Connect with us

ព័ត៌មានអន្ដរជាតិ

ចិន ធ្វើសមយុទ្ធយោធាជិតព្រំដែន តៃវ៉ាន់ ព្រមានបរទេសកុំហ៊ានជ្រៀតជ្រែកកោះនេះ

បានផុស

នៅ

លោក Ma Xiaoguang អ្នកនាំពាក្យការិយាល័យកិច្ចការតៃវ៉ាន់របស់ប្រទេសចិនបាននិយាយនៅថ្ងៃពុធនេះថា ប្រទេសចិនបានធ្វើសមយុទ្ធយោធានៅជិតព្រំដែនជាមួយកោះតៃវ៉ាន់ ដើម្បីការពារអធិបតេយ្យភាពជាតិរបស់ខ្លួន និងការពារការជ្រៀតជ្រែកពីបរទេសក្នុងទំនាក់ទំនងរវាងចិនដីគោក និងកោះនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកការទូតរូបនេះបានប្រាប់សន្និសីទកាសែតមួយថា “សមយុទ្ធកងទ័ពរំដោះប្រជាជនចិន (PLA) គឺជាសកម្មភាពចាំបាច់ ដើម្បីការពារអធិបតេយ្យភាព និងបូរណភាពទឹកដីរបស់រដ្ឋ” ។

លោក Ma Xiaoguang បានកត់សម្គាល់ថា សមយុទ្ធនេះក៏មានគោលបំណងការពារផលប្រយោជន៍របស់ប្រជាជនចិន ក៏ដូចជាផលប្រយោជន៍ជាក់លាក់របស់ “ជនរួមជាតិតៃវ៉ាន់” ខណៈដែលឯករាជ្យរបស់កោះនេះនឹងនាំមកនូវ “ផលអាក្រក់” ដល់ពួកគេ ។

លោកបានបន្ថែមថា “សន្តិសុខ និងសុខុមាលភាពរបស់ជនរួមជាតិតៃវ៉ាន់ អាចធានាបាន លុះត្រាតែមានការប៉ុនប៉ងរារាំងយ៉ាងម៉ឺងម៉ាត់នូវឯករាជ្យភាពរបស់តៃវ៉ាន់” ។

កាលពីសប្តាហ៍មុនរដ្ឋមន្រ្តីការពារជាតិរបស់តៃវ៉ាន់លោក Chiu Kuo-cheng បាននិយាយថា ទីក្រុងប៉េកាំងអាចនឹងពិចារណាបង្កើនការលុកលុយលើកោះនេះនៅត្រឹមឆ្នាំ ២០២៥ ។ សេចក្តីថ្លែងការណ៍នេះបានកើតឡើង បន្ទាប់ពីទីក្រុងប៉េកាំងបានបញ្ជូនយន្តហោះយោធាជិត ១៥០ គ្រឿងចូលទៅក្នុងតំបន់ការពារដែនអាកាសរបស់កោះតៃវ៉ាន់នៅថ្ងៃទី ១ ខែតុលា ។

គួរបញ្ជាក់ថា តៃវ៉ាន់ត្រូវបានគ្រប់គ្រងដោយឯករាជ្យពីប្រទេសចិនដីគោក ចាប់តាំងពីឆ្នាំ ១៩៤៩ ហើយទីក្រុងប៉េកាំងចាត់ទុកកោះនេះជាខេត្តរបស់ខ្លួន ខណៈកោះតៃវ៉ាន់ជាទឹកដីដែលមានរដ្ឋាភិបាលជាប់ឆ្នោតតាមបែបប្រជាធិបតេយ្យ បានប្រកាន់ខ្ជាប់ថា កោះនេះជាប្រទេសស្វយ័ត ក៏ដូចជាមានទំនាក់ទំនងនយោបាយ និងសេដ្ឋកិច្ចជាមួយប្រទេសជាច្រើនទៀត ដែលទទួលស្គាល់អធិបតេយ្យភាពរបស់ខ្លួន ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចិន ព្រមានផ្ទុះសង្គ្រាមលោកលើកទី៣ តៃវ៉ាន់ប្តេជ្ញាមិនឱនក្បាល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៨ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៨ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៩ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៩ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម