លោក Hegseth បញ្ជាក់ថា ការវាយប្រហារនេះគឺជាបញ្ជារបស់លោកប្រធានាធិបតីដូណាល់ ត្រាំ ដើម្បីកម្ចាត់ក្រុមជួញដូរគ្រឿងមិនឲ្យចូលអាមេរិក។ លោកបន្តថា ក្នុងប្រតិបត្តិការនោះ, ការវាយប្រហារលើកដំបូងបានផ្តាច់ជីវិតពួកគ្រឿងញៀន៧នាក់ ខណៈការវាយប្រហារពីរលើកបន្តបន្ទាប់សម្លាប់មនុស្ស៤និង៣នាក់ទៀត។ 

យោងតាមសេចក្តីរាយការណ៍របស់ BBC, ការវាយប្រហារនេះកើតឡើងនៅចម្ងាត ៦៤៣គីឡូម៉ែត្រ ពីទីក្រុងឆ្នេរមហាសមុទ្រប៉ាស៊ីហ្វិក Acapulco ប្រទេសម៉ិកស៊ិក។

សូមជម្រាបថា គិតត្រឹមពេលនេះ​ យុទ្ធនាការអាមេរិក បានសម្លាប់មនុស្ស ៥៧នាក់ហើយ ស្របពេលការវាយប្រហារទាំងនេះ បានរុញភាពតានតឹងឲ្យកាន់តែឡើងកម្តៅខ្លាំងរវាងសហរដ្ឋអាមេរិក និងរដ្ឋាភិបាលនៃប្រទេសកូឡុំប៊ី និងវ៉េណេស៊ុយអេឡា។

ក្នុងនោះ មានការវាយប្រហារចំនួន៤លើក ត្រូវបានធ្វើឡើងនៅក្នុងតំបន់មហាសមុទ្រប៉ាស៊ីហ្វិក ដែលជាច្រកសម្រាប់ការជួញដូរគ្រឿងញៀនដ៏ធំ បំផុត៕

អត្ថបទ​៖ សុខ សុវណ្ណ

ចុចអាន៖ ជាលើកទីមួយអាមេរិក ​បើកការវាយប្រហារកម្ទេច​ទូកសង្ស័យដឹក​គ្រឿងញៀន​មហាសមុទ្រប៉ាស៊ីហ្វិក

The post យុទ្ធនាការអាមេរិក កម្ចាត់ក្រុមគ្រឿងញៀន ធ្លាយដល់មហាសមុទ្រប៉ាស៊ីហ្វិក សម្លាប់មនុស្ស១៤នាក់ទៀត appeared first on Kampuchea Thmey Daily.

ផ្នែកដ៏ធំមួយនៃមហាសមុទ្រប៉ាស៊ីហ្វិកខាងជើង គឺធំជាងសមុទ្រមេឌីទែរ៉ាណេប្រហែលដប់ដង បានក្លាយទៅជាក្តៅខុសពីធម្មតា។ អ្នកវិទ្យាសាស្ត្រហៅវាថា «តំបន់ក្តៅ» ហើយពួកគេកំពុងមានចម្ងល់ថាតើរលកកំដៅនេះមានរយៈពេលប៉ុន្មាន និងខ្លាំងប៉ុណ្ណា។

ដោយសារការឡើងកម្ដៅផែនដីបានបណ្តាលឱ្យមានរលកកម្ដៅក្នុងមហាសមុទ្រកាន់តែខ្លាំង ប៉ុន្តែការឡើងកំដៅនៅឆ្នាំនេះគឺខ្លាំងជាងការព្យាការណ៍ទុកទៅទៀត។ អ្នកស្រាវជ្រាវនៅ Berkeley Earth បាននិយាយថា ការឡើងកម្ដៅបែបនេះមានឱកាសតិចជាង ១% អាចកើតឡើងដោយធម្មជាតិ។ ជាធម្មតាទឹកសមុទ្រមិនក្តៅពេកទេ ប៉ុន្តែ​នៅ​រដូវ​ក្តៅ​នេះ កំដៅព្រះអាទិត្យនៅជាប់នឹងផ្ទៃទឹក ដែលធ្វើឱ្យស្រទាប់ខាងលើនៃមហាសមុទ្រក្តៅជាងធម្មតា។ ទោះយ៉ាងណានៅពេលនេះអ្នកវិទ្យាសាស្រ្តកំពុងកំណត់មូលហេតុពិតប្រាកដដែលបណ្ដាលឲ្យទឹកសមុទ្រឡើងកម្ដៅខុសពីធម្មតា។

រលកកម្ដៅសមុទ្រនេះកំពុងផ្លាស់ប្តូរគំរូអាកាសធាតុនៅទូទាំងប៉ាស៊ីហ្វិក ដោយវាបានធ្វើឱ្យព្យុះនៅសហរដ្ឋអាមេរិកកាន់តែខ្លាំង ហើយរដូវក្តៅនៅប្រទេសជប៉ុន និងកូរ៉េខាងត្បូងកាន់តែក្តៅនិងយូរជាងមុន។ វាក៏អាចប៉ះពាល់ដល់រដូវរងារបស់អឺរ៉ុបផងដែរ។ លើសពីនេះទឹកសមុទ្រប៉ាស៊ីហ្វិកក្តៅអាចផ្លាស់ប្តូរចលនាខ្យល់ជុំវិញពិភពលោក ដោយអាចទាញខ្យល់ត្រជាក់នៅតំបន់អាកទិកឆ្ពោះទៅចក្រភពអង់គ្លេសនៅដើមរដូវរងានេះ។

ទន្ទឹមនឹងនេះ បាតុភូតអាកាសធាតុធម្មជាតិហៅថា La Niña ដែលនាំសំណើមទៅតំបន់ត្រូពិចប៉ាស៊ីហ្វិក កំពុងតែអភិវឌ្ឍផងដែរ។ La Niña ជាធម្មតាធ្វើឱ្យការចាប់ផ្តើមនៃរដូវរងាកាន់តែត្រជាក់ ប៉ុន្តែខែក្រោយៗទៀតអាចនឹងស្រាលជាងមុន។ អ្នកវិទ្យាសាស្ត្រនិយាយថា ទាំងកម្ដៅប៉ាស៊ីហ្វិកខាងជើង និង បាតុភូត La Niña នឹងមានឥទ្ធិពលលើអាកាសធាតុក្នុងរដូវរងានេះ ខណៈកំដៅមហាសមុទ្រខ្លាំងអាចមានឥទ្ធិពលធំជាងនេះទៅទៀត៕

អត្ថបទ៖ ប៊ុន សុភាព

The post រលកកម្ដៅដ៏អាថ៌កំបាំង ធ្វើឲ្យមហាសមុទ្រប៉ាស៊ីហ្វិក ឡើងកម្តៅខ្លាំងមិនធ្លាប់មាន appeared first on Kampuchea Thmey Daily.

តំបន់កោះប៉ាស៊ីហ្វិក កំពុងជួបប្រទះព្យុះស៊ីក្លូនកាន់តែអាក្រក់ទៅៗ ខណៈ​តំបន់ខ្សែក្រវាត់ភ្នំភ្លើង​ប៉ាស៊ីហ្វិក ឬ​ហៅ​ថា «Pacific Ring of Fire» មាន​ការ​រញ្ជួយ​ដី​យ៉ាង​សកម្ម​ជាង​មុន ដែល​អាចបង្ក​ឲ្យ​​​​មានរលកយក្សស៊ូណាមិ និង​បន្ទុះ​ភ្នំភ្លើង​ក្រោម​សមុទ្រ Hunga Tonga–Hunga Haʻapai​។

បណ្ដា​ប្រទេសកោះប៉ាស៊ីហ្វិកជាច្រើន ស្ថិត​នៅ​​តំបន់​ដាច់ស្រយាល ពិបាក​ក្នុង​ការ​ដឹកជញ្ជូន ហើយ​ក្រោយ​ពេល​គ្រោះ​មហន្តរាយ​ម្ដងៗ ត្រូវ​ពឹងផ្អែកលើជំនួយ​ពី​ក្រៅ​​​​ប្រទេស​​ដូចជា អូស្ត្រាលី នូវែលសេឡង់ សហរដ្ឋអាមេរិក និងចិន។

អូស្ត្រាលី និងនូវែលសេឡង់ បាននិយាយនៅក្នុងសេចក្តីថ្លែងការណ៍មួយថា ការ​បង្កើត​ឃ្លាំង​​​ជំនួយ​មនុស្សធម៌ នឹងអនុញ្ញាត​ឲ្យ​​ប្រទេស​ប្រជុំ​​កោះប៉ាស៊ីហ្វិក​ចំនួន​១៤​អាច​ចាត់​វិធានការ​សង្គ្រោះ​​ជីវិត​ទាន់​ពេល​វេលា​ក្នុង​រយៈពេល​៤៨​ម៉ោង​ដំបូង​បន្ទាប់​ពី​គ្រោះ​មហន្តរាយ។

