ព័ត៌មានអន្ដរជាតិ
បុរសម្នាក់វង្វេងក្នុងព្រៃអាម៉ាហ្សូន ៣១ ថ្ងៃ នៅមានជីវិតដោយសារញ៉ាំដង្កូវជាអាហារ
បុរសជនជាតិបូលីវីឈ្មោះ Jhonattan Acosta វ័យ ៣០ ឆ្នាំ បានវង្វេងក្នុងព្រៃអាម៉ាហ្សូនកាលពីថ្ងៃទី២៥ ខែមករា ឆ្នាំ២០២៣ ដោយសារធ្វើដំណើរទៅប្រមាញ់សត្វនៅតំបន់បូលីវីខាងជើងជាមួយមិត្តបួននាក់ ទីបំផុត ៣១ ថ្ងៃក្រោយគាត់ត្រូវអ្នកស្រុកបួននាក់រកឃើញក្នុងសភាពដ៏យ៉ាប់យ៉ឺនបំផុត ។
លោក Jhonattan សឹងតែមិនជឿថាខ្លួនអាចរួចជីវិតមកបែបនេះសោះ គាត់ចែករំលែកបទពិសោធន៍ដ៏ព្រឺឆ្អឹងខ្នងជាច្រើនដើម្បីរស់រានមានជីវិតដល់ពេលគេសង្គ្រោះរួមមានបរិភោគសត្វល្អិត ដង្កូវ ជន្លេនជាអាហារ ផឹកទឹកភ្លៀងដែលត្រងដោយស្បែកជើង និងបេះផ្លែ gargateas ខ្លះបន្តជីវិត ។
លើសពីនេះលោក Jhonattan ថែមទាំងបានប្រឈមមុខនឹងសត្វកាចសាហាវពីរប្រភេទទៀតផងដូចជា ខ្លារខិន និង peccary (ជាសត្វស្រដៀងជ្រូកព្រៃ) Jhonattan មិនមានពិល ឬកាំបិតនៅជាប់ខ្លួនទេ លោកពឹងផ្អែកលើគ្រាប់កាំភ្លើងតែមួយគ្រាប់គត់ទុកការពារជីវិត ។
ត្រឡប់មកសភាពរាងកាយបុរសខាងលើវិញ គាត់ស្រកទម្ងន់ដល់ទៅ ១៧ គីឡូក្រាម ព្រោះខ្វះទឹកផឹកបូករួមទាំងគ្រេចកជើងទៀតធ្វើឲ្យលោកពិបាកធ្វើដំណើរក្រៃលែង មិនតែប៉ុណ្ណោះ Jhonattan នឹកស្មានមិនដល់ថាមានអ្នកតាមរកខ្លួនឡើយ គ្រានោះគាត់ប្រទះឃើញមនុស្សចម្ងាយប្រហែល ៣០០ ម៉ែត្រពីគ្នាទើបស្ទុះស្ទារំកិលខ្លួននិងស្រែកហៅគេជួយ ។
យោងតាមប្អូនប្រុសរបស់គាត់បានឲ្យដឹងថា លោក Jhonattan ស្បថឈប់ប្រមាញ់សត្វហើយងាកទៅលេងភ្លេងថ្វាយព្រះវិញ យ៉ាងណាមិញប៉ូលិសកំពុងសួរចម្លើយមិត្តភ័ក្តិបួននាក់ដែលទៅប្រមាញ់ជាមួយគ្នាដើម្បីជម្រះមន្ទិលសង្ស័យផងដែរ ៕
ប្រែសម្រួល ៖ វារី
ចុចអាន ៖ ចង់ដើរព្រៃ ដឹងទេ អ្នកដើរព្រៃត្រូវចេះប្រើប្រាស់ទឹកដូចម្ដេច ទើបអាចរស់បាន?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី