡើងកាន់តំណែងកាលពីថ្ងៃទី១ ខែមករាមក លោកបានដាក់ចេញច្បាប់ប្រែក្លាយប្រេស៊ីល ទៅជាមហាអំណាចបៃតងឡើងវិញ ដោយសន្យាថានឹងមិនមានការកាប់ព្រៃឈើទៀតឡើយ ។

ទន្ទឹមនឹងការកាប់បំផ្លាញព្រៃឈើនៅអាម៉ាហ្សូនថយចុះ ប៉ុន្តែការកាប់បំផ្លាញព្រៃឈើដ៏ធំបំផុតទីពីររបស់ប្រេស៊ីល គឺ​ Cerrado ដែលមាន​ផ្ទៃដីជាង ២ លានគីឡូម៉េត្រការ៉េ បែរជាមានការកើនឡើងទៅវិញ ។

គួរឲ្យដឹងថា អាម៉ាហ្សូន ជាព្រៃដ៏ធំបំផុតរបស់ពិភពលោកដែលមានផ្ទៃដីជាង ៦ លានគីឡូម៉ែត្រការ៉េ គ្របដណ្តប់ប្រទេសជាច្រើន ជាពិសេសនៅប្រេស៊ីល​ មានជាង ៤០ ភាគរយ ៕

ប្រែសម្រួល ៖ នាង រតនៈ

ប្រភព ៖ Anadolu

ចុចអាន ៖ គណៈកម្មាធិការរៀបចំការបោះឆ្នោត ថៃ ដាក់ចេញគោលការណ៍ចំនួន ៨ ក្នុងការរាប់សន្លឹកឆ្នោត

The post ការកាប់បំផ្លាញព្រៃអាម៉ាហ្សូននៅ ប្រេស៊ីល ថយចុះជិត ៧០ ភាគរយ ក្រោយ​ប្រធានាធិបតីថ្មីចូលកាន់តំណែង appeared first on Kampuchea Thmey Daily.