រដ្ឋមន្ត្រីក្រសួងការបរទេសអូស្ត្រាលី លោកស្រី Penny Wong បាននិយាយថា វានឹង «ធានាឲ្យ​មានការគាំទ្រ និងការផ្គត់ផ្គង់ដែលអាចចូលទៅដល់បានយ៉ាងងាយស្រួលសម្រាប់សហគមន៍នៅពេលមានគ្រោះមហន្តរាយកើតឡើង»៕

ដោយ៖ ឈាង

The post អូស្ត្រាលី និង​នូវែលសេឡង់ ឲ្យ​ប្រាក់​២៨​លាន​ដុល្លារ​ធ្វើ​ឃ្លាំងជំនួយ​ក្នុង​​ប្រទេស​ប្រជុំកោះ​ប៉ាស៊ីហ្វិក appeared first on Kampuchea Thmey Daily.

យោងតាមការផ្សាយរបស់សារព័ត៌មាន Guardian បានឱ្យដឹងថានៅក្នុងខែមិថុនា ឆ្នាំ ២០១៦ សាកសពរបស់ humpback ត្រូវបានគេរកឃើញនៅក្នុងឧទ្យានជាតិ Glacier Bay ដោយមូលហេតុចម្បងនៃការបាត់បង់ជីវិតរបស់ពួកវា គឺការអត់ឃ្លាន ដែលអ្នកវិទ្យាសាស្ត្រជឿថាទំនងជាបណ្តាលមកពីរលកកំដៅខ្លាំងបំផុតមិនធ្លាប់មាននៅក្នុងសមុទ្រ ។

ការស្រាវជ្រាវថ្មីដែលត្រូវបានចេញផ្សាយ កាលពីថ្ងៃទី ២៨ខែកុម្ភៈដោយ Royal Society Open Science បង្ហាញថាចំនួនត្រីបាឡែន humpback នៅប៉ាស៊ីហ្វិកខាងជើងបានថយចុះ ២០% ចន្លោះឆ្នាំ ២០១៣ និង ២០២១ ដោយសារការកើនឡើងនៃកមកដៅទឹកសមុទ្រ បូកផ្សំតិចតួចនៃការរំខានដល់ប្រព័ន្ធអេកូឡូស៊ី។

លោក Ted Cheeseman ជីវវិទូនៅសាកលវិទ្យាល័យ Southern Cross ក្នុងទីក្រុង Lismore (អូស្ត្រាលី) ដែលជាប្រធាននៃការស្រាវជ្រាវបាននិយាយថា “រលកកំដៅសមុទ្រ កាលពីចន្លោះឆ្នាំ ២០១៤ – ២០១៦ ពិតជាបានកាត់បន្ថយការបន្តពូជរបស់ជីវិតក្នុងមហាសមុទ្រ ជាពិសេសប៉ះពាល់យ៉ាងធ្ងន់ធ្ងរដល់ចំនួនត្រីបាឡែន humpback”។នៅឆ្នាំ ១៩៧៦ ចំនួននៃត្រីបាឡែន humpback នៅប៉ាស៊ីហ្វិកខាងជើងបានធ្លាក់ចុះរហូតដល់ ១.២០០ ទៅ ១.៦០០ ក្បាល។

ហើយនៅឆ្នាំ ១៩៨២ ចំនួនត្រីបាឡែន humpback បានស្ទុះងើបឡើងវិញយ៉ាងខ្លាំង។ និន្នាការកើនឡើងនេះ បាននាំឱ្យត្រីបាឡែន humpback ត្រូវបានដកចេញពីបញ្ជីច្បាប់ស្តីពីសត្វជិតផុតពូជរបស់សហរដ្ឋអាមេរិកក្នុងឆ្នាំ ២០១៦ ។ ទោះជាយ៉ាងណាក៏ដោយ នៅឆ្នាំដដែលនោះ រលកកំដៅសមុទ្រដ៏ខ្លាំងមួយបានកើតឡើងនៅភាគឦសាន សមុទ្រប៉ាស៊ីហ្វិក។

