Connect with us

ព័ត៌មានអន្ដរជាតិ

ការកាប់បំផ្លាញព្រៃអាម៉ាហ្សូននៅ ប្រេស៊ីល ថយចុះជិត ៧០ ភាគរយ ក្រោយ​ប្រធានាធិបតីថ្មីចូលកាន់តំណែង

បានផុស

នៅ

ការកាប់បំផ្លាញព្រៃអាម៉ាហ្សូន​ដ៏ធំបំផុតនៅប្រេស៊ីល​ត្រូវបានធ្លាក់ចុះ​ ៦៨ ភាគរយក្នុងខែមេសា ចាប់តាំងពី​លោកប្រធានាធិបតី Luiz Inacio Lula da Silva ចូលកាន់តំណែងកាលពីខែមករាមក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមវិទ្យាស្ថានសម្រាប់ការស្រាវជ្រាវអវកាសប្រេស៊ីលបានឲ្យដឹងថា កាលពីខែមុនការបំផ្លាញព្រៃឈើនៅប្រេស៊ីល​មានប្រមាណ ​៣២៦.១ គីឡូម៉ែត្រការ៉េ ដែលជាការធ្លាក់ចុះគួរឲ្យកត់សម្គាល់ពី ៤៥៥.៨៤ គីឡូម៉ែត្រការ៉េ​ នៅក្នុងខែមីនា ។

ចំណែកបើគិតក្នុងរយៈពេល ៤ ខែ​​ក្នុងឆ្នាំនេះ និងប្រៀបធៀបរយៈពេលដូចគ្នានៃឆ្នាំ ២០២២, ការបំផ្លាញព្រៃឈើនៅអាម៉ាហ្សូន​ធ្លាក់ចុះ​ជាង ៤០ ភាគរយ ។

ចាប់តាំងពីលោក Lula ឡើងកាន់តំណែងកាលពីថ្ងៃទី១ ខែមករាមក លោកបានដាក់ចេញច្បាប់ប្រែក្លាយប្រេស៊ីល ទៅជាមហាអំណាចបៃតងឡើងវិញ ដោយសន្យាថានឹងមិនមានការកាប់ព្រៃឈើទៀតឡើយ ។

ទន្ទឹមនឹងការកាប់បំផ្លាញព្រៃឈើនៅអាម៉ាហ្សូនថយចុះ ប៉ុន្តែការកាប់បំផ្លាញព្រៃឈើដ៏ធំបំផុតទីពីររបស់ប្រេស៊ីល គឺ​ Cerrado ដែលមាន​ផ្ទៃដីជាង ២ លានគីឡូម៉េត្រការ៉េ បែរជាមានការកើនឡើងទៅវិញ ។

គួរឲ្យដឹងថា អាម៉ាហ្សូន ជាព្រៃដ៏ធំបំផុតរបស់ពិភពលោកដែលមានផ្ទៃដីជាង ៦ លានគីឡូម៉ែត្រការ៉េ គ្របដណ្តប់ប្រទេសជាច្រើន ជាពិសេសនៅប្រេស៊ីល​ មានជាង ៤០ ភាគរយ ៕

ប្រែសម្រួល ៖ នាង រតនៈ

ប្រភព ៖ Anadolu

ចុចអាន ៖ គណៈកម្មាធិការរៀបចំការបោះឆ្នោត ថៃ ដាក់ចេញគោលការណ៍ចំនួន ៨ ក្នុងការរាប់សន្លឹកឆ្នោត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២២ វិនាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៣៥ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៣ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

Sokha Hotels

ព័ត៌មានពេញនិយម