សីតុណ្ហភាពទឹកសមុទ្រខ្ពស់បំផុតដែលបានកត់ត្រាពីឆ្នាំ ២០១៤ ដល់ឆ្នាំ ២០១៦ គឺខ្ពស់ជាងមធ្យមភាគ ៣-៦ អង្សាសេ។ ហើយកត្តានេះបានកាត់បន្ថយបរិមាណសារធាតុចិញ្ចឹមសម្រាប់ phytoplankton ដែលជារុក្ខជាតិនៅផ្នែកខាងក្រោមនៃខ្សែសង្វាក់អាហារសមុទ្រ។ ជាលទ្ធផល ផលប៉ះពាល់បានរីករាលដាលពាសពេញប្រព័ន្ធអេកូឡូស៊ី ដែលនាំឱ្យមានអាហារតិចសម្រាប់អ្វីៗគ្រប់យ៉ាងចាប់ពីត្រីសាឌីន រហូតដល់សត្វសមុទ្រ និងសត្វតោសមុទ្រ ផងដែរ។ ប្រភពបានឱ្យដឹងទៀតថា បាតុភូតនេះក៏អាចនាំឱ្យ “ត្រីបាឡែនស្គមស្គាំង ងាយនឹងកើតជំងឺ និងមានសមត្ថភាពបន្តពូជខ្សោយផងដែរ ៕

ប្រែសម្រួលដោយ÷ ប៉ោ កុសល

The post កត្តាឡើងកម្ដៅសមុទ្រ ធ្វើឱ្យចំនួនត្រីបាឡែន humpback ធ្លាក់ចុះ appeared first on Kampuchea Thmey Daily.

vB_HmeY_H4907 ត្រូវដាក់បញ្ចូលទៅក្នុងប្រភេទ bacteriophages ដែលឆ្លង និងចម្លងបាក់តេរីនៅខាងក្នុង ។

ពួកវាត្រូវបានគេជឿថាជាទម្រង់ជីវិតដ៏សម្បូរបែបបំផុតនៅលើភពផែនដី និងដើរតួនាទីយ៉ាងសំខាន់ក្នុងអេកូឡូស៊ីសមុទ្រ ដោយជួយគ្រប់គ្រងទំហំប្រជាជន និងបញ្ចេញសារធាតុចិញ្ចឹម ។

មួយវិញទៀត វីរុសនេះមានរចនាសម្ព័ន្ធស្រដៀងគ្នាទៅនឹងក្រុមបាក់តេរី halomonas ជាពិសេសមិនឆ្លងដល់មនុស្សទេ ៕

ប្រែសម្រួល៖ វារី

ប្រភព៖ newssky

ចុចអាន៖ អង់គ្លេស រកឃើញអ្នកផ្ទុកវីរុសគ្រោះថ្នាក់ ដែលឆ្លងតាមរយៈចៃឆ្កែ

The post ចិនរកឃើញវីរុសថ្មីនៅក្នុងសមុទ្រប៉ាស៊ីហ្វិកជ្រៅបំផុត មិនធ្លាប់មាន appeared first on Kampuchea Thmey Daily.

កាលពីដើមខែមេសា លោក Tim Shaddock បានជិះទូកពីប្រទេសម៉ិកស៊ិកទៅតំបន់ប៉ូលីណេស៊ីបារាំងជាមួយឆ្កែចិញ្ចឹមបស់គាត់ Bella ។ នៅតាមផ្លូវទឹកលោក Tim បានជួបព្យុះដ៏ធំមួយ បណ្ដាលឲ្យខូចឧបករណ៍ទំនាក់ទំនង និងអណ្ដែតតែលតោលលើសមុទ្រប៉ាស៊ីហ្វិក តែ ២ នាក់ជាមួយឆ្កែរបស់គាត់ ។

លោក Tim បានឲ្យដឹងថា គាត់រស់រានមានជីវិតដោយសារផឹកទឹកភ្លៀង និងបរិភោគត្រីធូណាឆៅជាច្រើនខែ ហើយគាត់ចាប់ត្រីបានដោយប្រើប្រាស់ឧបករណ៍នេសាទដែលគាត់យកមកតាមខ្លួន ពេលមានព្យុះ ។

ចំណែកឯការជួយសង្គ្រោះវិញ ទើបតែមានឧទ្ធម្ភាគចក្រ ១ គ្រឿងមកជួយក្នុងសប្ដាហ៍នេះប៉ុណ្ណោះ ។ ក្រុមជួយសង្គ្រោះរកឃើញថា Tim ដុះពុកមាត់យ៉ាងស្រមោម ព្រោះរងគ្រោះដល់ទៅជាង ៣ ខែ ប៉ុន្តែលោកមានសុខភាពល្អធម្មតាទេ ។ គ្រូពេទ្យនិយាយ​ថា បុរសអូស្ត្រាលី​ខាងលើ​មិន​មាន​ជំងឺ ឬ​របួស​អ្វី​ធំដុំ​នោះ​ទេ ហើយនឹងចាប់ផ្ដើមជាសះស្បើយដោយការទទួលទានអាហារតិចៗសិន ។

បច្ចុប្បន្នលោក Tim កំពុងធ្វើដំណើរត្រឡប់ទៅដីគោកវិញ ខណៈដែលគាត់ត្រូវបានគេរំពឹងថា នឹងទទួលការព្យាបាលបន្ថែមទៀតក្នុងប្រទេសម៉ិកស៊ិក ៕

ប្រែសម្រួល៖ វារី

ប្រភព៖ expressuk

ចុចអាន៖ ដំណើររឿងអព្ភូតហេតុ ឈានទៅដល់ការរកឃើញកុមារ៤នាក់ ជាប់ក្នុងព្រៃអាម៉ាហ្សូន ៤០ថ្ងៃ

ចុចអាន៖ បុរសម្នាក់វង្វេងក្នុងព្រៃអាម៉ាហ្សូន ៣១ ថ្ងៃ នៅមានជីវិតដោយសារញ៉ាំដង្កូវជាអាហារ

The post បុរស អូស្ត្រាលី ម្នាក់អណ្ដែតលើសមុទ្រប៉ាស៊ីហ្វិក ជាមួយឆ្កែ ជាង ៣ ខែ តែមិនស្លាប់ appeared first on Kampuchea Thmey Daily.

កិច្ចព្រមព្រៀងនេះ ត្រូវបានចុះហត្ថលេខាក្នុងសប្តាហ៍នេះ ដោយជំរុញឲ្យមានការភ័យខ្លាចថា ប្រទេសចិន អាចនឹងស្វែងរកការកសាងមូលដ្ឋានកងទ័ពជើងទឹកនៅក្នុងប្រជាជាតិប៉ាស៊ីហ្វិកមួយនេះ។

កោះសូឡូម៉ុន បានច្រានចោលកិច្ចខិតខំប្រឹងប្រែងចុងក្រោយរបស់អូស្ត្រាលី ក្នុងគោលបំណងបញ្ឈប់កិច្ចព្រមព្រៀងនេះ ថ្វីបើអូស្រ្តាលីជាម្ចាស់ជំនួយធំបំផុតរបស់ខ្លួនក៏ដោយ។

នាយករដ្ឋមន្ត្រី Manasseh Sogavare និយាយថា កតិកាសញ្ញានេះ នឹងមិនធ្វើឲ្យខូចសន្តិភាព និងភាពសុខដុមរមនានៅក្នុងតំបន់នោះទេ។ មេដឹកនាំកោះសូឡូម៉ុនបានបន្ថែមថា “កតិកាសញ្ញានេះមិនមែនសំដៅលើសម្ព័ន្ធមិត្តប្រពៃណីទេ ប៉ុន្តែជាស្ថានភាពសន្តិសុខផ្ទៃក្នុងរបស់យើងផ្ទាល់”។

យ៉ាងណាក្តី លោក​មិន​បាន​បង្ហាញ​ពី​លក្ខខណ្ឌ​នៃ​កតិកាសញ្ញា​នេះ​ទេ ប៉ុន្តែ​អះអាង​ថា វា​ត្រូវ​បាន​ធ្វើ​ឡើង ដើម្បី​ផលប្រយោជន៍​ជាតិ​របស់​ខ្លួន។

រដ្ឋមន្ត្រីការបរទេសអូស្ត្រាលីលោកស្រី Marise Payne និងរដ្ឋមន្ត្រីប៉ាស៊ីហ្វិកលោក Zed Seselja បានហៅកិច្ចព្រមព្រៀងដែលទើបចុះហត្ថលេខាថ្មីនេះថា “ខកចិត្តយ៉ាងខ្លាំង” ហើយនិយាយថា ពួកគេព្រួយបារម្ភអំពីកង្វះតម្លាភាព ក្នុងកិច្ចព្រមព្រៀងនេះ។

ស្របពេលជាមួយគ្នានោះដែរ រដ្ឋមន្ត្រីការបរទេសណូវែលសេឡង់លោកស្រី Nanaia Mahuta បាននិយាយស្រដៀងគ្នានេះថា ប្រទេសខ្លួនសោកសៅដែលកោះ សូឡូម៉ុន​ ធ្វើកិច្ចព្រមព្រៀងនេះ។

ប្រជុំកោះ សូឡូម៉ុន កាលពីដើមខែមុនបានបញ្ជាក់ថា ខ្លួនកំពុងព្រាងកិច្ចព្រមព្រៀងសន្តិសុខជាមួយប្រទេសចិន។ នេះ​ជា​ការ​ព្រួយ​បារម្ភ​ជា​ពិសេស​របស់​ប្រទេស​អូស្ត្រាលី ព្រោះខ្លួន​មាន​ចម្ងាយត្រឹម​តែ ២០០០ គីឡូម៉ែត្រប៉ុណ្ណោះពីភាគ​ខាង​ត្បូង​កោះ សូឡូម៉ុន ហើយខ្លួនបានស្ថិតក្នុងភាពតានតឹងខ្លាំងជាមួយប្រទេសចិន អស់រយៈពេលជាច្រើនឆ្នាំមកហើយ៕

ប្រែសម្រួល៖ Vann Vann

ប្រភព៖ BBC

ចុចអាន៖​ ចិន អំពាវនាវឲ្យមានការចរចាដើម្បី បញ្ចប់សង្គ្រាម រុស្ស៊ី-អ៊ុយក្រែន

The post កិច្ច​ព្រម​ព្រៀង​របស់​ចិន​ នៅមហាសមុទ្រ​ប៉ាស៊ីហ្វិក ​ធ្វើ​ឲ្យ​ ៣ប្រទេស​ ភ័យ​ខ្លាចខ្លាំង appeared first on Kampuchea Thmey Daily.

ទីក្រុងមូស្គូនិង ប៉េកាំង ដែលបានធ្វើសមយុទ្ធកិច្ចសហប្រតិបត្តិការកងទ័ពជើងទឹកនៅសមុទ្រជប៉ុនកាលពីដើមខែតុលានេះ បានបង្កើតទំនាក់ទំនងយោធានិងការទូតកាន់តែជិតស្និទ្ធក្នុងរយៈពេលប៉ុន្មានឆ្នាំចុងក្រោយ ចំពេលទំនាក់ទំនងរបស់ពួកគេជាមួយបស្ចិមប្រទេសមានភាពតានតឹង។

សមយុទ្ធកងទ័ពជើងទឹកនោះ ត្រូវបានឃ្លាំមើលយ៉ាងដិតដល់ដោយប្រទេសជប៉ុន ហើយទីក្រុងតូក្យូបាននិយាយកាលពីដើមសប្តាហ៍នេះថា នាវាមួយក្រុម មាន១០គ្រឿង មកពីប្រទេសចិន និងរុស្ស៊ី បានធ្វើដំណើរឆ្លងកាត់ច្រកសមុទ្រ Tsugaru ដែលពុះចែកកោះសំខាន់របស់ប្រទេសជប៉ុន និងកោះភាគខាងជើង Hokkaido។

ក្រសួងការពារជាតិរុស្ស៊ីបាននិយាយនៅក្នុងសេចក្តីថ្លែងការណ៍ថា “ក្រុមនាវា បានឆ្លងកាត់ច្រកសមុទ្រ Tsugaru ជាលើកដំបូងដែលជាផ្នែកមួយនៃការល្បាត”។

ការល្បាតនេះ គឺបង្ហាញពីភារកិច្ចរបស់រុស្ស៊ីនិងចិន ក្នុងការរក្សាសន្តិភាពនិងស្ថិរភាពនៅក្នុងតំបន់អាស៊ីប៉ាស៊ីហ្វិក និងការការពារប្រធានបទនៃសកម្មភាពសេដ្ឋកិច្ចសមុទ្រនៃប្រទេសទាំងពីរ។

គួរបញ្ជាក់ថា ច្រកសមុទ្រនោះ ត្រូវបានគេចាត់ទុកថាជាដែនទឹកអន្តរជាតិ៕

ប្រែសម្រួល៖ Vann Vann

ប្រភព៖ CNA

ចុចអាន៖ ចិន ធ្វើសមយុទ្ធយោធាជិតព្រំដែន តៃវ៉ាន់ ព្រមានបរទេសកុំហ៊ានជ្រៀតជ្រែកកោះនេះ

The post កំពុងតានតឹងជាមួយអាមេរិក ស្រាប់តែ ចិន និងរុស្ស៊ី ចេញល្បាតរួមគ្នាក្នុងមហាសមុទ្រ ប៉ាស៊ីហ្វិក appeared first on Kampuchea Thmey Daily.